PARROT-TREE - Powered by Discuz! Board

標題: 我將會接收一隻咬毛的灰鸚鵡 [打印本頁]

作者: poppoptsui 時間: 2011-5-7 06:25 標題: 我將會接收一隻咬毛的灰鸚鵡

事源:
我老表個朋友(女人)佢有隻灰鸚,4歲,女.
由於工作太忙,早出晚歸,返到屋企也只是餵吓佢食野,長期在籠中,謹此.
加上呢隻雀係佢同上一手男友養的,現任男友非常唔妥佢,佢一嘈,就採用黑布朦頭政策,悲哀!
形成咬毛,同雙亦下垂+怪叫....
本著為求令佢脫苦海的心態膽粗粗接收佢.......
我冇試過同一時間養多一隻雀的經驗....
我隻仔灰鸚bubu,兩歲,日頭在企架,覺覺豬就入籠.
入正題:
我擔憂的是,怕bubu以為失寵,同埋見佢咬毛佢又咬埋一份.
開頭我會隔離下先,比bubu知道多左一個成員,而呢位成員,是有情緒病的.需要比更多時間同心機.希望bubu明白唔會發癲.
毫無經驗的我,各位請賜教,,支持!!!!!

作者: 養鳥新丁 時間: 2011-5-7 06:26

呢期又會咁多人接收灰鸚既

作者: tsw 時間: 2011-5-7 07:04

呢期又會咁多人接收灰鸚既
養鳥新丁發表於 2011-5-7 06:26

灰鸚..................價錢平

作者: 養鳥新丁 時間: 2011-5-7 07:10

灰鸚..................價錢平
tsw 發表於 2011-5-7 07:04

幾千蚊....

大仙覺得平

戶口一定最少有七個零

幾時到你買灰鸚啊

作者: tsw 時間: 2011-5-7 07:13

幾千蚊.... 大仙覺得平
戶口一定最少有七個零幾時到你買灰鸚啊
養鳥新丁發表於 2011-5-7 07:10

戶口只有0.0000007

作者: 養鳥新丁 時間: 2011-5-7 07:14

戶口只有0.0000007
tsw 發表於 2011-5-7 07:13

無法提取.....
仲要每月罰錢

作者: tsw 時間: 2011-5-7 07:14

如果金鋼有無人放

作者: 養鳥新丁 時間: 2011-5-7 07:15

如果金鋼有無人放
tsw 發表於 2011-5-7 07:14

金剛你又岩?

作者: tsw 時間: 2011-5-7 07:17

金剛你又岩?
養鳥新丁發表於 2011-5-7 07:15

係衰仔包仲岩

作者: 養鳥新丁 時間: 2011-5-7 07:18

係衰仔包仲岩
tsw 發表於 2011-5-7 07:17

送俾你喇~用細雞黎交換就得喇

作者: tsw 時間: 2011-5-7 07:23

送俾你喇~唔要啦
養鳥新丁發表於 2011-5-7 07:18

作者: 養鳥新丁 時間: 2011-5-7 07:25

tsw 發表於 2011-5-7 07:23

攞你命啊

作者: 真正 時間: 2011-5-7 08:55

你好有心呀~
加油呀~
佢真係好可憐...
帶左佢返屋企未呀﹖

作者: chuiyee0307 時間: 2011-5-7 09:28

如突然有新雀加入, 而你又想介紹新雀比你原有灰鸚知道的時候,
請不要抱著新雀走近原有灰鸚作介紹, (因為原有灰鸚覺得地位下降或失寵, 類似個D意思)
而是要抱住原有灰鸚走向新雀處作介紹(比原有灰鸚知道, 主人仍然是以佢為重, 類似個D意思),
這是之前爬文有見過的一種新雀介紹方法, 如有不對地方, 多多包涵

作者: 真正 時間: 2011-5-7 10:07

14# chuiyee0307

哇~呢個好得意喎﹗﹗

作者: louisa20047 時間: 2011-5-7 10:17

妒嫉心里樣野真係玩死唔少人

作者: chuiyee0307 時間: 2011-5-7 10:39

本帖最後由 chuiyee0307 於 2011-5-7 10:45 編輯

因為自己都有養灰鸚(茶茶), 雖然養左唔係好耐, 好似5個月,
在這5個月內, 茶茶對我的態度是有變化的, 舉其2個例子:

1. 妹妹LUX(雞尾)生EGG, 個段時期我擔心妹妹身體健康, 畢竟生EGG是傷身的, 這段時間照顧妹妹比較多,
茶茶在這段時期基本上是不比我摸頭, 仲有時發我脾四, 過完生EGG潮,之後, 大家就慢慢回復正常

2. LUX飛走左, 妹妹4月尾病過一場, 又要睇醫生, 又要餵食藥, 基本上這段時期是時時刻刻都是照顧妹妹,
真係去到覺得睇少陣, 妹妹就會好快''走左''的想法, 這段時期, 茶茶又像再次表現出佢的不滿,
唔比我摸頭仔, 同發脾四.......現在妹妹叫做好番, 茶茶又願意比我摸頭

從此覺得, 灰鸚都幾善變, 心情起伏比較大
可能個個經驗唔同, 這只不過是我家鸚鵡的相處經驗~~~

作者: carolee 時間: 2011-5-7 12:11

會員ｅｍｐｉｒｅ有相類似經驗，　佢原本有一隻灰鸚仔糖水，　後來收養了一隻嚴重咬毛灰鸚女，　而家已出番晒毛，　妳可ｐｍ佢交流下佢嘅經驗

作者: 小雲 時間: 2011-5-7 14:52

會員ｅｍｐｉｒｅ有相類似經驗，　佢原本有一隻灰鸚仔糖水，　後來收養了一隻嚴重咬毛灰鸚女，　而家已出番晒毛，　妳可ｐｍ佢交流下佢嘅經驗
carolee 發表於 2011-5-7 12:11

聽到都開心.

作者: 風中飛鸚 時間: 2011-5-7 15:01

1灰鸚鵡之所以咁多咬毛事件~因為佢地性格問題~唔係咁簡單~一個雀友成功就等於每隻都得~
相反我覺得成功個案罕見~因為一開始咬毛就等於吸毒~唔係咁易戒得到~不過pm交流一下都無防~只是提一提不能抱太高寄望~

2另外想回答tsw~好多時主人放棄鸚鵡~唔係錢銀問題首要~好多時幾萬元隻鸚鵡都唔要~(單由我手轉介送贈其他雀友的過萬元鸚鵡~數目已經好多~由我轉介送贈鸚鵡人士~我有幾個先決條件~
1不能因貪圖免費而收養~2是真正可以給一個安穩的家~不會再放棄~3經驗是次要~愛心是首選~4必定是註冊會員及已經註冊多時~確保不會將鸚鵡賣出~)

3你可以試下將咬毛灰鸚鵡放在籠~手拿原本的灰鸚鵡去籠面前探望~令原本鸚鵡感到自己是你的一方~
而短時間內~不能單獨取出咬毛鸚鵡~就算要上手~都要先上舊鸚鵡~後上新鸚鵡~永遠都要排名分先後~

作者: BoBoBoBo 時間: 2011-5-7 15:39

可以的話, 順便問問上手主人, 隻灰鸚的生活習慣, 平日食d 咩, 幾耐晒一次太陽, 有無放出來陪佢玩, 有無俾玩具佢玩, 平日在屋企有無人陪佢...

作者: 小雲 時間: 2011-5-7 15:52

1灰鸚鵡之所以咁多咬毛事件~因為佢地性格問題~唔係咁簡單~一個雀友成功就等於每隻都得~
相反我覺得成功個案罕見~因為一開始咬毛就等於吸毒~唔係咁易戒得到~不過pm交流一下都無防~只是提一提不能抱太高寄望~

2另外 ...
風中飛鸚發表於 2011-5-7 15:01

有道理, 說得好.

作者: vanessachan 時間: 2011-5-7 16:04

之前在盧X記見過一隻開始咬毛的亞馬遜,雀雀都幾可憐,每當有人行埋去佢都會講野.好似意識到,每一個行埋去睇佢的人都可能有給牠一個家的機會咁.我都曾有心軟,但怕了家中的灰鸚會因有新成員加入而咬毛....

作者: paladin 時間: 2011-5-7 16:14

唔識講啦~真係令人感覺灰灰似的

作者: 風中飛鸚 時間: 2011-5-7 16:19

我曾經轉送過好多隻咬毛灰鸚俾雀友~有成功有失敗案例~

作者: gameijk 時間: 2011-5-8 00:19

我家三隻都係醋王
個人入雀方法係凡事以原老為先、給水給糧出籠都以係、
然後訂一大籠原老先入,第二日、老二入住.第三日、老三入住,
邊個打雀鎖邊隻,
而家三隻一起、仲開始互相梳毛,
原老=灰英
老二=大葵
老三=豬觀

作者: sodagreensimon 時間: 2011-5-8 01:35

祝順順利利~~~

作者: Empire 時間: 2011-5-8 01:43

多謝Carol舉我做例子！
兩年前接了朋友的一隻嚴重咬毛的灰鸚女亞妹，心裏沒有太多固慮，沒有害怕家中的灰鸚仔糖水會唔會唔鐘意，會唔會咬毛！衹是一心希望給亞妹一個安穩的家！希望佢可以靚番哂！唔再咬毛！可惜亞妹唔鐘意我，見到我隻手會追著咬，仲好鬼惡噤講”no 呀”！但我老公就可以任摸任鍚，任攬任抱，一點都冇抗拒！縱使係我不能同亞妹有任何接觸，我每天都會同佢講吓嘢，換水換糧及清潔！做佢呀四！一年後亞妹已經靚番哂！大約半年前亞妹仲願意上我手，攞佢去磅重！我仲可以摸吓佢腳指仔，其他地方就唔比摸！不過我已經好開心，好恩惠了！希望終於有一天亞妹會比我任摸任錫，那就很好了！

作者: Empire 時間: 2011-5-8 02:11

至於我的灰鸚仔糖水，已經和我相處了3年半了！我相信糖水是應該知道我對佢嘅愛，從來都冇少過，而且與日俱增添！佢沒有任何嫉妒，沒有任何發脾氣，還會經常叫：亞妹，乜嘢事呀！過黎呀！鍚錫！仲想同亞妹玩，不過亞妹就唔so佢！不過每隻灰鸚有不同性格，不可以一慨而論！我可能是幸運的一個！希望你也是如此！

作者: joankong 時間: 2011-5-8 11:34

屋企五隻鸚鵡,三隻都係接手返黎,分別係黃頸,灰鸚同中葵,而屋企原本個兩隻係栗額同中葵
黃頸綠怡攞返黎個時已經好怕人,連主人行埋去都會周圍撲,見到我就只肯上我手,到而家都係咁,
灰鸚dolly就有咬毛既習慣,雖然而家都仲有,但比以前少,前主人比佢咬到七彩,但由我接佢返黎第一日開始佢都冇咬過我,仲同我好close添,但就唔鍾意我老公,
中葵一仔好乖,係人都摸得,但當我同原本屋企中葵寶寶玩個陣,佢就會唔鍾意,想咬寶寶,當我同一仔玩個陣,寶寶又會痴到我實一實,
而最冇所謂既要算隻栗額bb,佢係屋企既第一隻,跟我老公多d,以前仲親手埋去一定咬,而家已經可以比我摸同上我手,
就算同一品種,但隻隻既性格都一定唔同,我就冇話新雀返黎會特別介紹,我通常由得佢地自由發揮,咁多隻一齊,爭寵一定會有,但機本上都係以黎我屋企既先後排先

作者: Empire 時間: 2011-5-8 12:43

我又無先後排先! 順手就OK!

糖水仔係我第一隻鸚鵡, 反而換水換糧&玩, 佢係最尾果個, 佢唔會嬲! 好大方~

作者: poppoptsui 時間: 2011-5-9 03:57

多謝大家既意見,感動

因太忙了,會盡量抽時間慢慢睇晒你們的留言.
由於老表出左差,兩星期後先返,所以接灰鸚返唻應是兩星期後既事了,我都好想快d可以見到佢.
到時影相比大家睇睇.

歡迎光臨 PARROT-TREE (http://forum.parrot-tree.com/)