PARROT-TREE - Powered by Discuz! Board

標題: 小達摩病了? 求救 [打印本頁]

作者: 小達摩 時間: 2011-5-22 07:37 標題: 小達摩病了? 求救

我隻怪獸5日前D毛有D鬆，於是餵SANTALINA K3，5日來性格變乖了，出少了聲，唔多咬人，有食野(少量奶+適量合成量)，今日開始唔食奶，只吃少少合成量，請大家給點意見，怪獸有什麼病?要注意什麼?

作者: 養鳥新丁 時間: 2011-5-22 07:38

有冇大張d既相啊~睇唔清楚

作者: 小達摩 時間: 2011-5-22 08:08

2# 養鳥新丁

作者: 小達摩 時間: 2011-5-22 08:09

謝謝新丁，請問要睇醫生嗎?

作者: tsw 時間: 2011-5-22 08:28

謝謝新丁，請問要睇醫生嗎?
小達摩發表於 2011-5-22 08:09

又餵抗生素

作者: 小達摩 時間: 2011-5-22 08:35

怪獸D便便係綠色水的，有一條綠色軟便
請問大家，怪獸要睇醫生嗎?

作者: tsw 時間: 2011-5-22 08:42

怪獸D便便係綠色水的，有一條綠色軟便
請問大家，怪獸要睇醫生嗎?
小達摩發表於 2011-5-22 08:35

有無便便D相?如果綠色軟便是正常!

作者: 小達摩 時間: 2011-5-22 09:06

7# tsw

作者: tsw 時間: 2011-5-22 09:12

7# tsw
小達摩發表於 2011-5-22 09:06

我覺得無嘢喎!唔好餵抗生素。最重要有食嘢,如果唔放心就睇睇醫生。

作者: 小達摩 時間: 2011-5-22 09:15

9# tsw

謝謝tsw，我再觀察佢兩三日，仲有請問雀仔食左抗生素係唔係會靜好多，感覺乖左?

作者: tsw 時間: 2011-5-22 09:24

9# tsw

謝謝tsw，我再觀察佢兩三日，仲有請問雀仔食左抗生素係唔係會靜好多，感覺乖左?
小達摩發表於 2011-5-22 09:15

無病唔好用抗生素

作者: lunz 時間: 2011-5-22 10:53

腸炎...

唔好用抗生素....http://forum.parrot-tree.com/vie ... &extra=page%3D2

作者: 小達摩 時間: 2011-5-22 21:03

12# lunz

謝謝

作者: vanessachan 時間: 2011-5-22 21:48

如果雀雀"變乖了"已經係病的表現了.最好還是睇醫生.因為牠們的身體弱了,不太有精神才變得"乖".之前都有好多帖子講,病雀通常乖,乖雀通常病.

作者: wendy2307 時間: 2011-5-22 22:43

你隻達麼幾大 ( 睇相應該好細 ) ? 食什麼奶 ? 有冇沖涼? 有冇出過街 ? 有冇吹過風扇或冷氣 ?
快d俾燈佢照或用布蓋籠,讓它休息保暖,你那些雀粟是彩鳳食的,我的達魔吃有殼的粟或瓜子,你可試俾少少蘋
果,或一啖葡萄糖水佢,睇佢重有冇胃口,我隻達麼也是由細湊大,希望幫到你

作者: rainny 時間: 2011-5-23 10:23

你隻達犘BB有無流鼻水O個O的呀??
我隻達摩BB O係照燈同換糧之後有好轉~~
大家教我餵 HARRISON O既奶~

作者: 風中飛鸚 時間: 2011-5-23 10:44

1你頭答尾買左幾耐?
2最近有什麼變化?搬屋/轉糧/轉籠/食過另類食物/咬爛過金屬/家中噴殺虫水/杜白蟻/沖涼/落街/吹風/長途車船之類?
3見到你用籠養~現在用濕布將籠的3面罩住~令濕度提高~再用暖燈從側面照入~將籠內溫度提升到30度至35度~
4你的鸚鵡是生病了~在睇醫生前盡量將環境調節到鸚鵡最舒適~

5希望你盡快解破到第2題~我們盡快決定是否急需睇醫生~

作者: ECKO 時間: 2011-5-23 10:58

奶的溫度唔夠亦會唔食奶.

作者: 風中飛鸚 時間: 2011-5-23 11:03

奶的溫度非常重要~要夠熱~鸚鵡會比較搶口~易消化~如果你將奶粉開到微暖或凍~咁就唔得架啦~

作者: carmenchungkm 時間: 2011-5-23 14:23

祝, 早日康復!

作者: 小達摩 時間: 2011-5-23 22:46

17# 風中飛鸚

謝謝樓主，我養了怪獸兩個月，老闆說買回來的差不多兩個月大。
因牠少吃了奶，開始吃瓜子及細粒紅色一粒粒的糧(見圖)，然後我買了另外的合成量(見圖)及多加了瓜子。此外，有噴過少少消毒液，但是在離開籠噴的，我還記得牠吃了一點報紙。
今晚剛看完大圍醫生，她說怪獸可能有鸚鵡熱，給了抗生素(見圖)，一日服兩次，她還說怪獸的情況很不樂觀，隨時會死的，嗚嗚...
樓主，請問我還可以做什麼? 我已經做了第3項你建議的事....

作者: 小達摩 時間: 2011-5-23 22:52

15# wendy2307

我隻怪獸應該只有4個月大，而家食老闆娘D黃色奶粒+白色葡萄糖，還會吃合成糧(見圖)，佢無沖涼、有出過街(復活節時)，我帶了佢去睇大圍TIGER，佢話佢可能有鸚鵡熱，俾左抗生素佢食(見圖)。

作者: 小達摩 時間: 2011-5-23 22:55

16# rainny

佢無流鼻水，之前一日打了一兩個噴嚏

作者: 小達摩 時間: 2011-5-23 22:56

謝謝各位高人教路，希望怪獸會好番

作者: louisa20047 時間: 2011-5-23 23:04

我建議你唔好俾瓜子佢食住
一黎佢得四個月
個素囊未必夠厚放硬野
(之前見過有人話好易會整親素囊)
二黎佢病緊
瓜子主要成份係油
營養唔多
三黎BB消化瓜子好慢
變左食少左野
容易瘦

作者: legmond 時間: 2011-5-23 23:05

又係鸚鵡熱!大圍間野 D雀去睇多數都話鸚鵡熱=.= 有冇甘多鸚鵡熱呀

作者: legmond 時間: 2011-5-23 23:07

大圍間野好似係黑店黎

作者: louisa20047 時間: 2011-5-23 23:13

之前好似又有雀友去大圍睇
又係鸚鵡熱

作者: 小達摩 時間: 2011-5-23 23:15

醫生建議怪物BB進行45天療治，需連續住45天隔離病房，一天需要$1000~$1500
急診費需要$1600, 唉哭

作者: louisa20047 時間: 2011-5-23 23:21

本帖最後由 louisa20047 於 2011-5-23 23:23 編輯

醫生建議怪物BB進行45天療治，需連續住45天隔離病房，一天需要$1000~$1500
急診費需要$1600, 唉哭
小達摩發表於 2011-5-23 23:15

自己隔離啦
有咩事
診所夜晚冇人
哂氣

連續住45天隔離病房
點睇都似禁水魚多D

作者: 小達摩 時間: 2011-5-23 23:25

我梗係知佢禁水，真係有D感慨，獸醫都知係禁水，但都應該唔好咁離譜，應該要有少少醫德，佢仲講了好多句唔住院今晚好大機會會瓜...之後又話住院都會瓜，但照顧會好D

作者: 小達摩 時間: 2011-5-23 23:26

28# louisa20047

已經抽起了所有瓜子，謝謝!

作者: louisa20047 時間: 2011-5-23 23:31

我梗係知佢禁水，真係有D感慨，獸醫都知係禁水，但都應該唔好咁離譜，應該要有少少醫德，佢仲講了好多句唔住院今晚好大機會會瓜...之後又話住院都會瓜，但照顧會好D
小達摩發表於 2011-5-23 23:25

最憎D人離哂譜明禁水

作者: louisa20047 時間: 2011-5-23 23:32

28# louisa20047

已經抽起了所有瓜子，謝謝!
小達摩發表於 2011-5-23 23:26

唔駛客氣
只係分享下經驗

作者: TAMMY 時間: 2011-5-23 23:32

本帖最後由 TAMMY 於 2011-5-23 23:33 編輯

醫生建議怪物BB進行45天療治，需連續住45天隔離病房，一天需要$1000~$1500
急診費需要$1600, 唉哭
小達摩發表於 2011-5-23 23:15

仲貴過狗仔睇醫生喎!

作者: louisa20047 時間: 2011-5-23 23:34

仲貴過狗仔睇醫生喎!
TAMMY 發表於 2011-5-23 23:32

貴到唔合理

作者: tsw 時間: 2011-5-23 23:37

鸚鵡熱治療方法:
口服Doxycycline 25mg/kg 每日服藥二次，連續給藥45天。但可能引起嘔吐。

作者: 小達摩 時間: 2011-5-23 23:37

所以我帶回怪獸回家，提供溫暖舒適環境，希望抗生素幫到牠，最重要靠牠自己!
加油!加油!怪獸

作者: louisa20047 時間: 2011-5-23 23:40

32# 小達摩

可唔可以講下支藥幾錢
我想比較下醫生D藥同出面相差幾錢

作者: louisa20047 時間: 2011-5-23 23:42

所以我帶回怪獸回家，提供溫暖舒適環境，希望抗生素幫到牠，最重要靠牠自己!
加油!加油!怪獸
小達摩發表於 2011-5-23 23:37

唔好空肚食藥
有機會會嘔吐
(我都有一支藥)

作者: TAMMY 時間: 2011-5-23 23:43

各位師兄師姐, 有冇仁醫推介下, 等我地D新丁唔使咁旁惶.

作者: 小達摩 時間: 2011-5-23 23:44

當然可以啦!!
急診費連藥一共是$1600

作者: tsw 時間: 2011-5-23 23:44

[quote]所以我帶回怪獸回家，提供溫暖舒適環境，希望抗生素幫到牠，最重要靠牠自己!
加油!加油!怪獸
小達摩發表於 2011-5-23 23:37

[/qu

披衣病菌可以經由雀鳥傳給人類,尤其是病人,長者或失去免疫能力人士 (例如癌症病人或愛滋病人) 更容易受到感染。由於人類感染病菌後會有機會被誤為流行性感冒,因此當接觸過雀鳥後,而又有一段時間有感冒病徵的話,便應立刻徵詢醫生意見並提出曾經接觸過雀鳥一事。

作者: louisa20047 時間: 2011-5-23 23:47

各位師兄師姐, 有冇仁醫推介下, 等我地D新丁唔使咁旁惶.
TAMMY 發表於 2011-5-23 23:43

我見好多人/討論區都話銅鑼灣動物醫院dr.frank唔錯
不過我冇去過

作者: louisa20047 時間: 2011-5-23 23:48

當然可以啦!!
急診費連藥一共是$1600
小達摩發表於 2011-5-23 23:44

好貴呀

我支藥都係幾百咋

作者: wendy2307 時間: 2011-5-23 23:50

你d雀粟是中大雀食的,小達麼不會吃,尤其是佢重係bb,快d試餵d較熱的奶,睇佢有冇胃口,出過雀街可能惹了病菌或中暑,噴了什麼消毒液?雀用定家庭用?通常雀雀不會吃報紙,只是好似人食檳榔咁,'每'完吐返出來,如果佢真係食左,咁就要俾多d木瓜類佢吃,將d報紙排出來.去雀街用什麼交通工具?去完雀街多少天? 家中放什麼位置?有其它動物嗎?精神怎樣?

作者: louisa20047 時間: 2011-5-23 23:50

42# 小達摩

你自己都要小心
鸚鵡熱可以傳俾人
唔好同佢咁close住啦

作者: TAMMY 時間: 2011-5-23 23:53

我見好多人/討論區都話銅鑼灣動物醫院dr.frank唔錯
不過我冇去過
louisa20047 發表於 2011-5-23 23:47

等我集低先, 以便不時之需.
Thx!

作者: legmond 時間: 2011-5-24 00:23

大圍間野成班都係庸醫黎睇人弱點來呃$ 又成日嚇鬼講到病情好嚴重醫又死5醫又死好廢話正人渣

作者: legmond 時間: 2011-5-24 00:30

有冇打俾飛鸚求救? E家最重要同佢保暖 5好吹風希望佢冇事早日康復LA

作者: shairley 時間: 2011-5-24 01:02

祝早好番

作者: 小達摩 時間: 2011-5-24 07:28

46# wendy2307

我用的是家庭用"滴露"，去雀街時係搭小巴，已經是兩個月前了，家中沒有其他動物，只是2個星期前死了另一隻小達摩..

作者: carolee 時間: 2011-5-24 08:22

要連續食45日抗生素, 會唔會好傷身?

銅鑼灣動物醫院的DR FRANK我家小寶有睇過, 相當不錯, 對雀鳥好有經驗好細心, 價錢相對算便宜, 預約電話: 2510 0836

祝早日康復!

作者: wendy2307 時間: 2011-5-24 09:11

前2星期死的是否也是bb ? 知道原因嗎 ? 有否清洗乾淨個籠及屋企 ( 如上一隻是病死) ?
小達麼現在精神怎樣 ? 昨晚有吃東西嗎 ? 有冇叫 ?

作者: hamic 時間: 2011-5-24 10:47

我之前的珍珠都有過一次在CWB睇的經驗, 佢地會驗屎確定係咪鸚鵡熱架喎!! 點解大圍只話"懷疑"架? 照上次個E生講:鸚鵡熱同普通感冒食嘅抗生素療程唔同架; 所以最好確定左先好呀!!
雖然我的珍珠最後都救唔返, 但比較你講的大圍好似唔多合理喎!! 真係要小心D.... 祝怪獸早日康復

作者: Amazonshan 時間: 2011-5-24 10:51

本帖最後由 Amazonshan 於 2011-5-24 11:03 編輯

圖片睇到隻雀企係棲木企到高高和隻眼曾到大大,如果是病的話隻雀會坐係棲木或籠底的一角,獸醫話佢隨時會死,
吾冇話獸醫,醫生有時都係段故,試完呢隻藥吾得試第二隻,
圖片D便便青色是正常,呢D便便是BB自己初學食野時好常見到,
原因是有乜野食落肚,佢祗係咬碎的糧你就以為佢有食到野落肚 ,
圖片可以見到D便便一D糊仔粉屎都沒有,你話隻雀病有可能長期飢餓做成,
吾知你有沒有和牠磅重?
好多時BB到呢個時間是比較麻繁吾肯食糊仔,所以要監佢食,(記住吾係飲奶是食糊仔),一份糊仔粉開2-3份水,
而我自己要用4-5星期來小心觀察才放心比佢地自行食野!

作者: 爆谷 時間: 2011-5-24 10:52

祝怪獸快快好番，健康快樂！

作者: hamic 時間: 2011-5-24 11:07

本帖最後由 hamic 於 2011-5-24 11:09 編輯

26# legmond

就算CWB, 一聽到雀雀喺雀街買的, 都是很懷疑雀雀有鸚鵡熱; 可能雀街環境實在太...... (這是我上次睇CWB的經驗!)

作者: 風中飛鸚 時間: 2011-5-24 11:13

又要長編大論~字數可能太長~焗住要分段推出~
以下是個人見解~與事實未必相同~

全世界醫生包括獸醫/中醫/西醫/都有醫好過的個案~必定有人話佢好~又必定有人話佢衰~
我們以鸚鵡樹的宗旨去指引~當然以最多人讚為首選推介~但都不能代表100%能醫得好~只是比較有醫德~有良知~(此段完)

照症論症~你的鸚鵡是兩個月前在雀街買入~當時買入兩隻~其中一隻中前已經死亡~
又以我個人經驗所得~100隻小達魔死99隻半~你到今日為止~都係死左50%~算高架啦~
你買兩隻~死左一隻半~是幸運兒中的幸運兒~(此段完)

我有朋友在雀街打電話給我~見到小達摩bb買1000元~問我買唔買得過~我回答是~送俾你講句多謝有心~
轉身離去好啦~免得睇幾千元醫生~囉番條屍~叫你正正經經買隻藍頭亞馬遜一萬幾千你又話貴~這幾年你所養死的小達摩連睇醫生~買對雙黃頭亞馬遜都得啦~(此段完)

講番小達摩~你情況係買之前已經感染~而你的達摩bb抵抗力算是非常好~但事實情況不樂觀的~
你只可以將他的生命盡量拖長~希望佢自己能夠好番~而醫生開的藥~食完再打電話俾我~
我現在家中沒有鸚鵡bb~是非常罕有~我現在想辦法取回暖箱~希望可以幫到你~~(此段完)

如果我能夠接手幫你~萬一死雀~請你幾遠都取回屍體~我真係唔想再聽到人話~我囉左去買~(死雀都有得賣?)~(此段完)

你現在照我方法去餵藥餵食~暫時令鸚鵡以最佳環境去自我康復~大家保持電話聯絡~~(此段完)

曾經在我手上死的鸚鵡~多如天上流星~救回一命亦有如恆河沙粒~(比喻姐~唔好插~只是代表數目多的意思)
生死有命~最後一步~我分文不取~給主人最後一個寄望~而病鳥也可以得到適合自己環境去對抗病魔~~(此段完)

作者: Amazonshan 時間: 2011-5-24 11:27

醫生建議怪物BB進行45天療治，需連續住45天隔離病房，一天需要$1000~$1500
急診費需要$1600, 唉哭

D費用有冇咁離普呀

隔離都係40日啫,仲要噏多5日!

作者: legmond 時間: 2011-5-24 11:33

d收費平過養和

作者: legmond 時間: 2011-5-24 11:35

大圍間野真係不用多講 1個宇(西)

作者: sesese 時間: 2011-5-24 11:43

"行運醫生醫病尾", 醫生醫好你隻鸚鵡, 你會讚到佢上天, 醫不好, 你們踩到人變地底泥. 日常的食物是否合適自己的鸚鵡? 大家有沒有檢視過? 有沒有做過資料搜集? 大家不應隨便說人是黑店, 因為這樣對人很不公平.

作者: Raco 時間: 2011-5-24 11:45

46# wendy2307

我用的是家庭用"滴露"，去雀街時係搭小巴，已經是兩個月前了，家中沒有其他動物，只是2個星期前死了另一隻小達摩..
小達摩發表於 2011-5-24 07:28

我養雀以後, 已經不再用"滴露, 藍x寶"之類嘅物品消毒, 只用熱水拖地

因為我嘅雀雀會俾佢通屋走, 免得佢食到d殘留嘅消毒劑而引致有病

作者: vanessachan 時間: 2011-5-24 11:45

講句公道說話,雀街班雀販信唔過.仲有佢地將鸚鵡年齡報大數,因為我中過招.一隻剛出齊毛的灰鸚,連野都未識食,同我講有6個月,去到睇醫生話佢比到盡得3個月.你話在這樣的情形下,有幾多新手主人間接養死雀.而且,雀BB的抵抗力好低,鸚鵡熱亦是在雀鳥之間一種普遍的傳染病.(本人在大學時讀過下,對鸚鵡熱有點皮毛認識).同時你亦要清楚雀街的衛生情況吧!不是那些醫生係唔係都話鸚鵡熱,可能只是有好多人在雀街買了有鸚鵡熱的雀拿去給他們醫吧!正如人們去睇醫生一樣,差不多個個醫生都係話感冒啦.唔通果D醫生又係運桔咩,自己亦希望是感冒不是什麼大病啦.同埋,好實際地講一句,這句說話在這裡已出現左10萬次有多,雀仔睇醫生同貓狗唔同,係好貴的,所以養之前一定要有心理同金錢準備.極同意以上飛鸚主席的見解.

作者: 養鳥新丁 時間: 2011-5-24 11:45

"行運醫生醫病尾", 醫生醫好你隻鸚鵡, 你會讚到佢上天, 醫不好, 你們踩到人變地底泥. 日常的食物是否合適自己的鸚鵡? 大家有沒有檢視過? 有沒有做過資料搜集? 大家不應隨便說人是黑店, 因為這樣對人很不公平.
sesese 發表於 2011-5-24 11:43

十分同意

作者: lam_ot 時間: 2011-5-24 12:03

希望你的小達摩早日康復
之前我的雞尾有點問題, 大家都不建議去大圍,我想我現在明白為什麼了
幸好小問題已經解決了,但非常明白雀雀病了時徬徨的心
不帶牠看醫生又不是,帶牠看又肉在針板上任人劏
最好有多幾位雀友幫忙,個心定d,也不會心急又亂下決定

作者: wendy2307 時間: 2011-5-24 12:12

希望你隻小達麼只是餓親,快d好返

作者: vanessachan 時間: 2011-5-24 12:12

其實我就是那個成功例子.我的鸚鵡當時在訓左在籠底奄奄一息,是Dr.tiger在死神手上把牠搶回到我的身邊.留院5天,每日都有向我講解用藥治療後的情況.出院時佢仲教我如何去養鸚鵡,我跟足她講的方法去做,現在我的灰鸚養到有42cm長,還在這裡學會兩句英文,一句狗話添.此外,佢地都同我講話雀街的雀雀好多都有鸚鵡熱or PBFD,同之前那位雀友都話銅鑼灣的獸醫都係咁講.所以<< 不應隨便說人是黑店>>!!

作者: 風中飛鸚 時間: 2011-5-24 14:37

預防勝於治療~大家要好好保護自己的鸚鵡~就冇咁易病啦~我從未帶過自己的鸚鵡去睇醫生~
而樓主的情況~好大機會是在買之前已經感染~既然已經買左~就盡力去救啦~但如果要睇幾萬元醫生~我本人就唔考慮~但我認識有朋友醫隻lb用左好多錢~(打死唔俾我講數目)(此段完)

我們再客觀d睇:
在醫生角度出發~如果動物能夠留醫~係方便觀察照顧~
在主人角度睇~留醫幾百元一日~郁下手就一萬幾千~對d剛剛買左一星期新雀~又係好難取捨~
(此段完)

如果有一班獸醫~願意抽一段時間做義工~咁就好啦~

作者: 風中飛鸚 時間: 2011-5-24 14:42

剛剛又收到鸚鵡蛋~今次品種也是非常珍貴~恐怕不能幫忙樓主照顧小達摩~
不是鸚鵡品種平貴問題~是機會率問題~如果樓主信我~可以每日電話聯絡~我願意和你一起分擔~

作者: 養鳥新丁 時間: 2011-5-24 14:47

剛剛又收到鸚鵡蛋~今次品種也是非常珍貴~恐怕不能幫忙樓主照顧小達摩~
不是鸚鵡品種平貴問題~是機會率問題~如果樓主信我~可以每日電話聯絡~我願意和你一起分擔~
風中飛鸚發表於 2011-5-24 14:42

金剛蛋嗎

作者: 小達摩 時間: 2011-5-24 16:22

54# wendy2307

已經徹底消毒了籠，昨晚有吃小量奶，今天不吃了，我改用了針筒強迫牠吃了奶及飲葡萄水

作者: 小達摩 時間: 2011-5-24 16:27

59# 風中飛鸚

飛鸚:
很多謝你!希望你盡快取回暖箱，有你這樣專業的人照顧怪獸我很放心的，如果牠最後死了，我一定會取回牠，同埋葬牠，我已有心理準備，你說的生死有命我已記在心中的。
                                                                                                                                       小達上
                                                                                                                                    24-5-11
                                                                                                   4:26PM

作者: wendy2307 時間: 2011-5-24 16:37

你住邊頭 ? 我上次隻雀病我用金字塔幫佢,如你相信,我可借俾你試,希望幫到佢,而家佢精神點?有冇俾燈佢照保暖 ?祝快d好番

作者: 風中飛鸚 時間: 2011-5-24 16:56

金剛蛋嗎
養鳥新丁發表於 2011-5-24 14:47

有些主人希望低調處理~(怕隻蛋小氣)唔想公開~想好似小明咁~一兩個月大啦~先公開相片~

作者: 小達摩 時間: 2011-5-24 17:01

75# wendy2307

真的謝謝你，我住筲箕灣，我會來你的區分取的，希望你盡快回覆，我的電話號碼是( 67121341/62238245)，而家照左燈D毛好D

作者: 小達摩 時間: 2011-5-24 17:03

76# 風中飛鸚

謝謝! 有問題我會找你的。

作者: 風中飛鸚 時間: 2011-5-24 17:45

76# 風中飛鸚

謝謝! 有問題我會找你的。
小達摩發表於 2011-5-24 17:03

每日找我的電話好多~多你一個濕濕碎~

作者: vanessachan 時間: 2011-5-24 20:54

飛鸚,我只是一個經常會上鸚鵡樹討論區,但不是會員的人,如果我有問又可唔可以打比你問野?唔敢隨便打比你,怕你唔識我,打比你會騷擾到你.

作者: 小達摩 時間: 2011-5-24 21:03

今日怪獸只飲了奶及抗生素，請看看佢D便便，變了樣，沒有之前的那麼綠，毛不靚的，請各位給點意見....

作者: Mr_fran 時間: 2011-5-24 21:07

今日怪獸只飲了奶及抗生素，請看看佢D便便，變了樣，沒有之前的那麼綠，毛不靚的，請各位給點意見....
小達摩發表於 2011-5-24 21:03

努力......加油......不要放棄.....

作者: Mr_fran 時間: 2011-5-24 21:08

今日怪獸只飲了奶及抗生素，請看看佢D便便，變了樣，沒有之前的那麼綠，毛不靚的，請各位給點意見....
小達摩發表於 2011-5-24 21:03

努力......加油......不要放棄.....

作者: 小達摩 時間: 2011-5-24 21:29

多謝大家鼓勵，剛影了新的便便

作者: tsw 時間: 2011-5-24 21:42

好多水份

努力......加油......

作者: 風中飛鸚 時間: 2011-5-24 22:07

1籠內溫度幾多?

2今晚最後一次藥和奶之後~用濕布罩好~關燈~只有暖燈~令環境黑暗~供給足夠安靜10小時俾佢補充體力~

作者: vanessachan 時間: 2011-5-24 22:46

其實鸚鵡熱用抗生素治療是最有效的,而雀雀的尿液已經無咁綠,證實D藥已發揮作用了.雀雀D尿液綠色其實就是鸚鵡熱的指徵.繼續努力吧.

作者: 小達摩 時間: 2011-5-24 22:47

我已經用溫燈24小時提供足夠溫度，多謝您的提議用濕布圍住三面保持溫暖。剛剛用針筒餵了2ML奶，發覺牠的便便正常同之前差不多，但是發現怪獸腳發軟，全身沒力，好擔心!

作者: louisa20047 時間: 2011-5-24 22:49

我已經用溫燈24小時提供足夠溫度，多謝您的提議用濕布圍住三面保持溫暖。剛剛用針筒餵了2ML奶，發覺牠的便便正常同之前差不多，但是發現怪獸腳發軟，全身沒力，好擔心!
小達摩發表於 2011-5-24 22:47

佢會唔會食得太少野?

作者: 小達摩 時間: 2011-5-24 22:56

我大概每2~3小時用針筒餵牠吃奶(其實牠不願意再吃)，每次約2~3ML，另用針筒餵牠葡萄糖水每次1.5~2ML
希望牠有食物幫助打細菌病毒。

作者: louisa20047 時間: 2011-5-24 23:02

我大概每2~3小時用針筒餵牠吃奶(其實牠不願意再吃)，每次約2~3ML，另用針筒餵牠葡萄糖水每次1.5~2ML
希望牠有食物幫助打細菌病毒。
小達摩發表於 2011-5-24 22:56

你不如俾少少果汁佢
有維他命會好少少

作者: carolee 時間: 2011-5-25 11:39

陰公, 個樣好病

小雲幾個月大時被行雷閃電嚇親, 生了一場大病, 幾乎命仔不保

果時醫生教我把她儘量放在一個窄小的籠子裡(最好轉唔到身, 我找來一個細的行街箱), 拿走企棍, 讓她伏在籠裡休息, 放在一個安靜, 不受搔擾的地方, 熄燈, 用黑布遮到冇光, 保暖, 籠裡放小杯食物和水, 只喂藥時去看看她, 等佢可以完完全全休息

我覺得E個比佢休息嘅方法好有效, 戓者你可以試下

作者: 風中飛鸚 時間: 2011-5-25 12:17

2-3ml太少~盡量餵多丁屎~

作者: leawong 時間: 2011-5-29 23:02

1# 小達摩

佢好可愛哦... rip

歡迎光臨 PARROT-TREE (http://forum.parrot-tree.com/)