PARROT-TREE - Powered by Discuz! Board

標題: 怪獸走了 [打印本頁]

作者: 小達摩 時間: 2011-5-25 17:49 標題: 怪獸走了

本帖最後由小達摩於 2011-5-25 17:51 編輯

多謝大家對怪獸的關懷及支持!特別是飛鸚和wendy2307 ，很不幸地，今早怪獸已經離開了....
2011年4月2日，我和太太到雀仔街，本想買一對彩鳳來養，後來在黃X記看到小達摩BB很可愛，又自信曾經養了很多年彩鳳，可以養大牠們，就買了兩隻回家。路上一隻不停叫，一隻較安靜，就將乖的改名為BB，不停叫的叫怪獸。
記得我們由旺角到筲箕灣，坐了小巴，結果兩隻小達摩不停在小巴上叫，好像BB叫，令乘客很疑惑:為什麼聽到BB聲，但看不到BB....牠們不停叫，是因為司機的技術太厲害，令車上人和動物也搖得內臟也跌了出來，我知道達摩牠們暈車浪，早知就坐港鐵，這是我對牠們的第一件錯事，令牠們受苦了。
回到家，養了一會，發覺BB很乖，會上手，怪獸不太願意上手，我和太太就說人怕改壞名，原來雀仔也一樣。
過了網友說的危險40天(以為牠們會長大成鳥)，雖然每天也很忙地照顧牠們，但感覺值得，太太也常說，快些長大學人話，我笑道說，教牠們說粗言。另外，牠們帶給我和太太一種感覺，好像大家為著一個目標努力，將孩子養大一樣。
復活節後，惡夢開始來臨了，兩星期前的週六，BB在幾個小時內突然離開。太太很喜歡牠，BB死了，太太說了些傻話，哭了又哭，令我很擔心。今天，怪獸又走了，太太的心情剛好了些，現在又要令她再傷心了，我作為她的丈夫卻做不了什麼來改變，感到自己有點不中用。
怪獸的死去，我做錯了，看牠有一點鬆毛和打噴嚏，就認為應盡快給抗生素，牠吃了身體就差了很多，很後悔自己當初的決定...為什麼落藥前不問問有經驗的網友? 問問飛鸚呢?
今天，請各位網友自問不是養雀專家，不要到雀街買BB鸚鵡(100隻死99隻)，或告訴想買的朋友不要買，太難養了，網友說了很多:買回來以前已經有很多病，是無法察覺的，我就是不聽勸告，認為有能力養大BB鸚鵡，自信只要肯花心機，人定可以勝天，結果累死了兩隻，也帶來了傷感遺憾。

作者: 養鳥新丁 時間: 2011-5-25 17:50

振作

作者: louisa20047 時間: 2011-5-25 17:58

雖然咁講可能有D殘忍
但係佢地BB鸚鵡100隻死99隻
唔係全部都係你地責任
而且係另一個角度睇
R.I.P.比起生病受苦
其實可能對佢地更好

作者: 風中飛鸚 時間: 2011-5-25 18:12

1完全與你無關~就算是大圍的主診獸醫買了這兩隻鸚鵡回家~結果也是一樣~

2由你第一次打電話給我~已經暗示千次~給他一個舒適環境~好好離世~留醫結果也是一樣~(可能仲死得快)

3當時其實兩隻都想咬死你兩公婆~只可惜一隻病到就死~唯有乖乖俾你兩個改名bb~另一隻仲有丁多力氣~當然抗拒下啦~

4你們所坐的小巴沒有令他們不適~因為他們早前一直在坐海盜船~剛剛落船~你架小巴濕濕碎~

5你和太太不用傷心~事件與你們無關~你們已經給他最好~不要再買小達摩bb啦~

6我每年所求救的bb~以小達摩計算~只有一位資深會員的小達摩~能救回~希望佢見字同你分享下生關死劫~

作者: ngkare 時間: 2011-5-25 18:18

別太自責!
怪獸小朋友, RIP!

作者: hamic 時間: 2011-5-25 18:33

... 我之前都有差不多遭遇, 雖然唔係小達摩, 但都曾傷心過... 或者用另一個角度看, BB &怪獸總算曾經有過開心舒適日子, 有人錫總比死在雀街幸福多吧! 別太傷心....
BB & 怪獸 RIP~

作者: vanessachan 時間: 2011-5-25 18:54

還以為牠的尿液無咁綠色是好轉蹟像,結果都.....最衰都是那班無良心的雀販.

作者: TABO123456 時間: 2011-5-25 18:56

你們和雀雀共聚時間雖短, 牠們一定感受到你們父母般的愛~ RIP

作者: carmenchungkm 時間: 2011-5-25 19:16

TOO BAD, 希望你們早日忘記傷痛!

作者: tsw 時間: 2011-5-25 19:24

雀街那班無良雀販.

作者: 風中飛鸚 時間: 2011-5-25 20:27

全香港咁多賣鸚鵡地方~每月賣出咁多鸚鵡~好快全港每人有18隻~
當然背後有好大的流失量~有死亡/走失~

作者: kitkit441 時間: 2011-5-25 20:27

不要太自責，重新振作

作者: mavisweet 時間: 2011-5-25 20:46

R.I.P

BB 同怪獸會明白你地好愛佢地架....

希望你地能夠早日平復傷痛!

作者: Jill 時間: 2011-5-25 21:24

唔緊要呀..
只要你地之間有好好既回憶..已經足夠

作者: wendy2307 時間: 2011-5-25 21:56

剛入家門,立刻開電腦,卻見到不幸消息,希望佢走得唔痛苦,很對不起,幫不到你. 可能雀太細,d藥太勁. 希望你們接受事實,不要太難過

作者: Mr_fran 時間: 2011-5-25 22:56

不要太傷心、只要你對牠們真的好、牠們一定知道及感受到、願牠們R.I.P.
我都在兩星期前失去愛雀

作者: CTL 時間: 2011-5-25 23:31

不要自責備,養幼雀的風險實在很大,我三年前同是購買一隻三個月大幼灰鸚養一個月便走了,幸好走看醫生証明有PBFD,而得到補回這隻.妹妹到我家時同是三個月大,沒有餵奶,現在已兩歲八個月,想起真是一額汗.

ctlau

作者: BoBoBoBo 時間: 2011-5-25 23:33

R.I.P

作者: shairley 時間: 2011-5-25 23:36

不要太自責,相信自己巳給牠們最好

作者: legmond 時間: 2011-5-26 00:57

保重

作者: MandyYung 時間: 2011-5-26 01:26

有你同太太既愛　佢地呢生雖輪為畜牲　但已十分有福氣了　
這是你們的緣份　R.I.P

作者: miumiu 時間: 2011-5-26 08:54

R.I.P......

作者: joejoe 時間: 2011-5-26 10:58

take good care & 不要自責!

作者: 亞賢 時間: 2011-5-26 16:29

本帖最後由亞賢於 2011-5-26 16:30 編輯

驚人發現原來bb/怪獸在離開前留下說話內容如下:
生活其實很痛苦要生、老、病、死，
我們將會去到一個永生的地方，哪裡有很多朋友，
請原諒我們自私並未有帶你們一起去，
爸爸、媽媽多謝你們在我哋離開之前得到温暖的家，
祝你/妳們永遠幸福快樂
bb/怪獸上

作者: TAMMY 時間: 2011-5-26 16:30

完全感受到你們此刻的心情, 不要太難過, 也別再自責, 你們已盡力, 絕對是負責任的好主人. 牠們遇到你倆, 是緣份也是福氣!
Take care!

作者: desmond930 時間: 2011-5-26 16:45

R.I.P

作者: 小達摩 時間: 2011-5-26 22:22

謝謝各位的安慰! 很感謝你們對網上認識的人也這樣好！

作者: 小達摩 時間: 2011-5-26 22:38

付上怪獸和BB的照片，多謝大家的關心及祝福!!

作者: wendy2307 時間: 2011-5-26 23:43

邊隻係bb,邊隻係怪獸 ?兩小無猜,很可愛,願它倆在天上快樂無憂

作者: legmond 時間: 2011-5-27 00:05

下世5好做鸚鵡la 要做都要做野外鸚鵡費事又益左冇良雀販

作者: louisa20047 時間: 2011-5-27 00:10

下世5好做鸚鵡la 要做都要做野外鸚鵡費事又益左冇良雀販
legmond 發表於 2011-5-27 00:05

咪又係俾人捉

係就做私人繁殖鸚鵡

作者: chiu_cc 時間: 2011-5-27 11:07

RIP.

They are rested in heaven!

作者: 小達摩 時間: 2011-5-28 08:02

25# 亞賢

謝謝亞賢! 很感激你!

作者: OnOn 時間: 2011-5-28 08:08

無辦法, 不要太傷心.

作者: 小達摩 時間: 2011-5-28 08:35

30# wendy2307

兩張都是
左邊的是怪獸，右邊的是BB

作者: joankong 時間: 2011-5-28 15:01

係雀街買bb真係預左九死一生,我幾年都買過兩隻,養唔夠兩個禮拜都去左

我覺得怪獸同BB遇到你同你太太真係好幸福,所以唔好太傷心啦

作者: ngkare 時間: 2011-5-29 13:05

係雀街買bb真係預左九死一生,我幾年都買過兩隻,養唔夠兩個禮拜都去左
我覺得怪獸同BB遇到你同你太太真係好幸福,所以唔好太傷心啦
joankong 發表於 2011-5-28 15:01

聽起嚟十分傷心, 但又真係事實, 從另一角度看, 既然好高機會要離開, 好難得你倆在牠們緊有在世的日子, 讓牠們知道又感受到什麼是愛和關懷!
你倆做得好好!

作者: leawong 時間: 2011-5-29 23:13

之前唔敢入黎睇,原來小達摩同你2隻雀b有o甘既故事... 睇完我覺得自己好似做錯左,走去買雀b.... 不過唔買都買左,唯有畀心機... 我對lb生左3粒蛋,如果孵得出,你又唔嫌棄,等佢地大d既時候可以畀左你.因為我屋企已經有5隻鸚鵡唔可以再養.小動物生命脆弱,你唔好太介懷... 既然已經盡力.

作者: 小達摩 時間: 2011-5-30 21:33

39# leawong

多謝您的好意及關心，我們不介意如果你LB長大，我們好願意收養，給牠們一個溫暖的家，真是好衷心您的。在鸚鵡樹的大家庭，雖然大家彼此不認識，但是感受大家的支持和鼓勵，實在難得。

祝小達摩健健康康、快高長大!

P.S.上個星期剛新買的鸚鵡奶粉給小達摩吃，只是吃一點點，你會需要嗎?
不想浪費，有需要的話，可以在港鐵站轉贈!

作者: leawong 時間: 2011-5-31 03:01

40# 小達摩

多謝你先,我住同工作地點好偏僻,你睇下其他雀友有無需要.我隻lb已經孵左一個星期,再過多二個星期左右睇下孵唔孵得出 (之前未試過孵,唔肯定...).如果雀b出左世就pm你啦 =)

作者: king2403 時間: 2011-5-31 03:07

加油～希望你的小達摩快點快高長大～唔好放棄呀～
仲有呀～我之前都諗住去雀街買鸚鵡～後來上到鸚鵡樹先發覺雀街的鸚鵡都很易死～
衰然鸚鵡店的鸚鵡係賣得貴過雀街～但係為左平一兩千蚊買了有問題鸚鵡～
只會更煩～大家都有愛心的～就算買到有問題的鸚鵡～都希望各位好好地照顧他直到他上天堂～

作者: CourtCourt 時間: 2011-5-31 15:01

不要太難過

R.I.P

作者: 棉花綠茶 時間: 2011-5-31 17:44

RIP~不要太自責

作者: leawong 時間: 2011-6-2 02:44

42# king2403

king2403,我隻lb又生多一隻蛋,依家total有4隻蛋,如果有bb孵到睇下你到時要唔要.我屋企太多小動物,成個動物園o甘.. 唔可以再養. 但係隻仔只係買左個幾月,唔知佢有無能力繁殖,所以我唔係好sure d蛋得唔得,又唔敢拎出黎照.. 上次伸手入籠已經比雀媽狠狠o甘mic左一下.....

歡迎光臨 PARROT-TREE (http://forum.parrot-tree.com/)