PARROT-TREE - Powered by Discuz! Board

標題: 有冇人去過北疆? [打印本頁]

作者: ngkare 時間: 2011-5-25 18:24 標題: 有冇人去過北疆?

我計劃7月底去北疆, 現在正為搵包車事宜頭痛, 請問有冇人去過, 可以介紹好司機?

作者: CTL 時間: 2011-5-25 23:47

ngkare,
真有緣份,去年你我去土耳其,今年我打算九月初去北疆,因這時間氣候最佳.你回來時post相介紹一些資料.
多謝!

ctlau

作者: ngkare 時間: 2011-5-26 17:31

本帖最後由 ngkare 於 2011-5-26 17:36 編輯

你就好啦, 可以9月去, 我只可以暑假去旅行, 又貴, 又熱, 又唔係最靚.
正確嚟講我係去南北疆, 會去20日, 我地得兩個人去, 所以旅費勁勁勁貴!

你plan哂行程未? 有冇好司機介紹? 我地急! 急! 急!

哈哈! 我連出年暑假目的地都定埋啦, 你估又會唔會相同呢?

作者: CTL 時間: 2011-5-26 23:50

Hi ngkare,

我們是一班退休老柴,大約十至廿人,7月才計畫,大約十二至十四天.會找國內旅行社辦理.

你們兩個人去實在太危險.自駕車?不可!風沙,天氣變化,難預測.你要購機票,租酒店,交通....可交中旅社代辦.
出年暑假目的地? 俄羅斯火車遊?北歐子夜太陽?

ctlau

作者: ngkare 時間: 2011-5-27 10:43

你簡直係我偶像

退休後仍有體力周圍去, 最緊要係有伴, 如果將來可以好似你咁就好啦!
我地暫時都係計劃搵國內旅行社安排, 係朋友介紹, 如果好返嚟話你知!
出年行程暫時保密. 因為都唔知成唔成行, 定哂通知你啦!

作者: 迪迪仔 時間: 2011-7-26 21:37

返左黎未呀？我下個星期去呀，會去果度揸電單車遊10幾日。。。有無相睇呀。

作者: 迪迪仔 時間: 2011-7-26 21:40

本帖最後由迪迪仔於 2011-7-26 21:43 編輯

我今次條路線。

作者: 迪迪仔 時間: 2011-7-26 21:44

最凍得1度，最熱成30幾度。。。。

作者: OnOn 時間: 2011-7-26 22:07

我都想參考下, 我9月中會同幾個朋支去北疆, 唔知會唔會見倒CTL

作者: 迪迪仔 時間: 2011-7-26 22:12

9 月過後果邊的天氣就唔識合去啦。 08年我由蘭州出發去到烏魯木齊，走果時仲落緊雪。。。

作者: CTL 時間: 2011-7-26 23:37

9# OnOn
OnOn,

我們一團20人,僱用33人車,北疆十一天,17/9深圳起飛.

作者: OnOn 時間: 2011-7-28 00:49

9# OnOn
OnOn,

我們一團20人,僱用33人車,北疆十一天,17/9深圳起飛.
CTL 發表於 26-7-2011 23:37

Oh! 我地好似係9/9深圳起飛. 早你一星期.

作者: 迪迪仔 時間: 2011-8-9 00:04

里2日我係烏魯木齊市四圍遊, 昨日去左達板城的動物園, 果度好大, 坐zoo 車外仲可以行到你腳仔軟. 果度仲有好多紅金剛等等的鸚鵡, 又有鸚鵡表演, 影左2,3張鸚鵡相, 返黎hk再post 俾大家睇.

不過見到d鸚鵡後, 可以佢地的食物質數問題..隻隻的顏色都唔係咁好....

作者: 迪迪仔 時間: 2011-8-9 00:07

係烏市有一個地方叫水磨溝公園. 入面有條河. d水好清好凍仲好多金魚同埋唔知咩的大魚係度. 去到果度零舍涼爽同濕.. 一離開個公園就又熱又乾.... 里個公園唔洗入場費

作者: 迪迪仔 時間: 2011-8-9 00:09

達板城的動物園叫做天山野生動物園. 入場費 RMB45.- 坐旅遊車RMB30 即共RMB75.- 如果你自己有揸車. 咁就人頭 RMB45.- + 1架5人座的車RMB90.- 入面好大. 一定要坐車..

作者: 迪迪仔 時間: 2011-8-9 00:10

仲有. 黎到里度一定要食哈密瓜, 密瓜同西瓜. 係街邊切左的哈密瓜, 密瓜一片要 RMB2.- 西瓜就RMB1.-

羊肉串必食. 但每間的質數不同. 約RMB2.- 至 RMB3.- 一串.

作者: 迪迪仔 時間: 2011-8-9 00:16

如果你地會去大巴扎同二度橋市場. 記得天黑時唔好去. 連當地人都叫我地天黑就唔好去果D地方.
不過你地放心.. 里度日長夜短, 朝早一早出太陽, 晚上9點幾10點先太陽落山. 大把時間你去玩.

上次2008年去二度橋買左D 新彊民俗刀.. 之後去到機場入埋喼記行李時佢地話唔俾出口. 要我係烏市度送俾人OR拋左佢. 所以大家見到靚都唔好買. 除非你另有方法處理.

里D 唔興冷氣. 早上30幾度好正常. 晚上20零度左右. 今晚同明早會落雨. 今晚一落雨就反風,大風得黎仲要得番10零度. 不過叫要著番件風褸就OK LA.

記得帶LOTION. 同太陽油. 因為里度好乾..好似得2X度濕度左右

作者: CTL 時間: 2011-8-9 01:16

17# 迪迪仔
多謝迪迪仔詳細報導旅程見聞,我會好好記下作參考.我的行程只有11天,而且20人,沒有你的自行電單車多采多姿.我們沒有F,G,H點而加吐魯番點.九月17出發.
旅途愉快!

ctlau

作者: 風中飛鸚 時間: 2011-8-9 11:08

北角我都好小去~唔好話北疆

作者: ngkare 時間: 2011-8-10 00:18

番？？啦！原本想去喀什同禾田，最後cut？，好可惜！今次遇到個好agent，如果有人要包車可以介紹。
可能係季節問題，個人較喜歡雲南。

作者: CTL 時間: 2011-8-10 00:43

本帖最後由 CTL 於 2011-8-10 00:44 編輯

番？？啦！原本想去喀什同禾田，最後cut？，好可惜！今次遇到個好agent，如果有人要包車可以介紹。
可能係季節問題，個人較喜歡雲南。
ngkare 發表於 2011-8-10 00:18

ngkare
雲南無論氣候,溫濕度都合適港人。喀什同禾田好彩你無去,否則得個悶字.因殺人暴亂，實行戒嚴，街頭巷尾寂靜。
是否天氣太熱?太乾燥?我只去北疆11天.17日起行.
很想參考你的經驗.

ctlau

作者: 迪迪仔 時間: 2011-8-10 06:52

北角我都好小去~唔好話北疆
風中飛鸚發表於 2011-8-9 11:08

Hei hei. 兩度我都好少去。。

作者: 迪迪仔 時間: 2011-8-10 06:54

番？？啦！原本想去喀什同禾田，最後cut？，好可惜！今次遇到個好agent，如果有人要包車可以介紹。
可能係季節問題，個人較喜歡雲南。
ngkare 發表於 2011-8-10 00:18

岩岩我最新的消息，我都取消左2個地點轉去第2度，現取消了精河同伊寧。

作者: 迪迪仔 時間: 2011-8-10 07:01

ngkare
雲南無論氣候,溫濕度都合適港人。喀什同禾田好彩你無去,否則得個悶字.因殺人暴亂，實行戒嚴，街頭巷尾寂靜。
是否天氣太熱?太乾燥?我只去北疆11天.17日起行.
很想參考你的經驗.

ctlau
CTL 發表於 2011-8-10 00:43

落雨的話真係好乾。一般得20幾度濕度。昨晚11點幾手洗左一件棉質t shirt,用手拎左d水出黎，件衫都唔係拎到好乾，頭先6點幾去摸一摸，已經乾晒。
就算里2日落雨，濕度升左70幾，但係里度本身好乾燥，所以好多野濕左都好快乾。

里度好天的話，就好熱，有成30幾度，但係一落雨就得番10幾至20零度，要著風䄛。

作者: 迪迪仔 時間: 2011-8-10 07:02

里2日係野都食，搞到有少少水土不服，食左粒止疴藥先好少少。

作者: 迪迪仔 時間: 2011-8-10 07:09

仲有一樣野大家要留意，去到一d買手信的地方，記得要講價同夾價，我去睇刀，一間開我400幾，另一間開我180‧ 最後我係180果間講到得番120。個fd話如果你一定要100先買的話，佢都會有機會賣俾你。

仲有一樣野要留意，如果你講到明100蚊先買的話，佢最後100蚊願意賣俾你，咁你就一定要買。

作者: ngkare 時間: 2011-8-10 17:29

ctlau, 你是8月17日去嗎？應該仍然熱，agent向我講最好9月20後去。那邊非常乾燥，女仕必須帶大量保濕用品及方便裝保濕噴霧，沿路都要噴，當地少蔬菜，記得買水果上車食，必食水果有伽師瓜，比哈密瓜正好多，仲有蟠桃同一隻尖尾蕃茄，必飲一隻叫Kawas（可能拼錯）的蜂蜜啤酒及依？酸奶。車程好長，我們事先講好唔準司機在車上吸煙，所以帶定好多八仙果、檸檬糖等給司機提神。喀納斯、賈登峪、禾木一帶好凍，記得帶夠衫。如果要騎馬，最好去到那拉提先騎，過癮好多不過好多人要排隊。
其實我仲有部份資料可給你，不遇這星期不方便上網，不如我pm你留電話啦！

作者: ngkare 時間: 2011-8-10 18:54

迪迪仔，我都有肚？呀！與我同行的專業護士話唔好食止？藥，困住d菌於身體仲衰；你食飯時問餐廳要d生蒜頭撈飯食，幫助殺菌，好多時於餐？見蒜頭就係咁用。
好好保重！小心飲食！

作者: 迪迪仔 時間: 2011-8-10 20:16

伽師瓜，比哈密瓜正好多，仲有蟠桃同一隻尖尾蕃茄，必飲一隻叫Kawas（可能拼錯）的蜂蜜啤酒及依？酸奶...

伽師瓜個樣係點gar 仲有咩顏色.
蟠桃, 我見有好多扁的蟠桃. 唔知你係咪講里隻.
Kawas（可能拼錯）的蜂蜜啤酒係咪係個啤酒桶入面jump 出黎果d 黃黃地色的野？
依？酸奶... 係點gar? 會唔會怕肚痛
尖尾蕃茄係咪黃色成個苦瓜仔的形狀咁？

作者: 迪迪仔 時間: 2011-8-10 20:18

迪迪仔，我都有肚？呀！與我同行的專業護士話唔好食止？藥，困住d菌於身體仲衰；你食飯時問餐廳要d生蒜頭撈飯食，幫助殺菌，好多時於餐？見蒜頭就係咁用。
好好保重！小心飲食！
ngkare 發表於 2011-8-10 18:54

其實我無肚痛, 只不過係肚疴, 所以我諗係我食得太多油野(羊肉串) 同辣野, 搞到輕鬆肚瀉. 昨晚食左一粒藥後今日無瀉lu. thx your suggestion.

作者: ngkare 時間: 2011-8-10 22:48

伽師瓜好似哈密瓜，但大個d深綠色有白花紋。你所形容的就是蟠桃同蜂蜜啤，我一飲上引，每晚一杯。尖尾蕃茄係紅色，好似車厘茄禁大）不過好少見。如果去庫爾勒一定要食羊，因為那邊係用黑頭羊，好食好多。仲有，有一間叫大碗揪片子的連鎖食市，係當地人極力推介，我都覺好好食。這星期我不易上網，下星期再同你傾。

作者: CTL 時間: 2011-8-11 23:12

我是17/9去,還有個多月準備.希望收集到你們兩位的寶貴經驗作參考.
謝謝!

CTL

作者: 風中飛鸚 時間: 2011-8-12 11:02

我聽講有隻瓜叫 [ 老漢瓜 ] 比哈密瓜更清甜呀~~~~

有無試過呀?

( 啤梨字)

作者: ngkare 時間: 2011-8-12 11:53

我見（啤梨字）先認真答：
有一隻叫羅漢瓜，外型似淺綠色細南瓜，唔知係唔係你所指那種，我在烏魯木齊食過，因我口味偏啖，個人認為
太甜，不過當地人好鍾意食。

作者: ngkare 時間: 2011-8-12 14:38

迪迪仔，你想買小刀？有當地人同我講唔可以帶番香港，放入喼寄倉都唔得，你最好check真唔真。另外，有朋友話我知，原來伽師瓜係唔準輸出國，昨日伽師仲發生5.8級地震，可能遲d無得食，所以你一定要買個試試！

作者: CTL 時間: 2011-8-13 00:23

ngkare,

你取消兩景點,是否提前回程,機票改期要補多少錢?

ctl

作者: ngkare 時間: 2011-8-13 01:13

每張補RMB850，因為最初買時是8折，改期要比正價，原本芒果網話仲要罰手續費，好彩後來知道航空公司已收我禁多就話免收。至於喀什飛烏市群張取消就每張罰150。

作者: 啤梨 時間: 2011-8-13 23:04

34# ngkare

嘻嘻~~~~~~多謝你咁俾面呀!

可能係譯音問題, 應該係E隻呀

作者: 啤梨 時間: 2011-8-13 23:05

34# ngkare

嘻嘻~~~~~~多謝你咁俾面呀!

可能係譯音問題, 應該係E隻呀

作者: 迪迪仔 時間: 2011-8-15 21:28

迪迪仔，你想買小刀？有當地人同我講唔可以帶番香港，放入喼寄倉都唔得，你最好check真唔真。另外，有朋友話我知，原來伽師瓜係唔準輸出國，昨日伽師仲發生5.8級地震，可能遲d無得食，所以你一定要買個試試！
ngkare 發表於 2011-8-12 14:38

係呀，真係唔可以運出新彊，即使放入行李記倉，因為我係08年試過買3，4把放入行李，最後都係要係機場送俾當地人。果時真係好失望。

歡迎光臨 PARROT-TREE (http://forum.parrot-tree.com/)