PARROT-TREE - Powered by Discuz! Board

標題: 找有心人 [打印本頁]

作者: shun1213 時間: 2011-7-9 11:36 標題: 找有心人

我有隻中葵,由於快搬家,未能繼續養,
佢超嘈,超痴身(我在家去廁所都嘈住找你),
上手主人搞到佢有咬毛(中度嚴重),
想找有能之人領養,唔想隨便找人養
條件:有時間給我探望,有經驗,家中最少有一隻鸚鵡
唔怕佢嘈,家中不可有其他動物(因佢怕)
pm我留電話,無意領養都可交個朋友或交流心得!

作者: 風中飛鸚 時間: 2011-7-9 11:41

我有個朋友~住美孚~家中一隻亞馬遜~對葵花情有獨中~我已經聯絡叫佢自己PM你~你自己考慮下佢條件~(唔洗俾面我~)因應你要求去選擇~

作者: shun1213 時間: 2011-7-9 11:43

謝謝你!希望找到好主人啦

作者: 風中飛鸚 時間: 2011-7-9 11:47

我提供一些條件你參考~
最重要排名有分先後
1確保此人必定不會將鸚鵡轉售~
註冊會員會比較安全~一來有聯絡~二來最重要一點是~免除有人即時登記~取雀後鬆人~永不出現
2此人是否真有愛心~不是因為鸚鵡的價值~
家中有紫藍金剛/雙黃頭亞馬遜就唔貪啦~(講笑)
3此人是否比你更有時間陪伴鸚鵡~

作者: scl 時間: 2011-7-9 11:54

想做有心人，也怕愛情鳥不高興，本人不怕嘈，現在全天在家．

作者: 風中飛鸚 時間: 2011-7-9 12:05

大家領養同樣要注意~主人難以接受叫聲~可想而知非同凡響~,要詳細考慮清楚~

作者: LEELO 時間: 2011-7-9 12:07

本人自己開公司,不會怕嘈親人,基本上全日都可陪着牠,
現育有一灰鸚一虹目小鸚.
但想問牠的痴身程度會否夜晚蓋了籠布就知要訓不會嘈?

作者: scl 時間: 2011-7-9 12:10

真是不怕，很小已養一隻吸密．也是 120 db叫聲的！那時住公屋，一出 lift 便清楚聽到，早已習慣叫聲．沒問題，不過有其人要，給其他人可以，我沒所謂的！

作者: scl 時間: 2011-7-9 12:17

希望它早日找到好主人！

作者: zero322 時間: 2011-7-9 12:21

我好想呀 HAHA 我都對葵花情有獨中可惜不是我決定~

作者: louisa20047 時間: 2011-7-9 12:43

不如你講下隻中葵仔定女,幾大
因為我覺得性格同年齡同個性有關
俾其他人了解下
再決定報唔報名領養啦
希望搵到好主人啦

作者: jeffleelm 時間: 2011-7-9 12:56

本帖最後由 jeffleelm 於 2011-7-9 12:58 編輯

嘈黎講呢... 葵花真係數一數二... 如果覺得開頭好靜... 三四歲可能就開始黎料... 佢個下嘈. 個下嘈係非典型... 又大聲又煩又無停又吵聲. 總之就係冠軍級. 以上經驗分享. 本人隻葵養左兩年. 不幸有pdfd. 而家頭翼都無毛了. 嘴也過長歪了. 不過佢真係好痴身. 好乖. 一入門口就以超嗲叫人 = "花花 hello" 望下佢走開又會講 "bye bye". 我住四樓. 樓下停車場聽到回音好清楚. 成日都好驚比人投訢. 好彩鄰居都係混熟晒都無事... 收養之前. 請考慮佢叫聲. 係又嘈又無停又次耳又大聲. 要好好對佢~ 佢地真係好嗲~ 又小氣. 主人同屋企人講野見唔到主人, 又要答嘴. 你早上起身唔叫佢. 咳一聲. 佢都會大叫下. 引下主人.

作者: louisa20047 時間: 2011-7-9 13:10

仲有要留意
葵花破壞力都係數一數二咁強勁
如果打算養葵花就要注意啦

作者: vanessachan 時間: 2011-7-9 13:38

同情遭遇,小心為他選擇新主人,最好能定時讓你去探望牠.

作者: 風中飛鸚 時間: 2011-7-9 14:44

我只係最怕送完之後~電話改左~轉頭在雀街十六兩見番賣8000元~唔知買唔買番好~果種激氣法丫~
請樓主三思~

作者: wilsontse 時間: 2011-7-9 15:13

謝謝你!希望找到好主人啦
shun1213 發表於 2011-7-9 11:43

我有隻中葵係女仔養了十七年,她少許嘈,有時好痴身,你隻男〇R女

作者: vanessachan 時間: 2011-7-9 16:17

樓主,如果驚鸚鵡被人騙去領養之後拿去賣,你不如拿去愛協或漁護署,要求送去嘉道理農場;或致電嘉道理農場查詢有關事宜.葵花是瀕危物種受保護動物,他們是會接收的,好讓牠在這裡安享新生活,這裡無論衣食住行都有專人照顧.亦無需擔心被人拿去賣而圖利.樓主你可以上嘉道理農場網頁,打電話去查問一下,睇下他們能否幫到你及幫到小鸚鵡.這裡即使是被困在籠,困牠的都是大籠,仲有其他的同類陪佢,自由度一定大過困在家中.而你有時間亦可隨時去睇佢,希望你會考慮一下這個方法啦.

作者: tsw 時間: 2011-7-9 16:41

樓主,如果驚鸚鵡被人騙去領養之後拿去賣,你不如拿去愛協或漁護署,要求送去嘉道理農場;或致電嘉道理農場查詢有關事宜.葵花是瀕危物種受保護動物,他們是會接收的,好讓牠在這裡安享新生活,這裡無論衣食住行都有專人照顧 ...
vanessachan 發表於 2011-7-9 16:17

送去漁護署=

愛協=

嘉道理農場可能

作者: vanessachan 時間: 2011-7-9 17:22

但應該好過最後去左十幾兩,盧X記...又可以避免生病了,因為金錢問題而唔同佢睇醫生,讓牠捱得幾耐得幾耐或方間療法,醫唔死算你命大的慘況.(當然獸醫都會醫死雀,但正如醫院都有人醫唔好要死一樣)雖然嘉道理農場都有可能生活一般,但起碼都有一個永遠的家.我真的唔希望牠再要一次又一次換主人,甚至輾轉去到"繁殖場"........
當然各位等候領養者都係一等一的好主人,本人只是想提議多一個方案給樓主,希望鸚鵡最後得到最好的.

作者: tsw 時間: 2011-7-9 17:42

但應該好過最後去左十幾兩,盧X記...又可以避免生病了,因為金錢問題而唔同佢睇醫生,讓牠捱得幾耐得幾耐或方間療法,醫唔死算你命大的慘況.(當然獸醫都會醫死雀,但正如醫院都有人醫唔好要死一樣)雖然嘉道理農場都有可能 ...
vanessachan 發表於 2011-7-9 17:22

要輾轉第三位主人

作者: stellakary 時間: 2011-7-9 18:35

我有養隻迷金呀~
一直都好想養葵花,我住屯門,番工都係屯門,日日都會帶菠蘿番工既,睇下我有無機會可以收養到佢,THANKS

作者: stellakary 時間: 2011-7-9 18:38

我係自己開公司,做門市既自置物業,所以可以放心我并唔會轉手,同埋你唔洗約我時間來睇佢,因為我日日都帶佢番工,你可以隨時來睇佢,必要時我可以出示物業文件表示

作者: shun1213 時間: 2011-7-9 18:47

本帖最後由 shun1213 於 2011-7-9 18:51 編輯

謝謝各位給意見,嘉道理農場都係一個好選擇,
性別:唔知,
年齡:不詳(自已養兩年)
相信賣不了錢,因為嚴重咬毛,心口,背,胸,都冇毛,亦不能再出毛,因毛孔密封了!
叫聲嚴重,痴身超強,最好每分秒都摸住佢!
佢隻耳仔好靈敏,可分別出誰人回家,
我返去嘈住出嚟,其他人返粒聲都唔出!
點解冇人留電話交流心得或領養?

作者: 林林柿 時間: 2011-7-9 18:51

我可領養：）
家住藍田710呎，兩人住
家中只有夜空（亞力山大）6個月
本身想買多隻（因屋太大又得夜先生一個）
每朝六點左右帶出街哂一個鐘太陽
多數星期日會行山帶埋出去
（除非個山太難行卅有危險）

其實我暫養都ok，因為...可能...或者...
牠只是你的寵物，
你卻是他的至愛。

Ok既call me la:-)
6446-2053
，

作者: stellakary 時間: 2011-7-9 18:57

應該係之前轉手所以葵女咁痴人
你有時間可以CALL我6226 9087

作者: Jill 時間: 2011-7-9 21:35

祝早日搵到新主人

作者: 小壞蛋 時間: 2011-7-9 23:54

以前未養鸚鵡的時候，本人又好中意寵物（貓貓，狗狗，鸚鵡，倉鼠......），於是中意上網睇下資料，好多時都見到一D要揾好心人的post，見到佢地（寵物）甘樣，個心真系覺得好心酸，覺得佢地好可憐。有時真系愛莫能助。希望想養寵物的人，真系三思而後行。養寵物的主人亦唔好拋棄佢地。希望你幫佢揾到好主人。

作者: chuiyee0307 時間: 2011-7-10 00:13

點解冇人留電話交流心得或領養?shun1213 發表於 2011-7-9 18:47

樓主因為我用唔到PM功能

, 方便的話可SEND E-MAIL給我嗎?

chuiyee0307@hotmail.com

作者: tsw 時間: 2011-7-10 00:23

當你哋見到嚴重咬毛,心口,背,胸,都冇毛,亦不能再出毛,因毛孔密封了!叫聲嚴重,痴身超強,最好每分秒都摸住佢!
時候

甚麼?愛心?人性?都會..........

作者: chuiyee0307 時間: 2011-7-10 00:26

當你哋見到嚴重咬毛,心口,背,胸,都冇毛,亦不能再出毛,因毛孔密封了!叫聲嚴重,痴身超強,最好每分秒都摸住佢!
時候甚麼?愛心?人性?都會..........
tsw 發表於 2011-7-10 00:23

相信樓主都深知道這情況, 所以不會是但搵一個人領養~
相信樓主一定可幫中葵找一個最合適人選
加油!!!

作者: louisa20047 時間: 2011-7-10 00:31

謝謝各位給意見,嘉道理農場都係一個好選擇,
性別:唔知,
年齡:不詳(自已養兩年)
相信賣不了錢,因為嚴重咬毛,心口,背,胸,都冇毛,亦不能再出毛,因毛孔密封了!
叫聲嚴重,痴身超強,最好每分秒都摸住佢!
佢隻耳仔好靈 ...
shun1213 發表於 2011-7-9 18:47

性別可以睇眼圈
如果係女仔
你可以係陽光下見到眼圈係暗紅色
男仔就係黑色

另外
只有註冊會員先可以PM
所以其他人(新手上路......)PM唔到你

作者: louisa20047 時間: 2011-7-10 01:22

愛心如果咁仲有無愛心

33649
tsw 發表於 2011-7-10 01:21

自己養開就會有

作者: tsw 時間: 2011-7-10 01:28

愛心?睇到啦!愛心?3年啦!愛心?你會唔仲有愛心?我只會養到佢死!

作者: 1a2b3c 時間: 2011-7-10 02:20

希望唔好係雀街D舖頭出現

作者: jeffleelm 時間: 2011-7-10 03:07

嘉道理農場幾好啊. 大家有機會一齊去睇下佢都唔錯.

作者: vanessachan 時間: 2011-7-10 10:34

樓主,請聯絡嘉道理農場,讓牠有一個永遠的家,不再需要再換多唔知幾多次主人.還有,以上各位喜歡牠的人都可在隨時去探望佢.相信以上每一位真正喜歡,深愛此鸚鵡的愛心主人,都希望牠能過好生活.到時我們大家都可以去嘉道理農場探佢同支持佢,可能牠因生活得到改善,而令牠恢復昔日的美態呢!!

作者: tsw 時間: 2011-7-10 11:13

樓主,請聯絡嘉道理農場,讓牠有一個永遠的家,不再需要再換多唔知幾多次主人.還有,以上各位喜歡牠的人都可在隨時去探望佢.相信以上每一位真正喜歡,深愛此鸚鵡的愛心主人,都希望牠能過好生活.到時我們大家都可以去嘉道理 ...
vanessachan 發表於 2011-7-10 10:34

1000000000000x

作者: shun1213 時間: 2011-7-11 00:16

嘉道理農場會係首選,明天會打去問下,
因為真的想牠有永遠的家!
你哋講得啱,見到佢個樣真係唔多人可接受,
相處落你哋或會更覺難頂,
但自問如非必要亦不會送牠走,
不竟相處兩年,牠回來時已有嚴重咬毛
叫聲嘈吵,只怪自己沒有三思,
以為可以處理任何情况,
在此請各位未養又想養的人,
所養的品種性格,
再行量自己情况,(搬家,時間,空間,伴侶,地點,鄰居投訴等等)

作者: 養鳥新丁 時間: 2011-7-11 00:29

嘉道理農場會係首選,明天會打去問下,
因為真的想牠有永遠的家!
你哋講得啱,見到佢個樣真係唔多人可接受,
相處落你哋或會更覺難頂,
但自問如非必要亦不會送牠走,
不竟相處兩年,牠回來時已有嚴 ...
shun1213 發表於 2011-7-11 00:16

希望佢會有一個永遠既新家.....
葵花係一個唔錯既選擇

有興趣既會員拿拿聲現身啦

作者: 風中飛鸚 時間: 2011-7-11 10:34

1嘉道理未必收~可以打電話試下~需要什麼條件先會收容~可以POST大家分享~

2如果~我講如果~如果海洋公園內~或香港公園之類的大鳥籠~可以收容鸚鵡~都幾好架~

3嚴重咬毛及狂叫及~每秒要主人摸住的鸚鵡~我家中有一隻~好明白樓主心情~外人好難明白~
當晚上漆黑一片~獨自一隻在狂叫~叫聲震天~震耳欲聾~蓋布或任何方法都唔可以制止~只有抱緊可以暫時停止叫聲~不至影響其他鄰居~最慘我屋企好多鸚鵡~會因為佢大叫而一起大叫~(嘈過亞馬遜森林早上)~所以我了解你心情~在迫不得意才作出痛苦決定~

4只是分享~不要見怪~為什麼沒有一個註冊會員覺得想領養~大家可以給我答案嗎?或是巧合?

作者: LEELO 時間: 2011-7-11 10:54

38# shun1213

聽說大埔鸚鵡王國會收養鸚鵡的，可查詢一下是否適合。

作者: 養鳥新丁 時間: 2011-7-11 11:06

4只是分享~不要見怪~為什麼沒有一個註冊會員覺得想領養~大家可以給我答案嗎?或是巧合?
風中飛鸚發表於 2011-7-11 10:34

因為註冊會員接收後....無法玩人間蒸發

故無人敢領養...
(講笑)

加上葵花既聲波威力....令人卻步...

其實我想,不過不敢........

作者: benh 時間: 2011-7-11 11:49

好可憐呀,苦命......做個有責任主人

作者: 小雲 時間: 2011-7-11 12:36

本帖最後由小雲於 2011-7-11 12:38 編輯

樓主, 如果可以的話, 不妨傳上相片, 俾想領養既人睇清楚, 可能因此而止步, 眼緣都很重要的.

只係個人意見吧了, 你可作參考.

作者: cool 時間: 2011-7-11 13:18

樓主可以的話可以聯絡下本人,在這網識我的人都知我極度貪心,我只有兩多,1.地方,2.時間............方便e-mail 詳談......thx giner000@yahoo.com.hk............

作者: drdoom 時間: 2011-7-11 13:58

送去愛協半日就會送返去漁護署上水九房..
7日無人認領就送去非牟利機構(嘉道理農場,九龍公園等

作者: 風中飛鸚 時間: 2011-7-11 14:58

送去愛協半日就會送返去漁護署上水九房..
7日無人認領就送去非牟利機構(嘉道理農場,九龍公園等
drdoom 發表於 2011-7-11 13:58

必定唔會~ 如果係咁~整多幾多個籠都唔夠~
一切入左上水狗房鸚鵡~唔會對外公開去向~

作者: drdoom 時間: 2011-7-11 15:45

上次我去上水狗房認領鸚鵡,係個員工同我話比我知

作者: vanessachan 時間: 2011-7-11 15:51

但慶幸葵花鸚鵡是受保護動物,仲要一級,即使去到邊個狗房都不能把牠人道毀滅.而漁護署亦的確會將獲得的受保護動物送住嘉道理農場的.而漁護署的職員亦唔會傻為左將隻鸚鵡據為己有,而唔要自己果畢成百萬的退休金及長糧.仲有如果擔心的話,可以要求文件作證明及記下負責接收的職員資料,如有懷疑可以到該負責部門私穩調查組查問.漁諼署同嘉道理農場處理過N咁多珍稀動物,如果出古惑,一早通天啦.

作者: shun1213 時間: 2011-7-12 23:55

感謝飛鸚兄諒解我,

3嚴重咬毛及狂叫及~每秒要主人摸住的鸚鵡~我家中有一隻~好明白樓主心情~外人好難明白~
當晚上漆黑一片~獨自一隻在狂叫~叫聲震天~震耳欲聾~蓋布或任何方法都唔可以制止~只有抱緊可以暫時停止叫聲~不至影響其他鄰居~最慘我屋企好多鸚鵡~會因為佢大叫而一起大叫~(嘈過亞馬遜森林早上)~所以我了解你心情~在迫不得意才作出痛苦決定~

現已聯絡嘉道理,(已留電話等動物部回覆)但佢話未必收,因為牠並冇漁護發出之許可証!
另外已有人pm我,但請耐心等候電話

作者: 風中飛鸚 時間: 2011-7-13 11:24

先表明立場~不針對任何個體或團體~

我認識想將鸚鵡放到嘉道理農場數目~遠超過現在農場內鸚鵡總數12倍~如果打電話去就可以收容~
咬毛灰鸚28隻~金剛32隻~葵花66隻~LB雞尾各3萬~彩鳳5萬~
仲未計其他動物~老到就死一級動物大量~

情形唔係我地諗得咁簡單~農場必定唔會亂黎~手續可能我們大家都唔清楚~
中間可能夾雜左好多醫生傳染/生態/林林種種問題~必定唔會因為一個家庭棄養~打個電話去嘉道理農場~就黎收走隻動物~咁可能叫"無道理農場"~

請大家先原諒我~我完全沒有半點針對任何人的意思~也沒有真憑實據去對嘉道理農場內部運作推測~只是市民常理推斷~一直非常支持嘉道理農場運作~每年都會去參觀幾次~

作者: 風中飛鸚 時間: 2011-7-13 11:37

SH1213~請你也不要怪責我們有些會員的看法~大家只是分享心中意見~正所謂家家有本難念的經~
外人是沒有辦法想像~有時睇新聞~見到有人跳樓~家人哭到死去活來~外人必定唔可以理解當事人心情之痛~

棄雀外表看來是不值得鼓勵~什至係唔負責主人既表現~60年代好多要將親生兒子送給別人~父母會好受嗎?

所以我立場又唔鼓勵你~又唔支持你~只想你可以幫佢搵到一個唔洗再轉既家~
鸚鵡好聰明~佢知道你唔要佢~佢大叫係佢天性~佢知道大叫令你討厭~就等於你需要呼吸一樣~鸚鵡需要大叫~
而其他曾經想領養的朋友~要明白到這鸚鵡叫聲必有一定份量~而外觀也必定唔靚~諗清清楚楚先好收養~

作者: shun1213 時間: 2011-7-15 01:27

嘉道理叫我送去愛協,我唔想呢

作者: 養鳥新丁 時間: 2011-7-15 02:07

嘉道理叫我送去愛協,我唔想呢
shun1213 發表於 2011-7-15 01:27

嘉道理不接收嗎

作者: OnOn 時間: 2011-7-15 07:55

嘉道理是不會接收的.
除特別原因或由政府部門送往

作者: LEELO 時間: 2011-7-15 10:59

沒有查詢鸚鵡王國嗎？

作者: 養鳥新丁 時間: 2011-7-15 11:03

沒有查詢鸚鵡王國嗎？
LEELO 發表於 2011-7-15 10:59

唔係繁殖場黎架咩

作者: LEELO 時間: 2011-7-15 13:29

係繁殖場黎但仲有寄養同收養鸚鵡的~

作者: vanessachan 時間: 2011-7-15 16:22

嘉道理農場似乎擔心雀雀的來源,因為之前1213說過嘉道理話此鸚鵡沒有漁農署的入口,來源文件而拒絕接收,但如果先送去漁農署或愛協,再由佢地轉送去嘉道理農場呢?漁護署C兄,此方法可行嗎?

作者: zero322 時間: 2011-7-15 16:44

希望有人收佢啦
但如果因為佢嘈點解唔諗下膠籠

作者: scl 時間: 2011-7-15 18:01

如真是沒有人收, 可以e-mail 找我 chau3802@yahoo.com.hk

家中有 LB 兩隻, 黃色的是從雀街買來, 開始時也很惡死, 最愛傷害伙伴, 用心養了兩年, 才不惡死了, 慢慢也會照顧伙伴了.  自小第一隻養吸密, 我是二手主人, 是我所見最惡死鸚鵡, 家中五人被它天天咬, 只有對我不會, 我一開始便是面對最惡死的了, 只要用愛心, 它對我從不惡死的.

很明白樓主心情, 我非註冊會員, 真是沒有人收再找我.

不會放棄它, 小時那隻惡死也沒放棄, 也是很嘈, 我自小習慣了, 不怕嘈的.

希望它真正找到好主人.  樓主努力!

作者: 養鳥新丁 時間: 2011-7-15 21:45

係繁殖場黎但仲有寄養同收養鸚鵡的~
LEELO 發表於 2011-7-15 13:29

機會不大....因為咬毛葵花未必可以成為種鳥....
無法繁殖....養多一隻又會佔左地方....

作者: 養鳥新丁 時間: 2011-7-15 21:45

耐心等候樓主回覆吧

作者: tsw 時間: 2011-7-15 22:14

嘉道理農場似乎擔心雀雀的來源,因為之前1213說過嘉道理話此鸚鵡沒有漁農署的入口,來源文件而拒絕接收,但如果先送去漁農署或愛協,再由佢地轉送去嘉道理農場呢?漁護署C兄,此方法可行嗎?
vanessachan 發表於 2011-7-15 16:22

去漁農署或愛協都可以

作者: vanessachan 時間: 2011-7-15 23:13

樓主,唯有經漁護署或愛協把雀雀送去嘉道理農場

作者: louisa20047 時間: 2011-7-15 23:20

去漁農署或愛協都可以
tsw 發表於 2011-7-15 22:14

九龍公園會唔會收呀?

作者: wayson720 時間: 2011-7-16 00:32

九龍公園會唔會收呀?
louisa20047 發表於 2011-7-15 23:20

九龍公園出面大把鸚鵡

作者: shun1213 時間: 2011-7-16 02:48

已開始進行家訪先,再決定找主人,
愛栛漁署不想了,怕牠心靈脆弱,一時沒了主人
因為希望初期可以到新主人住幾天,又回來幾天
讓牠慢慢適應新居!

作者: 養鳥新丁 時間: 2011-7-16 05:51

已開始進行家訪先,再決定找主人,
愛栛漁署不想了,怕牠心靈脆弱,一時沒了主人
因為希望初期可以到新主人住幾天,又回來幾天
讓牠慢慢適應新居!
shun1213 發表於 2011-7-16 02:48

作者: fishball 時間: 2011-7-16 10:18

我有少少建議... 不訪問一問管理處
因為我知有d 公契連parrot 都唔比... 萬一真係比人complain 真係無得拗..

作者: bensun147 時間: 2011-7-16 11:05

想領養者請考慮清楚,我收養左一隻甩毛葵花,驗左幾次証實左唔係pdfb,但佢係甩毛甩到好似隻竹絲雞咁,帶出街試過俾人鬧,亦嘈到我住十幾樓係樓下都聽到佢聲音,唔好幻想可以領養到一隻係鋪頭見到靚靚乖乖葵花,超級黐身,養左佢之後,去旅行有親人代照顧都唔放心去多過一星期,當然我係好錫佢.
唔識貼圖

作者: louisa20047 時間: 2011-7-16 12:10

想領養者請考慮清楚,我收養左一隻甩毛葵花,驗左幾次証實左唔係pdfb,但佢係甩毛甩到好似隻竹絲雞咁,帶出街試過俾人鬧,亦嘈到我住十幾樓係樓下都聽到佢聲音,唔好幻想可以領養到一隻係鋪頭見到靚靚乖乖葵花,超級黐身,養 ...
bensun147 發表於 2011-7-16 11:05

發表回復的時候上傳附件，步驟為：寫完回復樓主的內容，然後點上傳附件右方的瀏覽，找到需要上傳的附件，點擊發表回復。

作者: jennymok 時間: 2011-7-16 17:26

想領養者請考慮清楚,我收養左一隻甩毛葵花,驗左幾次証實左唔係pdfb,但佢係甩毛甩到好似隻竹絲雞咁,帶出街試過俾人鬧,亦嘈到我住十幾樓係樓下都聽到佢聲音,唔好幻想可以領養到一隻係鋪頭見到靚靚乖乖葵花,超級黐身,養 ...
bensun147 發表於 2011-7-16 11:05

我都有一隻咬毛細葵(上年9月開始), 心口, 背部, 頸 & 腳仔都曾經無曬毛, 經過好多方法, 而家心口出番好多, 亦咬少咗好多! PM (sent you "短消息" already)咗你!

作者: ckw3b 時間: 2011-7-19 23:58

想領養者請考慮清楚,我收養左一隻甩毛葵花,驗左幾次証實左唔係pdfb,但佢係甩毛甩到好似隻竹絲雞咁,帶出街試過俾人鬧,亦嘈到我住十幾樓係樓下都聽到佢聲音,唔好幻想可以領養到一隻係鋪頭見到靚靚乖乖葵花,超級黐身,養 ...
bensun147 發表於 2011-7-16 11:05

請問乜野係pdfb?

作者: 養鳥新丁 時間: 2011-7-20 00:01

請問乜野係pdfb?
ckw3b 發表於 2011-7-19 23:58

一種病...你可以搜尋一下....爬完文你會一目了然

作者: 煙花 時間: 2011-7-20 00:10

如真是沒有人收, 可以e-mail 找我 chau3802@yahoo.com.hk

家中有 LB 兩隻, 黃色的是從雀街買來, 開始時也很惡死, 最愛傷害伙伴, 用心養了兩年, 才不惡死了, 慢慢也會照顧伙伴了. 自小第一隻養吸密, 我是二手主人 ...
scl 發表於 2011-7-15 18:01

家人會不會怕?因為真係嘈到拆天...

作者: 煙花 時間: 2011-7-20 00:10

請問乜野係pdfb?
ckw3b 發表於 2011-7-19 23:58

唔係好野~

作者: 養鳥新丁 時間: 2011-7-20 00:12

請問樓主搵到有心人未......
浮水上黎報告下隻葵花既情況啦

作者: louisa20047 時間: 2011-7-20 00:23

請問乜野係pdfb?
ckw3b 發表於 2011-7-19 23:58

http://forum.parrot-tree.com/vie ... &highlight=PBFD
http://forum.parrot-tree.com/vie ... &highlight=PBFD

作者: gameijk 時間: 2011-7-20 00:53

樓主隻葵係仔定囡.在下有隻仔又嘈又咬人又咬毛放在繁殖場寄養.如果係囡.可以試下成對.

作者: ckw3b 時間: 2011-7-20 09:33

http://forum.parrot-tree.com/vie ... &highlight=PBFD
http://forum.parrot-tree.com/vie ... &highlight=PBFD
louisa20047 發表於 2011-7-20 00:23

thank you~

歡迎光臨 PARROT-TREE (http://forum.parrot-tree.com/)