PARROT-TREE - Powered by Discuz! Board

標題: 緣份的折衷 [打印本頁]

作者: bird-bird 時間: 2011-7-12 00:55 標題: 緣份的折衷

本帖最後由 bird-bird 於 2011-7-12 01:02 編輯

尋日朝早, 有個朋友打電話比我, 話見到有只鸚鵡比架車撞傷左, 佢將只鸚鵡攞番公司, 跟著同D同事商量後打電話比漁X 處, 但回覆話就算黎收左只鸚鵡, 如果無人領回, 都會人道XX, 我朋友跟著問我點算, 就係咁, 我去左佢間公司到, 見到只鸚鵡, 因為佢縮埋係個箱度, 見到有少少血, 跟住打算先抱番屋企, 番到屋企用毛巾包住抱佢出黎, 佢都有反抗, 望到原來下咢已經裂開左, 仲有少少血流緊, 點知突然間休克, 嚇到我係咁叫佢吾好訓, 搖下佢個頭, 跟住佢再開番眼, 我即刻比左D開稀既蜜糖水佢飲, 佢飲左好多, 精神好似又好D, 放番佢入膠箱, 用毛巾墊底, 放左D生果同蜜糖水比佢, 擺入房, 等佢休息先, 因為我覺得今日佢已經受驚過度@~@…………

下就, 出去雀仔街買左個籠, 買左佢食個D合成糧, 返黎磨碎開糊仔比佢食, 肯食喎, 肯食, 肯飲水, 又無再流血, 仲識係個箱禽出來, 應該OK啦, 當時真係咁諗, 跟著放番佢入個籠, 佢企左係支棍度, 我望住佢, 有D吾妥, 見到佢左邊翼好似跌左落黎, 吾係咁大劑麻, 即係上網搵下邊度有鸚鵡醫生…………….

今朝起身, 見到佢, 眼仔碌碌, 精神比尋日好左, 又肯食野, 便便都變番墨綠色, OK啦, 不過食完就訓, 訓醒又食 -_-………

下就, 攞左半日假同佢去大圍睇醫生, 醫生睇完之後就話, 佢個下咢無得好番, 以後都要食流質食物, 至於左邊翼, 要留院, 要照X-光, 要驗血, 驗便便, 要比止痛葯佢食, 跟住聽日就會打電話比我通知佢既情況係吾係要做手術, 未見官先打八十, 要先付3XXX(個心有D赤赤地), 當時我望住佢, 少少惻隱之心浮左出黎, 無理由係呢一刻先吾理佢, 我仲同個助護講價, 可吾可以比個discount, 不過佢話係公司定落, 無得減, 算啦, 就係咁, 佢而家就係醫院度, 吾知佢而家點, 有少掛住佢添~_~………

可能有人會問我, 值吾值得咁樣付出, 分分鐘我比既錢, 買只好正番黎都得, 我吾識答, 可能呢D叫緣份, 我成日去雀仔街, 都見到有好多又靚又健康既鸚鵡, 但我都無買到, 我覺得真係講緣份, 所以我都好佩服有D人可以好快決定買鸚鵡返屋企架……..

佢係兩次死亡邊緣都可以過到, 第一次就比架車撞倒, 第二次突然休克, 希望佢可以無事, 其實我都預左最差既情況係下咢無得好番, 以後都要食流質食物同埋無左一邊翼==”……..…..

吾知聽日個助護打電話黎, 係報喜(吾使做手術可以自然修復)定係報憂(要幾多錢先可以埋到單==”)?

[attach]33708[/attach]
[attach]33709[/attach]

作者: tsw 時間: 2011-7-12 06:12

一定報喜(吾使做手術可以自然修復)

作者: louisa20047 時間: 2011-7-12 07:02

希望佢吉雀天相啦

但係佢係野鳥定失鳥呀?

作者: bird-bird 時間: 2011-7-12 10:02

醫院打左電話黎, 話佢斷翼情況好差, 要做手術切左去, 不過有個好大風險要全身麻醉, 我驚佢頂吾住.......仲有就係我個荷包干硬化啦, 費用要1x,xxx ==" 點好??

作者: rainny 時間: 2011-7-12 11:31

你真係好好人~~
但係會唔會考慮睇第二個醫生??
睇O左咁多個 POST~~ 感覺O的獸醫有時都好似向錢看咁~ ><
不過如果 DUM 又會有另一個隱憂就係唔知雀雀捱唔捱得住~~
點都好問清楚醫生... 希望O個個醫生有良心啦~~

你要加油!!! 雀雀都加油!!!

作者: bird-bird 時間: 2011-7-12 11:42

都吾會轉睇第二個, 佢辛苦時我又辛苦, 因為結果都應該會一樣, 其實都知情況吾樂觀, 只係嘗試抱一絲希望, 而家睇佢既造化, 兩次死亡邊緣都可以過到, 佢既生命力好強, 如果雀友有緣睇到呢度, 希望你地會為佢祝福, 我相信有正能量, 就算佢係醫院都會接收到..........佢個名叫"企鵝"

作者: bird-bird 時間: 2011-7-12 13:19

終於決定做手術, 醫生話除左斷翼要切, 仲會嘗試修補個下咢, 等佢可以食到野........有緣睇到呢度, 希望你地會為佢祝福同打氣, 我相信有正能量, 就算佢係醫院都會接收到..........佢個名叫"企鵝"

作者: wendy2307 時間: 2011-7-12 13:30

醫生有冇話一定要做手術?如果不切除, 由得佢隻翼好似小兒麻痺咁都好過動不必要的手術,正能量送給你和企鵝,一起努力
你在那裡找到它 ? 會不會是走雀?
會幾時做手術呀?

作者: bird-bird 時間: 2011-7-12 14:07

助護話醫生都講過盡量都吾想做手術, 但係照左出黎見到情況真係好差, 吾做手術有機會細菌感染, 到時就無得救, 我朋友係藍田執到, 有個8字扣係只腳度, 下就做手術, 多謝你既祝福, 企鵝會收到.......

作者: wendy2307 時間: 2011-7-12 17:05

有8字扣應該有人養,最好出post搵下佢個主人,睇下主人會不會分擔醫藥費,或者俾佢見返主人佢會快d好返
祝福佢

作者: shairley 時間: 2011-7-12 20:22

希望佢冇事

作者: tsw 時間: 2011-7-12 20:43

希望冇事

作者: cool 時間: 2011-7-12 23:41

希望能夠康復............

(個人經驗,可能付出很多都不會有好結果,但做好事必有好報)

作者: bird-bird 時間: 2011-7-13 00:03

本帖最後由 bird-bird 於 2011-7-13 00:09 編輯

多謝各位既祝福, 今晚去左探企鵝, 精神比想像中好, 仲可以自己食橙添, 不過食得很慢, 個樣好疲倦, 助護話佢都好乖, 無咬自己傷口, 醫生都好詳細解釋整個手術過程, 同埋比左D相我睇, 見到真係心痛, 而家再觀察多一日, 情況穩定就可以接番走.

作者: joejoe 時間: 2011-7-13 09:54

you have great compassion......
hope get well soon.
good luck!!!

作者: fishball 時間: 2011-7-13 10:34

希望佢好番
我估佢唔係好大年紀.... 你都加油丫...

如果佢無左一邊翼, 起初平衡可能未慣, D 棍唔好SET 禁高... 睇下VET 仲有咩建議

作者: louisa20047 時間: 2011-7-13 10:39

大圍好似都有隻單翼葵花
你不如留意下佢D設備
睇下企鵝有冇用

作者: bird-bird 時間: 2011-7-13 12:32

企鵝今晚可以出院, 今晚去接佢會問一下醫生應該點做. 多謝祝福!

作者: wendy2307 時間: 2011-7-13 14:27

首先恭喜你及企鵝,不過咁快可以出院 ?個傷口點處理呀 ?打石膏定包摘?

作者: bird-bird 時間: 2011-7-13 22:44

企鵝終於返左屋企, 不過呢度對佢黎講都係好陌生, 呢幾日對佢真係一個巨變, 我諗都要有一個較長既適應期, 呢個星期都好緊要, 要留意住狀況, 最緊要吾好咬傷口.

我係醫院都見到單翼葵花, 吾專登去睇都吾覺佢單翼, 好活潑, 成日撩人玩, 希望企鵝將來都係咁活潑, 不過千祈吾好似佢咁嘈吵........

作者: shairley 時間: 2011-7-13 23:50

加油

作者: mavisweet 時間: 2011-7-14 11:26

好感動~!!

企鵝知你對佢咁好咁錫佢,佢一定會好快復原架~

祝福你地,加油!!!

作者: wendy2307 時間: 2011-7-14 21:49

今天企鵝點呀?好掛住呀,有冇相睇?

作者: bird-bird 時間: 2011-7-15 00:22

多謝關心, 企鵝精神尚好, 雙目有神, 肯食野, 肯飲水, 仲識禽上禽落, 同佢講野就眼仔碌碌望住你, 不過都仲怕人, 暫時都吾會同佢有身體接觸, 醫生開左d抗生素同止痛葯, 要我放入食物度一齊比佢食, 佢吾鍾意個陣味, 吾肯食撈左葯d糧, 我又吾敢抱佢出黎喂, 驚整親佢個傷口, 無計, 等佢肚餓無野食佢都要焗住食.......

未有時間同佢影相, 等星期六休息先同佢影再POST上黎比你地睇.....

作者: sesese 時間: 2011-7-15 15:12

你好好心地, 希望企鵝盡快復原, 但傷口不用塗消毒藥水嗎?

作者: bird-bird 時間: 2011-7-15 18:29

多謝關心, 醫生沒有給我消毒藥水, 也沒有包扎, 只是按時服止痛葯及抗生素.

作者: bird-bird 時間: 2011-7-17 15:08

企鵝近照, 尋晚影
[attach]33772[/attach] [attach]33773[/attach]

作者: fishball 時間: 2011-7-17 15:15

佢好醒目仔WOR..

VET有無講個咀之後點丫??

作者: bird-bird 時間: 2011-7-17 15:39

醫生話企鵝吾可以食太硬的食物, 最好盡量先用水浸淋先比佢食.

Fishball你都有折衷, 你養左幾耐佢先肯上你手?

作者: fishball 時間: 2011-7-17 17:23

我隻雀係人都上手架...,之前另一隻都係好跟人..基本上由我第一日見佢就肯上

上次走雀,執雀果個話一比手就跟左佢走,好彩係好心人...如果唔係就屎火

作者: 小壞蛋 時間: 2011-7-18 21:24

睇完好感動，同時覺得樓主系一個熱心，同有愛心的人。祝福你企鵝。

作者: wendy2307 時間: 2011-7-18 23:53

祝願企鵝早日康復,

作者: shairley 時間: 2011-7-19 20:56

加油

作者: bird-bird 時間: 2011-8-4 17:15

企鵝而家進展得幾好, 一開籠門, 第一時間就擒出黎, 我估吾到佢原來好多野講, 不過你對住佢講野, 佢淨係眼碌碌望住你吾出聲, 但當你行開, 你叫Hello, 佢識應你 Hello, 你叫鵝鵝, 佢識叫寶寶, 你播D歌比佢聽, 佢會咿咿呀呀, 好攪笑, 肚餓仲識大聲嗌添, 都幾嚇人, 吾知你地養D折衷係吾係咁?

作者: mavisweet 時間: 2011-8-4 23:30

折衷係比較呆滯D木獨D~大大下就越黎越有性格~~~

睇見佢好番真係好開心~~得閒POST多D相分享呀~~~

希望下次聚會會見到你同健健康康既企鵝~~~

作者: carolee 時間: 2011-8-5 00:29

好感動, 企鵝好彩遇到你!

幫你將個POST搬到鸚鵡討論區, 讓多D人可以分享你同企鵝嘅故事

作者: TABO123456 時間: 2011-8-5 00:54

好感動~ 企鵝好幸福找到好主人^^

作者: sabob 時間: 2011-8-5 02:42

好有愛心的主人

作者: stanley1088 時間: 2011-8-5 03:37

真係好感動....企鵝同你真係有緣份,希望企鵝和你都開心快樂

作者: gilgil 時間: 2011-8-5 03:47

好好的主人……企鵝同你真係有緣份,希望企鵝和你都開心快樂同健健康康呀!!!

作者: zero322 時間: 2011-8-5 06:28

好感人~~~ 加油呀

作者: victor 時間: 2011-8-5 07:39

睇完這網文章真是很感動願企鵝同你未來開開心心身體健康

作者: lam_ot 時間: 2011-8-5 08:53

咁都執到,好有緣份
祝企鵝健康

作者: Mitchell 時間: 2011-8-5 08:53

God bless you and 企鵝

作者: victor 時間: 2011-8-5 09:00

我想問下樓主你講 {打電話比漁X 處, 但回覆話就算黎收左只鸚鵡, 如果無人領回, 都會人道XX

} 鸚鵡不是受保護動物怎會同狗貓冇人認領就會人道XX？

我想了解下謝謝

作者: sodagreensimon 時間: 2011-8-5 09:05

大愛無疆，人間有情！
睇完真係十分感動，企鵝遇到你真係福氣！
希望企鵝早日康復，亦祝樓主福壽康寧！

作者: carmenbabe 時間: 2011-8-5 09:24

加油ar....希望企鵝快d好返﹗加油﹗

作者: siayf 時間: 2011-8-5 09:30

珍貴的緣分，要好好珍惜！希望企鵝早日康復..加油！

作者: sallyyau 時間: 2011-8-5 09:43

希望企鵝早日康復

作者: ckw3b 時間: 2011-8-5 10:09

你真係好好

你同企鵝都要加油呀

作者: madcat 時間: 2011-8-5 10:11

睇完你個POST,好感動..你負出唔會白費,緣份真係要來就唔會放棄..

圖中我隻女係傷殘,買回來大大下我先知,不過冇得醫,但佢好叻會用佢方法去企,佢仲好百厭..最近佢有咬毛,我同佢日日講你咬毛就咬,不過咬左就唔再靚,佢好似知咁..唔咬一排..^^真係要KEEP住同佢傾計,折衷好聰明,好好玩..仔會純D...仔比較跟人,你慢慢同佢接觸同傾多D計啦...佢地一肚饑就大叫..都幾勁..不過好快就收聲...

努力呀...^^

作者: 風中飛鸚 時間: 2011-8-5 11:12

我想問下樓主你講 {打電話比漁X 處, 但回覆話就算黎收左只鸚鵡, 如果無人領回, 都會人道XX} 鸚鵡不是受保護動物怎會同狗貓冇人認領就會人道XX？我想了解下謝謝
victor 發表於 2011-8-5 09:00

如果我係一個上司~我同下屬講~
多做多錯~少做少錯~唔做唔洗錯~如果簡單幾句說話能夠嚇退敵人~當然值得博啦~
一般市民好少查根究底~求其了事咩算囉~

作者: fatfat1603 時間: 2011-8-5 11:14

好感動, 你同企鵝都要加油, 原來之前唔係鸚鵡討論區, 怪得知唔覺眼

作者: hamic 時間: 2011-8-5 12:45

緣份到真係擋不住, 我多年前都執過兩隻被遺棄狗狗, 不過數月前都相繼去世.........
今日, 企鵝有幸遇到你真係彼此嘅福氣呀, 祝您地一家都幸福快樂啦~ 企鵝要繼續加油, 快D 康復呀!!

作者: drdoom 時間: 2011-8-5 13:10

身體健康

作者: vanessachan 時間: 2011-8-5 14:09

首先要激讚樓主,願意救回雀雀一命,仲要隻雀唔係自己添.相比D見死不救,一個仙都唔會益D獸醫的主人.......唉
你已經好偉大,功德無量.你會成為大家的好榜樣.10000000000000000000.......N個

第2絕對認同主席的看法多做多錯,少做少錯,只要嚇退"敵人"就唔做唔錯,無驚無險坐到5點,鬆人.
祝福樓主與企鵝

作者: wendy2307 時間: 2011-8-5 22:51

祝福你倆快樂合拍,人雀健康

作者: jennymok 時間: 2011-8-5 23:13

送上無限的祝福! 祝你們倆以後都開開心心! 健健康康!

作者: MandyYung 時間: 2011-8-7 02:17

人間有情　緣份就是這麼意想不到
祝福樓主跟企鵝　

作者: bird-bird 時間: 2011-8-8 01:03

呢幾日要搬屋, 吾得閒上網, 今晚有D時間, 上網睇下, 估吾到有咁多回應, 本來只係諗住update下企鵝既進展, 攪到我有少少吾好意思添

十分多謝你地既祝福, 其實我吾係咁偉大, 比起一D超有愛心, 周圍去幫人既, 呢D都係小毛.
關於漁XX既事, 都係朋友講比我知, 我覺得都無必要再去深究人家處事方式, 反正件事都已經解決左.
企鵝都未肯比我摸頭, 上手就一時時, 不過通常係無路可退既情況下被迫上手

而家一共有4只鸚鵡, 一齊叫真係好嘈, 而家搬左屋, 好怕比人投訴, 特別只無毛阿咇, 一只嘈, 只只跟住嘈, 係吾係要換個亞加力膠籠比佢地, 我睇番之前有D文章都有講到呢D籠, 效果OK嗎? 如果可以, 比D意見我, thanks!

作者: bird-bird 時間: 2011-8-8 11:53

企鵝上星期影既相

作者: hamic 時間: 2011-8-8 12:00

企鵝傷口埋左未呀? 佢睇落好精神, 真好

作者: bird-bird 時間: 2011-8-8 12:26

本帖最後由 bird-bird 於 2011-8-8 12:28 編輯

傷口埋左, D毛都生緊出黎, 佢何止精神, 簡直生猛, 不知幾有性格, 不過佢都算乖, 一D都無咬過傷口, 所以傷口埋得都幾好

作者: zero322 時間: 2011-8-8 12:34

63# bird-bird

弓喜哂

作者: mavisweet 時間: 2011-8-8 14:02

企鵝好靚仔呀~~~

恭喜恭喜~~!!

作者: ckw3b 時間: 2011-8-8 14:09

佢會知你錫佢架, 過耐d佢都會咁錫你
加油呀~

作者: wisebudgie 時間: 2011-8-8 15:40

佢個下鶚係咪醫生重整出黎架?

作者: bird-bird 時間: 2011-8-8 16:00

無得重整, 只係將裂開既下咢用線連在一起固定位置, 令到吾好起級,會有條牙隙咁, 吾知你明吾明.......

作者: joming 時間: 2011-8-8 16:50

睇完很感動，你是一個好心人，企鵝遇到你是福，願你同你家人身體健康、生活愉快！

作者: joankong 時間: 2011-8-8 16:51

好人做好事

好心有好報

作者: bird-bird 時間: 2011-8-8 16:59

本帖最後由 bird-bird 於 2011-8-8 17:02 編輯

多謝祝福,

作者: fishball 時間: 2011-8-8 17:20

好有神氣丫......

見佢好番真開心

作者: kitkit441 時間: 2011-8-8 19:30

................................

作者: zcc411 時間: 2011-8-8 19:40

咁裂開的下鶚會唔會影響食野???

作者: bird-bird 時間: 2011-8-9 00:47

本帖最後由 bird-bird 於 2011-8-9 00:50 編輯

初初都吾可以食硬野, 生果切粒粒, 合成糧全部要浸到好似糊仔先比佢食, 過左2星期後將合成糧磨細粒, 企鵝好聰明, 識得將D細粒合成糧浸下水先食, 瓜子要剝埋殼比佢先食到, 小心D就無問題.

作者: BoBoBoBo 時間: 2011-8-9 00:59

Bird Bird 你真是一個好心人，企鵝好命遇着你!

作者: greenfieldlam 時間: 2011-8-9 09:59

Good on you.

作者: 王子 時間: 2011-8-9 22:53

緣份不是人人都可以擁有的。上天給了你們一個考驗。。而考驗也證實你倆心靈相通。。。祝願你倆繼續開心快樂地生活

作者: carolee 時間: 2011-8-9 23:33

睇住企鵝一路路康復, 好鄧你哋開心!

作者: 迪迪仔 時間: 2011-8-9 23:49

好開心見到有人會付出里d 愛心, 關心，時間同金錢黎照顧一只小鳥

作者: shadow 時間: 2011-8-10 01:28

企鵝要加油！有你呢個甘好的主人是距一生最大的福氣。

作者: bird-bird 時間: 2011-8-10 10:12

多謝你地既祝福, 企鵝已經接收晒你地的正能量

作者: shairley 時間: 2011-8-10 13:52

企鵝加油
有你這個主真好

作者: bird-bird 時間: 2011-10-23 14:06

本帖最後由 bird-bird 於 2011-10-23 14:09 編輯

吾經吾覺企鵝o黎左我地屋企差吾多4個月, 佢已經完全好番, 係D平衡力差D, 佢而家好精靈, 又百厭, 同佢初o黎個樣, 簡直吾同晒, 吾信? 睇下相啦.....

作者: scylam 時間: 2011-10-23 14:32

本帖最後由 scylam 於 2011-10-23 14:34 編輯

吾經吾覺企鵝o黎左我地屋企差吾多4個月, 佢已經完全好番, 係D平衡力差D, 佢而家好精靈, 又百厭, 同佢初o黎個樣, 簡直吾同晒, 吾信? 睇下相啦.....
bird-bird 發表於 2011-10-23 14:06

Bird-bird:
你好善良

好欣賞你對生命的尊重！你同企鵝都好幸福；一個係救命恩人，一個係終生摯友。
佢個下巴現在點呀？

作者: bird-bird 時間: 2011-10-23 14:44

企鵝比我幸福, 因為我要養佢一世麻, 哈哈

佢個下巴有個V形缺口, 吾會影響到佢食野, 初時都好擔心佢咬吾到合成糧, 不過鸚鵡真係好聰明, 識得點樣就力, 連咬我只手都可以咬到瘀左, 所以基本上, 除左佢飛吾到, 下巴有個V形缺口之外, 絕對係一只正常兼聰明既鸚鵡

作者: louisa20047 時間: 2011-10-23 14:54

企鵝比我幸福, 因為我要養佢一世麻, 哈哈
佢個下巴有個V形缺口, 吾會影響到佢食野, 初時都好擔心佢咬吾到合成糧, 不過鸚鵡真係好聰明, 識得點樣就力, 連咬我只手都可以咬到瘀左, 所以基本上, 除左佢飛吾到, ...
bird-bird 發表於 2011-10-23 14:44

咁佢仲駛唔駛食糊仔呀?

作者: scylam 時間: 2011-10-23 14:55

下巴係可以搵牙醫用特殊物料修補的（好似睇過類似東西）也可以用發芽紅，綠豆，向曰葵瓜子及其他五谷比佢食。又健康又容易食

作者: scylam 時間: 2011-10-23 15:25

this is what i can recall about broken beak...

http://www.hkipa.com/bbs/viewthr ... &extra=page%3D2

sorry for quoting from another site. i do this purly for the best interest of 企鵝 . i hope people won't mind i do this....

hoping this is useful for your friend!

Stephen

作者: bird-bird 時間: 2011-10-23 17:23

87# louisa20047

佢食左一個月糊仔之後, 佢已經吾肯食, 而家比左合成糧(細粒)佢食.

作者: bird-bird 時間: 2011-10-23 17:34

89# scylam

Scylam, 多謝你既資料.

作者: woodteak 時間: 2011-10-23 17:47

好心有好報, 只要不計付出,將來可能萬倍回報

作者: 芳姨 時間: 2011-10-23 23:27

你真係好有愛心,企鵝在你的悉心愛護下,越來越靚,
企鵝好乖,好堅強.

作者: yimaggie 時間: 2011-10-24 15:19

折衷企鵝遇到你真係好好彩...

作者: hamic 時間: 2011-10-24 15:49

企鵝真係好靚仔!!
無論咩動物, 有個愛鍚嘅主人絕對係一種福氣~

作者: mavisweet 時間: 2011-10-24 18:00

企鵝好叻呀~~~!!!越大越靚仔!!!!!

作者: 風中飛鸚 時間: 2011-10-24 18:13

恭喜！恭喜～！你咁好心～冇乜可以送俾你～如果有需要～我可以免費幫你測下佢係男定女～

作者: 小達摩 時間: 2011-10-24 20:47

恭喜！好心有好報

作者: ping 時間: 2011-10-24 21:43

今日才睇到這個POST，好感人的真雀真事，樓主好偉大，企鵝好勇敢，俾你地10個讚﹗

作者: waterBB 時間: 2011-10-24 22:03

你好正啊^.^ 世界多D你咁既人,地球有救

歡迎光臨 PARROT-TREE (http://forum.parrot-tree.com/)