PARROT-TREE - Powered by Discuz! Board

標題: 彩鳳生病 - 奇怪吞嚥動作 [打印本頁]

作者: camus 時間: 2011-7-15 11:55 標題: 彩鳳生病 - 奇怪吞嚥動作

Boo Boo今日成朝都企響食物兜前頭dup dup, 細心睇發現佢每食一粒粟都會dup低頭咀嚼, 好似想咬碎晒先至吞咁. 已經持續一個多鐘頭反覆係咁樣. 大家有無遇過咁既情況? 彩鳳平時進食都係大粒大粒吞落肚.

以往睇開大圍Dr. Nicole, 而今日Dr. Soltan放假, 已經約左期聽日十二點半.

唔知咁樣嚴唔嚴重, 我一方面唔想隨便找獸醫睇急診, 另一方面又怕等到聽日會太遲...

錄左video準備俾醫生睇:

作者: ckw3b 時間: 2011-7-15 12:22

祝早日康復

作者: 小壞蛋 時間: 2011-7-15 12:25

系米食得好慢啊？？

作者: camus 時間: 2011-7-15 12:45

係好慢, 因為佢逐粒咀嚼完先至吞, 仲要係dup低頭黎咀嚼. 除左吞嚥古怪, 其他一切活動正常, 便便睇落亦無問題.

作者: wisebudgie 時間: 2011-7-15 19:10

未見過, 希望佢快d好番.........睇完醫生之後可唔可以講俾我地知咩事......
另外, 希望你得閒的時候睇下以下條link, 裹面有好多資料講對彩鳳有益的食物, 以作參考.
http://www.wineintro.com/forum/ubbthreads.php/topics/414737/1

作者: wendy2307 時間: 2011-7-15 23:12

會不會是反芻不是病?好多雀都會咁

作者: camus 時間: 2011-7-16 09:38

未見過, 希望佢快d好番.........睇完醫生之後可唔可以講俾我地知咩事......
另外, 希望你得閒的時候睇下以下條link, 裹面有好多資料講對彩鳳有益的食物, 以作參考.
http://www.wineintro.com/forum/ubbthreads.php ...
wisebudgie 發表於 2011-7-15 19:10

多謝資料, 好多好齊, 等我慢慢刨下先.

會不會是反芻不是病?好多雀都會咁
wendy2307 發表於 2011-7-15 23:12

睇落唔係反芻, 佢地有時都會反芻, 仲會餵我地食

, 所以知道唔係.

作者: camus 時間: 2011-7-16 13:51

啱啱睇完醫生, Dr. Zoltan檢查完並無發現異樣, 如果想進一步詳細檢查就要痳醉抽血抽嗉嚷組織化驗, 我拒絕了, 會先觀察一段時間再決定, 佢咁細隻唔知受唔受得住.

可能佢較少處理小型雀鳥, 佢既手法好似無以前Dr. Nicole咁純熟.

作者: wisebudgie 時間: 2011-7-18 09:48

不如試下加少少益生菌俾佢d糧或baby food等佢食,我試過俾我d彩鳳食,是安全的.
試下係萬寧買Lacteol Fort (sachet)粉狀, 每次加少少, 唔洗成包.........

作者: camus 時間: 2011-7-18 14:36

請問益生菌對雀雀有乜好處? 係咪幫助消化?

作者: wisebudgie 時間: 2011-7-19 09:45

益生菌的作用是强化雀鳥體內「好的」或「友善的」細菌......
是外國和香港雀友教的, 之前我的彩鳳食過抗生素, 想提高番抵抗力和消化力

作者: camus 時間: 2011-7-19 11:50

明白了. 即是就算無病無痛食左都有益處, 等我都去買萬寧買包先. 謝謝你.

作者: camus 時間: 2011-7-22 19:03

益生菌的作用是强化雀鳥體內「好的」或「友善的」細菌......
是外國和香港雀友教的, 之前我的彩鳳食過抗生素, 想提高番抵抗力和消化力
wisebudgie 發表於 2011-7-19 09:45

再次多謝你既介紹, 跟住我都有上網揾下有關資料, 最後我都買左益生菌, 不過我細膽, 走左去買Avi-Culture, 始終佢係雀雀專用, 放心啲. 今晚開始會同佢地加料.

作者: louisa20047 時間: 2011-7-22 19:10

再次多謝你既介紹, 跟住我都有上網揾下有關資料, 最後我都買左益生菌, 不過我細膽, 走左去買Avi-Culture, 始終佢係雀雀專用, 放心啲. 今晚開始會同佢地加料.
camus 發表於 2011-7-22 19:03

係邊度買同幾錢呀?

作者: camus 時間: 2011-7-22 20:15

灣仔鸚鵡城, 以前喺合和中心過少少, 今日去到發現原來搬左, 打電話去問, 先知道連店名都改埋: 灣仔道125號國泰商場大門直入就會見到.

$290, 一盒59grams, 放於室溫下可用兩年, 放雪櫃可用十年. 佢個網係咁講: http://www.avi-culture.com

作者: louisa20047 時間: 2011-7-22 20:21

灣仔鸚鵡城, 以前喺合和中心過少少, 今日去到發現原來搬左, 打電話去問, 先知道連店名都改埋: 灣仔道125號國泰商場大門直入就會見到.

$290, 一盒59grams, 放於室溫下可用兩年, 放雪櫃可用十年. 佢個網係咁 ...
camus 發表於 2011-7-22 20:15

thanks

作者: wisebudgie 時間: 2011-7-22 23:00

How's Booboo now?

作者: camus 時間: 2011-7-23 12:22

佢呢幾日受到嚴密監察, 情況依舊. 佢地有三個食物兜, 我發覺佢只會食其中某一個兜時先會垂低頭咀嚼.

其他活動情況如常, 包括玩玩具, 籠外自由活動, 同Bird Bird爭吵打交, 便便等.

我前兩日捉住佢檢查時, 發覺佢肚腩好似有小小脹, 因為Dr. Zoltan上次都無發現, 所以我覺得可能係我自己心理作用. 照計佢應該係男仔, 應該唔會係想生蛋啩...

我已經寄左佢既羽毛去台灣亞馬遜檢驗, 呢兩三日會有結果, 如果原來真係女仔, 會從"想生蛋"呢方面再追查落去; 如果驗出係男仔, 惟有希望係消化不良, 期望益生菌會慢慢幫到佢.

我亦作好打算, 如果出現乜野緊急事情, 都唔會帶佢去大圍, 寧願試下去銅鑼灣, 雖然從未去過...

作者: wisebudgie 時間: 2011-7-25 12:16

不如你試下將你個case post 係我上次send俾你個forum度, 個度有好多對彩鳳有經驗既人同個度專係講彩鳳架....
如果對個forum有咩唔明 (例如post video), 可以隨便問我.

作者: camus 時間: 2011-7-26 23:34

多謝你既意見, 我結果都係按捺不住, 今日帶左Boo Boo去睇銅鑼灣Dr. Frank.

佢初步檢查嗉囔無異樣, 肚腩亦唔算脹起, 唔似想生蛋亦唔似腫瘤. 古怪行為可能係為受到荷爾蒙影響.

因為我都係唔放心, 同埋我堅持佢肚腩係脹脹地, 醫生建議可以照起聲波. 照左都發覺無事.

一不做二不休, 跟手再驗埋嗉囔及糞便(唔駛麻醉), 最後只係驗出有輕微壞細菌, 可能影響消化. 最後開了五日抗生素.

雖然成個過程最後都離唔開驗呢樣驗嗰樣, 然後開抗生素, 但過程中令我覺得佢對雀鳥有經驗, 因而放心一步步交俾佢做.

我本身係好抗拒要佢服食抗生素, 亦好心痛要佢檢驗過程中受咁多苦而原來根本無乜毛病, 但總算放下心頭大石.

Avi-Culture要暫停, 到食完抗生素先可以繼續.

作者: wisebudgie 時間: 2011-7-27 09:25

如果佢無咩問題就唔好俾佢食抗生素, 因為好傷身

作者: camus 時間: 2011-7-27 09:55

我都有諗過唔俾佢食抗生素, 但係琴日即場已經食左第一劑, 所以焗住要食完一個療程.

要連續五日早晚兩劑餵佢食藥, 見到佢辛苦時我地又心痛, 人同雀都唔好受.

作者: wisebudgie 時間: 2011-7-27 14:11

唔係架, 你唔一定要俾佢食哂架, 我上次俾我個隻食左三日, 見情況無改善, 打電話番去銅鑼灣診所, 醫生話可以停藥.
後尾我先知佢原來係敏感, 好後悔俾左佢食抗生素

作者: camus 時間: 2011-7-27 16:25

咁就好喇, 我會睇住佢既情況, 食一兩日就隨時停藥. 好彩有你話我知.

唔知係咪我既心理作用, 佢今日比起琴日活潑返, 亦小左垂低頭. 我會繼續監察.

作者: littlecae 時間: 2011-7-27 17:13

咁你又唔好自行停藥, 問清楚可唔可以先~

作者: camus 時間: 2011-7-27 17:20

知道, 醫生都叫我定時打返去報告狀況, 我會問清楚先做. 謝謝你.

作者: carolee 時間: 2011-7-27 23:57

"活潑返, 同小左垂低頭", 真係鄧你好開心! 食完抗生素療程據說可吃益生菌同維他命補充返(D雀店講), 可請教下DR FRANK, 也可試下HARRIZONS 俾病鳥食幫助復完果隻糧

DR FRANK我小寶以前都睇過, 覺得佢好有經驗, 同都好細心, 也是每天都要我報告情況, 都跟得好貼

作者: wisebudgie 時間: 2011-7-28 10:54

係呀, 問下醫生幾時停得會好d.........如果有效就唔好停住, 我個隻停藥之後有食益生菌補下, 都要補好耐先正常番, 而家好肥仔, 有成40gram重, 你有無磅下佢?

作者: camus 時間: 2011-7-28 18:00

有呀, 我屋企兩隻雀keep住都有磅重: Bird Bird睇落好肥, 又為食, 但體重一直穏定在35gram; Boo Boo食量正常, 睇落去較瘦, 其實體重一直保持45gram.

雖然Boo Boo體重過晒磅, 但Dr. Nicole同Dr. Frank各自都認為佢係周身肌肉, 唔係肥胖, 唔駛減肥; 反而Dr. Zoltan見佢咁重, 認為係痴肥, 建議我由50%合成糧改為100%合成糧.

我自己都認為佢唔係肥, 只係因為日日夜夜同Bird Bird打架互相追殺所鍛鍊出黎, 而且一粒粟都無得食既話就實在太慘, 所以仍然係用50%合成糧.

作者: Snoopy 時間: 2011-8-23 11:40

Hi camus, how's your birdie? Is he ok now?

作者: camus 時間: 2011-8-23 12:21

多謝關心, 佢垂低頭咀嚼既情況幾乎消失, 呢方面已經唔駛擔心.

但係佢肚腩對落, 兩隻腳仔中間去越來越腫脹, 摸落去好似有粒開心果咁大, 呢樣野令我非常擔心. 但係上次睇Dr. Frank時我都有提出疑問, 醫生檢查過照完超聲波後都堅持係正常無問題, 我地當時幾乎爭辯起黎.

而家我仍然掙扎緊, 帶Boo Boo再睇醫生既話, 如果醫生都係堅持係無問題, 咁就要Boo Boo無端端再受驚受苦(上次見佢又照聲波又抽嗉囔組織, 好可憐), 如果醫生今次話係有腫瘤, 咁細隻雀仔又做唔到乜野手術幫佢...

作者: Snoopy 時間: 2011-8-23 14:04

Poor Boo Boo, can you take a pic of that suspected area and show us? And are you sure Boo Boo is a boy?

作者: Snoopy 時間: 2011-8-23 14:07

BTW, I just went through your pics on photobucket and from the colour of the cere, Boo Boo should be a girl.....and if that's so, she may be suffering from egg binding....

作者: camus 時間: 2011-8-24 09:14

你講得啱, 佢係女仔.

我嘗試過影低佢, 但係肉眼係睇唔出, 要捉實佢用手摸先至會感覺得到.

如果係卡蛋, 當日照超聲波應該都會睇得到, 而且時間都過左個幾月, 卡蛋唔會卡咁耐卦?

佢亦從未企喺籠底, 便便又跟平時日樣, 食、玩、瞓都無異樣...

作者: Snoopy 時間: 2011-8-24 09:30

I think you can post a question to this very useful website...the one that wisebudgie gave you a while ago. There are experienced budgie lovers who I'm sure could give you some ideas or even help solve the problem for you. I've got many valuable info and helpful tips on taking care of our keets. Pls. check it out.

http://www.wineintro.com/forum/ubbthreads.php?ubb=cfrm&c=4

作者: camus 時間: 2011-8-24 10:02

好, 等我放上去問下啲高手先, 謝謝你!

作者: camus 時間: 2011-9-7 14:13

終於都係再帶Boo Boo去見Dr. Frank, 證實係脂肪瘤, 但因為所在位置無影響內臟或任何器官, 無需要做手術切除. 不過以後要節食減肥, 醫生建議暫時停食紅粟糧, 淨食合成糧加蔬果.

已經轉為淨食合成糧個多星期, 見到佢地便便由以前大部分黑色加少少白色尿素變為一半綠色加一半白色尿素, 咁既顏色正常嗎?

可能無粟到肚既關係, 佢地好似食唔飽咁, 一日到黑都走去食野(合成糧). 見佢地咁慘, 我每朝都會餵佢地食一小羹紅粟, 佢地一見到就發晒癲咁食, 好可憐...

我知好多人對合成糧都抱有懷疑態度, 我自己都唔贊成完全淨食合成糧, 而家只係臨時性質, 過多一兩個月我都會慢慢加返少少紅粟.

其實佢地已經每日都有食新鮮蔬菜, 主糧係50-50合成糧加紅粟, 住有一定飛行空間既籠(兩隻合住三尺闊x三尺高x兩尺深), 每日都有最少兩小時籠外自由活動, 但係Boo Boo都患上脂肪瘤, 似乎我都係掌握得未夠好.

作者: Snoopy 時間: 2011-9-7 14:42

Camus, nice to know that Boo Boo isn't having any big health problem. However, I suspect the cause of 脂肪瘤 is partly due to his diet. Birds are seeds and grains eaters and as I've mentioned in another thread here, pellets would affect the health of the birds in the long run. So if you can, try to feed the keets seeds and grains plus some herbs and spices. If you want more info, feel free to ask me. If the keets are on a good diet, veggies could be just a treat to them...2 - 3 times a week is good enough, and fruits are not essential at all.

歡迎光臨 PARROT-TREE (http://forum.parrot-tree.com/)