標題:
經濟日報 - 80後新鮮人
[打印本頁]
作者:
ckw3b
時間:
2011-7-20 14:46
標題:
經濟日報 - 80後新鮮人
第一日返工就哭哭啼啼，投訴公司冷氣不夠凍、同事不好人，返了一星期就話病，然後辭工！」新一批80後大學畢業新鮮人剛投身職場，當中有不少是肯學肯捱的新世代，但亦有一撮上班不足一個月便問題多多的新鮮人，包括返工首日「玩失蹤」、要求人事部把其放工時間提早半小時、OT翌日便請病假等，行為令管理層側目。
人事顧問慨歎，要以新模式管理新鮮人，有大學因應他們的弱點，在職前準備班增職場道德及禮儀教育。
最近職場多了新話題，管理層見到行家時均會問：「今年請的新人醒唔醒？有沒有被激親？」有人讚他們肯學肯捱；但亦有人皺眉大吐苦水。
「職場彈弓手」 轉工平常
獵頭公司Core Search董事總經理張慧敏，今年收到不少僱主投訴有大學生返工數日便失蹤，行內稱為「職場彈弓手」，因職場暢旺，他們手上有數份工，事前巧妙地安排在不同日子上班，第一份夾不來便去第二份。
最近有貿易公司僱主向她投訴，指剛聘用一位大學生，要求對方周五前交一份計劃書，但至周五當晚6點才交上，僱主瞄一瞄後認為要修改，豈料該大學生反駁：「吓，咁我咪要OT，你又唔早講！」僱主聽後認為對方調轉槍頭埋怨他。
張慧敏認為，雙方均沒錯，只是溝通有問題，大學生不應在死綫前交貨；僱主亦應有清晰指令，要求對方預留批改時間。
稱父母要求 申提早放工
殿堂公共關係顧問集團總經理霍嘉怡形容，新一代唔捱得苦，OT翌日便請病假，其公司每年聘約10名實習生，上班時間朝10晚7，上月有大學生首日返工，第一件事是找人力資源部門，以「父母要她晚上6時半回到家」為由，要求提早「放人」，霍嘉怡聽罷即無名火起，建議對方另謀高就。
張慧敏指，一名女大學生上月到上海實習，抵埗首日就投訴賓館不潔、公司冷氣不夠凍、同事不好人，要求學校更換另一份實習。張語帶諷刺說：「莫非以為自己參加了五星級旅行團？現在的學生，當了自己是消費者，去工作都要享受，不滿意就辭職！」
她透露，早前一家上市公司副主席應邀到大學分享成功之道，這位商界女強人細說自己如何爭取機會學習，才有今天的成就，豈料有台下學生發言時問：「你知道我想要甚麼嗎？我要work life balance，為甚麼要力爭上游？我才不會做工作奴隸！」在場有80後拍手大叫認同。
張認為現今管理層要學習如何管理80後，要有耐性講道理，在他們喜歡的地方「落藥」，一言堂的管理模式已不奏效。
為加強大學生職前準備，港大學生發展及資源中心為實習及應屆畢業生提供面試準備班，提醒學生投身職場要謙虛有禮，切忌遲到早退。
工大學應用社會科學系助理教授鍾劍華指，新一代環境較富裕，返工易遲到，在辦公室愛講私人電話，但這問題並不止限香港，是全球性問題。
﹏﹏﹏﹏﹏﹏﹏﹏﹏﹏﹏﹏﹏﹏﹏﹏
【大學實習生工作實錄】
個案1︰「煲」萬元長途電話——新聞系實習生
工作地點︰上海一家新聞機構
學生A到上海實習，因工作需要，其辦公電話可撥打長途電話，她常在工作空閒時間致電返港與男友「煲粥」。
公司後來發現她枱頭長途電話費竟高達逾萬元，公司非常不滿，要向大學投訴，校方深表歉意，還代學生A支付部分電話費，以平息事件。
個案2︰詐病慶生日被揭——酒店管理系實習生
工作地點︰尖沙咀一酒店
實習生B因生日申請放假3天，因太遲向人事部申請，不獲批准；B遂於生日當天詐病，連續請了兩日病假出外慶祝，當她在尖沙咀出現，恰巧被人事部同事撞個正着，人事部馬上向上級滙報，其「瘀事」已傳千里。
...................
個案3︰投訴多辭職返港——金融系實習生
工作地點︰上海一證券行
實習生C心儀上海某大證券行，但不獲聘用，校方安排C到上海另一證券公司實習，她返工首日，即打長途電話回學校，投訴公司冷氣不夠凍、同事不好人、交通不方便、賓館不乾淨，要校方為她爭取到其心儀公司工作機會，其後不得要領，C遂在工作一周後，以不習慣內地生活為理由，辭職回港。
...................
個案4︰拖延工作博補水——環境工程系實習生
工作地點︰產品檢測中心
實習生D到一家外資產品檢測公司工作，被派到銷售部門負責管理樣辦工作，職務不多，但由於超時補水的時薪可觀，他便常常拖延工作效率，報大OT時數，甚至教唆其他同事放慢工作步伐，結果被管理層識穿，被經理當面教訓，並將他調遷到不可能超時工作的崗位。
作者:
Jill
時間:
2011-7-21 01:23
EG真係好無理取鬧
作者:
mavisweet
時間:
2011-7-21 10:01
其實唔單單止80後工作態度差,
好多公司老臣子hea做態度仲頑劣啦~
作者:
ckw3b
時間:
2011-7-21 10:05
其實唔單單止80後工作態度差,
好多公司老臣子hea做態度仲頑劣啦~
mavisweet 發表於 2011-7-21 10:01
都係架
文章都話有d80後肯做肯捱
所以要做好本份
作者:
lam_ot
時間:
2011-7-22 14:00
我才不會做工作奴隸！<---佢又講得岩喎
作者:
mmchu
時間:
2011-7-22 15:19
本帖最後由 mmchu 於 2011-7-22 15:26 編輯
應該公道d咁講，八十後，
有d都成三十歲，
又唔好一下子標籤晒佢地，
只係貼近九十頭個d先係咁…
我公司有好多典型既八十後九十頭
"人講佢就瞓，瞓醒佢就問"，
又無禮貌，又無手尾，
又唔捱得，又唔夜得，
又唔話得，又唔鬧得，
又唔聽教，又無記性，
返工又唔帶腦，帶左既又唔用！！！
因為我公司係會計師樓，
好多小朋友都係抱住"騎牛搵馬"既心態工作，
個個都諗住要入"big 4"，
big 4唔請，咪馬死落地行，
求其搵間firm有份工返下先，
所以根本無心機去做野，
要食飯麻，唯有做住先，
無錢無得去玩，無得shopping…
反而老臣子就唔同，下下為公司著想，
睇得出佢地有heart咁做野，
仆心仆命，
小朋友個d就hea住黎做…
對住班八十後，
我阿姐真係激到嘔血，
白頭髮都多幾條！
歡迎光臨 PARROT-TREE (http://forum.parrot-tree.com/)
Powered by Discuz! 7.2
