PARROT-TREE - Powered by Discuz! Board

標題: 7月27日這是我在雀街買回來的灰鸚擔心體重問題請大家比些意見 [打印本頁]

作者: victor 時間: 2011-8-5 23:37 標題: 7月27日這是我在雀街買回來的灰鸚擔心體重問題請大家比些意見

這灰鸚名 {一休} 基本上它都很精神很快可以上手了，但它的體重我就有些擔心因剛買回來是 420g 我每日喂二餐，但它也有食些小主糧但不多，但有一次我不在香港喂少了一餐奶就輕了一成的重量，現在平均未食野前磅370g，我現在一日開始喂三餐希望它的體重回升，我古它的歲數 {一休} 應該三個月大，如真的三個月大 370g會過輕嗎？我有朋友講可能開頭鸚鵡的批發商，寄鸚鵡前谷肥鸚鵡，到了香港，現在回復當初它的原來重量，我摸它的胸的骨較尖，這是否代表佢較瘦，但我都很擔心，如到星期一，以我每日喂三餐，到不能升少少體重，或再跌體重，我可能要帶它去睇下醫生，現在它的大便是正常、我買了三件玩具，掛一件比安它ko 後再掛另一件，三件玩具都被它ko了。我想大家比下意件我謝謝

作者: siayf 時間: 2011-8-5 23:46

點解吾打比飛鸚主席呢？。一定幫到你！

作者: siayf 時間: 2011-8-5 23:52

睇落精神吾錯！不過三餐好似少左啲？！打比脅飛鸚啦！

作者: ECKO 時間: 2011-8-6 01:48

牠應有四至五個月，睇幅相就唔覺太瘦，精神OK喎，玩具都ko到証明冇病冇痛。

作者: BoBoBoBo 時間: 2011-8-6 03:29

本帖最後由 BoBoBoBo 於 2011-8-6 03:56 編輯

一休灰鸚仔仔! 你好!

灰鸚食野, 天一半地一半, 你有無數住每次牠食了多少, 又跌了多少?
起初我們為了解牠的進食情況, 除了每朝用電子磅磅一磅隻灰鸚外, 亦會先磅一磅每餐雀糧重量, 和趺出來的雀糧重量, 相減, 看牠有沒有東西下肚. 晚上睡前會用打成粉狀的雀糧加熱水開成糊仔餵三幾啖, 肯定每天至少有一餐飽肚. 糊仔有些暖, 像鸚兒父母反雛俾bb的食物, 鸚兒一嗅到會開心到死, 食得好急, 所以要小心不可太熱, 否則會嚴重灼傷食道. 有時隻雀會賺棄唔食, 因為太杰/太稀/太涼, 要慢慢去試到佢鐘意為止.

我兩隻灰鸚主要是吃不含色素的 Organic 雀糧 Harrison High Potency Coarse, 係貴d , 但實心, 計落絛數其實差不多.
http://www.harrisonsbirdfoods.co ... ulas/departments/2/

Harrison 隻 infant formular 食左真係肥得好快, 你可以試試開成糊仔餵一休.

另外亦會餵食各樣生果. 灰鸚須要特別多鈣, 有時間可多晒太陽.

bb 雀食得多睡得多, 俾佢多d 休息, 晚上蓋上黑布讓牠睡上12小時最好.

房間沒開冷氣, 要留意是否通風有氣流, 小心隻雀中暑. 我發覺氣温太高/太低時, 對灰鸚會停止活動, 食慾大減.

有空可看看舊post, 去"搜索"打入関鍵字, 如"鸚", "灰鸚", "食", "糧", "重", "磅", "UV" , "病", "走"...etc , 好多新手都有同樣questions, 可作參巧之用.

作者: 養鳥新丁 時間: 2011-8-6 06:59

一休......一休大師

作者: zero322 時間: 2011-8-6 08:06

1# victor

我就覺得跌重量係一定唔好
但如果能夠KEEP到既就唔洗擔心
真係再跌我就一定去CHECK一CHECK 唔係有事都快D醫冇事當放下心頭大石~
但我都覺佢好精神~ KEEP住餵多D奶比佢啦~

作者: siayf 時間: 2011-8-6 11:48

呢個網有體重睇
http://www.avianweb.com/AverageBirdWeights.htm

作者: BoBoBoBo 時間: 2011-8-6 15:11

本帖最後由 BoBoBoBo 於 2011-8-6 15:14 編輯

我隻灰鸚女回來時只有4個月大, Harrison Coarse 對她來說太大太硬, 她又不懂把糧浸淋才吃, 只肯吃生果.
第三天晚上忽然狂叫喪叫不停好似就死咁款, 嚇到我地急call 店主, 店主話佢可能肚餓, 剩食生果等於無野落肚一樣, 睇d 雀 b 向雀爸媽須索無窮就知佢幾大食.
店主叫我們有咩佢鐘意食就俾住佢食先, 我們只有瓜子, 他就說用瓜子頂住一晚知啦!
第二天飛撲去鸚話買她每天都吃一兩次的糊仔, 另外將所有雀糧和生果全部切粒粒, 又偶然會手餵牠們吃, 睡前一餐糊仔確保唔會夜晚半夜餓醒. (陪過佢地訓, 隻鸚女半夜起身食兩次野)
唔知你隻b b 會唔會餓到無力叫, 420g 跌到 370g , 唔係無野落肚就可能消化有問題, 最希望當然係佢無事.
佢地天生有事都扮無事, 人前精奕奕, 要小心觀察.

作者: vanessachan 時間: 2011-8-8 15:31

體重跌左成50G....最好帶佢去睇醫生,檢查一下.因為BB雀抵抗力差,加上長途跋涉的運輸....我之前買左隻灰鸚BB,得3個月大(賣雀果個話半歲),原來佢本身已營養不良,加上新手唔識養,結果訓左落籠底.BB雀一病就死得好快.好彩我隻雀最後醫得番.所以會都問題未變嚴重時去睇醫生,一來醫好機會大,2來醫藥費唔使咁貴.現在我的灰鸚是食生果(起碼5種)+Harrison糧,體重over 600g了.(大種灰鸚)

作者: 風中飛鸚 時間: 2011-8-9 10:39

如果你硬要睇醫生~你睇我得啦~
一隻鸚鵡如果一路係咁重~三年後咪大過隻象?
一般鸚鵡出生~體重急升~到斷奶期體重都會回落~是正常的~你現在只要保持每日餵奶~及磅重~體重應該唔會點再跌~

鸚鵡出生時~因為要跟其他兄弟姊妹爭食~要做最強壯~爭取生存機會率~又要養肉預備飛行~
所以幼鳥的某個時段會比較重~到需要學飛時~體重需要下降以配合飛行~好正常~唔洗擔心~

轉個話題~萬一不幸~你的鸚鵡染有罕有先天性疾病~體重一路下跌至死~你帶去睇醫生都係醫多幾千元先死~所以我們先選擇常見的斷奶期體重下降~而排除罕有先天病~

作者: zero322 時間: 2011-8-9 11:08

11# 風中飛鸚

但一跌會跌到10%咁勁??

作者: 風中飛鸚 時間: 2011-8-9 11:11

唔怕~好多時主人冇經驗~隻鸚鵡郁黎郁去~磅得唔準~

作者: 風中飛鸚 時間: 2011-8-9 11:18

如果樓主太擔心~現在就當我係獸醫~你帶隻鸚鵡黎~

我:先生你鸚鵡乜事?
樓主:佢體重不斷下跌~
我:唔多對路~我們先同佢抽血檢查同照張X光~再做多兩個化驗~期間你隻雀最好留醫啦~
3日後得兩個結果

X光及一連串化驗加上留院又醫生費用~合共2萬6千4百3十2個半~豆零唔好計啦~

1你隻雀完全冇事~可以俾錢出院~
2你隻雀好大件事~可以俾錢之後等死~

當然你可以話睇左心安理得~不過你的鸚鵡情況唔係壞都咁~睇多幾日先啦~(如果係絕症都唔差幾日~)

作者: zero322 時間: 2011-8-9 11:20

13# 風中飛鸚

其實戈位朋友都有問過我但佢同我講就話佢好精神玩具又玩得又有力咁
咁就同佢講你驚有事既就去CHECK一CHECK CHECK到冇事咁咪唔洗再擔心~
可能隻灰鸚本身跟住就大約係戈個體重到~~ 但如果比我就會去CHECK一CHECK 因為我戈隻戈時日日CHECK 最高都係試過跌10G 所以情況唔同唔識點交流~

作者: 風中飛鸚 時間: 2011-8-9 11:29

1因為第一次磅可能飽肚關係~所以先叫佢睇多幾日~如果冇事~體重就唔會再跌~

2另外咁細隻灰鸚~如果令佢體重急跌係病引起~跟本都好難醫~

3另外我一直有提到~要買隻健康鸚鵡~唔好睇價錢為先~因為睇一次醫生就好甘~分分鐘貴過買多隻~

4祝一休快高長大~

作者: madcat 時間: 2011-8-9 11:45

飛鸚好勁..全中....

一休OK喎...唔好單看體重,仲要睇精神,便便,食慾...

睇相,一休好健康,企好直,雙翼後向交乂,眼外圍藍色...仲會KO玩具勁有力啦...

正常KEEP住餵食,加鸚鵡糧俾佢學下自己食啦....斷糧同學飛期都會下跌...

餐與餐之間俾生果佢食下...

作者: zero322 時間: 2011-8-9 11:46

佢次次餵同餵前都有磅~
一陣見面再傾啦~~
我2點幾黎到隻龜唔開口點算~ 去CAMP3日...

作者: victor 時間: 2011-8-9 12:03

本帖最後由 victor 於 2011-8-9 12:09 編輯

在這裡很多謝各位鸚鵡樹會友及會長給我寶貴意見昨晚同會長通過電話會長教了我喂奶的少少技巧.

我可能以前我沖奶後才慢慢放它出來之後再幫佢過磅再喂佢飲奶唔夠熱  所以它食頭10mL 它食得很快  但第二個10mLm 就開始天一半地一半。

現在放它出來過磅後才沖奶及將  Harrison's High Potency Corase  四粒主糧用石磨壓成粉  同Harrison's  BIRD FOODS JUVENILE HAND FEEDING FORMULA 的奶粉一起沖給它飲今次可能夠熱  共25ML 都很快飲完

今朝起身未喂奶前磅 371G 昨晚未喂前磅 358G 重了 13G 真係好開心，用這種主糧同奶粉加即沖即喂奶未飲前  及喂完後相差 22G至25G

之前飲奶可能唔夠熱喂完及天一半地一半只是相差10G至16G 到  希望體重慢慢回升到四百幾G  我就安心了之前在鸚有Ｘ有買了三件具差不多成三百元  到係玩十日都幾貴請問除鸚有Ｘ有  買鸚鵡玩具還有邊到買的鸚鵡玩具較安全因鸚鵡玩具有對鸚鵡有害物質  平都唔買

作者: siayf 時間: 2011-8-9 12:06

體重有上升咪好囉...keep住咁喂..應該好快就會變肥仔..！

作者: zero322 時間: 2011-8-9 12:08

19# victor

買個玩具好似水母咁係牛皮繩黎你打結比佢解佢會有排玩

作者: madcat 時間: 2011-8-9 12:08

你唔係用暖杯盛住D奶咩...唔掛得啦..因如果唔溘度唔岩佢地,佢地要體力去消化就減慢佢吸收....^^

有飛鸚...冇病鸚...

作者: kitkit441 時間: 2011-8-9 19:23

在這裡很多謝各位鸚鵡樹會友及會長給我寶貴意見昨晚同會長通過電話會長教了我喂奶的少少技巧.

我可能以前我沖奶後才慢慢放它出來之後再幫佢過磅再喂佢飲奶唔夠熱所以它食頭10mL 它食得 ...
victor 發表於 2011-8-9 12:03

若你買的是現成的玩具，就選擇堅固耐用點的，
若你買的是散件自由組合的，你可拾回沒被破壞的，留下待再買新的散件一拼組合，
這樣會省點錢的。
我覺得玩具被鳥兒KO的話，起碼証明鳥兒喜歡玩，若它不玩的話，你到時仲驚。

作者: 風中飛鸚 時間: 2011-8-10 12:28

隻龜唔開口有幾個方法~
1幼龜開口糧~
2浸食慾增進劑~
3浸營養水~令龜飲用到~能維持本身需要~令龜拖長壽命~

作者: 風中飛鸚 時間: 2011-8-10 12:42

鸚鵡父母反"初"餵兒~食物溫度好高~

作者: 小達摩 時間: 2011-8-10 14:59

恭喜，一休好勁wor，食25ML咁多
我隻達達最多食15ml，哈哈，當然體型不同好難比較
最初達達都係食到最後唔多食，仲thing開D奶，整到周圍污糟唒，跟住我用熱水 "坐"住D奶，就食好多啦
記住餵之前用手背試下溫度，因有時都燙手的

作者: usb0904 時間: 2011-8-14 11:04

本帖最後由 usb0904 於 2011-8-14 11:12 編輯

你隻灰鸚好精神健康，加油

作者: siayf 時間: 2011-8-14 13:20

一休依家點呀？！

作者: 風中飛鸚 時間: 2011-8-15 11:24

一休依家點呀？！
siayf 發表於 2011-8-14 13:20

佢叫一休~唔係長休~唔洗擔心~

作者: 菜心仔 時間: 2011-10-8 18:49

佢又玩得又吃得不可常常吸食

歡迎光臨 PARROT-TREE (http://forum.parrot-tree.com/)