PARROT-TREE - Powered by Discuz! Board

標題: 新手有野想問, 請各前輩指教 [打印本頁]

作者: makko 時間: 2011-8-30 21:40 標題: 新手有野想問, 請各前輩指教

2日前我買左隻鸚鵡, 唔知係唔係未習慣新居, 所以開左籠叫佢出黎, 佢都唔願出~ 有時仲驚到有少少震, 但一行開佢又開心咁玩自己既玩具, 咁其實佢地要大約幾耐先習慣呢?

帶雀出街(坐車)係唔係有d佢地專用既籠比佢呢?係唔係雀街已經有得買?

我買嗰隻係亞馬遜, 有冇d養開亞馬遜既講下你地既雀又食開邊隻糧或者食物呢? 等我可以參考下

thx~~~

作者: 風中飛鸚 時間: 2011-8-30 21:46

我買隻狗回家兩日~佢唔識跳火圈~我明明見到人地果D識~(一樣道理~)
雀鳥本身好敏感~對周維環境好有壓迫感~唔死已經好俾面我~冇可能咁快熟悉環境架~俾D耐心啦~

作者: jennymok 時間: 2011-8-30 23:32

要鸚鵡習惯居住環境隻隻都有唔同的適應期, 而家最好唔理佢太多, 等佢慢慢習惯, 佢幾大呀?
帶雀出街用行街箱, 雀街有售。
我都有隻藍頭亞馬遜, 係女嚟

作者: jennymok 時間: 2011-8-30 23:33

要鸚鵡習惯居住環境隻隻都有唔同的適應期, 而家最好唔理佢太多, 等佢慢慢習惯, 佢幾大呀?
帶雀出街用行街箱, 雀街有售。
我都有隻藍頭亞馬遜, 係女嚟

作者: jennymok 時間: 2011-8-30 23:34

佢好鐘意玩公仔&木頭, 又鐘意食野, 合成糧、瓜子、生果、白飯啦樣樣都好, 性格又好獨立, 自己同自己玩都得, 唔似得我其他鸚鵡一見唔到人就有時大叫揾人玩。佢講野、唱歌都好叻, 每日4點左右就練習講野, 我地一家人傾計佢就成日撘咀, 比佢笑死, 例如, 一叫完"媽咪","家俎", 我地都唔應佢呢, 佢就大叫"聽唔聽到呀", 直至你應佢為止。又成日叫工人姐姐做"靚女", 因工人每日同佢清潔雀籠、換水、R毛, 又唔見佢叫我靚女。

作者: MeiMei 時間: 2011-8-31 17:04

我都想問一下，
Jenny, 我嗰隻3個月大，每天我餵合成十生果糧(各一半)，生果糧多數吃光(晚上吃得差一點)，合成只是吃很少，幾乎沒動過，大便每天8-10條黑白色的，她會不會不夠營養，我怕她吃得太少了。

作者: ping 時間: 2011-8-31 18:25

佢好鐘意玩公仔&木頭, 又鐘意食野, 合成糧、瓜子、生果、白飯啦樣樣都好, 性格又好獨立, 自己同自己玩都得, 唔似得我其他鸚鵡一見唔到人就有時大叫揾人玩。佢講野、唱歌都好叻, 每日4點左右就練習講野, 我地一 ...
jennymok 發表於 2011-8-30 23:34

你隻藍頭好叻，我果隻講嘢唔叻，但肢體動作、禽上禽落、開鎖......就好叻。我地覺得佢唔多想學講嘢。
佢好膽小，咩都驚一餐，好多嘢都唔敢食。幸好，有一隻為食黃頭做伴，佢見人地食得咁滋味，就跟住食。
答番樓主，我隻藍頭食HARRISON同ROUNDY　BUSH.
順便答埋MEIMEI，我建議你早上只俾合成糧，食晒先俾生果糧，佢地係鍾意食生果糧多D。

作者: zero322 時間: 2011-8-31 18:36

有邊個唔食飽魚食白飯
有好野食當然食好野啦
岩岩養比佢係籠度唔好搞佢住只換糧換水
比佢適應先

作者: MeiMei 時間: 2011-8-31 21:30

Thx, 我試一下，
合成糧我pretty bird, 遲的想轉harrison, 不過我隻雀都是新養2星期，等她適應了才轉。

作者: makko 時間: 2011-8-31 21:35

本帖最後由 makko 於 2011-8-31 21:37 編輯

5# jennymok

我嗰隻都係藍頭亞馬遜, 同你嗰隻都係女, 佢再過2日就4個月
有時完全唔理佢, 佢就會大叫, 叫到有人行埋去, 之後就收聲望下你...有時播音樂, 佢又會跟住唱下咁
你隻藍頭亞馬遜都好得意聰明wor, 見到姐姐叫靚女, 收買姐姐咁話~~~

佢而家幾大呀?同埋佢講野既聲係女仔聲定男仔聲呢? 因為我聽人講如果敎佢講野既係男仔/人既話, 隻鸚鵡講野把聲就會似男人咁wor?(都係想參考下啫...)
thank you

作者: jennymok 時間: 2011-8-31 21:57

我都想問一下，
Jenny, 我嗰隻3個月大，每天我餵合成十生果糧(各一半)，生果糧多數吃光(晚上吃得差一點)，合成只是吃很少，幾乎沒動過，大便每天8-10條黑白色的，她會不會不夠營養，我怕她吃得太少了。
MeiMei 發表於 2011-8-31 17:04

我諗比佢食奶之餘再加小小合成糧, 生果糧, 好似BB開始食大人食物之餘都要食奶一樣, 就唔怕不夠營養啦!

作者: jennymok 時間: 2011-8-31 22:43

5# jennymok

我嗰隻都係藍頭亞馬遜, 同你嗰隻都係女, 佢再過2日就4個月
有時完全唔理佢, 佢就會大叫, 叫到有人行埋去, 之後就收聲望下你...有時播音樂, 佢又會跟住唱下咁
你隻藍頭亞馬遜都好得 ...
makko 發表於 2011-8-31 21:35

我嗰隻今年12月就7歲喇! 佢講野係女仔聲架! 佢仲會扮其他鸚鵡的叫聲及講野聲架! 有時都唔知邊個講"hello" & "byebye"

作者: Koowa 時間: 2011-9-1 13:16

5# jennymok

好醒!

作者: ping 時間: 2011-9-1 16:14

12# jennymok

我果隻八歲，係男仔，都係發情期，不如相睇下，睇下可唔可以做個朋友。

作者: jennymok 時間: 2011-9-1 20:56

14# ping

你住邊呀? 我住港島區!

作者: ping 時間: 2011-9-1 23:11

本帖最後由 ping 於 2011-9-1 23:12 編輯

我住九龍。
我隻藍頭頗為主動，始終係男仔，都幾肯識朋友。

作者: jennymok 時間: 2011-9-1 23:53

你隻藍頭同黃頭friend唔friend呀? 話曬同一品種吖, 我嗰4隻狗咬狗骨, 近呢一年隻太陽先同隻黃頸金剛friend d咋!!

作者: ping 時間: 2011-9-2 17:40

幾FRIEND嫁，黃頭成日叫藍頭餵佢食嘢，有時你同我搔癢，有時我同你搔癢。藍頭好就黃頭，見佢行開都好似好擔心咁。
但黃頭得3歲，都係男仔，雀仔唔會攪GAY，所以佢地只係FRIEND，藍頭點都要識番個女朋友。
不過黃頭真係唔睬雀，好在藍頭幾鍾意識朋友，初時都係藍頭做主動。

作者: makko 時間: 2011-9-2 20:40

7# ping

我都想問你比harrison既邊款呢, 因為我買隻鸚鵡時, 個店主提議我比pretty bird; 但好多年前, 我養過雞尾時, 隻雞尾唔知乜事(太耐之前發生), 我帶佢去睇e生, 個e生就推薦食harrison, 話呢個糧既營養全面d咁話, 咁之後佢又真係一真都好健康...所以我都想比我隻雀食~ 但又唔知佢食邊款好...
thx~

作者: ping 時間: 2011-9-2 21:03

我果兩隻食現在食緊辣椒味。
之前有好多post講li隻糧，你想知多D，可以search 下。
好似話細佬哥食high protein 好D。
但醫生個助手同我講，亞馬遜比較懶，好易脂肪肝，平時要俾佢行下。
咁我怕佢營養過剩，又見佢地都大個，咁就無俾high protein 糧佢地。

作者: jennymok 時間: 2011-9-3 00:16

我嗰d都係食Harrison辣椒味(原味唔肯食架) & Roudybush, 再加少少瓜子, 生果糧, 每日下午茶新鮮生果, 少少麥包早餐&白飯晚餐, 好多選擇同唔悶架!

作者: ping 時間: 2011-9-3 11:57

21# jennymok

我同你一樣，都係這兩隻糧交替食，不過佢地都肯食原味。
除了合成糧，我都有俾生果佢地食，但就無提供生果糧。
上次樹樹聚會，有會員請佢兩隻嘢食原粒杏仁，見佢地鍾意，就買左放係覓食玩具度，不過都係限一日一粒。
煮開飯仲會蒸D粟米雜菜俾佢地食，佢地都好鍾意食。有時就俾綠色蔬菜，佢地都肯呅下。

作者: makko 時間: 2011-9-4 18:30

我想知jennymok同ping既鸚鵡都食辣椒味, 咁其實鸚鵡係食唔出辣味? 定佢地係食得辣既呢?
因為屋企種左d勁辣既辣椒, 如果佢地受唔到就費事拎比佢地食la

作者: louisa20047 時間: 2011-9-4 20:27

我想知jennymok同ping既鸚鵡都食辣椒味, 咁其實鸚鵡係食唔出辣味? 定佢地係食得辣既呢?
因為屋企種左d勁辣既辣椒, 如果佢地受唔到就費事拎比佢地食la
makko 發表於 2011-9-4 18:30

鸚鵡冇辣嘅味覺

作者: makko 時間: 2011-9-4 21:33

OH~ IC
THANK YOU

歡迎光臨 PARROT-TREE (http://forum.parrot-tree.com/)