PARROT-TREE - Powered by Discuz! Board

標題: 鸚鵡鼻竇炎 [打印本頁]

作者: 風中飛鸚 時間: 2011-10-16 22:36 標題: 鸚鵡鼻竇炎

大家有冇識得朋友的鸚鵡有鼻竇炎~有位雀友非常擔心~隻鸚鵡去大圍睇左好多錢醫生~初步認為是鼻竇炎~食藥一段時間~只是輕微好轉~醫生說要做更多化驗及內窺鏡~但要萬多元~主人非常吃力~又非常擔心~想轉醫生~又怕其他醫生更差~
鼻竇炎的說法~又不知道有幾準確~因為藥物又沒起多大作用~
鸚鵡是藍黃金剛~現在已經十天沒有進食~生命危在旦夕~如果大家有同類經驗~請告之~

作者: jennymok 時間: 2011-10-17 00:17

我有個朋友的灰鸚(冷親, 10月初, 又係唔食野, 企籠底)剛睇完醫生(黎昌生Eric Lai 28932988 : 診所在跑馬地&將軍澳), 佢第一句就同我朋友講放心, 無需要先驗血、照乜照物, 因醫生都養咗隻灰鸚, 我諗佢先憑經驗睇, 如有需要先決定驗血等等。
再加上我個朋友當時2曰後就要去旅行, 醫生都即日比佢插隊睇先, 之前我記得佢好似醫好一隻生脂肪瘤嘅亞馬遜
http://forum.parrot-tree.com/vie ... ht=%AF%D7%AA%D5%BDF
仲有如鸚鵡唔食野, 可比木瓜佢頂住先, sourced from DR., 希望呢d資料幫到你啦!

作者: Louis 時間: 2011-10-17 00:18

雀鳥患上鼻竇炎只係其中一種病徵, 多種呼吸系統疾病都會伴隨鼻竇炎, 例如: 上呼吸道感染, 支氣管炎, 肺炎, 嗉囊發霉, 氣囊發霉, 每種醫治方式及藥物皆不同, 所以需要做多種測試化驗, 揾出病因及致病原, 對症下藥. 其中醫治肺炎, 嗉囊發霉, 或氣囊發霉最繁複, 需要住氧氣箱幫助呼吸及吸入抗生素/抗真菌藥物氣體治療.

不能自行進食, 就需要強行餵奶, 真係唔病死都餓死.

作者: vanessachan 時間: 2011-10-17 09:28

3# Louis

作者: LEELO 時間: 2011-10-17 09:58

本帖最後由 LEELO 於 2011-10-17 10:01 編輯

如果住氧氣箱咪分分鐘要幾萬落樓！

作者: 風中飛鸚 時間: 2011-10-17 10:35

現在雀友其中一樣擔心~都係錢問題~下下都講萬萬聲~仲未必醫得好~內心非常爭扎~
求助於我的意見~我只有開POST~等佢自己上黎睇~~

作者: Louis 時間: 2011-10-17 11:06

住氧氣箱其實唔係咁貴, 只要屋企有個亞加力籠, 用毛巾及膠紙封住d窿, 再租一部氧氣機(長期病患者用果d), 大約一千蚊一個月(買一部最平兩萬幾), 就成為氧氣箱, 可以慳番每日成千蚊既住院及氧氣費.
至於藥物氣體, 係用霧化機將藥水霧化, 再注入氧氣箱俾隻動物吸, 一部霧化機千零蚊, 藥水可以叫醫生開俾你帶返屋企.
問題係要先確實病因, 至可以使用正確藥物及治療方法, 如果乜都唔驗, 醫生只可以開d常用抗生素, 暫時頂住檔, 好彩就醫得好, 唔好彩就耽誤病情.

作者: vanessachan 時間: 2011-10-17 12:42

純粹個人意見~其實雀雀睇醫生真係好好好貴,養之前真係要好好好好衡量自己的經濟能力.我的經驗是在盧X記買了一隻灰鸚,用左的醫藥費足夠買過3隻BII灰鸚..雖然勁肉赤,但總算救番佢條小命囉.....

作者: carmenbabe 時間: 2011-10-17 13:10

你地好﹗我就係jenny講既灰鸚主人!!
我個日book Dr Eric 睇灰鸚，佢好細心同比人覺得佢真係愛錫鸚鵡既人，佢知道我好擔心佢第一句就叫我放心，唔會咩都迫我抽血驗lee樣驗個樣，佢話咁樣做都會令鸚鵡受驚，除非隻鸚鵡真係好嚴重先會提出咁既主意﹗
而佢好細心講解同了解我隻灰鸚既問題，而且佢自己都有隻灰鸚，所以佢都唔太怕去觸摸鸚鵡﹗不過佢會先問主人隻鸚鵡脾氣會唔會咬人，因為咬人佢需要主人合作﹗
而我去睇個時都有留定d 屎比佢望下，佢真係唔mind dirty就拎住係咁睇同觀察﹗所以lee d都令我做主人感到佢真係好有心既醫生﹗而且佢睇完診後有教我點樣去照顧隻鸚鵡 & 點樣令佢健康﹗
佢有提到我好在有餵奶或餵木瓜比自己隻灰鸚食等佢有水份同營養去支持自己身體，佢話鸚鵡一d嘢都冇到肚就好麻煩! 所以我諗金剛主人點到要用針筒去餵佢食嘢....慢慢比都要﹗我都係慢慢餵同分開多餐﹗開頭食得少就每一個半鐘就餵d，肯食多d就3個鐘一次﹗我訓前就會餵得再多少少﹗一定要佢有嘢落肚撐住自己既身體﹗
可以買d熟d既木瓜等佢覺得甜甜地又有水份又可以飽肚(只要將d熟既木瓜整到容咁就可以同針筒餵駕喇)
記得同佢保暖，我個時連window都唔敢多開....怕佢再吹陣﹗又開暖爐又用布蓋好佢....而醫生再有個建議係比一個又黑又寧靜既地方佢休息，等佢可以集中精神休息唔洗聽到其他聲音﹗不過就要隔一陣就去望下佢一眼睇佢點留意多d佢既情況﹗
希望我以上所講既幫到你﹗我已經打左電話比dr eric駕la...佢會盡快覆我睇下點樣幫你既鸚鵡﹗
如有需要可致電我睇下有咩幫到手: carmen  96337547

醫生既電話同地址:
將軍澳

由星期一至日應診  上午 10:30 至 2:00    下午 4:00 至 7:30
(公眾假期休息)

地址:
西頁將軍澳唐俊街11號寶盈花園地下S4&S4E鋪(將軍澳地鐵A出口)
預約電話: 2244-6898
傳真: 2244-6909

跑馬地

由星期一至日應診       上午 10:30 至 2:00       下午 4:00 至 7:30
(公眾假期休息)

地址:
香港跑馬地山光道1A意盧小築地下B鋪
(跑馬地電車總站乎近)

預約電話: 2893-2988
傳真: 2893-2990

作者: adaleung22 時間: 2011-10-17 13:34

多謝各位, 及主席關心幫忙開POST.我是那位金剛主人.
多謝carmenbabe的資料
請問Louis, 有什麼方法可檢嗉囊發霉, 或氣囊發霉, 診所叫雀先住院幾日觀察, 內窺鏡風險太大.好像無太大意願檢霉菌.病程已2星期
我會轉另一位醫生看下
謝謝你們, 己預備最壞打算

作者: Louis 時間: 2011-10-17 14:00

一般要先全身麻醉, 將已消毒棉花棒分別伸入氣管及嗉囊採集樣本, 然後種菌等1~2星期.
肺炎照X光可以見到.
如果隻雀食乜嘔乜, 可能患上前胃擴張症(PDD), 另一種鸚鵡絕症 , 常發生於年幼金剛身上, 檢測方法係採集嗉囊樣本, 但準確度得七成.
如果唔想做麻醉, 最起碼都可以照X光, 及採集鼻涕或口水種菌, 起碼知道係乜菌及可以用乜藥, 對現時服用緊既藥有冇效.

作者: carmenbabe 時間: 2011-10-17 14:02

10# adaleung22

希望你可以慢慢餵D木瓜佢食，等佢有D營養支持住﹗係咀角到餵少少...少少咁比佢食希望佢有好轉﹗
唔好放棄同灰心呀﹗大家支持你﹗
咁我想問你打左比DR. ERIC未AR?

作者: adaleung22 時間: 2011-10-17 14:57

Louis:隻雀8月份又是因為不進食而照了X-光, 醫生說氣管收狹, 開了抗生素, 幾天食返.
今次已食了2種抗生素(1種吃了7天, 1種3天), 滴norse dose , 已6天完全不自行進食, 我用管餵CROP. 但現在的醫生只是叫雀留院觀察.已覆診2次都不提採集樣本種菌, 血同便已檢正常. 所以他們的進度令我不耐煩.
請問我應是看另一位 (銅) 定進院(大) , 心急, 煩請提議

carmenbabe: 謝謝你, 我打過去, 問姑娘有沒有內窺鏡, 但她說診所沒有太多儀器叫我去(大圍), 我心沉了, 可能我問得不好

作者: adaleung22 時間: 2011-10-17 15:37

LOUIS, 如果方便可否致電我61218779 下一步我應該做什麼最正路, 因已2星期了, 謝謝你

作者: Louis 時間: 2011-10-17 15:53

如果係我既雀, 我會去大圍, 雖然係貴, 但係設備,經驗,藥物齊備.
睇醫生時要冷靜, 一開始同醫生講明做每樣收費測試前, 請先講明價錢及徵詢你同意, 無謂臨到尾走時先見到一張天價既單.

請問介唔介意講食緊兩隻藥既名稱?

作者: adaleung22 時間: 2011-10-17 16:02

Tai 開 Enrofloxacin for oral 吃了7天 (由10/3-10/9)and norse drop Aflacin, Amoxyclav 1種3天 (10/10-10/14)現在我停了藥

但請問我明天星期二去不去留院, 因為星期4,5 醫生放假....

作者: carmenbabe 時間: 2011-10-17 16:15

http://www.yp.com.hk/citivet/

睇下lee到好唔好??

作者: 風中飛鸚 時間: 2011-10-17 18:22

多謝大家提出寶貴意見~我們存在主要目的~都是希望互相幫忙~如果大家都大讚這位黎醫生咁好~下次再有人問~可以再提出下~

作者: vanessachan 時間: 2011-10-17 19:04

請問你去大圍睇邊個醫生?

作者: adaleung22 時間: 2011-10-17 21:11

多謝CARMEN 的幫忙及資料. 我想澄清剛才DR ERIC 的姑娘是話診所沒有太多專醫雀的儀器,建議我去大圍.
多謝LOUIS 的建議.
我在大圍看的是J

作者: vanessachan 時間: 2011-10-17 22:46

是不是一個叫john的外籍醫生?你搵錯醫生了......睇下轉Dr.tiger得唔得?佢醫雀幾好,而且是老闆,價錢方面仲可以有商量.我果隻之前睇佢時,已經企唔到同食唔到嘢,佢地是用管將食物輸入素囊.

作者: jennymok 時間: 2011-10-17 23:45

大圍d姑娘(聽電話果2個)真係好差架, 明知你睇雀(仲咁嚴重), 就應該幫你book Dr. Tiger or Dr Szabo 啦! 我都試過幾年前帶隻雞尾去睇病, d姑娘比咗個星加坡籍醫生我睇, 睇咗＋幾分鐘後話佢唔敢醫因雞尾太細隻(只係小病, made appointment時巳同姑娘講係雞尾睇病) , refer 第二個醫生比我, 要等多一個星期之外, 重要收我錢, 真係浪費我時間&輕視小動物嘅生命!!
重有呀, 一個月前我嘅朋友養的灰鸚咬毛咬得好嚴重, 我借咗支舒緩咬毛嘅spray比佢, 佢覺得好轉咗想買。因鸚鵡店無貨, 我叫佢打電話去大圍問吓, 因為我以前响大圍見過。又係d姑娘呀! 先話有貨返call我朋友(我朋友話會買6枝, 都唔少啦), 因咬毛的情況好嚴重, 希望知道船期, d貨幾時返, 因我借比佢嗰支只夠噴多一至兩個星期。問咗2曰, 個姑娘先話其實唔會再訂呢隻貨, 佢地心地真係好差囉, 覺得你好煩先話比你聽原來係唔會再訂, 唔好再打嚟!

作者: vanessachan 時間: 2011-10-18 09:56

但是我之前睇,話隻灰鸚病到訓籠底同企唔到起身,個姑娘就幫我book Dr.tiger,Dr.tiger仲比我打尖睇先.至於阿John聽番黎的評語就麻麻....之前我的雀雀留醫時,我去探隻雀,見到dr.tiger教阿john醫雀.Dr.tiger就邊醫我隻雀邊教阿john.我仲知佢地成日同我隻雀傾計,因為我隻雀出院後就識講英文了.
如果打電話booking時,最好講得緊張D.**你要好緊張好緊張隻雀生死,價錢上是有商量的"**這是我個人經驗,我日日去探病,問病情.同醫生講無論如何都要救番佢,我借錢都要醫佢.之後佢就自動減價了.這本來我是不應該講出黎,但我希望其他雀雀患了重病的主人荷包可以減輕負擔.仲有我之前有問過佢地點解收得咁貴,佢地話D儀器是外國貨唔係平野,仲有D化驗是SEND去外國的,由於當地貨幣升值,所以要加價.至於之前的藍黃金剛,如果佢不能進食,其實是要用管插入素囊餵食的,因為我的灰鸚試過.我們(不代表其他專業人士)是唔識把喉管插入去的,如果佢不能進食,最後佢是會餓死的~~

作者: scylam 時間: 2011-10-18 10:19

點解人睇醫生可以幾百而獸醫要咁貴？如果係我錯誤請指正。感覺成件事好似D獸醫們開天剎價，利用着人們的善心去巧取豪奪或者叫做”合法打劫”

作者: BABYPAPA 時間: 2011-10-18 10:30

23# vanessachan

家中的小動物生病主人一定很痛苦的，上次我的小狗跌了在地上我也不借一切去醫牠，就是真的永久行不到也—定照顧牠，住了六天醫院也萬多元出院，救番牠也救回我！

作者: 風中飛鸚 時間: 2011-10-18 10:54

1要排Dr.tiger未必一時三刻可以睇到~

2兒科醫生都係特別貴架~

作者: louisa20047 時間: 2011-10-18 11:35

本帖最後由 louisa20047 於 2011-10-18 12:01 編輯

點解人睇醫生可以幾百而獸醫要咁貴？如果係我錯誤請指正。感覺成件事好似D獸醫們開天剎價，利用着人們的善心去巧取豪奪或者叫做”合法打劫”
scylam 發表於 2011-10-18 10:19

其實人睇醫生都好貴嫁~如果人去私家醫院睇~D錢全數自己俾~住一住醫院驗一驗~計埋都要幾千上萬咁計~至於公營醫院~就因為有政府資助~所以會平D
我嘅睇法同你有少少唔同~佢地唔係開天殺價~而係從中取利~只不過有D醫生欠缺醫德~以醫雀為名~行括水為實~咩都拖~咩都驗~拖到小病變大病~由打噴嚏搞到要入氧氣箱~外傷要驗血~浪費金錢同時間~最勁係死左都叫你驗~不過我唔否定有好嘅醫生存在~

作者: carmenbabe 時間: 2011-10-18 13:04

咁我又覺得唔係個個醫生咁都衰﹗好似我咁，我打去Dr. Eric到其中一個dr對我黎話睇鸚鵡佢都好衰對我駕﹗又話lee樣唔得個樣唔得，最後我去搵其他醫生...大圍又叫我排隊﹗唉我個時心急到成晚係到喊....成個人嘢又唔想食只係到喊﹗最尾到我搵到DR. Eric...我一搵到佢就忍唔住又喊叫佢幫下我，佢就叫我定d比d時間我去睇我隻鸚鵡又專登入去將軍澳既診所幫我睇(佢平時多數係跑步地駕) 一入去都叫我定d...叫我放心﹗我真係覺得有d醫生可能好叻但未必有醫德，我唔係幫dr. eric打工同賣廣告駕....佢係令我係佢診所冇喊定d既醫生而且佢好細心幫我隻鸚鵡睇病仲教左我好多鸚鵡既嘢﹗佢都有話我知其實佢地唔係想收咁貴...來貨咩都貴﹗好似大圍咁d dr係唔係好我唔知，不過佢就解釋我知大圍既儀器係全港最好最新最齊所以佢地先咁貴。

作者: vanessachan 時間: 2011-10-18 13:14

BABYPAPA:我上次聲淚俱下比埋錢求個醫生救番隻雀.....諗番起其實我仲慘~~
好彩鸚鵡醫好了,價錢減平了.最後仲教埋我怎樣養雀(因為我是新手),寫左一份營養餐單比我(是生果餐,自己去街市買果D,不是在診所買),仲有話比熱情果隻鸚鵡食會令D毛生得靚D同顏色鮮艷D**大家可以試下.
仲有一樣野我都好想講,我在這裡都經常見到關於大圍診所的評語.但上次我的鸚鵡出院後,Dr.tiger都有打幾次電話比我問番隻雀的康復進度.會唔會其他打工的醫生沒有太大責任感,只是著重從中抽佣呢?好似我地去剪頭髮一樣,treatment越多,抽佣越多......

作者: 風中飛鸚 時間: 2011-10-18 13:41

我經常掛在口邊~邊間醫院最好?邊間從未死過人?邊間從未醫好過人?(唔好答新開醫院~)

作者: louisa20047 時間: 2011-10-18 13:59

咁我又覺得唔係個個醫生咁都衰﹗好似我咁，我打去Dr. Eric到其中一個dr對我黎話睇鸚鵡佢都好衰對我駕﹗又話lee樣唔得個樣唔得，最後我去搵其他醫生...大圍又叫我排隊﹗唉我個時心急到成晚係到喊....成個人嘢又 ...
carmenbabe 發表於 2011-10-18 13:04

所以我話唔否定有好醫生嘅存在~問題只係遇到定遇唔到

作者: BABYPAPA 時間: 2011-10-18 15:03

最終要看看牠們的求生力及命最啦

作者: vanessachan 時間: 2011-10-18 18:33

其實有D醫生好有D唔好,所以我們更加要利用這個互通訊息的平台.好的醫生就向大家推薦,唔好的醫生又要讓大家知道.而一些獸醫診所通常都有好幾位獸醫駐診,而指明某一所診所唔好,我就覺得沒殺了其他好的獸醫,也令到其他主人少了好醫生的選擇.講出那個醫生好,那個是搵笨,對眾鳥主來說就是最好.

作者: adaleung22 時間: 2011-10-18 19:25

今次我在大圍是看DR JAMES,我自己對佢的治療方法係非常之失望。自己認為佢開始時開抗生素（暫不做檢）是正確，但７日後對抗生素無反應，　我覆診，佢再開２星期同樣抗生素（都沒有要求檢東西），　我已經心煩，　過３天我又去看佢（我真係蠢），佢又開另一種抗生素，要求我檢２種便便，但不是驗”鸚鵡熱”而係驗寄生蟲，大腸肝菌，又驗血。驗出正常，然後，就叫我下一步是進院觀察做內窺鏡，應該是結構性問題，當時已經２星期，佢一直知道我隻雀是不進食。是雀來Ｙ天！不是我灌食已死了。我對佢醫雀不敢恭維
我轉去ＤＲ FRANK, 照了X-RAY 皮臟變大, 素嚷問題, 消化慢, 偏酸,灌鼻, 無太多真菌,不進食應該絕症PDD, 及鸚鵡熱. 現在只能做SUPPORTIVE CARE...
vanessachan: 聽你講你的灰鸚之前真係好病, 請問介不介意講佢之前係患什麼病?

作者: jennymok 時間: 2011-10-18 20:09

我找到一篇關於"Proventricular Dilatation Disease (PDD) Review 2005"既文章, 好祥細解釋成因、病徵、醫療方法, 希望對你有幫助, 努力!

http://www.birdchannel.com/bird- ... s/bird-diseases-pdd

作者: vanessachan 時間: 2011-10-18 22:40

James是不是載眼鏡,陸軍頭果個??講番我果單,諗起都嬲爆...2 年前去雀街盧XX買了隻灰鸚,接近$7000.同我講隻雀已半歲大,識食野.結果回家個多星期,突然出現嗜睡,不食野,雙腳無力,癱左在籠底.之後個同事介紹去大圍睇,我打去BOOK,個護士都問得好仔細,聽我講完後,佢話去問醫生,結果醫生叫我即刻去睇.個醫生是dr.tiger,佢比我打尖即刻睇我隻雀.去到醫生話我隻雀只得3個月大,根本不懂食糧.由於雀太細,又長期沒有得到照顧.脾臟開始不能正常造血,3種白血救已有一種消失,血含鋅偏高,不能進食,要插喉餵食.醫生話隻雀太細,連企起身都唔得,可想而知牠的情況很不樂觀.dr.tiger講她只能盡力去救牠,我當時都有將我隻雀雀D情況攞上討論區講,個個都話雀雀臨死都仲有個主人愛佢,唔使死在雀街比人當垃圾.....但當日dr.tiger於晚上十點左右打比我同我講雀雀的情況,亦提及她正根一位外國獸醫net meeting,問如果脾臟不能再造血,可否利用別的鸚鵡輸血,她說香港沒有病例,但外國有.當時我已經好感動,因為她為左隻有9成救唔返的雀仍不斷努力.最後因為我唔識餵佢食野同食藥,所以就留醫左一星期.隻雀因為太細,又長途跋涉黎香港(亦曾懷疑可能係野生雀,因為佢的體形同人工雀有分別)營養不良,脫水,血中毒集於一身,所以身體極虛弱,好彩最後都救番,而dr.tiger仲打過幾次電話問我隻雀的康復進展.所以大圍可能有D經驗不足的醫生,但同樣有D好醫生的.我日日都去探病,問醫生雀雀的情況.佢覺得我好珍惜隻雀,所以主動減價,否則醫藥費就好恐怖.佢話好多雀的主人聽到醫藥費咁貴就寧願唔醫,讓隻雀自己死或要求人道毀滅.加上當時主人心情唔好,言語又唔通,引起誤會都唔出其.所以好果雀雀出事後聽完獸醫的意見,最好冷靜D諗諗,最好同醫生好好溝通....

作者: vanessachan 時間: 2011-10-18 22:42

ada:仲未問你的雀雀最後是什麼病?確診沒有?

作者: adaleung22 時間: 2011-10-19 00:32

James 係幾靚仔個個, 佢好細心做身體檢查, 但我真係估佢吾到佢的判斷是甘羅....Z 字頭陸軍裝在8月我看過,很有原則,原則是沒有明顯病症會同你講吾開藥....除非照X-RAY 驗血
我的金剛DR 好大幾會係絕症PDD, 佢的素嚷已消化得好慢......
你隻灰鸚鵡生命力真係強, 好好照顧佢, 會有很大回報, 灰鸚好貼心的.
我覺得醫生起碼要提出正確的化驗去斷症...

作者: adaleung22 時間: 2011-10-19 00:34

35# jennymok

很多謝你的資料, 很有用, 希望DR 有呢隻藥.....謝謝

作者: BABYPAPA 時間: 2011-10-19 00:40

看到心都 up 埋

作者: vanessachan 時間: 2011-10-19 09:18

你的金剛養了幾耐?在雀街買?聽到你的情況,我都好難過,會唔會打算遲少少再驗多次,睇下有無轉機.我的灰鸚養大了,真係"大鳥",有43cm長.駁咀駁舌是強項.

作者: 風中飛鸚 時間: 2011-10-19 10:39

好多時雀友去睇醫生~都有咁問題~醫藥費又貴~六神無主之際~又要驗呢樣又要驗果樣~飯飯都話要幾千元~
聽到都心寒~如果真係有個獸醫~(好有愛心果隻)免費提供醫學意見~咁就好啦~

其實果位獸醫都蝕唔晒~每日只要花D時間解答下會員問題~好似冇著數咁~長遠計~大多會員問完都會睇番佢~
除笨有精~

如果有會員認識這類獸醫~或有獸醫有興趣~不防介紹一下~做福會員都好丫~

作者: 風中飛鸚 時間: 2011-10-19 10:40

大家可以考慮下夾錢供我個仔讀獸醫~佢現在8歲~好快幫到大家手~

作者: jennymok 時間: 2011-10-19 10:49

我而家對鳥類的疾病與健康都好有興趣!

作者: 風中飛鸚 時間: 2011-10-19 10:50

我而家對鳥類的疾病與健康都好有興趣!
jennymok 發表於 2011-10-19 10:49

咁供你讀囉~你應該唔只8歲~可以快D幫到手~

作者: jennymok 時間: 2011-10-19 11:47

我諗住响internet學多d有關嘅知識咋!!

作者: carmenbabe 時間: 2011-10-19 11:51

UM...我睇過香港有關lee一科要讀6年ar

作者: vanessachan 時間: 2011-10-19 12:46

想當年我都好想去讀獸醫,但讀唔起.西醫又唔夠分,又誤信董健華,考左入浸會讀中醫,結果.......

作者: yokojune 時間: 2011-10-19 14:15

本帖最後由 yokojune 於 2011-10-19 14:24 編輯

多謝CARMEN 的幫忙及資料. 我想澄清剛才DR ERIC 的姑娘是話診所沒有太多專醫雀的儀器,建議我去大圍.
多謝LOUIS 的建議.
我在大圍看的是J
adaleung22 發表於 2011-10-17 21:11

我就係jennymok所講的生脂肪瘤嘅亞馬遜主人,無話邊個獸醫好唔好嘅,我覺得最好的獸醫係要有heart,會體會主人心情,我最初也只是和他e-mail聯繫,影相俾佢看,佢認為有得醫,值得嘗試先叫我去的.前後只看了2次,但是療程足2-3個月,每2日一e-mail影相看進度,甚至通電話,所以我相信佢係唔怕煩嘅
,你不如嘗試直接e-mail俾dr eric, 看他怎樣說, 又唔收錢,聽聽意見無彷吖doctorericlai@gmail.com

作者: jennymok 時間: 2011-10-19 14:21

我就係jennymok所講的生脂肪瘤嘅亞馬遜主人,無話邊個獸醫好唔好嘅,我覺得最好的獸醫係要有heart,會體會主人心情,你不如嘗試直接e-mail俾dr eric, 看他怎樣說, 又唔收錢,聽聽意見無彷吖doctoreri ...
yokojune 發表於 2011-10-19 14:15

你隻亞馬遜點呀? 醫生有無建議你既飲食集慣? 因為我隻亞馬遜(佢而家7歲)都好肥美, 我都有d擔心!

作者: 風中飛鸚 時間: 2011-10-19 14:41

照你地所講~呢個dr eric真係唔錯~冇理由咁耐都冇人提下~?

照正好人必定俾人唱架~冇人冤枉下佢既?

大家有機會見到E個好醫生~麻煩同我講聲多謝佢~希望佢繼續努力~出心去醫動物~大家會明白~

作者: 風中飛鸚 時間: 2011-10-19 14:43

好多年前廖先生都想介紹一位獸醫~義務幫我地鸚鵡樹解答病理問題~可惜立即告吹~

作者: yokojune 時間: 2011-10-19 15:33

本帖最後由 yokojune 於 2011-10-19 15:41 編輯

jennymok:
因我相信我隻藍頭阿馬遜係二手雀,之前主人點養我一d都唔知道,所以當我和佢使用花灑冲涼才發現,so far 現在好番晒.
醫生建議我以後只喂食harrsion 糧,不需要額的營養補充,現在我隻亞馬遜仍然甘大隻,有685g,佢屬於大體型!
主席:
始終大圍儀器多d,vet看鳥類會多過其他vet,無人看dr eric 都唔出奇,有時真係看彩數,我都有隻灰鸚看了他都救唔番,我同意你說有邊個無醫死過吖, 廖生那vet為甚麼立即告吹呢?

作者: jennymok 時間: 2011-10-19 16:04

我都想知廖生那vet為甚麼立即告吹呢

作者: 風中飛鸚 時間: 2011-10-19 16:53

有人同獸醫講～話同網上的人打交道～是非多～帶來好多麻煩～獸醫諗諗下都係唔博～
其實我們鸚鵡樹已經算非常正派～冇事非架啦～都唔知Ｄ人點諗～成功對任何一個養鸚鵡既人都有好處～
就算唔係我地個會～都可以問架～又冇話要入左會先問得～

作者: vanessachan 時間: 2011-10-19 17:43

好,比多少少時間我,等我個仔將來成為獸醫,叫佢義務幫大家解答疑難.唔使等好耐,30年OK

作者: 風中飛鸚 時間: 2011-10-20 10:30

好,比多少少時間我,等我個仔將來成為獸醫,叫佢義務幫大家解答疑難.唔使等好耐,30年OK
vanessachan 發表於 2011-10-19 17:43

等我果個唔洗30年~

歡迎光臨 PARROT-TREE (http://forum.parrot-tree.com/)