PARROT-TREE - Powered by Discuz! Board

標題: 大声唔停咁叫 [打印本頁]

作者: Daren 時間: 2011-10-24 13:55 標題: 大声唔停咁叫

我隻雀一放入籠就大声唔停咁叫要出番嚟玩，可以叫足幾個鍾，已被人投訴，請問有咩方法可以教佢唔好咁嘈？

作者: louisa20047 時間: 2011-10-24 14:07

你果隻咩雀黎呀?

作者: louisa20047 時間: 2011-10-24 14:09

可以試下蓋布(最簡單方法)

作者: louisa20047 時間: 2011-10-24 14:10

當然長久就要教啦

作者: louisa20047 時間: 2011-10-24 14:11

佢想出黎係同你玩定係自己玩呀?

作者: waterBB 時間: 2011-10-24 14:33

定係佢肚餓啊

作者: Daren 時間: 2011-10-24 16:05

我隻是黑頂吸蜜，起初用布蓋住個籠就靜小小，現左已行唔通，總之就高頻率大声地叫，放出來就靜晒，但總不能整天放出來，怎辦？

作者: louisa20047 時間: 2011-10-24 16:38

我隻是黑頂吸蜜，起初用布蓋住個籠就靜小小，現左已行唔通，總之就高頻率大声地叫，放出來就靜晒，但總不能整天放出來，怎辦？
Daren 發表於 2011-10-24 16:05

得罪講句~你已經輸左

~當初佢叫~你唔應該放佢出黎~反而應該唔理佢~走埋人就仲好

最快嘅方法~搵一樣野~係佢有少少怕嘅野~(不過唔可以係會怕到大叫嘅野)~佢一叫你就指住佢講"曳曳"(例子)~如果佢仲叫~你就拎佢有少少怕果件野出黎~佢一收聲你就收起件野/放低佢~但係佢一大叫~你就要重複上述步驟~
之後去多幾十次~你指住佢講"曳曳"~佢就會收聲~不過件野你唔可以拎黎玩~因為對佢黎講~佢有少少怕果件野係好恐怖嫁~

教育期間~唔可以放佢出籠

作者: louisa20047 時間: 2011-10-24 16:55

教佢長久唔大叫嘅方法~佢一叫就唔好理佢~望都唔好望~直頭忽視佢~到佢跳舞~(或者講野,吹口哨......之類唔會滋擾到其他人嘅行為)你就望下佢~同佢講下野~咁佢就會知道咁樣做就會有人理~如果佢想出黎都一樣~

我就係用里招~所以我D葵一見到我入房就不停跳舞,講野~大叫次數同聲量都大減~比起初到我家~靜左好多

作者: Daren 時間: 2011-10-24 17:18

多謝指教。我都知我輸咗！
買番嚟的時候怕它悶，便叫菲庸姐姐有時間便放它出來走走，誰知有今曰！
我一定要試吓呢個方法。最重要還是叫菲庸姐姐不要再時常放它出來。

作者: louisa20047 時間: 2011-10-24 17:31

教佢長久唔大叫嘅方法~佢一叫就唔好理佢~望都唔好望~直頭忽視佢~到佢跳舞~(或者講野,吹口哨......之類唔會滋擾到其他人嘅行為)你就望下佢~同佢講下野~咁佢就會知道咁樣做就會有人理~如果佢想出黎都一樣~ ...
louisa20047 發表於 2011-10-24 16:55

不過里招要長久用~你一心軟~係佢叫果時理佢~咁你又會輸嫁啦~到時你又會日日聽噪音嫁啦

作者: louisa20047 時間: 2011-10-24 17:34

仲有一招~不過你介唔介意講下你隻雀平日食D咩呢~

作者: louisa20047 時間: 2011-10-24 17:42

你有幾多隻雀呀?~我覺得教鸚鵡~有時兩隻會好過一隻~因為當兩隻鸚鵡都唔知你想點果時~總有一隻會大膽D~咁一隻行動果時~另一隻就會睇住~所以進展會大D同快D

作者: louisa20047 時間: 2011-10-24 17:44

多謝指教。我都知我輸咗！
買番嚟的時候怕它悶，便叫菲庸姐姐有時間便放它出來走走，誰知有今曰！
我一定要試吓呢個方法。最重要還是叫菲庸姐姐不要再時常放它出來。
Daren 發表於 2011-10-24 17:18

我都怕我D葵悶~所以我養3隻~仲有野俾佢地咬

作者: 風中飛鸚 時間: 2011-10-24 18:06

一開始用蓋布方法～隻雀會習慣唔跟人～

你可以將籠帶雀～放進廁所～直到收聲～再放回原處～再嘈又放入廁所～如此類推～佢唔想去廁所～就會在廁所時候快快收聲～出到廳又知道一嘈又會去廁所～好快明白你意思～

作者: wailamzai 時間: 2011-10-25 02:21

一開始用蓋布方法～隻雀會習慣唔跟人～

你可以將籠帶雀～放進廁所～直到收聲～再放回原處～再嘈又放入廁所～如此類推～佢唔想去廁所～就會在廁所時候快快收聲～出到廳又知道一嘈又會去廁所～好快明白你意思～
風中飛鸚發表於 2011-10-24 18:06

咁樣搬出搬入仲可以做埋運動

作者: BABYPAPA 時間: 2011-10-25 07:09

我就用水去嘖！當然不是勁力去嘖啦!

作者: Edward 時間: 2011-10-25 08:22

教佢長久唔大叫嘅方法~佢一叫就唔好理佢~望都唔好望~直頭忽視佢~到佢跳舞~(或者講野,吹口哨......之類唔會滋擾到其他人嘅行為)你就望下佢~同佢講下野~咁佢就會知道咁樣做就會有人理~如果佢想出黎都一樣~ ...
louisa20047 發表於 2011-10-24 16:55

好主人

呢個係做主人嘅責任

作者: Daren 時間: 2011-10-25 10:52

我隻吸蜜食粉狀的糧和生果，一般都是蘋果和提子。
已經試過在地大叫的時侯放牠入廁所，不過都無進步。

作者: BABYPAPA 時間: 2011-10-25 10:56

黑房

作者: louisa20047 時間: 2011-10-25 11:14

我隻吸蜜食粉狀的糧和生果，一般都是蘋果和提子。
已經試過在地大叫的時侯放牠入廁所，不過都無進步。
Daren 發表於 2011-10-25 10:52

咁佢最like食咩呢?~主糧同零食又分別係咩呢?
放入廁所要小心走雀~佢地可以係氣窗走佬~
放牠入廁所，都無進步~咁即係佢唔怕廁所冇人~咁就搵下佢唔like D咩地方/物品啦

作者: Daren 時間: 2011-10-25 13:01

我喺將成個籠放入廁所，所以唔會走雀。
不過我無比零食，因為佢只食有汁的食物，無咩零食係有汁的。佢食蘋果、提子和西瓜都只中嘟晒Ｄ汁，然後就吐番晒Ｄ渲出嚟。
我現在試吓用佢怕的嘢嚟嚇佢，試吓得唔得啦！
總之當有人同佢玩或放佢出來的時候，佢就好可愛，但當入咗籠和無人理佢的時候，就嘈到拆天。

作者: louisa20047 時間: 2011-10-25 13:18

我喺將成個籠放入廁所，所以唔會走雀。
不過我無比零食，因為佢只食有汁的食物，無咩零食係有汁的。佢食蘋果、提子和西瓜都只中嘟晒Ｄ汁，然後就吐番晒Ｄ渲出嚟。
我現在試吓用佢怕的嘢&# ...
Daren 發表於 2011-10-25 13:01

咁你可以用蘋果、提子和西瓜訓練佢~我係用里個方法教我D葵可以出聲~不過唔可以大叫~
做法~唔好放D生果入籠~只用你嘅手餵~咁佢為左食~通常咩都肯嫁啦

~所以佢一大叫~你就自己食/帶住D生果走~到佢一細聲出聲~你就俾一粒佢~(所以要切細左D生果先)~如果順利~一晚就有收獲嫁啦~(我果時係餵瓜子~所以我唔係自己食~而係餵另一隻葵食~結果佢地一晚就明白可以細聲叫我俾野食~一大叫我就收手冇野食)

作者: jennymok 時間: 2011-10-25 13:53

我d雀好驚長條形既野(似滕條)，隻大白又好驚一個米奇老鼠鬧鐘!

作者: louisa20047 時間: 2011-10-25 14:02

我d雀好驚長條形既野(似滕條)，隻大白又好驚一個米奇老鼠鬧鐘!
jennymok 發表於 2011-10-25 13:53

我有一隻~天不怕地不怕

~但係怕葵花

作者: ECKO 時間: 2011-10-26 02:46

吸蜜係一種好難玩的鸚鵡，無時無刻都係到玩，而你又成日放出來玩，你為有放些玩具比佢玩分散注意力，或者買多隻陪去玩。

作者: Daren 時間: 2011-10-26 10:38

重買多隻，两隻一齊嘈，我就死得啦。我已經叫咗菲庸俎姐唔好再成日放佢出嚟，要佢多Ｄ習慣在籠裏面玩，切勿再籠壞佢。

作者: benh 時間: 2011-10-27 11:48

改良主席方法..纍xd纍
你可以將籠帶雀～放進菲庸姐姐房～直到收聲～再放回原處～再嘈又放入菲庸姐姐房～如此類推～佢唔想去菲庸姐姐房～就會在菲庸姐姐房時候快快收聲～出到廳又知道一嘈又會去菲庸姐姐房～好快明白你意思～

作者: louisa20047 時間: 2011-10-27 12:10

重買多隻，两隻一齊嘈，我就死得啦。我已經叫咗菲庸俎姐唔好再成日放佢出嚟，要佢多Ｄ習慣在籠裏面玩，切勿再籠壞佢。
Daren 發表於 2011-10-26 10:38

養兩隻~唔一定就嘈D~反而佢地兩隻一齊玩~悶嘅時間少左~就會少D搵人~少D扭計要出籠~如果佢地夾到~係你嘅情況~反而好有機會係變靜左~~就好似D人養兩個小朋友~小朋友會自己玩,傾計~呀媽反而冇咁辛苦~雀雀心理上都健康D

作者: 綠色雀鳥 時間: 2011-10-28 18:25

吸蜜d聲超刺耳.. 睇黎你都幾頭痛
我隻折衷一趁我訓晏覺就會扮電話聲，而家唯有掟佢入廚房就無事

作者: MandyYung 時間: 2011-10-28 18:55

之前我就晚晚同Barbie 玩　但後來睇到樹樹呢度　知道唔一定晚晚放出黎係好事　
而家就不定時放佢出黎　有時會隔成三四日放都未定　平時就伸手入籠同佢坃
通常佢一嘈　我就會放佢出露台　之前黑蚊蚊佢就唔郁同出聲　而家慣左就自己係度玩玩具　但就唔會叫　

作者: BABYPAPA 時間: 2011-10-28 19:55

又抱又逗的育鸚法都可笑，把牠變做他，失去了本身的性格，一不满就叫，受傷就要人抱抱，鸚鵡真的比一些主人聦明！

作者: BOBO 時間: 2011-10-31 00:53

唔好比提子吸蜜鸚鵡食呀!!!因為提子好高鐵,唔好成日比apple,要比生果就比木瓜,紅羅白,芒果
我自己都係養緊馬黑頂吸蜜鸚鵡!!!

作者: jennymok 時間: 2011-10-31 01:25

唔好比提子吸蜜鸚鵡食呀!!!因為提子好高鐵,唔好成日比apple,要比生果就比木瓜,紅羅白,芒果
我自己都係養緊馬黑頂吸蜜鸚鵡!!!
BOBO 發表於 2011-10-31 00:53

係呀, 提子好高鐵質, 雀雀食2粒就等如人類食1/4個西瓜咁多既份量, 我諗1粒就好夠喇!

作者: jennymok 時間: 2011-10-31 01:27

吸蜜喜愛以下玩具, 每日轉換不同玩具睇下有無幫助!!
Lories : noise toys (rattles and bells), ladders, swings, climbing ropes and hammocks
吸蜜 : 發聲玩具（發出咯咯聲的和响鈴）、梯子、鞦韆、攀爬繩索、吊床

作者: Daren 時間: 2011-10-31 14:21

多謝各位比咗咁多意見，我已經想盡辦法教佢唔好嘈，包括angry look and say 'no'；黑布蓋籠和放籠入厠所，但成效都不大。我昨天又聽到隔離屋個太太同佢老公講話我隻雀真係好嘈。那位太太不用返工，所以可以整天收聽所有嘈音！我同我個仔講我哋可能唔可以再養隻雀，佢喊咗半日，還整天悶悶不樂，真係慘。

作者: Daren 時間: 2011-10-31 14:24

34# jennymok

Jenny, 我隻雀每天都食幾粒提子和蘋果，請問有什麼後遺証？語該腼！

作者: louisa20047 時間: 2011-10-31 14:43

本帖最後由 louisa20047 於 2011-10-31 14:44 編輯

多謝各位比咗咁多意見，我已經想盡辦法教佢唔好嘈，包括angry look and say 'no'；黑布蓋籠和放籠入厠所，但成效都不大。我昨天又聽到隔離屋個太太同佢老公講話我隻雀真係好嘈。那位太太不用返工，所以 ...
Daren 發表於 2011-10-31 14:21

用下面果個方法得唔得呀?~唔到絕境都唔好唔要佢啦~唔要佢~佢好可憐嫁

最快嘅方法~搵一樣野~係佢有少少怕嘅野~(不過唔可以係會怕到大叫嘅野)~佢一叫你就指住佢講"曳曳"(例子)~如果佢仲叫~你就拎佢有少少怕果件野出黎~佢一收聲你就收起件野/放低佢~但係佢一大叫~你就要重複上述步驟~
之後去多幾十次~你指住佢講"曳曳"~佢就會收聲~不過件野你唔可以拎黎玩~因為對佢黎講~佢有少少怕果件野係好恐怖嫁~

louisa20047 發表於 2011-10-24 16:38

作者: Daren 時間: 2011-10-31 16:25

38# louisa20047
試過啦！我用一架佢驚嘅玩具車嚇佢，幾次之後，當我再攞架車出來，佢已經唔再騖，還望住我say "no".

作者: louisa20047 時間: 2011-10-31 16:50

38# louisa20047
試過啦！我用一架佢驚嘅玩具車嚇佢，幾次之後，當我再攞架車出來，佢已經唔再騖，還望住我say "no".
Daren 發表於 2011-10-31 16:25

佢好聰明+大膽

作者: waterBB 時間: 2011-10-31 16:55

39# Daren

哈哈..FUNNY

作者: scl 時間: 2011-10-31 17:11

也許試用一支較畫筆以一隻手距離指著鸚鵡或放在身下，看是什麼反應，常通有介心之下，會靜下來．

我小時也養吸密的，吸密精力旺盛，真是常長時間大叫，可幸隣居全聽到也沒問題，家人有部份也覺得嘈，我不介意，只要我一睡或專注時（溫書），或用筆指，吸密便不叫了．

對我吸密有用，未必你的有效，分享一下吧！

另關了燈是否不大叫呢？

作者: scl 時間: 2011-10-31 17:20

另要了解吸密大叫的動機，作正確回應才有效．

如大叫是悶，引主人注意或玩的話，不要因大叫而滿足吸密的需要，我那時大叫不理，當吸密開心跳舞半小才走去同烏玩，天天如是，便明白要以平靜跳舞去吸引主人，不會大叫來吸引主人來了．

作者: scl 時間: 2011-10-31 19:27

主人要了解鳥，請也讓鳥了解主人的品性習慣，當日子久了，互相明白，也很易和解相處的．

現在的 LB 開始時也會於週六早上，很早大叫地要糧，主人心裡平靜地於床上臥，不立即滿足鳥的需要，讓鳥明白很嘈地大叫不會有用，那次等鳥叫了一小時後，再平靜一小時後，才加糧，主人不要在此兩小時心內有不滿或煩躁的情緒，平和便可以了，就此一次，鳥立即明白靜才有主人回應，以後日子便知道，就是有需要，叫一兩聲便可以了，用不著不停地大叫．

當然是要互動了解，近來 LB 年老要早睡 (7:20pm 便關燈了），約九時要飲水，LB 會叫一兩聲，細聲便可以，主人知及明白意思，開一小枱燈讓 LB 飲水，飲用說關燈，一次後，有了默契，晚晚如是，通知只以一兩聲，便不會再不停大叫了，現在只會在午間某時段，因需要練聲才叫一兩小時，也不是特大聲的．

現在凡特別大聲，一定是示警，有危險事發生．

作者: jennymok 時間: 2011-10-31 20:02

34# jennymok

Jenny, 我隻雀每天都食幾粒提子和蘋果，請問有什麼後遺証？語該腼！
Daren 發表於 2011-10-31 14:24

太多鐵質, 可能令肝&腎臟負荷太大!

作者: makko 時間: 2011-10-31 20:07

樓主你不要這麼快放棄你隻鸚鵡, 聽你咁講佢都應該好聰明, 如果用啱方法都可以好快教返好

作者: louisa20047 時間: 2011-10-31 20:44

葵花呢種鸚鵡，係人都話嘈到頂唔順，好多人一聽到我養3隻，就好佩服我，但係我係真心覺得佢地唔嘈，除左包容之外，就是感覺問題，動物嘰感覺比人敏感，特別係鸚鵡，所以有鸚鵡會因為壓力問題而死。當初佢地叫時，我感覺係平靜嘰，而唔係煩厭，養耐左，再教下，佢地知道我唔會討厭佢地，就唔會成日大叫。我有一個朋友，佢一聽到我D葵叫，佢就覺得好煩好討厭，去多幾次，只要佢係我D葵幾米以外，都未見到人，都未聽到佢聲，我D葵就已經大叫。所以，對鸚鵡，唔好有煩厭感覺，就算係人，都唔會對討厭自己嘰人好啦

作者: scl 時間: 2011-10-31 21:30

對！很多問題都源自主人的內心不能自控的討厭情緒，一點也不能有，常向老公說養鸚是最高的修心訓練．

作者: scl 時間: 2011-10-31 22:59

剛拍了片，LB 晚上叫主人開燈給它飲水．

http://youtu.be/R5DorbdX4ZA

作者: louisa20047 時間: 2011-10-31 23:01

仲有，唔好同佢地鬥大聲，一時三刻你可能大聲過佢，但係長久只會令佢地愈來愈嘈

作者: Daren 時間: 2011-11-1 12:20

非到絕境，我都唔會唔要佢。佢大叫就係叫人跟佢玩。當佢喺籠內的時候，佢就要求有人坐在籠邊同佢說語，r痕和玩。就算食嘢當我坐在籠邊的時候，佢就大口大口地食，我一行開就唔食，成兜粮喺番度。
佢真係好聰明，每次我哋行開，佢就會首先叫"喂！喂！"，唔理佢之後，佢就會細細声好嗲咁叫幾次"come here"，如果再無人理佢，大声叫幾声"喂！喂！"之後，就柝天大叫唔停。但真係無可能安排一個人整天陪住佢。
昨晚已經把籠布蓋住咗佢好多次，也細細声同佢講要細声D叫，如果唔喺我就唔可以再keep佢，希望做多D，講多D，佢會明啦！

作者: fishball 時間: 2011-11-1 14:09

你比多D 玩具佢, 平日開收音機比佢聽下吧

作者: Daren 時間: 2011-11-1 14:37

53# fishball
我試過啦，佢跟住D声大声叫！

作者: louisa20047 時間: 2011-11-1 18:33

54# Daren

或者你應該掉佢入集中營/軍營一個星期，俾佢感受下地獄嘰滋味，等佢珍惜一下天堂嘰生活

作者: BABYPAPA 時間: 2011-11-1 18:43

膠籠啦！

作者: mavisweet 時間: 2011-11-2 10:47

非到絕境，我都唔會唔要佢。佢大叫就係叫人跟佢玩。當佢喺籠內的時候，佢就要求有人坐在籠邊同佢說語，r痕和玩。就算食嘢當我坐在籠邊的時候，佢就大口大口地食，我一行開就唔食，成兜粮喺 ...
Daren 發表於 2011-11-1 12:20

仲有一個方法~就係係佢細細声好嗲咁叫"come here"既時候,即刻行埋去讚佢乖,比獎勵佢~
佢一大叫就完全唔理佢~望都唔好望~~~

慢慢佢會明白細細聲有獎,大大聲無獎~
但哩個方法要有耐性先得~~~

作者: Daren 時間: 2011-11-2 12:18

57# mavisweet

我現在就係咁樣做啦，佢細声的時候就去讚吓佢，大声的時候就蓋住佢行開，希望得啦！

歡迎光臨 PARROT-TREE (http://forum.parrot-tree.com/)