Board logo

標題: 咬手指問題 [打印本頁]
作者: Helloo仔    時間: 2011-10-31 01:54     標題: 咬手指問題

我隻雞尾女一開始買返來果時咬倒手指超痛,之後每咬我一次我就用彈指神功彈雞尾個咀2下,唔知咁岩唔岩,但後來開始咬手指就唔痛!
作者: BABYPAPA    時間: 2011-10-31 07:34

彈到唔食得野你就知味，你給人彈咀試下！
作者: 小壞蛋    時間: 2011-10-31 10:51

彈到唔食得野你就知味，你給人彈咀試下！
BABYPAPA 發表於 2011-10-31 07:34

點解吾可以既？賜教
作者: BABYPAPA    時間: 2011-10-31 11:01

點解吾可以既？賜教
小壞蛋 發表於 2011-10-31 10:51

教雀用彈咀-你覺得可行便ok 的！
作者: wisebudgie    時間: 2011-10-31 11:18

佢地個咀滿佈谰神經線, 你彈佢個咀其實佢係會好痛...
作者: moon427    時間: 2011-10-31 11:21

我隻雞尾女一開始買返來果時咬倒手指超痛,之後每咬我一次我就用彈指神功彈雞尾個咀2下,唔知咁岩唔岩,但後來開始咬手指就唔痛!
Helloo仔 發表於 2011-10-31 01:54

吾好彈咀, 好痛的!
如果用力過度, 有機會影響進食!

建議你下次又被咬手指, 請先保持冷靜!
牠要咬, 你便被牠咬, 而且把手指不停去牠推進, 讓牠再咬大口d
這個動作會令牠的口過度張開而感到不適
自然會放口
你千萬不要縮手or表現驚慌, 否則聰明的牠, 會知道你的弱點
將來想改都很困難
作者: idy_chimwf    時間: 2011-10-31 11:35

反對彈咀, 好彩雞尾天性溫馴, 佢而家只會因為驚你而唔咬你, 唔係因為中意你而唔咬你 law.
如果係 LB, 佢地天性兇惡, 只會越戰越強, 我家姐試過彈佢嗰咀, 佢就咬得大力過之前, 之後發展到一個地步, 就係完成唔彩你, 足足有三年...

你養左隻雀幾耐? 如果唔耐, 建議你唔好咁心急, 先從陪養感情開始, 透過每日換食物換水, 而令佢信任你, 你亦可以用d水果, 玩具等引吓佢.
作者: louisa20047    時間: 2011-10-31 13:18

你彈佢個咀就等於你俾拳擊手打你個頭~佢個咀連住個頭~打佢個咀佢會腦震盪~傷到個腦~有咩後遺症好難講
作者: waterBB    時間: 2011-10-31 13:44

但我見雀街個老闆都係咁樣彈D咬人鸚鵡,當然彈既力度一定會就住..唔通用死力咩=_=''
作者: makko    時間: 2011-10-31 17:11

但我見雀街個老闆都係咁樣彈D咬人鸚鵡,當然彈既力度一定會就住..唔通用死力咩=_=''
waterBB 發表於 2011-10-31 13:44


其實教乜野都係用讚既方法係最好, 做錯野就用忽視既方法, 用罰既方法係以前d人先用(即係out la)
我以前有隻狗去上堂, 係用高壓方式去教, 同宜家我隻狗之前去上堂, 係用讚去鼓勵, 當然用讚個效果係會好好多, 個導師都係話以前d人先用罰~
同埋下下彈落去, 隻鸚鵡都唔再信你同埋怕左你隻手, 有可能咬得更金
作者: waterBB    時間: 2011-10-31 17:57

本帖最後由 waterBB 於 2011-10-31 18:00 編輯

10# makko


我咁多隻狗同雀都未真正打過..所以全部被寵壞,點教先係好,見仁見智,我只是說:我見鸚鵡店老闆這樣做
作者: 小壞蛋    時間: 2011-10-31 18:34

佢地個咀滿佈谰神經線, 你彈佢個咀其實佢係會好痛...
wisebudgie 發表於 2011-10-31 11:18

原來系甘。好彩我一直都無甘做過。
作者: yimaggie    時間: 2011-10-31 19:39

吾好彈咀, 好痛的!
如果用力過度, 有機會影響進食!

建議你下次又被咬手指, 請先保持冷靜!
牠要咬, 你便被牠咬, 而且把手指不停去牠推進, 讓牠再咬大口d
這個動作會令牠的口過度張開而感到不適
自然 ...
moon427 發表於 2011-10-31 11:21

學到野~
但我隻黃化已經知道佢想咬 我就縮= =..................................
作者: waterBB    時間: 2011-10-31 19:48

13# yimaggie


我覺得呢個係人既正常反應...XD
作者: makko    時間: 2011-10-31 19:54

10# makko


我咁多隻狗同雀都未真正打過..所以全部被寵壞,點教先係好,見仁見智,我只是說:我見鸚鵡店老闆這樣做
waterBB 發表於 2011-10-31 17:57


我都係想講:鸚鵡店老闆都有咁同我講, 只係聽左就算, 唔會參考佢地既建議
作者: makko    時間: 2011-10-31 19:55

學到野~
但我隻黃化已經知道佢想咬 我就縮= =..................................
yimaggie 發表於 2011-10-31 19:39


所以你就要克服佢, 除非你諗住唔再掂佢
作者: yimaggie    時間: 2011-10-31 20:20

所以你就要克服佢, 除非你諗住唔再掂佢
makko 發表於 2011-10-31 19:55

咁係每次佢意圖想咬就塞隻手指過去?? 初初帶皮手套得唔得- -.........
作者: waterBB    時間: 2011-10-31 20:37

17# yimaggie


你記得你話你個隻會咬到你流血的=_=
作者: yimaggie    時間: 2011-10-31 21:15

本帖最後由 yimaggie 於 2011-10-31 21:16 編輯

係丫= =插晒入肉...
但佢個方法又可能真係可行...
因為狗都係咁...當佢發現咬人唔可行ge時候就唔咬了....
我隻哥基以前會咬人...於是就係咁塞隻手入佢口等佢合唔埋口就咬唔到啦...之後就唔咬了0.0
但之前我係唔知原來鸚鵡都可以用同一招@0@!
作者: makko    時間: 2011-10-31 21:17

咁係每次佢意圖想咬就塞隻手指過去?? 初初帶皮手套得唔得- -.........
yimaggie 發表於 2011-10-31 20:20


或者你要由最初步開始, 每日早晚各一餐, 夠鐘收糧, 平時比零食瓜子必須用手餵(首先隔住籠做), 但你隻手一定唔可以有縮既動作(否則前功盡棄), 最初佢可能都會咬你手指, 但慢慢就會好d, 何況你拎住瓜子, 又隔住籠, 想咬得金都有一定難度, 我諗咁樣每日餵佢幾次, 好快就好d, 然之後才再慢慢增加摸佢既機會
作者: waterBB    時間: 2011-10-31 21:33

19# yimaggie


狗會咬主人@0@''通常都係細個先會姐..大大下佢地正常都識就力,我3隻由細養到大,一隻收養都無呢個問題,好似有D自殘FEEL
作者: Helloo仔    時間: 2011-10-31 21:39

我都係輕輕力,何況而家又乖左,又肯上手,又唔用力咬人
作者: Helloo仔    時間: 2011-10-31 21:52

19# yimaggie


如果係洛威拿,狼狗,藏獒呢D品種,比隻手佢咬黎令佢唔咬你,唔止係自殘..直頭同自殺無分別
作者: yimaggie    時間: 2011-10-31 23:00

本帖最後由 yimaggie 於 2011-10-31 23:02 編輯

哈..大狗唔係俾佢咬...係成隻手塞入喉位 佢只會想吐返出黎 之後就唔會咬啦 有陰影 當然呢d要bb就要教好
我隻哥基細個出去寵物店沖涼被毒打過所以一唔鐘意就會咬人 尤其攪手 當然而家唔會 除非你打佢 佢還擊 我家無一個人未俾佢咬過 哥基呢個品種本來就係靠咬牛後腳黎搵食 所以好鐘意用口 而家同佢玩都係佢用口我用手 識就力 用錯力就大叫"好痛丫!!" 跟住佢會dup晒頭
我隻唐狗玩得癲會失控用門牙跑跳衝埋黎咪你d肉 所以撩佢玩一定要睇住火位..唔係就好大鑊...陌生人入屋動作唔良好都會咬(都係用門牙..夾你..超痛..)
另外2隻都唔會 狗唔係只o係bb時咬人 只係佢經驗話佢知咬人 d人會縮 可以保護到自己 咪繼續咬

洛威拿,狼狗,隻隻性格都唔同..有部份係可以ge...狼狗其實好多時無聲就咬...如果你講呢3種...我反而怕沙皮鬆獅多d...
藏獒..純種ge我未見過...而家果d全部都撈左野...粗狀形..高瘦形..迷你形..乜款都有...個個都話自己果隻係...但隻隻都唔同樣唔同大細....
以前倉都暫養過一隻(藏獒?)女..完全唔係果回事...乖到我都唔捨得佢...不論坐o係度/企o係度 & 步姿都一樣咁有型...再加少少bb女ge傻呼呼....唔係因為太多狗 & 同隻洛威mix打交 真係想養埋佢....

唔覺唔覺變左字海........sorry
作者: waterBB    時間: 2011-10-31 23:48

我家養的狼狗好純,絕不會無啦啦咬人,無聲就咬無可能,你係佢主人佢點可能無啦啦咬你,如果唔係點做警犬,而世界上最厲害的狗是西藏獒犬,我有朋友養了4隻,4隻都只能夠係BB時同佢玩到大過左之後連主人都話,佢對你擺尾都唔好掂佢,(當然主人除外)我令一個大隻佬朋友養了一隻獒犬,一個咁大隻既男人都拖唔住佢,之後隻狗就狂追住2隻唐狗,圍住成條村追,見到既人都即刻CLOSE DOOR,呢D狗種唔講得笑,我兩個頭都唔夠佢大,整隻手落去分分鐘手到無埋,咁做唔明智
作者: Helloo仔    時間: 2011-10-31 23:54

本帖最後由 Helloo仔 於 2011-10-31 23:57 編輯

24# yimaggie


所以話唔同狗有唔同性格,而唔同雀都一樣,一樣野唔一定用係所有動物都WORK,狗BB細個牙痕先會成日想咬野,但大個左,正正常常既都唔會無啦啦咬人的,可況係主人呢,PS藏獒)女同仔係差好遠,而絕左育同未絕育既性情又差好遠=]
作者: yimaggie    時間: 2011-11-1 01:31

本帖最後由 yimaggie 於 2011-11-1 01:34 編輯

我上面果段唔係講咬主人 而係某d狗種係無聲狗 有d臘腸狗都係..有d白北京又係..但有咁上下機會率o係度...永遠都係安全d好...
但咬主人既都有幾單見過報啦...無見報ge少之又少@@~
我隻哥基唔係咬主人 係咬人 攪到佢唔鐘意就會咬人 乜人都咬 因為細個俾人毒打ge經歷 但無再去寵物店之後再加上我領悟到點教佢 而家唔會啦 係有時整痛會轉頭je...而家一定唔咬我先....其他人唔敢包..

做得警犬ge係果個品種ge挑選個體 用狼狗呢個品種唔單止服從性仲有其他因素ge...朋友train過一隻..train train下無啦啦發狂係咁想跳起咬佢...癲左...如果唔係有上繩...可能我朋友瓜左...果隻係..瑪蓮萊....但都只限於個別例子...不能以一蓋全...所以你屋企隻狼狗乖亦只係個別例子....

貨倉果隻..遺棄果個話係藏獒 但我點睇都唔知佢邊忽藏獒 p.s. 果隻女未絕育
100%純藏獒唔適宜做寵物犬...獅子能當寵物都係個別例子...馬戲班動物員由細養大都係會咬死馴獸師照顧員 而家西藏養黎看羊果d守衛犬都唔係原生藏獒...咁南方以下ge人又點會搵到100%純獒呢? 你朋友果4隻可能只係比較純...(不過未見過你朋友4隻個樣都係估估下啦~)如果隻隻藏獒都好似你朋友4隻咁...藏獒展就唔會show得成...成場藏獒唔打交仲可以企定定俾人摸俾人搓... 但其實你上網時留意下好多人post張狗相出黎話自己果隻係藏獒...買左唔知幾多萬.....可能你會發覺..外型大細同你朋友4隻差好遠...

好幾種狗都"對你擺尾都唔好掂佢"...例如chow chow...沙皮...
我有個朋友以前o係加國...路人a拖隻chow散步迎面路過朋友身邊....朋友隻手就咁就被咬....唔知發生咩事.....
接觸左狗咁耐 攻擊得不論人或其他動物而無事先警告 最安靜既 我見最多...係金毛....= =

佢4隻腳用力 你2隻腳用力 唔夠力拉好正常....
換牙仔牙痕同攻擊人不能相提並論...

好多狗都咬主人...可能只係未見過/身邊無...或者無講你知?你隻狗連主人都咬你會唔會通街唱?....你當你自己係佢主人既時候佢未必當你係...尤其寵壞晒果d... 有好多狗主成日話隻狗咬佢整唔到 洗唔到耳仔 餵唔到藥 沖唔到涼...但去到我地手上又好乖..........
作者: waterBB    時間: 2011-11-1 01:53

本帖最後由 waterBB 於 2011-11-1 02:10 編輯

你睇清楚,我朋友個4隻係唔掂得的,佢個4隻都係買左幾萬蚊=_=,而乖巧既狼狗絕不是個別例子,佢地絕對有能力作為伴侶犬、看門狗、導盲犬、牧羊犬或護衛犬，不論哪種工作,佢地都能勝任的。狼狗多數都好忠心嫁
作者: Helloo仔    時間: 2011-11-1 02:01

如果隻狗真係堅咬人既,上得報紙嫁啦,唔洗周街唱既,幸好的是,我女朋友家中隻隻狗都被寵幸到爆,但無一隻咬過主人,隻隻都聽聽話話又忠心 好多狗都咬主人我就真係未聽過啦,如果係既話我覺得個D主人要檢討一下自己先啦~哈哈
作者: yimaggie    時間: 2011-11-1 02:10

本帖最後由 yimaggie 於 2011-11-1 02:29 編輯
你睇清楚,我朋友個4隻係唔掂得的,佢個4隻都係買左幾萬蚊=_=,而乖巧既狼狗絕不是個別例子,佢地絕對有能力作為伴侶犬、看門狗、導盲犬、牧羊犬或護衛犬，不論哪種工作,佢地都能勝任的。
waterBB 發表於 2011-11-1 01:53

我有睇清楚..= = 我都無話掂得...
我知道你屋企果d好乖 但唔係所有家養ge狗都係...
正如唔係隻隻拉布生出黎就一定可以訓練成為導盲犬...唔係所有瑪蓮萊都可以成為警犬...所以唔能夠以一蓋全....
我講緊ge係大範圍...唔係屋企果幾隻....我屋企隻哥基都唔知佔唔佔全球哥基數ge 0.0001%...
我隻哥基咬過人...但唔係所有哥基都一定會咬人...只係因為哥基呢種狗有d神經質會咬...
性格行為會遺傳 了解品種會知道好多...
咁激動..唔討論
作者: yimaggie    時間: 2011-11-1 02:11

本帖最後由 yimaggie 於 2011-11-1 02:27 編輯
如果隻狗真係堅咬人既,上得報紙嫁啦,唔洗周街唱既,幸好的是,我女朋友家中隻隻狗都被寵幸到爆,但無一隻咬過主人,隻隻都聽聽話話又忠心 好多狗都咬主人我就真係未聽過啦,如果係既話我覺得個D主人要檢討一下自己 ...
Helloo仔 發表於 2011-11-1 02:01

都係ga...所以咪成日要鬧人...
同一樣野要同唔同狗主重複9萬幾次都幾煩..........
咁唔係做果行又真係唔會知咁多狗主o係屋企ge苦況...
作者: waterBB    時間: 2011-11-1 02:18

無計,我鐘情狼狗,所以討論狼狗我會好激動,同埋我夠無話所有狼狗都做到警犬囉
作者: yimaggie    時間: 2011-11-1 02:31

無計,我鐘情狼狗,所以討論狼狗我會好激動,同埋我夠無話所有狼狗都做到警犬囉
waterBB 發表於 2011-11-1 02:18

咁我理解錯你ge意思lor...sorry.....
我都好鐘意某d品種 但有時要中立d 唔可以只向好看 如果唔係幫唔到人
作者: Helloo仔    時間: 2011-11-1 02:35

30# yimaggie


就算係做個行,所謂既大範圍咪都只係佔全球既0.000005%,所以討論呢樣野無絕對既對與錯,只係觀點與角度
作者: waterBB    時間: 2011-11-1 02:42

本帖最後由 waterBB 於 2011-11-1 02:43 編輯

33# yimaggie [/b


明白, 呢一頁變了狗隻討論區
作者: yimaggie    時間: 2011-11-1 02:58

30# yimaggie


就算係做個行,所謂既大範圍咪都只係佔全球既0.000005%,所以討論呢樣野無絕對既對與錯,只係觀點與角度
Helloo仔 發表於 2011-11-1 02:35

我講既唔係我一個人所見ge......  
好多野都唔係只上/網睇書/眼見就可以知道....
每個品種都有好與壞 係個人去唔去知...肯唔肯去接受...
..得出個別品種有性格遺傳問題ge結論唔係我...只係講返出黎吹下水...又無話要邊個對與錯...
做得果行....只靠觀點與角度...早2年我已經俾隻金毛殺死左...又或者俾隻半歲chow chow殺死左....
作者: yimaggie    時間: 2011-11-1 03:04

上面講左一大堆狗而家要返正題=_=
或者你要由最初步開始, 每日早晚各一餐, 夠鐘收糧, 平時比零食瓜子必須用手餵(首先隔住籠做), 但你隻手一定唔可以有縮既動作(否則前功盡棄), 最初佢可能都會咬你手指, 但慢慢就會好d, 何況你拎住瓜子, 又隔住籠, ...
makko 發表於 2011-10-31 21:17

其實而家可以開住門直接用手餵 有時我會要佢地用咀掂我手指一下先有得食 佢地都會肯 但同一動作做多幾次就會見佢地開始停..諗諗...之後先決定做or唔做....我已經係用串串栗...試過用平時餵龍貓果d葵花瓜子..唔要= =.....再伸手就會意圖咬.......



歡迎光臨 PARROT-TREE (http://forum.parrot-tree.com/) Powered by Discuz! 7.2