PARROT-TREE - Powered by Discuz! Board

標題: 葵涌區請留意友網唔見黃頭鸚鵡 ( 已尋回啦 ) [打印本頁]

作者: BB爸爸 時間: 2008-9-18 19:59 標題: 葵涌區請留意友網唔見黃頭鸚鵡 ( 已尋回啦 )

http://www.hkbirdstreet.com/forum/viewthread.php?tid=521&extra=page%3D1
葵涌區

作者: 風中飛鸚 時間: 2008-9-18 20:40

我地都收到消息,剛好壞機所以開唔到post

作者: 達官貴人 時間: 2008-9-18 22:14

我住葵涌區,我可以幫下眼

作者: 風中飛鸚 時間: 2008-9-18 23:05

雀主很掛念及重視他的鸚鵡, 希望各位如有發現, 請及早通知他

作者: BB爸爸 時間: 2008-9-18 23:23

不如叫雀主講多少少野黎聽..................例如葵涌邊到..........................
祝早日尋回

作者: 柑仔b 時間: 2008-9-19 00:34

我都住葵涌bor...

祝早日尋回

作者: 啤梨 時間: 2008-9-19 10:13

好像是在葵涌的工業大廈飛走!

作者: sesese 時間: 2008-9-19 11:09

葵涌的工業大廈範圍好大喎, 成條大連排道都係工廠大廈, 對面又有葵涌邨, 葵芳邨等, 有無正確少少位置或多些資料, 等大家可以幫忙呢?

作者: 梅頭 時間: 2008-9-19 16:15

祝早日尋回!!!!!

作者: Loongegg 時間: 2008-9-19 16:20

本人是鳥主，現附上相片

多謝各位的幫忙和關心

我會繼續努力，不會放棄

謝

作者: wolfdog321 時間: 2008-9-19 16:27

加油牙, 希望早日搵返!

作者: Loongegg 時間: 2008-9-19 16:47

走失地點是葵褔路晉昇工廠大廈

作者: 風中飛鸚 時間: 2008-9-19 23:26

祝早日尋回.

作者: 風中飛鸚 時間: 2008-9-19 23:26

以下是一些尋鳥的注意事項,你可以慢慢留意,希望幫到您!

尋鳥要留意的事項:

1) 保持冷靜,帶備手提電話,望遠鏡,玩具,相片,單張,鳥籠,電筒等,

2) 在就近的大廈管理處,留下鸚鵡相片及聯絡電話.

管理員多數會不願意幫忙,諸多借口,這時要對他說:{這鸚鵡不止是寵物,是家中老人家的老伴,他已經茶飯不思,痛哭失聲,}法例不外人情,一定睇諒老人家,盡量幫忙你!

(通常職權對這種事無什麼特別指引,但基於少做少錯,唔做唔錯,你走雀你既事,但出於同情心,多數人都會幫忙,一個管理員接觸的人多,諸事的管理員會更多.所以管理員願意留意幫助,對你找雀有好多好處)

小心張貼尋鳥告示,以免惹上官非.隨處貼告示罰款$1500元,

3) 如果是從窗口飛出,而主人本身亦親眼見到,盡快落到街上,觀察四周環境,家養鸚鵡沒有飛行經驗,在突然間失重狀態下,只會亂發力狂飛,所以從你本身單位向右側看看有否障礙物,先到第一座障礙物,用望遠鏡仔細觀看,如果見到愛鳥,不用擔心,主人留下來,再找人幫手,因為在這一刻愛鳥暫時是不會飛走的

我們的緊急聯絡電給是:9022 0909我們會盡辦法幫手

4) 臨天亮的第一刻,是最容易發現家養鸚鵡蹤影的時間,在早上,肚餓又受驚的鸚鵡會對主人聲音特別留意及有反應.呼叫他的名字,如果他在你的附近,一定會回應你的,

用鸚鵡本身的籠或企架,玩具,食物,引導他飛回地面,只要他回到地面,就不要太急走到他身

邊,慢慢叫他的名字再行近,伸手令他回到你身上,

5) 留意所有鸚鵡的網站,是否有人找到你走失品種的鸚鵡,

如果鸚鵡不是你的,請不要亂收養,以免真正的主人失去找到的機會

6) 到最就近的鳥店或雀仔街留下訊息給檔主,

因為如果有人捉到,一是自己養,(雖然這樣便沒有機會找到,但都算是件好事,)
二是不喜歡鸚鵡的人,以為可以賣到很高價錢,兩個結果都要到雀鳥店,(那你便有機會找到,
相反沒有給人發現更危險.

7) 在雀店或尋鳥啟示上的訊息,不要提及"重酬,厚酬或銀碼的數目",頂多是"有酬"便好了,在給人的訊息內,都要提及之前所講老人家的事,加多個兒童就更可憐,

同情心比酬金更容易令人將鸚鵡交出.

8) 如果有人聯絡說找到你的鸚鵡,要在人多的公眾地方交收,最好找多一位朋友陪伴

不要只看見相片就先將錢入他人戶口,不要在自己家裡或對方指定的室內交收.

在街上尋鳥要注意的地方

1) 留意大廈外牆冷氣機位置,

因為在夜裡天氣比較冷,鸚鵡會走近溫暖的地方.

2) 留意街上貓貓的眼神

貓比人的觸覺敏銳,如果他見到有鸚鵡飛出,會坐定定留意著獵物.動物有他們獨特的溝通方式,一隻貓發現樹上有鸚鵡吃,附近的貓都會走近.想分一份,

3)在室外,大廈外牆,樹上,任何建築物,要慢慢留意地找,

因為當鸚鵡定定地站立,是很難發現的,等同於有保護色,

希望以上方法可以多少幫到您!

作者: BB爸爸 時間: 2008-9-19 23:31

請問向葵盛方向定醉酒灣方向呢

祝早日尋回

作者: BB仔 時間: 2008-9-20 00:02

祝早日尋回

作者: VM007810 時間: 2008-9-22 16:20

good luck !!!

作者: Raco 時間: 2008-9-22 17:15

希望你快d搵番

作者: tangpf0809 時間: 2008-9-22 21:21

不要放棄, 早日尋回！

作者: 風中飛鸚 時間: 2008-9-22 21:31

原帖由 tangpf0809 於 2008-9-22 21:21 發表
不要放棄, 早日尋回！

放心啦~大家忘記左啦~荃灣區係我地頭.飛雀一定搵得番.唔洗驚,飛鸚係大廳,

作者: 啤梨 時間: 2008-9-24 17:52

恭喜 ! ~~恭喜 !

雀主剛剛致電通知已尋回了!

作者: 風中飛鸚 時間: 2008-9-24 18:06

我都話荃灣區係我管轄範圍.只要post黎鸚鵡樹,一定搵得番~恭喜晒.

隻雀有冇肥左又靚狙丫

作者: wolfdog321 時間: 2008-9-24 18:29

太好啦搵得返! 主人一定好開心啦!

作者: sesese 時間: 2008-9-24 18:47

恭喜哂雀主, 失而復得最珍貴

作者: comoys 時間: 2008-9-24 21:28

太好啦搵得返!失而復得最珍貴，恭喜哂雀主！！

作者: BB爸爸 時間: 2008-9-24 22:15

原帖由 風中飛鸚 於 2008-9-24 18:06 發表
我都話荃灣區係我管轄範圍.只要post黎鸚鵡樹,一定搵得番~恭喜晒.

隻雀有冇肥左又靚狙丫

sesese好似唔見左隻雞尾仲未搵返係係荃灣

作者: 風中飛鸚 時間: 2008-9-24 22:18

原帖由 BB爸爸 於 2008-9-24 22:15 發表

sesese好似唔見左隻雞尾仲未搵返係係荃灣

你唔知道走左已經搵返啦~不過再走過一次咋嗎,再唔見就唔關我事啦.(有一次機會仲唔好丫)

作者: sesese 時間: 2008-9-25 13:50

原帖由 BB爸爸 於 2008-9-24 22:15 發表

sesese好似唔見左隻雞尾仲未搵返係係荃灣

bb爸爸, 你真係好記性

搵雀 quota 得一次

我都唔想有第二次呀

作者: sonic 時間: 2008-9-25 13:59

恭喜！

恭喜！

作者: Loongegg 時間: 2008-9-25 15:34

多謝多謝多謝各位！

真的很感激大家！

鸚鵡已回家，我們心情還未平復，因大落大起再大落再大起。

在這裡說說過程和心情

失去鸚鵡的第一天

四處尋找，責備自已，報漁護署，心情大落

失去鸚鵡的第二天

失落，再四出尋找，範圍擴大，上網求救，向飛鷹、啤梨求教，有他們的鼓勵，心情平復

失去鸚鵡的第三天

發傳單、貼傳單，上網看消息，再四處找，心情大落

失去鸚鵡的第四天

收到一位小姐的電話，說鸚鵡已交給漁護署，向漁護署查詢，鸚鵡在上水狗房，鸚鵡是由瀕危物種科管理，但今明兩天休息。心情大起

失去鸚鵡的第五天

等，準備文件，心情忐忑

失去鸚鵡的第六天

早上與瀕危物種科聯絡，是有一隻疑似我們的鸚鵡，下午不請自去瀕危物種科，帶備單據、出世紙、相片、傳單，落了口供，還要證明鸚鵡的入口來源，即鸚鵡店的入口證，但不一定會送還給我們，我們只好去鸚鵡店求助。心情大落

失去鸚鵡的第七天

黃昏終於收到入口證。心情反覆

失去鸚鵡的第八天

瀕危物種科終肯發回給我們，立即到上水，接回失去了八天的家人。心情難以形容

這八天天氣反覆，但你們的關心、鼓勵，令我們不灰心、不氣餒，在此再多謝、再感激大家。

特別鳴謝︰
1. 飛鷹、啤梨
2. 準許我們貼傳單的舖頭
3. 告知我們已將鸚鵡交給漁護署的好心人
4. 漁護署的梁小姐
5. 瀕危物種科的高先生
6. 梁先生
7. 鸚鵡店
8. 各位網友、主席等
排名不分先後，再次感激大家。

作者: ccyorz 時間: 2008-9-25 16:55

恭喜~恭喜!

作者: tangpf0809 時間: 2008-9-25 19:03

太好了, 能找回我雀!
以後要小心d, 更珍惜你的雀！

作者: 細細粒 時間: 2008-9-25 19:11

我明白主席所講(荃灣失雀,一定搵得番,)是講笑,但當我知道主席插手這件事,我有強烈預感一定搵得到,

好恭喜你搵得番隻鸚鵡,你冇搵錯人幫忙,我家人都話主席有d福氣,有點運,

你快快剪翼啦~我也代你再多謝他們幫忙,

作者: catwai 時間: 2008-9-26 00:13

(帶備單據、出世紙、相片、傳單，落了口供，還要證明鸚鵡的入口來源，即鸚鵡店的入口證，但不一定會送還給我們。)

奇實係咪真係要有咁多証明才可以取回"私人的財產"呢？

如果有實質証據隻雀係自己，而隻雀係私人養，並非作為買賣，但又唔齊以上的文件，當這部門唔肯將隻雀比番個雀主的話，這雀主可否告正苦"侵占私人財產"，由法庭向正苦取回？？

作者: 風中飛鸚 時間: 2008-9-26 00:21

原帖由 catwai 於 2008-9-26 00:13 發表
(帶備單據、出世紙、相片、傳單，落了口供，還要證明鸚鵡的入口來源，即鸚鵡店的入口證，但不一定會送還給我們。)

奇實係咪真係要有咁多証明才可以取回"私人的財產"呢？

如果有實質証據隻雀係自己，而隻雀係私 ...

問過有關部門~他們表示不是入去你屋企捉你隻鸚鵡去佢度,係在香港市面捉到一隻受保護動物,而動物無証明來源,

就當作非法飼養,如果在屋企非法飼養就無法檢控,反之飛出街上捉到,你就有責任提供資料,

根據那部門提出.大部份動物的條件或証明文件都是不能領回,

作者: vvhui1993 時間: 2008-9-26 00:41

真係恭喜!

作者: catwai 時間: 2008-9-26 00:54

原帖由 風中飛鸚 於 2008-9-26 00:21 發表

就當作非法飼養,如果在屋企非法飼養就無法檢控,

...

什麼叫"當作"！！

(如果在屋企非法飼養就無法檢控,)

乜原來我和大多數鸚鵡雀主都是犯了法！！

(飛鸚以上內容是問有關人仕，這是隻手遮天嗎？)

作者: catwai 時間: 2008-9-26 01:21

原帖由 風中飛鸚 於 2008-9-26 00:21 發表

問過有關部門~他們表示不是入去你屋企捉你隻鸚鵡去佢度,係在香港市面捉到一隻受保護動物,而動物無証明來源,

就當作非法飼養,如果在屋企非法飼養就無法檢控,反之飛出街上捉到,你就有責任提供資料,

根據那部門 ...

   (入去你屋企捉你隻鸚鵡去佢度)
未經我同意而我又唔知情的情況下這樣是叫作"偷"！

   (係在香港市面捉到一隻受保護動物)
我在唔知情的情況下失去了私人財產，警察會叫我"報失"，"報失"即是我失去某嘢！

警方也可以証明我是"失去了私人財產"，而這"受保護動物"我有實質証明是我的，因我有實質証明所以警方無告我"報假案比假口供"！

   (而動物無証明來源)

是指入口嗎？這雀是家傳的，三十年前已開始養，況且我是私人飼養不是作為買賣，乜也要入口証明來源？

      (反之飛出街上捉到，你就有責任提供資料)

和在街上拾到銀包一樣，應當作失物處理！雀主應當提供"合理"的資料！

( 飛鸚  以上一樣是給有關人仕看 )

作者: catwai 時間: 2008-9-26 01:31

相信日後會有更多人不小心失去愛鳥之後，有"實質証明"但又不能取回愛鳥(即私人財產)！

大家覺得應該點做好，任由有關部門隻手遮天或是需要正視問題呢？

作者: 啤梨 時間: 2008-9-26 10:26

那雀主第一時間去漁護署問,他們說沒有資料,雀主再問回提供資料的女士,她說100%當日見到鸚鵡飛入屋,是她打電話舉報,千真萬確,

於是主人立即以100%肯定姿態再去問,先轉來轉去,轉到此部門,而此部門也確實指示.大部份受保護動物在他們手中,都不會發還,除非有足夠

證據及理由,官方就咁表示,(其實佢地唔講鬼知佢地有捉到鸚鵡)仲問漁護署都話冇,一般人都不會再追問落去啦.

2)在家中飼養,沒有人投訴,很難知道那一戶是非法飼養保護動物.

3)佢地唔發還既主要原因.你隻雀30年前買,帶出街玩.算犯法嗎?在街玩玩下.飛落地,那部門拾起,是否立即犯法?
這是灰色地帶,咁他們捉到有腳圈,好明顯有號碼,好明顯是正式入口.有來源啦,點解唔查下其他部門,ab1234是那年入口.
是那一間店舖出售.好易搵到主人啦,

如果官方回答,我們已經正在查證中.需要時間工作,
我的回答是,多做多錯,小做小錯,唔做唔錯,
我既真實板本,下題回答,怕打得太多字會冇晒.(電腦問題)(飛鸚字)

作者: 風中飛鸚 時間: 2008-9-26 10:39

以下故事,是由風中飛鸚,自己編做出黎,與政府無關,但與事實就........大家自己想想.

有日漁護署收到電話投訴.葵涌發現鸚鵡飛入屋,

漁:蛇王炳去睇下乜料.
蛇王炳:喂,亞sir我去到現場,是鸚鵡,
漁:是什麼品種?受保護嗎?
蛇王炳

心諗,知鬼呀,)係呀sir.是受保護動物,唔關我地事,請通知瀕危物種果邊.
蛇王炳

收工,番去玩13張,
瀕:大蛇恩丫.收到漁護署電話,果邊又想吞卜,快快捉左番黎算啦.
大蛇恩:求其再彈去一個部門算啦,
瀕:唔得啦,已經彈左幾個啦,速去速回好過啦.今盤3注收你兩注得啦瓜,(大蛇恩聽見收小注,就急急腳去啦)

待續..

作者: 風中飛鸚 時間: 2008-9-26 10:46

當這好心女士見到街招.
e:是早幾天飛入我屋的鸚鵡,等我打電話通知雀主
雀主去到漁護署問,
蛇王炳:乜事
主:我唔見左隻鸚鵡,
炳:我地冇捉過,
主:我明明問過x小姐,她說打電話給你們,
炳:等我問下莊家,!sorry!唔係莊家,講錯,係上級,
炳:我已經講左冇捉到.果條友仔都唔走,亞sir點好呀?
sir:冇法啦,篤瀕危物種果邊出黎啦,阻佢玩13張好過阻我地丫.順便開牌,報到3注.

待續..

作者: 風中飛鸚 時間: 2008-9-26 10:58

雀主:我早幾日走失鸚鵡,漁護署說在你這裡.
瀕:e單穌洲野邊個跟開.
大蛇恩:我丫蛇,
瀕:大蛇恩,求其打發佢走,成10點啦.仲未收得工,老婆鬧死啦.
大蛇恩:先生:根據香港法例第358章123456條a入面既第72行第8句,寫明唔會發還,請提出証明,
亞sir拉大蛇一邊細細聲講:喂,你死架大蛇恩,嚇到佢唔咁再黎丫嗎,
大蛇恩對雀主講:一般情況下.資料及証明來源不夠,都不會發還,這裡我受保護動物,大部份都不會發還,
亞sir對大蛇恩講:條友仔冇咁易放棄.出絕招啦.
大蛇恩聽到上級說出要用絕招,心裡一寒,此招是政府部門最毒辣的一招,雀主點頂丫,但在無計可施,出招啦,
大蛇恩:先生,你所提供的資料,我們會盡快辦理,你回去等消息啦,

雀主心情失落.打電話給我,

作者: 風中飛鸚 時間: 2008-9-26 11:00

我說:政府做野係咁.你要打可憐牌,因為錢唔能夠解決既問題.就係大問題,
我幫你作啦.

自從鸚鵡飛走後,老父終日在街上流浪,希望能有鸚鵡消息.而家母終日茶飯不思,以淚洗面,日漸消瘦,得知是你們部門捉到,

已經開心番晒,好希望可以快d辦妥手續,連細仔都冇哭好多日啦.老婆也打消自殺念頭.

作者: tangpf0809 時間: 2008-9-26 11:32

有冇咁誇!

作者: 小英仔 時間: 2008-9-26 12:20

真係要咁先攞得番

作者: sesese 時間: 2008-9-26 12:40

我都覺得政府部門就係咁 --> 多做多錯, 少做少錯, 唔做就唔錯
呢d 官僚制度

真係令到好多無辜小動物返唔到主人身邊

幾年前有人在出境時唔見咗個仔, 佢地做過d 咩吖? 官僚

作者: tangsokwan 時間: 2008-9-26 12:47

最終攞唔攞得返呀???

作者: 風中飛鸚 時間: 2008-9-26 14:47

原帖由 tangsokwan 於 2008-9-26 12:47 發表
最終攞唔攞得返呀???

攞番

作者: 風中飛鸚 時間: 2008-9-26 14:49

我知道有人在政府做公務員,自己開公司,365日都在自己公司,政府出份乾糧,完全唔洗做

作者: 小英仔 時間: 2008-9-26 16:55

原帖由 風中飛鸚 於 2008-9-26 14:49 發表
我知道有人在政府做公務員,自己開公司,365日都在自己公司,政府出份乾糧,完全唔洗做

唔係掛,做邊個部門呀,等我申請下入去做都好喎
咁我日日有時間玩雀

,上網

,瞓覺

作者: catwai 時間: 2008-9-26 19:09

原帖由 風中飛鸚 於 2008-9-26 11:00 發表
我說:政府做野係咁.你要打可憐牌,因為錢唔能夠解決既問題.就係大問題,
我幫你作啦.

自從鸚鵡飛走後,老父終日在街上流浪,希望能有鸚鵡消息.而家母終日茶飯不思,以淚洗面,日漸消瘦,得知是你們部門捉到,

已經開心 ...

真係咁講...............

作者: sonic 時間: 2008-9-26 19:22

得過且過心態唔得嫁，當中比人點來點去滋味不好受。

所以政府的表現要民市監察，呢個世界唔會自我完善，只會愈做愈差。(又係梅菲定律)，所以施政要透明度，公開，讓大家一起監察，有錯要(炳)改

，無則嘉勉！

[ 本帖最後由 sonic 於 2008-9-26 19:27 編輯 ]

作者: catwai 時間: 2008-9-26 20:06

原帖由 風中飛鸚 於 2008-9-26 14:47 發表

攞番

愚弄柱已經派人入黎睇注你一舉一動啦
你仲唔快Ｄ講下一步點做，你唔講.........，愚弄柱諗唔到辦法愚弄Ｄ雀主架！

[ 本帖最後由 catwai 於 2008-9-26 20:10 編輯 ]

作者: wendy2307 時間: 2008-9-28 12:12

我相信大部份公務員都是根據每個部門的指引做,這是政府法例的灰色地帶,Parrot Tree 可否就這點做些什麼?

作者: catwai 時間: 2008-9-29 20:22

原帖由 wendy2307 於 2008-9-28 12:12 發表
我相信大部份公務員都是根據每個部門的指引做,這是政府法例的灰色地帶,Parrot Tree 可否就這點做些什麼?

當然大部份所謂低級的職員是必須要根據每個部門的指引做，但他們對市民時的言語及面色，相信是他們自己人格的表現，並非與指引有關！

這是否法例的灰色地帶，請到 "第 586 章保護瀕危動植物物種條例" 一看
http://www.legislation.gov.hk/blis_export.nsf/chome.htm

Parrot Tree 是要得到大家的支持才可有最大的力量去做應做的事

[ 本帖最後由 catwai 於 2008-9-29 20:26 編輯 ]

作者: MANDYLEAD 時間: 2008-9-29 20:30

只要係好事...一定會全力支持到底

歡迎光臨 PARROT-TREE (http://forum.parrot-tree.com/)