PARROT-TREE - Powered by Discuz! Board

標題: 幸運女神再顯神威，眾志成城尋雀記 [打印本頁]

作者: carolee 時間: 2011-11-28 01:36 標題: 幸運女神再顯神威，眾志成城尋雀記

幸運女神再顯神威，由鸚鵡樹戰地記者 FRANK LAU 報導

幸運女神empire再一次發揮佢嘅特異工能，發現失雀在離地4～5層樓高的一棵樹上，馬上一班熱心的鸚鵡樹會員聚集一起，急謀對策

要怎樣才好呢？太大動作又怕會把雀雀嚇飛，主人在樹下不斷呼喚雀雀的名字，雀雀似乎想下來，卻力不從心，而牠位處的高度實在也很高，而樹枝又相對很幼，不足以承起一個人的重量，人不能爬上去, 要怎辦好呢？

下圖看不到失雀，因為在4～5層樓高的地方，入不到鏡

看到雀雀了，大家都好緊張，還繫著防走失的紅色繩：

一番商議後，大家決定採摘一枝枝較長較粗壯的樹枝，用繩索一枝一枝縛起來成一條長竹幹，再拿一個燒烤义屈成au狀，縛到長竹幹的一邊，打算舉高把繫著失雀的紅色繩au著拉回來

說做便做，大家馬上去找工具物料，用超快的速度做好了長竹幹，打直比一比，竹幹已經好長，長得有點晃來晃去和震危危，但離開失雀還有一段距離

這時有人提議爬上旁邊的樹至較高的高度才拿長幹去au, 神勇的爬樹高手cool於是爬上旁邊的樹至大槪雀雀的1卅3高度

au了好多下都au不中，大家都感到cool漸漸疲累，竹幹越來越搖晃，這時cool當機立斷，不去au了，卻用竹幹繞著繩子兩圈，然後一扯………….

繩子和雀雀被扯下來了，大家好緊張，但說時遲，那時快，在半空繩子甩脫了竹幹，雀雀向對面的貨櫃場飛去………

由左下角至右上角是那條大家合力做的長幹，右上角半個黑影是正在脫幹飛往貨櫃場的雀雀

馬上有人攀高看雀雀在那裡，謝謝天！原來降落在一個兩層高的貨柜上! 幾個壯男馬上疊羅漢讓主人爬進貨櫃場，找到了找到了，主人馬上接回失雀，在一片歡呼聲中人雀大團圓：

主人把雀雀遞下讓下面的人接著：

主人從貨櫃場爬出來，從雀友手中接回雀雀：

好開心，大團圓結局：

作者: louisa20047 時間: 2011-11-28 04:18

又係好感動既場面呀，多謝 carolee圖文並茂咁講件事俾大家知呀

作者: ngkare 時間: 2011-11-28 07:08

本帖最後由 ngkare 於 2011-11-28 07:09 編輯

睇到主人錫雀雀嗰張，感動到熱淚盈匡呀！

作者: Cherryyeung1 時間: 2011-11-28 08:35

真係驚險萬分。眾人齊心。令雀雀終可返到主人身邊。
樓主把故事形容得很感人。看了像置身現埸當中

作者: joming 時間: 2011-11-28 08:54

齊心力量令人感動!

作者: sallyyau 時間: 2011-11-28 10:43

作者: victor 時間: 2011-11-28 10:44

今次真係好好彩全靠鸚鵡樹兄弟姐妹齊心，再加一點運氣，帶鸚鵡出外真係要小心一點，否則走失，肯定很心痛及隻鸚鵡可能有生命的危險，小心，小心

作者: mavisweet 時間: 2011-11-28 10:46

非常"like"第一句"幸運女神再顯神威，由鸚鵡樹戰地記者 FRANK LAU 報導"
勁過生果日報標題!!!!

作者: jennymok 時間: 2011-11-28 10:57

好感動! 多謝Frank嘅報導加高超嘅攝影技術, 令我地如致身現場, 感受到當時大家嘅焦急同緊張。再一次證明同心就事成！

作者: pinko 時間: 2011-11-28 11:01

作者: LEELO 時間: 2011-11-28 11:14

又一齊心就事成的好例子~

作者: chocolate 時間: 2011-11-28 11:16

當時主人找回愛鸚一定好感動!

作者: rachelring 時間: 2011-11-28 13:06

果然又走雀。。。下次真系要小心点啦。。。

作者: 風中飛鸚 時間: 2011-11-28 13:47

我早前行到這一段路時~提醒大家是灰鸚最後著陸點~大家要留心這一段路~30幾人經過都睇唔到~最後都要出動我們鸚鵡樹的轉世靈童~直達師太~(每次出動~例不虛發~直達出事現場~)果然幾分鐘就搵到~機場緝毒犬都要行開~

可惜真係太高~好多人提出好多意見~最後我們決定唔好理隻雀~全力對付條繩~大家立即分頭在山邊找繩索及長樹支~我行過地盤~拾獲膠帶~回程準備再拾樹支~點知道大家已經拾獲大量樹支~分工合作~好快就製成長竹竿~場面真係好感動~再次奇蹟尋回鸚鵡~我們已經相信不是運氣~是大家一份力量~是什麼力量~?

當時大家冇計較邊個有功勞~只是盡全力營救~邊個爬上樹~邊個做乜都冇計~大家一條心~齊心就事成~

亞cool當時在樹上講~(如果捉得番~下次我要帶羊去聚會架)我答亞cool樹上講樹上散~
因為我們大多數人都有養老虎~onon都阻止我地唔俾帶~唯獨亞cool帶隻羊~對其他養老虎會員唔公平~
不過我提議搵一次~攪一個可以帶其他動物聚會~如果怕老虎同羊既朋友~下次先參加囉~咁就兩存其美~

作者: mmchu 時間: 2011-11-28 17:10

最感動係，搵雀女神阿sue搵完雀返黎，
見佢眼濕濕，
佢直頭當係自己唔見雀一樣呀！！

作者: Jill 時間: 2011-11-28 17:14

同心協力..就算要摘天上星星落泥都可以

作者: OnOn 時間: 2011-11-28 17:28

好多謝呀Frank好張成個過程拍下, 我地先可以直接感受到現場一刻.

每次可以揾返雀, 大多數都因為萬衆一心, 加上樹樹女神, 奇蹟一再出現...............

今次其實都飛得好遠, 又見唔倒落點, 可以在1小時左右揾返, 真係九星連珠.

大家千萬小心, 唔好再加插這項目.

作者: OnOn 時間: 2011-11-28 17:35

亞cool當時在樹上講~(如果捉得番~下次我要帶羊去聚會架)我答亞cool樹上講樹上散~
因為我們大多數人都有養老虎~onon都阻止我地唔俾帶~唯獨亞cool帶隻羊~對其他養老虎會員唔公平~
不過我提議搵一次~攪一個可以帶其他動物聚會~如果怕老虎同羊既朋友~下次先參加囉~咁就兩存其美~
風中飛鸚發表於 28-11-2011 13:47

就係因為大多數人都有養老虎,對其他養老虎會員唔公平. 所以唔可以有例外.

養老虎的會員已多次向本會投訴, 所以我地必須一視同人.

如果再有同樣事件, 我地會好有禮貌咁要求有關人仕即時離場.

作者: 風中飛鸚 時間: 2011-11-28 18:02

我本來想帶蜜袋鼯~不過ONON話如果我帶就殺死我~

作者: OnOn 時間: 2011-11-28 18:03

我本來想帶蜜袋鼯~不過ONON話如果我帶就殺死我~
風中飛鸚發表於 28-11-2011 18:02

主席以身作則, 十個 "like"..........

作者: zero322 時間: 2011-11-28 18:16

19# 風中飛鸚

扮哂野

作者: ping 時間: 2011-11-28 18:16

知道走雀時，我個心都唔舒服，估唔到又俾主席講中。
知道搵得番，都好開心。
昨天我都想問點樣搵番隻雀，估唔到今日有個全程直擊的報導。
多謝FRANK LAU 同 CAROLEE，個報導好精采。

作者: 真正 時間: 2011-11-28 21:51

真係超級好睇既長篇~
真係好好彩揾得返~~~~~
返去要對佢做思想再教育~

作者: 小達摩 時間: 2011-11-28 22:10

齊心.就事成`

作者: paladin 時間: 2011-11-28 22:52

鸚鵡樹...果然無入錯會
希望鸚鵡樹越來越壯大
就連世界各地都知道有鸚鵡樹的存在

作者: BoBoBoBo 時間: 2011-11-28 23:42

雖然早己聽過整個揾雀過程, 但看到Carol 呢篇報導, 依然看到眼濕濕!

小櫻嚮咁高, Cool 可以爬上1/3棵樹, 仲可以控制枝咁長既樹枝去撩條繩, 果然身手不凡!

女神勞苦功高, 一日之內令兩位雀主失而復得, 樹樹週年成功不走失一雀, 抵錫!

看到小櫻落入貨柜場, 再看到吊機不停運作地將貨柜吊高放下, 真擔心小櫻會變成肉醬.

依家人雀團圓, 皆大歡喜!

作者: waterBB 時間: 2011-11-28 23:53

好好睇,同埋好感人,好幸運~希望下次小心一點

作者: parrot 時間: 2011-11-29 00:03

大團圓結局

作者: gilgil 時間: 2011-11-29 01:08

今次真係好好彩全靠鸚鵡樹兄弟姐妹齊心，再加一點運氣，帶鸚鵡出外真係要小心一點，否則走失，肯定很心痛及隻鸚鵡可能有生命的危險，小心，小心
victor 發表於 2011-11-28 10:44

作者: 風中飛鸚 時間: 2011-11-29 10:56

失雀有兩大難關~1就係發現隻雀~2就係點樣囉番~
1就係大海撈針~
2就要睇彩數~
大海茫茫搵技針~過到第一關已經係神奇~
去到第二關仲慘~見到囉唔到~仲心急~
我已經好討厭搵雀啦~希望以後都冇人走雀啦~

作者: joming 時間: 2011-11-29 11:53

失雀有兩大難關~1就係發現隻雀~2就係點樣囉番~
1就係大海撈針~
2就要睇彩數~
大海茫茫搵技針~過到第一關已經係神奇~
去到第二關仲慘~見到囉唔到~仲心急~
我已經好討厭搵雀啦~希望以後都冇人走雀啦~
風中飛鸚發表於 2011-11-29 10:56

希望唔好再有人走雀!　人同雀都好慘！

歡迎光臨 PARROT-TREE (http://forum.parrot-tree.com/)