PARROT-TREE - Powered by Discuz! Board

標題: 請問你地既灰鸚食咩糧架?佢吾肯食合成糧... [打印本頁]

作者: tommy9571 時間: 2011-12-7 19:57 標題: 請問你地既灰鸚食咩糧架?佢吾肯食合成糧...

請問你地既灰鸚食咩糧架?
我比水果糧佢食佢只肯食幾粒..大部分都系掉!
之後今日去左大圍買呢隻比佢食..點知一粒都吾肯食..
點算好..我已經比好少好少既瓜子佢食
如果真系吾比我怕餓親佢
佢而加只有9個月左右大想佢轉食合成糧但都仲有早晚餵一次奶佢都好肯食
點算好呢吾該!
(今日買既包合成糧..完全吾食)

作者: louisa20047 時間: 2011-12-7 20:06

好少好少瓜子<---即係幾多粒呀?~大瓜子定細瓜子?~點餵?
H糧唔係所有雀雀都食~我屋企有一半雀雀都唔食~但係又有一隻只食H糧
你可以試下將H糧打成粉溝溫水當奶餵~俾佢習慣下D味先~之後就減少餵奶次數~佢餓就會搵野食嫁啦

作者: louisa20047 時間: 2011-12-7 20:08

不過你要肯定佢有真係9個月大先好搞喎~仲好細就唔好逼佢食合成糧啦

作者: tommy9571 時間: 2011-12-7 20:13

好啦吾該!
我計反證書佢系有9個大月!加上佢隻眼都系已經有灰色!
大約4,5粒左右擺落佢糧杯到!

同埋想問下..個售貨員話要擺d糧去冰箱
咁拎反出黎系咪就咁比佢食就得? 使吾使解凍果d..??

作者: louisa20047 時間: 2011-12-7 20:16

好啦吾該!
我計反證書佢系有9個大月!加上佢隻眼都系已經有灰色!
大約4,5粒左右擺落佢糧杯到!

同埋想問下..個售貨員話要擺d糧去冰箱
咁拎反出黎系咪就咁比佢食就得? 使吾使解凍果d..??
tommy9571 發表於 2011-12-7 20:13

我唔信證書~因為張證書太流啦

唔好放D糧入雪櫃~拎出拎入有倒汗水~D糧濕左壞得好快

作者: louisa20047 時間: 2011-12-7 20:18

用個盒仔放一個星期左右嘅糧~食完先再係大包裝裝一盒~至於大包裝糧就放陰涼地方~有咁少搞咁少

作者: louisa20047 時間: 2011-12-7 20:20

唔好俾凍野鸚鵡食~係雪櫃拎出黎~要放到室溫先好俾佢地~不過要留意細菌滋生

作者: tommy9571 時間: 2011-12-7 20:20

好的!!明白晒吾該!!

作者: littlecae 時間: 2011-12-7 22:28

可以將Harrison糧粉+奶粉溝埋一齊喂佢, 慢慢減少奶粉數量, 食慣左隻味就好D

作者: GumGum 時間: 2011-12-8 01:38

柑柑都係食H糧(高蛋白)小粒裝，小粒裝可能會容易d食，你可以試o下滅細粒d比佢。
如果佢唔食你就比瓜子，佢可能會特登唔食等你比瓜子。
之前同柑柑戒奶時d前輩教我話要忍心d，唔食就唔好理佢，佢餓就會死死氣氣食，當然早晚都要餵兩啖｢傑｣奶比佢(軟雪糕咁傑)，等佢唔會餓死。

作者: zero322 時間: 2011-12-8 07:15

4# tommy9571

證書你都信

餵奶餵3個月之後先啦

之後合成糧+水果糧就得架啦岩岩餵戈時一定唔係點食架
因為好似小朋友咁係都食薯條唔食菜啦~
瓜子只係訓練時先餵
一日至少餵一次生果

作者: carmenbabe 時間: 2011-12-8 09:28

轉糧要慢慢轉唔可能一下子轉到....唔可以心急﹗
每次比一d(幾粒)慢慢加上去....夜晚就照比奶佢食...日頭就食糧﹗佢慢慢知道唔食冇得食﹗
我隻灰鸚都係食你買個隻....佢一日食60粒或以上.....

作者: LEELO 時間: 2011-12-8 09:44

9個月仲餵奶！！！
有人餵緊係唔自己食啦~
又一名港孩！

作者: vanessachan 時間: 2011-12-8 12:42

9個月的灰鸚仲食奶?9 個月的灰鸚已經絕對有能力把合桃殼咬破了.

作者: tommy9571 時間: 2011-12-8 17:01

但佢開杏仁都有困難 9個月我都系睇證書計反所以都吾系好信!
但佢隻眼系有d灰色
請問而加我應該整系比h糧佢食定系加埋水果糧比佢好呢吾該!

作者: BABYPAPA 時間: 2011-12-8 18:08

你給牠生果糧，裡面有小量瓜子，有果仁有n u t,有合成量！

作者: louisa20047 時間: 2011-12-8 19:20

但佢開杏仁都有困難 9個月我都系睇證書計反所以都吾系好信!
但佢隻眼系有d灰色
請問而加我應該整系比h糧佢食定系加埋水果糧比佢好呢吾該!
tommy9571 發表於 2011-12-8 17:01

開杏仁都有困難~好可能只係佢未習慣開~我俾D十分完整~一D虛位都冇嘅杏仁我班雀食~可以一開開成10分鐘~如果有少少虛位~兩秒就開左啦~所以你試下俾D有少少瑕疵~冇咁完美嘅杏仁佢食~當練習啦

作者: 拉布拉多 時間: 2011-12-8 21:12

我隻灰鸚b都係早幾日番我家.我買咗奶粉比佢,點知佢見到針桶就叫今我就用spoon餵佢,佢都唔鐘意.今我見佢係到找爪子食同埋唔食種子糧.我第二日番雀街準備找老板問下點算.撞到位知深雀友,佢推介咗隻疏菜合成糧比我.
我番到屋企就放杯新糧比佢同無爪子.過咗幾粒鐘灰鸚b䦕始食新糧.因為成日無比爪子佢食,昨晚我嘗手餵爪子比佢佢識得囉啦.

作者: carmenbabe 時間: 2011-12-9 10:11

我自己覺得...如果佢仲係細而且今個冬天又咁凍比奶佢食而又肯食比都冇所謂過左冬天先介....起碼佢係冬天入面係夠營養同夠飽去過冬....合成糧冇話邊隻真係好....最唔好既都有人比隻鸚鵡都冇咩問題(我只係見過咁所以講請見諒) 如果你想佢好米兩隻糧都比d...等佢夠營養身體好d﹗咁樣比個基礎佢...第時都少d病喇!
(以上都係個人既睇法，請見諒)

作者: mochiyeung 時間: 2011-12-9 11:38

你好呵, 我養左樂樂(灰鸚)一星期左右, 佢頭幾日都唔肯食的, 但是我地將佢整細粒少少, 混埋在seeds 裡面等佢慣左個味, 之後, 昨天再俾佢試, 用手餵佢, 同佢講, 好好味...佢就開始食了. 我本來同你都一樣擔心呵, 只是原來佢地習慣左, 就可以的了. 比心機呵.

作者: 鸚鵡主義者 時間: 2011-12-9 13:20

提示: 作者被禁止或刪除內容自動屏蔽

歡迎光臨 PARROT-TREE (http://forum.parrot-tree.com/)