PARROT-TREE - Powered by Discuz! Board

標題: 太陽鸚鵡飼養手冊 [打印本頁]

作者: 小草妹 時間: 2011-12-9 15:46 標題: 太陽鸚鵡飼養手冊

本帖最後由小草妹於 2011-12-9 15:53 編輯

見最近好多人都開始養太陽鸚鵡 ,而之後大多因為叫聲問題而放棄飼養 , 所以希望將我話長唔長話短唔短嘅1年嘅經驗同大家分享 , 養太陽之前都睇一睇呢個post唔好一時衝動買返去

養太陽鸚鵡之前最緊要係考慮聲音問題 , 錐尾鸚鵡把聲雖然對比起葵花類 , 話大唔大話細又唔係細 , 但就一定係中小型身型嘅鸚鵡之中叫得最大聲嘅品種
養之前一定要考慮家人同鄰居嘅接受能力
[youtube]GNBEUIh85t0&feature[/youtube]

至於價錢方面 , 係我理解中眼見一年前係香港仲係賣千零二千蚊(正常千五至二千啦) , 但因為最近來貨少 (甚至無) , 呢種鸚鵡漲價漲得好勁 , 價錢已經升到去3千至3千8一隻
市場上面亦有商人以珍達鸚鵡當太陽鸚鵡BB賣 , 到隻鸚鵡大個發覺對翼唔變色先知原來果隻唔係太陽黎
不如就先講下點分太陽同珍達啦~

太陽BB頭部 , 身同翼一般以綠色為主 , 翼會係大約半歲開始慢慢變黃 , 兩歲到就會完全變晒黃色

成年太陽頭部個顏色一般比珍達橙 , 眼附近紅色位置比珍達紅同大噠
心口至肚個位置比起珍達 , 無咁紅色 , 偏向橙黃色
翼嘅位置有黃色

而珍達鸚鵡呢 , 個頭會比較偏向黃色 .
肚會係比較深嘅橙紅色 , 而對翼會係全綠色 (細心留意下 , 珍達對翼比起太陽bb深綠同營光少少)

籠 ~ 太陽鸚鵡系種熱愛倒吊 , 非常活潑嘅鸚鵡品種 , 係選擇籠子時一定要考慮係咪足夠比到佢地足夠嘅活動空間 , 放得落玩具比佢地玩

水 ~ 由於太陽產於熱帶雨林 , 係一個非常多水嘅地方 , 所以一般正常嘅太陽鸚鵡都好鐘意好好鐘意玩水 . 有太陽時可以帶出街幫佢地噴下水沖涼 ~
另外一年經驗令我發現太陽會無視室外氣溫有幾凍 , 照玩水 ,但唔係時時都有人幫手吹乾呢個動作對於一歲以下嘅太陽小朋友非常危險 , 解釋辦法建議轉用水樽 (但記住水樽易藏細菌要定期更換)

糧食 ~ 如所有鸚鵡一樣 , 如果唔係活動量大嘅主糧都係食返合成糧好d , 我個人 (真係好個人嘅個人意見 , 不喜勿插) 就建議溝糧餵 , 每種糧都有唔同嘅優點缺點 , 溝糧餵可以互補不足又令營養均衡d , 我個人就係溝 Harrison 嘅 life time , high protency , RB , Pretty Bird 同oven fresh bites , 另外加 booster , 我亦建議間中溝少少種子糧 , 因為堅果裡面有d糧補充唔到嘅營養 , 食少量可以令d毛靚d , 但又不至肥

水果 ~ 太陽產於熱帶雨林 , 對d顏色好Sharp 同香嘅嘅水果特別喜愛 ,如士多啤利 , 哈密瓜 , 芒果可以多d比水果佢地食 , 令營養均衡d

玩具 ~ 一般太陽都好鐘意d坼得爛嘅玩具 , 如軟木塊 , 廁紙盒 , 當然每隻太陽喜好都唔同 , 要靠主人細心留意先搵到佢鐘意玩嘅野啦

作者: 小草妹 時間: 2011-12-9 15:50

同伴
基本上錐尾鸚鵡對同科 (conure ) 唔同種 (如 jenday , sun conure ) 嘅鸚鵡敵意無咁大 , 係野外都成群出動 , 如果能力許可都可以考慮為佢地加個伴 (不過成對嘅鸚鵡都會有機會唔親近主人 ) 建議先同第一隻熟絡先加多隻