PARROT-TREE - Powered by Discuz! Board

標題: 急！求救 [打印本頁]

作者: summer2816 時間: 2012-2-5 15:13 標題: 急！求救

今早發現我隻彩鳳於昨晚半夜拔毛，拔左好多。因佢返左屋企只有兩星期仍然怕人，所以睇唔到皮膚上有冇蟲。另外今早佢吐左十幾粒種子糧出黎，請問而家我可以點做？謝！

作者: summer2816 時間: 2012-2-5 15:17

而家去緊鳥店問藥，不懂用電話post相

作者: summer2816 時間: 2012-2-5 15:24

仲有，佢係拔背毛

作者: sesese 時間: 2012-2-5 22:13

會唔會只係換毛梳毛? 拔出來的毛有無血? 吐糧是無端端吐嗎? 還是嚇親而吐?

作者: 風中飛鸚 時間: 2012-2-6 11:06

難題係~任何原因導致的拔毛~都唔易解決什至解決唔到~希望只係寄生虫之類~

作者: summer2816 時間: 2012-2-6 15:45

去左雀店問，睇過應該唔係寄生蟲，買左防咬噴劑同太陽燈，不過噴極佢都係咬，已開始見肉。
而家諗住買塊鏡放入籠等佢覺得自己有同伴，睇下係咪因為寂寞而咬毛。如有好轉及肯定身體冇其他毛病或寄生蟲後，會買多隻陪佢。

作者: macbrush 時間: 2012-2-6 17:35

我唔係好識，不過突然改變得咁緊要，又嘔，會唔會搵個好D既醫生睇睇好D？

作者: 風中飛鸚 時間: 2012-2-6 17:38

我唔係好識，不過突然改變得咁緊要，又嘔，會唔會搵個好D既醫生睇睇好D？
macbrush 發表於 2012-2-6 17:35

冇嘔丫?

作者: summer2816 時間: 2012-2-6 18:02

尋日嘔左一次之後，暫時都冇再嘔喇。

作者: wisebudgie 時間: 2012-2-6 18:50

佢d野食有無唔乾淨或過期?

作者: Louis 時間: 2012-2-7 10:29

體內有病都會咬毛, 例如中毒, 內臟疾病, 內分泌問題, 結石等.

作者: 風中飛鸚 時間: 2012-2-7 10:32

我睇過一套紀錄片~有隻鸚鵡食左鐵都會咬毛~

作者: summer2816 時間: 2012-2-7 11:21

食物都冇過期，現食K牌種子糧。
唔知道隻彩鳳實際年齡，但鼻只係開始隱約睇到藍色，應該仲係非常小朋友，如果中毒或內臟問題應該冇快顯露出嚟？玩具等等都係最基本喺鳥店買到嘅嘢，佢冇咬籠習慣。昨晚俾左塊鏡佢，但今早仍發現半夜咬甩左一堆毛，越來越見肉。
由未開始咬毛到而家，期間冇轉糧，冇轉籠，但將膠企棍轉左木企棍，另加左磨爪棍，同放左墨魚骨入籠。

作者: summer2816 時間: 2012-2-7 11:25

睇見佢咁，我都急到就快咬埋一份。

作者: sodagreensimon 時間: 2012-2-7 11:39

點解要俾塊鏡佢??咁佢見到咪仲緊張~~

作者: summer2816 時間: 2012-2-7 12:03

因為我唔知佢係咪因為悶而咬毛，所以諗住俾塊鏡佢，試下係咪因為寂寞囉。

作者: carolee 時間: 2012-2-8 00:48

試下張個籠裡面ｄ嘢還原睇下

聽過有雀友放件新玩具入籠，隻雀好驚好冇安全感，咬晒ｄ毛

作者: wisebudgie 時間: 2012-2-8 12:16

本帖最後由 wisebudgie 於 2012-2-8 12:25 編輯

我將你個case問左一個對彩鳳有經驗既外國網友, 佢話最好同隻彩鳳睇醫生, 因為佢仲細, 佢一定係嘔而唔係一般既反芻. 另外佢懷疑隻彩鳳中左金屬毒, 應該係食水同個籠同埋d玩具有問題, 建議買膠樽裝spring water (可以係惠康買No Frills牌既spring water, 價錢平). 個籠就換powder coated既籠. (可以去魚街鸚x店買, Hagen Vision M01 籠, 係powder coated架, 好安全, 我都用緊, 不過我直接係ebay訂). d玩具顏料都可能有毒,要小心d.
仲有而家唔好俾佢吹風同埋涷親, 要幫佢保暖.希望可以幫到你.

作者: summer2816 時間: 2012-2-8 14:27

唔該哂！唔該哂！我返去換過哂d嘢！本來俾凍滾水佢，而家會轉bottled water。
佢只早幾日嘔過一次，之後都冇，我觀察多兩日，如再嘔會睇醫生。唔該哂！

作者: summer2816 時間: 2012-2-9 11:38

本帖最後由 summer2816 於 2012-2-9 11:40 編輯

莫名其妙....莫名其妙....
首先多謝各位嘅建議，尋晚已經將所有有金屬及染色嘅玩具移除，食水由凍滾水轉樽裝水，但籠要等weekend先可以去買。
彩鳳亞歡最新情況係: 佢尋日日間只拔左"一"條毛，今早起身後更加冇發現，全晚"一毛不拔"！完全唔知發生咩事點解會來得快去得快，除左噴防咬劑之外，我只係於前晚幫佢洗過身，見佢好舒服，所以尋晚又洗多次，之後拔毛情況就好轉晒，究竟佢之前發生咩事呀？點解沖身會令佢好轉？會唔會係有d化學物資黏附喺皮膚上，引至不適拔毛？但我又冇用過咩清潔劑....
但點都好，今早發現佢整晚都冇拔毛真係好開心好開心。無論如何一定要好返！靚唔靚係其次，最緊要佢身體無恙。

作者: 風中飛鸚 時間: 2012-2-9 12:27

你隻鸚鵡千蒼百孔~烏眉合睡~甩皮甩骨~指甲又長~羽毛不順暢~
好好安頓落黎~慢慢養番靚啦~
一隻彩鳳你何以買咁多玩具俾佢呢?就算係買~都分開俾佢玩~唔洗一次過放晒入籠~

作者: summer2816 時間: 2012-2-9 13:45

未咬毛之前佢好靚架，2日間就搞成咁，真正係甩皮甩骨。指甲就已買左磨爪棍俾佢，佢都好鐘意企上去，但好似唔係好磨到。唉，而家希望佢真係唔再拔毛，盡力養返好佢啦。

作者: summer2816 時間: 2012-2-9 13:47

另外想請問，買左新企棍返去後，應該點樣清潔消毒？

作者: Jill 時間: 2012-2-9 15:25

好番D就好啦..
最緊要健健康康
新企棍基本上用熱水洗就可以..(我既做法)

作者: summer2816 時間: 2012-2-10 20:11

Ok, 唔該哂！

作者: MandyYung 時間: 2012-2-11 01:38

祝雀雀早日康復　！

作者: wisebudgie 時間: 2012-2-12 23:34

Summer, 你可以加d蘆薈落d水度幫佢噴下個身等佢舒服d，水最好都係用番樽裝水，唔好俾佢凍親同吹風。仲有注意幫佢加維他命A，可以買bb食既蕃薯蓉或紅蘿蔔蓉，加少少種子糧吸引佢食。
你屋企有無小朋友大叫或其他寵物吠叫令到佢有壓力？而家佢需要多d寧靜既時間，同埋每晩蓋布加微弱既燈光俾佢瞓，希望佢快d變番靚仔啦，之後記住post佢d靚仔相上黎喎

作者: summer2816 時間: 2012-2-13 22:56

Ok, 唔該哂。我諗都冇諗過蘆薈溝水噴身可以舒緩到佢皮膚上嘅不適，感激感激！

最新情況係，去完妹姐度搽藥之後，昨晚同今日都冇拔毛了。只係不停梳毛，灑左好多比白沙糖還細嘅白色粉落黎，係寄生蟲爆發了。可能之前唔夠營養，所以一發不可收拾，妹姐話佢十分細，種子糧食得唔係咁好，現另加蛋糧，補充多d營養，而crushed pepper等等一向都有俾。

我家冇小孩同其他寵物，應該不會有其他壓力。呢排佢咬毛咬到好累，多日來只是食同訓同盪鞦韆，昨天第一次再見佢拍亦放電呱呱叫，同睡前細細聲依依哦哦同我一人一句，我會好小心照顧佢架喇，希望不久將來可以養返靚佢。

作者: wisebudgie 時間: 2012-2-13 23:13

本帖最後由 wisebudgie 於 2012-2-13 23:39 編輯

哦，原來佢生寄生蟲，好在你發現到，如果唔係佢就好辛苦了。其實我都幫你唔到，所以唔洗感激我，當係一齊分享下，因為我都好鍾意彩鳳。你如果多d教佢，話唔定佢會識講野。

我而家用緊呢隻磨爪棍，我d雀好鍾意用黎磨咀，都幾好用，又唔太貴，一包有兩支，所以買一包就夠。
http://www.petco.com/product/106805/Petco-16-Cement-Perches.aspx?CoreCat=MM_BirdSupplies_Perches

作者: summer2816 時間: 2012-2-28 17:34

彩鳳仔嘅毛已經差唔多生返晒出嚟喇，而家活潑開心返晒！

作者: ckw3b 時間: 2012-2-28 22:20

恭喜晒!!!!!!!!!!!!!!!!!

作者: Mr_fran 時間: 2012-2-28 22:21

恭喜! 恭喜! 牠好靚呀!

作者: carolee 時間: 2012-2-28 23:15

恭喜曬！　真係鄧你同彩鳳仔開心

作者: wisebudgie 時間: 2012-2-28 23:51

嘩，佢靚仔左好多好多呀，好叻仔呀，有個小建議，希望你唔好介意，就係佢需要磨下d腳甲，我上面post既磨爪棍好好用，仲可以磨咀仔添。

作者: O_O329 時間: 2012-2-29 01:25

好靚，不過d腳甲真係要搞搞佢，太長後果可以好嚴重，不過如果自己唔識唔好自己剪

作者: jennymok 時間: 2012-2-29 10:52

恭喜晒!!!!!

作者: idy_chimwf 時間: 2012-2-29 12:07

佢變番靚仔一名

不過d爪真係長左d. 你買左嘅磨爪棍係咪好以我張相中, LB企緊嗰種呢(石的質地, 表面粗糙)? 呢種都好有效, 不過唔係立刻會見到成效, 一般係用左一排之後你就會發現佢d指甲短左. 我養左十年都冇同佢剪過指甲.

作者: Peach 時間: 2012-3-1 00:27

又靚又可愛

你咁緊張佢,雀雀一定好幸福

歡迎光臨 PARROT-TREE (http://forum.parrot-tree.com/)