Board logo

標題: 想問問地點唔同買灰b質量問題 [打印本頁]
作者: billy_yulap    時間: 2012-2-26 15:28     標題: 想問問地點唔同買灰b質量問題

廖生度買灰b同鳥街買灰b來貨地點一樣嗎？仲
有其他分別嗎？

買廖生養定左果d,同鳥街岩岩番貨果d有沒分別？
作者: 養鳥新丁    時間: 2012-2-26 15:30

廖生度買灰b同鳥街買灰b來貨地點一樣嗎？仲
有其他分別嗎？

買廖生養定左果d,同鳥街岩岩番貨果d有沒分別？
billy_yulap 發表於 2012-2-26 15:28

你認為呢?
作者: BABYPAPA    時間: 2012-2-26 16:15

見實物最重要 ！找一个有經驗的師兄一同去買最實際，找主席啦，一丁也可以！
作者: tsw    時間: 2012-2-26 16:37

買灰b當然找主席好啦!
搵出前一丁就買籃黃啦!
作者: louisa20047    時間: 2012-2-26 16:40

買灰b當然找主席好啦!
搵出前一丁就買籃黃啦!
tsw 發表於 2012-2-26 16:37

作者: louisa20047    時間: 2012-2-26 16:46

本帖最後由 louisa20047 於 2012-2-26 16:47 編輯
廖生度買灰b同鳥街買灰b來貨地點一樣嗎？仲
有其他分別嗎？

買廖生養定左果d,同鳥街岩岩番貨果d有沒分別？
billy_yulap 發表於 2012-2-26 15:28

俾我揀~我會揀廖生~廖生有自己繁殖灰B~而且被買之前~鸚鵡逗留嘅地方~廖生果度好好多
作者: usb0904    時間: 2012-2-26 17:12

本帖最後由 usb0904 於 2012-2-26 17:31 編輯

當然有分別,我咪同佢買過囉. 吾靚!!對翼經常長時間垂晒落來,核突到爆,對眼凹陷(一般正常灰鸚對眼眼皮圈周圍脂肪系比較飽滿)，同埋好多都好細身,你話有無分別?拎去雀街比較下咪知分別在哪囉,一般你就咁攞返屋企吾會為意.除非你觀察力好強.我就發誓吾會再同佢買,送俾我都吾會要. 1# billy_yulap
作者: usb0904    時間: 2012-2-26 17:15

本帖最後由 usb0904 於 2012-2-26 17:18 編輯

有保障?你試下買返去第二日有問題丫拿(系第二日丫),叫佢負返責??? 佢睬你都傻 6# louisa20047
作者: usb0904    時間: 2012-2-26 17:34

講得好岩,搵d有經驗既人去幫下眼會保障好多,免得呢頭買果頭放.放得既野一定吾會系好野,呢句同我記實。
見實物最重要 ！找一个有經驗的師兄一同去買最實際，找主席啦，一丁也可以！
BABYPAPA 發表於 2012-2-26 16:15
作者: billy_yulap    時間: 2012-2-26 17:41

下，好可怕，我而家已經去緊😨
作者: usb0904    時間: 2012-2-26 17:51

吾緊要嫁,你吾介意外觀上既問題又無所謂既,有咩可怕?外觀上同其他有少少吾同姐,又或者有d人覺得對翼垂晒落來好睇d呢 10# billy_yulap
作者: BABYPAPA    時間: 2012-2-26 18:09

下，好可怕，我而家已經去緊😨
billy_yulap 發表於 2012-2-26 17:41

YOU CAN TAKE A PHOTO FIRST < THE GREY BABY>..LET US SEE SEE FIRST .
作者: BABYPAPA    時間: 2012-2-26 18:13

講得好岩,搵d有經驗既人去幫下眼會保障好多,免得呢頭買果頭放.放得既野一定吾會系好野,呢句同我記實。
usb0904 發表於 2012-2-26 17:34

I NEVER GO TO HIS FARM,SO I DON'T KNOW HIS PARROT" QUALITY ANY MORE, BUT I SEE THE GREY PARROT IN FISH STREE << BII PARROT SHOP >> , ITS OK ,BUT EXPENSIVE .
作者: usb0904    時間: 2012-2-26 19:42

見你開呢個post問到質量我先忍吾住答你,一般無人問我都費事提(打爛人地飯碗).
作者: 烏龜的    時間: 2012-2-26 19:57

中肯D講句
我自己上去廖生到睇過雀買過雀 價錢真係公道!
再者 品質真係唔差 廖生好有心機照顧D雀 成間房長期又開暖氣
個人企一陣都暖晒 唔好話D雀~
咁大大減低D雀病既機會~加上廖生真係有一定既售後服務~
我去個日 都見有好幾個客打比佢/WHATSAPP佢問一D鸚鵡問題~

不過 一隻鸚鵡 品相如何都要自己親身睇過摸過先知既
你唔鐘意既 我比隻神鵰你都冇用啦~鐘意既就買 唔鐘意咪當參觀下囉~
作者: tsw    時間: 2012-2-26 20:25

我就好好彩廖生幫手簡,隻灰b幾好價錢真係公道!
作者: Zeta_KM    時間: 2012-2-26 21:12

我隻迷金b都好好呀, 我仲成日打電話問佢呢樣果樣添~
作者: 風中飛鸚    時間: 2012-2-26 21:44

全世界任何一間繁殖場都有死過雀~是鐵一般事實~所以在任何地方買到的鸚鵡~都有機會死~都有機會對翼垂晒落黎~唔代表所有鸚鵡或以後一生再從外國引入的鸚鵡~對翼都會垂晒落黎~
對於唔愉快經歷~大家都唔想~我都好理解~大家買雀都要見雀論雀~不能一竹竿打~
至於負責任問題~要看是什麼責任~如果買雀後飛走都要負責~當然唔得~如果買雀後~証明是先天問題~又作別論~
廖先生的灰鸚鵡~有分入口及自家繁殖~如果唔急住要~我會選擇自家繁殖~一般如果在廖生度買雀時~多口問句:要隻健康,應該冇問題~
不過去邊度買都好~記得開單~寫明腳圈號碼~目的係以防萬一~如果是偷竊賊贓~要負上責任~
如果有單~~就能証明此腳圈號碼的鸚鵡~是你用錢在發票上公司買回來~
作者: mochiyeung    時間: 2012-2-26 22:55

本帖最後由 mochiyeung 於 2012-2-26 22:57 編輯

多次到廖生的繁殖場， 每次也獲益良多。  感激廖生耐心的幫忙， 亦好多謝他為我地留起小灰鸚歡歡， 在挑選的過程中， 他俾左好多意見我地， 亦一路很用心的解答我們十萬個為什麼。

有一次， 見到有一位客人向他買一隻亞馬遜， 廖生用了差不多2 小時為他解答問題， 為的是雀回家後有更好的照顧。   而我地見有客人看中了一隻灰鸚， 只是廖生說牠未戒奶， 不能賣給你， 以防止你回家後攪唔惦。
作者: tsw    時間: 2012-2-27 00:12

多次到廖生的繁殖場， 每次也獲益良多。  感激廖生耐心的幫忙， 亦好多謝他為我地留起小灰鸚歡歡， 在挑選的過程中， 他俾左好多意見我地， 亦一路很用心的解答我們十萬個為什麼。

有一次， 見到有一位客人向他買 ...
mochiyeung 發表於 2012-2-26 22:55

上次買一隻亞馬遜及一隻灰鸚，廖生用了差不多4小時為我哋解答問題,真長氣
作者: usb0904    時間: 2012-2-27 00:23

你最尾講果句我吾認同喎~~係吾係咁好人啊?想當年2011年7月18日佢賣左隻1個月未戒奶既灰bb俾我喎!

件事咁既﹕我2011年7月16日向佢買左隻灰鸚bb(4個月已戒奶)，第二日我發覺吾鐘意果隻色咁深黑，想換隻淺灰D既，因為我好介意想同佢換過另一隻佢就話同年紀既就唔換啦，換過隻細既俾你啦，結果...俾左隻1個月都未夠既BB俾我，果刻開始惡夢就黎了...知吾知我花左幾多銀睇獸醫?
仲屈人灣仔X記X姐話人地賣隻左腫瘤既大葵種鳥俾佢，佢好人所以吾同佢計較，哈~~我問返妹X人地話無喎，佢講此大話係有某種動機，咩動機就吾想講咁多啦，咁既大話精呢頭講佢，果頭講我，呢D叫咩呀?真係睜大D眼吾好俾副假面具騙到喎，呢種人我亦吾會跟佢做到朋友的，佢最好快D修飾好自己個躲免得影響聲譽
多次到廖生的繁殖場， 每次也獲益良多。  感激廖生耐心的幫忙， 亦好多謝他為我地留起小灰鸚歡歡， 在挑選的過程中， 他俾左好多意見我地， 亦一路很用心的解答我們十萬個為什麼。

有一次， 見到有一位客人向他買 ...
mochiyeung 發表於 2012-2-26 22:55
作者: usb0904    時間: 2012-2-27 00:37

仲有，一個18x18寸明明大陸攞返黎既電鍍烤漆籠，雀街都係賣$1000元，佢就昆人話係進口既，賣俾人$1200
作者: O_O329    時間: 2012-2-27 00:57

廖生我在討論區聽得多，不過無去過
雀街好多人話唔得，事實係都幾多有問題嘅雀，但只要小心揀，都可以買到健康的雀，我養緊五隻雀都係雀街買，都好健康（可能我好彩掛）
我只係想講，唔一定邊度好，真係要以雀論雀
作者: O_O329    時間: 2012-2-27 01:02

買灰b當然找主席好啦!
搵出前一丁就買籃黃啦!
tsw 發表於 2012-2-26 16:37

我好彩阿，買灰b當日在雀街巧遇主席，主席睇過都話ok
作者: 養鳥新丁    時間: 2012-2-27 02:09

你最尾講果句我吾認同喎~~係吾係咁好人啊?想當年2011年7月18日佢賣左隻1個月未戒奶既灰bb俾我喎!

件事咁既﹕我2011年7月16日向佢買左隻灰鸚bb(4個月已戒奶)，第二日我發覺吾鐘意果隻色咁深黑，想換隻淺灰D既，因為我好介意想同佢換過另一隻佢就話同年紀既就唔換啦，換過隻細既俾你啦，結果...俾左隻1個月都未夠既BB俾我，果刻開始惡夢就黎了...知吾知我花左幾多銀睇獸醫?
仲屈人灣仔X記X姐話人地賣隻左腫瘤既大葵種鳥俾佢，佢好人所以吾同佢計較，哈~~我問返妹X人地話無喎，佢講此大話係有某種動機，咩動機就吾想講咁多啦，咁既大話精呢頭講佢，果頭講我，呢D叫咩呀?真係睜大D眼吾好俾副假面具騙到喎，呢種人我亦吾會跟佢做到朋友的，佢最好快D修飾好自己個躲免得影響聲譽
usb0904 發表於 2012-2-27 00:23

鸚鵡係你自己揀既.....第二日發現唔喜歡隻色要返去換....相信邊間鋪頭/商店都唔會接受呢種無理既要求.....個個買完返去..第二日又走返黎要換....咁咪好唔得閒?...其次...隻雀離開後唔知你點樣處置佢/帶過去邊...萬一帶左惡菌返去...成間鋪/雀場都玩完..加上係生物..唔同買枝原子筆咁簡單....站係商人立場...當然唔會換...而佢提出換隻細D既雀俾你....若果係換一隻未足月既灰b...點解你自知未有能力去養雀b而唔提出抗議/反對呢?...至於後部講既事件就不予置評.....若然你係妹姐...假設你真係做過(只是例子)....顧客問起....你會唔會如實同人講...係阿...我係昆明擺檔架?....正常人都唔會喇...到底係惡意抹黑定係真有其事都無從稽考.......雀友既眼睛都係雪亮既...邊個係人..邊個係鬼...自己分喇....
買雀何必搞到咁復雜呢.....睇岩....數錢....攞走...就係咁簡單.... 只要係一隻健康既雀就得喇......
作者: MandyYung    時間: 2012-2-27 02:26

養左雀呢兩年　感覺有時真係好講緣份　無野係必然
作者: usb0904    時間: 2012-2-27 02:43

本帖最後由 usb0904 於 2012-2-27 03:12 編輯

我只係講出自己既經歷俾雀友參考，並無惡意抹黑，因為我見到樓主發問呢個問題  佢問到我先忍吾住答，我根本無須晒呢d時間抹黑，如果我惡意抺黑我直頭開post啦，如果你認為係就當係，以後有人遇到類似問題都吾會再出聲，出聲就當人係抹黑。
21樓果度我講講下講多左 ，我吾應該講埋果d私人野出來，我主要想講既係，我響佢度買左隻吾靚既雀，其他既野吾好再討論啦。至於買鸚鵡果張單據我仲keep係度，如果你真係覺得我係惡意抹黑，我可以俾呢張單據俾你睇，我吾知呢度主席俾吾俾我post出來，或者請你留低你email我發俾你。如果一個人真係咁誠實無昆人，試問別人點會無啦啦食飽飯無野做走去唱佢?如果你睇完單據仲仍然認為係惡意抹黑，咁你好可能係同佢同一夥甚麼關非常親密
鸚鵡係你自己揀既.....第二日發現唔喜歡隻色要返去換....相信邊間鋪頭/商店都唔會接受呢種無理既要求.....個個買完返去..第二日又走返黎要換....咁咪好唔得閒?...其次...隻雀離開後唔知你點樣處置佢/帶過去 ...
養鳥新丁 發表於 2012-2-27 02:09
作者: 養鳥新丁    時間: 2012-2-27 03:11

我只係講出自己既經歷俾雀友參考，並無惡意抹黑，因為我見到樓主發問呢個問題  佢問到我先忍吾住答，我根本無須晒呢d時間抹黑，如果我惡意抺黑我直頭開post啦，如果你認為係就當係，以後有人遇到類似問題都吾會再出聲，出聲就當人係抹黑。
21樓果度我講講下講多左 ，我吾應該講埋果d私人野出來，我主要想講既係，我響佢度買左隻吾靚既雀，其他野吾好再討論啦，又或者可能我唔好彩，簡中吾好既雀啦，可能下一批既好d呱。至於買鸚鵡果張單據我仲keep係度，如果你真係覺得我係惡意抹黑，我可以俾呢張單據俾你睇，我吾知呢度主席俾吾俾post出來，或者請你留低你email我發俾你。如果一個人真係咁誠實無昆人，試問別人點會無啦啦食飽飯無野做走去唱佢?如果你睇完單據仲仍然認為係惡意抹黑，咁你好可能係同佢同一夥甚麼關非常親密
usb0904 發表於 2012-2-27 02:43

並非指你惡意抹黑....上文係指商店同行之間....
利益申報:從未同上文中任何一間商家買雀/有任何交情......
作者: billy_yulap    時間: 2012-2-27 03:17

唔好意思,我新仔唔識野,影響到有少少衝突,大家都係交流意見,對唔住^^

我買左隻5-6個月大既灰b啦,算健康,肯食奶,諗住早晚喂一次,但係乾糧味肯食,入完口,食食下吐出來@@"

單腳站在架上休息正常ma?  
舌頭個底有部分黑色正常ma?
作者: usb0904    時間: 2012-2-27 03:31

剛返到去未適應環境頭幾日會比較吾肯食野先餵住兩餐奶，熟悉左環境之後食量會正常返。全部正常，多d爬文了解多d吾識就問la 29# billy_yulap
作者: louisa20047    時間: 2012-2-27 03:35

你最尾講果句我吾認同喎~~係吾係咁好人啊?想當年2011年7月18日佢賣左隻1個月未戒奶既灰bb俾我喎!

件事咁既﹕我2011年7月16日向佢買左隻灰鸚bb(4個月已戒奶)，第二日我發覺吾鐘意果隻色咁深黑，想換隻淺灰D既，因 ...
usb0904 發表於 2012-2-27 00:23

唔好單方面認為任何一方惡意抹黑~你有冇見佢地當面對質?~唔知內情就唔好估估下
宜家情況係你單方面認為佢唔願意換隻同齡淺色D嘅灰鸚BB~而換隻一個月BB俾你~而你係可以選擇嘅情況下~選擇左隻一個月BB~最後因為唔知咩原因唔知邊個嘅錯~同你愛隻灰B嘅心~結果睇左獸醫~於是你對佢有負面印象~到聽到一D事之後~你就直覺認為佢錯~問題係你有冇證據證明係其中一方講大話?
作者: louisa20047    時間: 2012-2-27 03:37

唔好意思,我新仔唔識野,影響到有少少衝突,大家都係交流意見,對唔住^^

我買左隻5-6個月大既灰b啦,算健康,肯食奶,諗住早晚喂一次,但係乾糧味肯食,入完口,食食下吐出來@@"

單腳站在架上休息正常ma?  
舌頭個底有 ...
billy_yulap 發表於 2012-2-27 03:17

BB唔好放企架養~留意加溫保暖呀
作者: 養鳥新丁    時間: 2012-2-27 03:40

葵花姐姐又出沒了
作者: louisa20047    時間: 2012-2-27 03:42

葵花姐姐又出沒了
養鳥新丁 發表於 2012-2-27 03:40

作者: 烏龜的    時間: 2012-2-27 07:24

鸚鵡係你自己揀既.....第二日發現唔喜歡隻色要返去換....相信邊間鋪頭/商店都唔會接受呢種無理既要求.....個個買完返去..第二日又走返黎要換....咁咪好唔得閒?...其次...隻雀離開後唔知你點樣處置佢/帶過去 ...
養鳥新丁 發表於 2012-2-27 02:09



新丁哥做返出好戲!!!!
講得好有道理!
作者: BABYPAPA    時間: 2012-2-27 09:01

我們不是當事人,就不應去評論這事件.
作者: kenny1114    時間: 2012-2-27 09:56

佢都唔係第一次咁做,同佢講都冇用,一人少句吧la
作者: mochiyeung    時間: 2012-2-27 10:21

21# usb0904


死啦...我真係唔係好明...佢肯換俾你...不過你又話佢第二日便唔理你? 死啦...同埋...雀都要換?? 我真係唔係好明呵.....

不過, 希望係同雀雀都快快樂樂啦.
作者: jacko_lee5811    時間: 2012-2-27 11:03

爭咩呀 溝埋做瀨尿牛丸呀 笨! 爭論太多都係無意思 解答下樓主問題先係最正確 我都係一個臭新仔中立D講句 買雀 始終係一條生命 邊有話去邊度買最有保證 最好 我之前都有試過唔愉快事件 會諗一下自己有咩問題 因為係自己選擇 街舖買所講O既來源 O個張證書 係唔係事實 你自己要去行量 而雀場有D人都話係近親繁殖 又係自己要去行量 你有權去選擇 而做決定O既始終係自己 除左健康問題 如果主席叫你買一隻健康O既雀但唔O岩你自己心水O甘你會唔會買先? 所以都係要自己行量 不過O係呢度O既意見一定要參考 之後再自己去學 去作決定 希望可以幫到你思考!!!!
作者: yimaggie    時間: 2012-2-27 11:08

唔鐘意呢隻色要換過隻 咁無理既要求都up得出口....肯換果個都真係太好人....
選擇左放棄一隻已經跟左返屋企已戒奶容易d照顧ge 4個月bb...而換一隻要花好多時間精神照顧未戒奶未夠1個月大ge,仲要對翼經常長時間垂晒落來,對眼凹陷ge返屋企....拎果時唔覺得核突到爆ge...自己養大左先望真個樣原來係核突到爆ge.....睇獸醫唔係主人責任黎咩? 拎得一隻年紀咁細而又主觀認為唔靚ge雀返去唔係已經爬晒文識處理攪得掂先拎返去咩.......

我未去過廖生度...有機會都想去睇下d雀係咪真係咁差...

賣隻唔健康動物俾人...個個甩左手都話無賣過死口唔認錯ga啦....有邊個會甩左手之後挻起胸膛話"我係賣隻病野俾你呀~~~~" 呢d事上網買都會遇到啦....
作者: billy_yulap    時間: 2012-2-27 13:44

其實在這次買鳥過程，廖生都幾好，如果同鳥街既賣鳥態度比較，廖生的確唔錯，過程3小時。

就算回到家有問題都唔會怪佢，全程我自己選擇，佢只係細緻地講解，這是這個行程的見解。
作者: usb0904    時間: 2012-3-1 02:30

其實當佢肯同我換果刻我都以為佢好好人，但原來....
唔鐘意呢隻色要換過隻 咁無理既要求都up得出口....肯換果個都真係太好人....
選擇左放棄一隻已經跟左返屋企已戒奶容易d照顧ge 4個月bb...而換一隻要花好多時間精神照顧未戒奶未夠1個月大ge,仲要對翼經常長 ...
yimaggie 發表於 2012-2-27 11:08
作者: drdoom    時間: 2012-3-1 02:45

第二日我發覺吾鐘意果隻色咁深黑，想換隻淺灰D既..
依樣野已经有問題...比左個家佢又唔要佢



歡迎光臨 PARROT-TREE (http://forum.parrot-tree.com/) Powered by Discuz! 7.2