PARROT-TREE - Powered by Discuz! Board

標題: 食麵包 [打印本頁]

作者: yimaggie 時間: 2012-3-22 15:49 標題: 食麵包

想問如果每日都用白麵包做training會唔會太多唔係咁好...?
以亞力一歲每日1/4塊方包o唔ok??
因為唔食瓜子...諗唔到用咩食物令引佢獎勵佢...大家有咩提議???

作者: angushui74 時間: 2012-3-22 16:08

火麻仁，我走左個隻好鐘意食

作者: tsw 時間: 2012-3-22 16:32

麵包一般都有動物油成份,唔係咁好

作者: Louis 時間: 2012-3-22 16:58

每日四分一塊方包太多喇, 除非係自己焗, 會落少d油.
如果係用方包作為訓練獎勵, 搣一細片方包如紅豆大小已足夠, 就算金剛咁大隻, 都係俾半粒瓜子肉為訓練獎勵咋.

訓練時, 先要隻雀肚餓, 為求手中食物, 至會聽話; 要設定每日訓練時數, 例如30分鐘, 開頭時間唔可以太長, 視乎每隻雀體格, 之後增減時間, 當見隻雀精神唔集中或攰就要停, 每日訓練完先有飽飯食.

作者: yimaggie 時間: 2012-3-22 20:29

明白了解尋日餓佢用合成糧TRAIN上手好快就唔玩要走人...種子類咬碎就掉...

作者: OnOn 時間: 2012-3-22 21:38

用食物作獎勵, 首先要知道隻雀喜歡那類食物, 要知道, 方法非常簡單.

放不同食物(如: 瓜子, 果仁, 乾果....等)在牠面前或放在糧兜內觀察, 通常第一樣揀的就是牠的至愛. 而每次大多數都會選同一樣先吃.

知道後, 在餐單中抽起該食物, 只有在訓練時才有得食. 訓練是不需要餓牠們, 只要有佢地至愛就可以.

每次獎勵份量只要一點點就可以, 以一粒葵花瓜了肉為例, 我會一開 3-4份.

作者: macbrush 時間: 2012-3-22 21:45

其實餓唔餓隻動物才訓練真係要睇隻動物本身。好似狗咁，有D狗前世係餓鬼，食飽飯之後見到你手中食物都仲會兩眼發光，食到嘔都唔識停。但係有D真係要前一餐就減份量，第二餐時間仲要推遲，食前才訓練先會對食物獎勵有好既反應。

作者: macbrush 時間: 2012-3-22 21:57

可以一提既係，我隻灰鸚原來都咩都唔食 (雖然而家都仲係!)，但係經過幾個月來慢慢咁教，以經比之前肯試肯食得多。我會收起食物三四個鐘，然一路係佢面前食比佢睇，到佢好似有D興趣就勁讚下佢，同就比佢咬下，開頭一段時間係一定會即掉，但係慢慢就會食小小試下，尼下最過癮，睇佢瞳孔放大縮細既頻率就估到佢鐘唔鐘意食，越密就即係佢越有興趣。

作者: OnOn 時間: 2012-3-22 22:14

其實餓唔餓隻動物才訓練真係要睇隻動物本身。好似狗咁，有D狗前世係餓鬼，食飽飯之後見到你手中食物都仲會兩眼發光，食到嘔都唔識停。但係有D真係要前一餐就減份量，第二餐時間仲要推遲，食前才訓練先會對食物獎勵 ...
macbrush 發表於 22-3-2012 21:45

同意每隻雀個性不同, 有D直頭對食物獎勵無反應.
佢地肚餓時見倒有嘢食, 的確會合作D. 但不用專登為佐訓練而餓佢, 亦唔係呢頭食完晚餐就立刻訓練,
要自行調較時間.

作者: jennymok 時間: 2012-3-22 22:44

我d雀都好鐘意食麵包架, 但買嘅有防腐劑、彭脹劑，所以早前買咗個麵包機, 佢地最鍾意食全麥包, 好健康因為用全麥粉做, 同無牛油&鮮奶呢d佢地唔食得嘅野!
麵包機好方便架, 只要依次序將水、麥粉、麵粉等等倒入去, press start & 預較出爐時間, 起身就有麵包食架喇!

作者: yimaggie 時間: 2012-3-23 00:31

好~thank you咁多位~等我試下先~果仁乾果果d係咪買人食果d無tim加都得ga??

作者: tsw 時間: 2012-3-23 00:35

好~thank you咁多位~等我試下先~果仁乾果果d係咪買人食果d無tim加都得ga??
yimaggie 發表於 2012-3-23 00:31

買無鹽,無焗

作者: yimaggie 時間: 2012-3-23 00:39

買無鹽,無焗
tsw 發表於 2012-3-23 00:35

收到~!!

thank you all~~

作者: macbrush 時間: 2012-3-23 06:30

其實因為我係長放食物任食，所以每日回家一定要抽起幾個鐘，等佢有飢餓感先會開始訓練，佢會集中好多同有耐性好多。當然如果係每日分開兩餐咁餵既朋友就唔洗。

同意每隻雀個性不同, 有D直頭對食物獎勵無反應.
佢地肚餓時見倒有嘢食, 的確會合作D. 但不用專登為佐訓練而餓佢, 亦唔係呢頭食完晚餐就立刻訓練,
要自行調較時間.
OnOn 發表於 2012-3-22 22:14

歡迎光臨 PARROT-TREE (http://forum.parrot-tree.com/)