PARROT-TREE - Powered by Discuz! Board

標題: 投訴雀街賣有病的bb有回應了! [打印本頁]

作者: pandaowo 時間: 2012-3-26 21:56 標題: 投訴雀街賣有病的bb有回應了!

因為工作的關係，最近比較多時間接觸到食物環境衛生署，然後得知佢地係有投訴熱線...
於是我為了灰鸚bb做了這件事，希望可以減少在雀街的慘劇...

雖然他們不是貓狗那些熱門動物，但同樣也是生命!!
而且他們真的好可憐....
好想為仍在雀街的雀雀們作一些事...

如果你們也想投訴，我可以提供資料給你們~

作者: 養鳥新丁 時間: 2012-3-26 22:00

壞事了......

作者: 鸚鵡主義者 時間: 2012-3-26 22:02

提示: 作者被禁止或刪除內容自動屏蔽

作者: marcofai 時間: 2012-3-26 22:02

會唔會連冇病都要殺

作者: 風中飛鸚 時間: 2012-3-26 22:04

我同佢冇乜交情~可算唔識對方(但16兩都有好多FAN屎~)
所以我選擇唔表態~

作者: zero322 時間: 2012-3-26 22:07

1# pandaowo

但你咁做係岩但我怕雀分分鐘意愈黎愈少...

作者: 鸚鵡主義者 時間: 2012-3-26 22:08

提示: 作者被禁止或刪除內容自動屏蔽

作者: tsw 時間: 2012-3-26 22:26

我同佢冇乜交情~可算唔識對方(但16兩都有好多FAN屎~)
所以我選擇唔表態~
風中飛鸚發表於 2012-3-26 22:04

我都唔表態

作者: birdie456 時間: 2012-3-26 22:50

贊成樓主做法！明知D雀有問題都拎嚟買就唔啱！

作者: birdie456 時間: 2012-3-26 22:53

贊成樓主做法，拎D有問題嘅雀去買俾人就唔啱！

作者: wingbut 時間: 2012-3-26 23:13

無題

作者: gilgil 時間: 2012-3-27 00:34

呢個step兩年前我做過……………之後一切如常!!!

作者: wailamzai 時間: 2012-3-27 01:50

贊成樓主做法！明知D雀有問題都拎嚟買就唔啱！
birdie456 發表於 2012-3-26 22:50

其實可能鋪頭自己都唔知，一黎貨就比人掃貨

作者: MandyYung 時間: 2012-3-27 01:56

其實可能鋪頭自己都唔知，一黎貨就比人掃貨
wailamzai 發表於 2012-3-27 01:50

認同　其實最關鍵既問題係　到底店主知唔知道ｄ雀有病　係米有意圖去買有病既雀　

作者: jacko_lee5811 時間: 2012-3-27 08:27

個人認為咁做有少少搞串個party而且無咩大作用首先政府佢地驗嘅病毒係睇下會唔會傳人而唔係雀傳雀第二假設真係做野只會加一啲條款比雀販去驗乜驗乜相對上對消費者來講越買越貴但最終佢話驗左但係買左之後出事就更加唔關佢地事第三佢地都係入貨返黎賣都唔知會唔出事架如果未有人買之前喺佢地舖頭打左查佢地都要蝕所以係有風險嘅生意但你諗下喇盧X記個老細行左街又少一間再整啲咁嘅麻煩野你係雀販你會唔會入貨呀最終受影響嘅只會係雀友唔講你唔知佢地入雀返黎賣唔係賺得好多唔係主要收入賣雀籠賣一隻杯仲好搵一隻杯畫功靚啲分分鐘過萬呀而鸚X店一年比bii個場都唔係小數目所以做人嘅野唔好為嗰幾千去做啲大家都無益嘅野我都係其中嘅一個受害者只怪自己唔啱時侯買左嗰隻自己都有責任

作者: jacko_lee5811 時間: 2012-3-27 08:38

本帖最後由 jacko_lee5811 於 2012-3-27 08:43 編輯

再補充多一句我都好明白你嘅心情咁講唔代表由得佢地賣病雀問題係大家都控制唔到啲咩只係睇大局希望你會明白某情度上佢地係唔啱但咁做我覺得會雙輸囉

作者: macbrush 時間: 2012-3-27 09:13

本帖最後由 macbrush 於 2012-3-27 09:15 編輯

個人認為，如果比多D錢就可以有一張真正既健康証明，來源又肯定唔係野鳥，我一定無所謂。而家雀商基本上係無王管，受害既永遠都係雀，而得益既永遠都係雀販，主人最最多唔見錢同心機，傷心可能有小小，但點夠死果個慘？人就係太多看眼前既利益，口口聲聲就愛雀，其實係講愛買平雀，同愛自已屋企既雀，其他雀與我無關。

好多行動著眼看似無用，無益，但係事實上就係只因太小人去做，杯水車薪，無效果，怎至反效果。但係我個人認為這起碼是一個開始，如果說是壞的開始，這是因為大部份人置身事外，只求自身短期利益所做成。如果比較多人都係為長遠健康發展來作出發點，咁就算政府唔做野，市場上都會出現無形既壓力，迫雀販就範，自然因市場需求，有一班有要求既人，會有一些做足功夫既雀店出現。

無奈香港人求變既唔多，你睇仲有幾多人用腳鏈係架上養便清楚，多數也不肯為接受新思想新事物而付出代價。為有睇下我地個小政府幾時睇到人地外國咁管，有樣學樣，仲要身癢大力打擊下，先有希望。

作者: samsung 時間: 2012-3-27 09:58

我想只是個別例子，如果死亡率真係咁高，我想根本無人會去買雀，商鋪無生意做到都會自動消失，
我相信有好多朋友，現在都仲係養緊雀街嘅雀都健在！
（只係個人愚見）

作者: mancat 時間: 2012-3-27 10:02

個人認為，如果比多D錢就可以有一張真正既健康証明，來源又肯定唔係野鳥，我一定無所謂。
macbrush 發表於 2012-3-27 09:13

你記得去年10月到"海記"單鸚鵡熱嘛? 海記一樣係來源唔係野鳥+有健康証明嘅產地店舖入啦, 咪又係有鸚鵡熱, 咁係咪就算買返來有事都係抵?

其實鸚鵡有病一向都話好難睇得出, 更何況係剛返的雀, 就算買貓, 狗都一樣啦, 魚街十間寵物店起碼有8間都有賣有病的貓狗, 大把主人買咗返去幾日就死, 個個受害者都有做嘢, 但係政府咪又係管唔到, 反而另到個D奸商加咗好多走法律罅嘅條文出黎, 另到你無佢地辦法之餘仲要名正言順咁加價.

所以本人覺得有時買寵物都好講運氣

(買魚都一樣...)

作者: macbrush 時間: 2012-3-27 10:18

如果因為咁就乜都唔管，咁會對件事更好嗎？人類本身咁多病毒病菌，也管了，研究了，防範了那怎多年也一樣時有死人，但係如果咁多年都乜都無做過，咁而家係會比較多還是比較少人因病而死呢？

你記得去年10月到"海記"單鸚鵡熱嘛? 海記一樣係來源唔係野鳥+有健康証明嘅產地店舖入啦, 咪又係有鸚鵡熱, 咁係咪就算買返來有事都係抵?

其實鸚鵡有病一向都話好難睇得出, 更何況係剛返的雀, 就算買貓, ...
mancat 發表於 2012-3-27 10:02

作者: LEELO 時間: 2012-3-27 10:28

17# macbrush

盧X記老闆行左街?
即係仙遊左~?

作者: LEELO 時間: 2012-3-27 10:34

如果漁護處真係認真做野咁雀街就可能只有鸚x店有鸚鵡賣,
其他店就最多只有彩鳳同lb.........唉

作者: jennymok 時間: 2012-3-27 10:36

如果我發現雀店有問題同唔老實, 就唔會再去嗰d商譽有問題嘅店買野, 任何人中過招都應該唔會中第二次。雀街咁多雀店, 一定會有店用價格來招客, 賣得平就一定要揾d平貨源, 可能其中會夾雜一d有問題嘅貨源來拉低成本。
我覺得最好用自己嘅行動去投票, 唔再去該店舖, 雖然做生意有所謂"一雞死一雞嗚," 但而家資訊咁發違, 呢個世界無咁多傻仔嘅!!

作者: jinrxsx 時間: 2012-3-27 10:56

本人家中養左四隻鸚鵡，己有一年，全部都係雀街買的，現在健康非常，我覺得買雀的時候不要太心急，去多幾次，睇清睇楚，做足工課，買到病雀的機會就自然小的，我見到有的雀友去買雀都係今日去就要今日買到，有時雀友都有責任

作者: pandaowo 時間: 2012-3-27 11:06

其實我投訴的不是他賣病鸚鵡,
我投訴既係佢既衛生環境引致他賣的鸚鵡都病了

我不排除他們原本是很健康的...
但6隻灰鸚bb困在一個細籠,
在這麼惡劣的環境下生活,
多健康多強壯的bb都會病吧!

特別是沒人知道在bb來之前,
那個籠有否已經染上病毒? 有否去清洗+消毒?
然後bb來了, 就大家一起患上囉!
根本就是一個循環...

其實作為一個雀販,
是否應該多點去注意自己的"貨品"居住環境的衛生&身體狀況呢?
有病了, 已經沒去照顧了... 還賣給別人?
他們好像不明白小小生命的寶貴...

在國外,
很多人會願意花多一點錢買證明沒有患上PBFD的鸚鵡...
我也不介意付出多少少錢來換一隻健康的寵物,
最少我知道他來的時候是健康的,
而不是已經患上什麼絕症...

但如果他在舖頭時已經有病/焗到出病,
買家不但要自付醫藥費&飼料費之餘,
還有心機&感情&時間呢?
已經遠遠超過一隻鸚鵡的價錢了...
如果寵物因舖頭時已染病而不幸離世,
那豈不是所有東西都是白花的嗎?

作者: jinrxsx 時間: 2012-3-27 11:14

你可以在本地雀場買

作者: mikk 時間: 2012-3-27 11:35

本帖最後由 mikk 於 2012-3-27 11:36 編輯

其實我投訴的不是他賣病鸚鵡,
我投訴既係佢既衛生環境引致他賣的鸚鵡都病了

我不排除他們原本是很健康的...
但6隻灰鸚bb困在一個細籠,
在這麼惡劣的環境下生活,
多健康多強壯的bb都會病吧!

特別是沒人知道 ...
pandaowo 發表於 2012-3-27 11:06

我好同意&明白你的諗法
雖然賣任何野都需要有基本的知識.這是常識
但唔可以用呢個理由去話由得佢地咁樣.雀街環境及風氣的確有需要改善的地方
而且.更加唔可以話驚少左雀賣拉高左個價就由佢地亂黎.呢樣我真係接受唔到

作者: Sion 時間: 2012-3-27 12:34

15# jacko_lee5811

如果係買個時已係病雀，試問點解要怪自己？？？你會令我聯想到你同16兩既關係

作者: Sion 時間: 2012-3-27 12:48

16# jacko_lee5811

香港法例係保護消費者，正如你如果知道食物係壞或者有合理懷疑仍然去賣，咁就係乍騙，試問有邊個消費者會俾錢買壞貨？係一定要負上責任，我地依家講緊唔會食物。我地買既係生命、感情，更加唔係用錢可以量度。

致於雀飯有冇問題，係咪乍騙，係等當局調查。我地消費者係有我地既權利，你唔去爭取係你個人既決擇，另外請問Jacko你有咩方法係雙贏？不妨分享下。

作者: BABYPAPA 時間: 2012-3-27 15:05

十六仔舖位位置好，又親民形象，一家大细來迎賓接客，雀鳥任摸吾嬲，這也是生意手法！又不見其牠品種這麽容易死！灰 B 就特別容易有上述的病，無計的！又如小狗也要過了三支針才安全些！奈何雀鳥無預防針打！BII 的鳥也有機會有上述的病，不過繁殖埸答應雀鳥返家後有上述病症可賠錢是好事的！

作者: BABYPAPA 時間: 2012-3-27 15:12

毎年到時到候就是死灰B的来臨期！

作者: 鸚鵡主義者 時間: 2012-3-27 15:22

提示: 作者被禁止或刪除內容自動屏蔽

作者: 鸚鵡主義者 時間: 2012-3-27 15:23

提示: 作者被禁止或刪除內容自動屏蔽

作者: 鸚鵡主義者 時間: 2012-3-27 15:24

提示: 作者被禁止或刪除內容自動屏蔽

作者: Louis 時間: 2012-3-27 16:01

從以前開始, PBFD 病鳥問題一直存在. PBFD 唔單只會感染鸚鵡, 仲會感染金絲雀, 石燕, 白鴿. 據統計及觀察, Old World Parrots (亞洲, 非洲, 澳洲)鸚鵡比較容易感染上PBFD, 尤其是三歲以下既鸚鵡. 但 New World Parrots (南美洲, 中美洲)鸚鵡卻比較比較容易感染上另一種鸚鵡絕症PDD(前胃擴張症). 最遺憾是, 到目前為止, 世界各大藥廠仲未研製出有效預防及治療 PBFD 及 PDD 既疫苗或藥物.

以鸚鵡店為例子, 個別分店環境衛生, 以及鳥籠擠迫程度, 已經遠遠優勝過雀街環境. 雀鳥來源亦有BII 此等大繁殖場, 奈何同樣間中亦有 PBFD 病鳥, 早年亦曾經被雀友不斷在網上攻擊其賣病雀.
作為鸚鵡零售商, 當然唔想D雀有病, 鸚鵡除可在繁殖場受到感染, 仲有機會在運輸途中, 或到達鳥店之後被環境中既羽粉或帶有羽粉人士傳染. 所以就算出口前, 為每隻鸚鵡獨立驗血証明, 亦唔可以擔保到港後無事. 其實店主比顧客更怕PBFD, 萬一出事, 成批新雀連帶店內其他雀都可能有事. 但事實未必所有鸚鵡都會中招, 正如我地日日搭交通公具, 其中有乘客患上傷風感冒, 都未必每位同車乘客都會受到傳染, 抵抗力強者自然無事.

就算帶剛買新雀去驗血, 亦未必百分百保證以後無事. 因為隻鸚鵡或主人身上, 皆有可能沾有病毒羽粉. 一隻鸚鵡到達新居,最少已經歷兩次環境轉變, 因環境轉變不安使到免疫力下降先至中招都有可能.

雖然幼鳥可愛, 容易接受新主人, 容易接受教導訓練, 價錢較低, 但健康風險極高.
成年鸚鵡, 雖然健康比較有保證, 但新主人需要花更多時間心機去建立雙方信任, 未必人人可以做到及接受, 況且突然轉變環境, 更添加咬毛可能性. 買家購買前需要好好衡量選擇幼鳥或成鳥, 問自己可接受風險程度.

所以好難有得保證三贏局面(鸚鵡,主人,鳥店), 如不幸購入PBFD病鳥, 鳥店肯退回金額全數兼醫療化驗費已經係非常公道. 一批雀剛到步, 即刻去揀, 雖可揀到心頭好, 但中招風險亦高; 等兩三個星期之後去揀, 病雀死得七七八八, 好野亦可能已經俾人揀晒. 要買健康合眼緣鸚鵡, 除做足準備功夫, 真係要靠D運氣.

作者: ding 時間: 2012-3-27 16:15

咁搞法以後可能買鸚鵡既選擇又少左, 我仲打算遲d買多隻黃頭陪我隻灰鸚, 真係吾希望因呢次個別事件搞到成個雀仔街都冇鸚鵡賣,得鸚鵡店有得賣(個人最唔鐘意去鸚鵡店買鸚鵡,d職員又串又吾老實,同樣質素既雀又貴過人地)
我經常禮拜日逛雀街好多雀友會拎去果度曬雀,見好多雀友d鸚鵡都係雀街買而且養左咁多年,到而家還健在,雀隻隻都好靚特別係灰鸚鵡,我隻灰鸚都係最近係雀街能記買,好大身好靚.病毒問題應該出自於產地而吾係舖頭,檔主應該都未必知,都係一句買雀靠彩數,食得咸魚抵得渴,用低價錢買鸚鵡肯定要負上死亡風險(但質素黎講係同高價錢既一樣，反而仲靚過佢添)，怕中六合彩既就出多少少錢買比較有保障例如bii既就隱鎮少少,但都吾係百份百冇事,都會有機會出現同樣情況

作者: Louis 時間: 2012-3-27 16:37

能記都唔係咁安全, 因為隔離盧x記專收二手鸚鵡, 好多資深雀友多年前親眼目到檔中有PBFD鸚鵡當咬毛鸚鵡售賣, 依家檔中仲有無病毒存在, 無人知道.
PBFD 亦容易傳染俾雞尾, 彩鳳, 及愛情鳥, 雀街好多以上幼鳥售賣, 隻幼鳥係因為年幼而未長齊羽毛, 定係已經病發而生唔出羽毛, 無從分辨; 可以話成條街都可能存在PBFD.

作者: jacko_lee5811 時間: 2012-3-27 17:16

15# jacko_lee5811

如果係買個時已係病雀，試問點解要怪自己？？？你會令我聯想到你同16兩既關係
Sion 發表於 2012-3-27 12:34

首先我要為自己澄清一點我本人與任何嘅雀販絕無任何關係如果咁比人誤會就真係要搵包大人喇我個人深信係無雙贏架因為雀友要貨係要靠人架好簡單舉個例子禽流感街巿殺雞無雞賣雞販無工開巿民無雞食但係呢個係衣食住行嘅其中之一而你買鸚鵡唔係必須品睇野眼光放遠啲中立啲我又無話雀販啱亦無話樓主做錯絕無攻擊之意唔使咁大反應

作者: vanessachan 時間: 2012-3-27 17:22

盧X記同D鸚鵡一齊去左彩虹橋嗎??

作者: O_O329 時間: 2012-3-27 17:30

能記都唔係咁安全, 因為隔離盧x記專收二手鸚鵡, 好多資深雀友多年前親眼目到檔中有PBFD鸚鵡當咬毛鸚鵡售賣, 依家檔中仲有無病毒存在, 無人知道.
PBFD 亦容易傳染俾雞尾, 彩鳳, 及愛情鳥, 雀街好多以上幼鳥售賣, 隻 ...
Louis 發表於 2012-3-27 16:37

我五隻都係能記出品

作者: vanessachan 時間: 2012-3-27 17:33

我都好同情樓主,即傷心又忿怒的心情.我之前都在盧X記買左隻病灰鸚,最後雖然醫得番,但都.....

作者: O_O329 時間: 2012-3-27 17:36

盧X記同D鸚鵡一齊去左彩虹橋嗎??
vanessachan 發表於 2012-3-27 17:22

幾個月無開門啦
記得上年8，9月，我咩都唔識時，佢話佢d雞尾話上到手，要380，結果我用180喺能記買左，兩日上到手

作者: jacko_lee5811 時間: 2012-3-27 17:37

16# jacko_lee5811

香港法例係保護消費者，正如你如果知道食物係壞或者有合理懷疑仍然去賣，咁就係乍騙，試問有邊個消費者會俾錢買壞貨？係一定要負上責任，我地依家講緊唔會食物。我地買既係生命、感情，更加 ...
Sion 發表於 2012-3-27 12:48

你都啱你首先唔好帶住有色眼鏡去睇我你所講到詐騙又點去證明
點會買就無責任呀比左錢並唔代表大晒又舉個例子：妹妹可唔可以借個電話比我呀喎度咪有電話亭囉
廣告都有賣喇只要時刻精明騙途無所頓形

作者: bobyjadeeye 時間: 2012-3-27 18:00

政府都係時候做下野
感覺上街市d雞比佢地精神

作者: jacko_lee5811 時間: 2012-3-27 18:28

其實心目中都認同要做嘢
不過唔敢去諗結果如何及有咩影響

作者: BABYPAPA 時間: 2012-3-27 19:03

乜好似養灰鸚實要死一次先

我就試死兩次！

作者: O_O329 時間: 2012-3-27 19:05

乜好似養灰鸚實要死一次先我就試死兩次！
BABYPAPA 發表於 2012-3-27 19:03

大吉利是.....................

作者: 飛魚菲比斯 時間: 2012-3-28 03:10

其實買野都好撞手神既,人地打開門做生意..
又點知隻雀有冇病呢,如果有病就唔會出到口
大家都有風險既,大家都係你情我願冇得怨人
依家咁做都係大家攬炒對大家都冇好處

作者: macbrush 時間: 2012-3-28 08:44

咁尼個世界就永遠都唔會進步，如果真係有成效，攬炒都係短期既事，又或者價錢會上升，但鸚鵡既存活率有機會增加，野生雀鳥得到更多既保護，其實炒極都係我地既荷包，但對雀鳥有好處，咁我地係唔係真係愛雀，定只係愛養雀，愛買平雀呢？

其實買野都好撞手神既,人地打開門做生意..
又點知隻雀有冇病呢,如果有病就唔會出到口
大家都有風險既,大家都係你情我願冇得怨人
依家咁做都係大家攬炒對大家都冇好處
飛魚菲比斯發表於 2012-3-28 03:10

作者: jennymok 時間: 2012-3-28 09:46

49# macbrush
我同意! 呢個係商業社會, 做得唔好比人批評好正常, 例如百X超市賣d生果又貴質量又唔好, 我話比人聽叫朋友唔去買有乜野問題呢? 如果店主想做多d生意或粉碎謠言, 咪做好d改善下囉! 唔通我驚影響佢無生意做呀? 咁呢個社會就退步架喇! 汰弱留強好正常吖!
加上每個人有獨立分析能力, 唔係人地講乜就信乜嘅! 我咁多年嚟响呢度睇咗咁多野, 唔通全部信曬咩?! 我只信自己親眼見到、親耳聽到、親身接觸到或感受到的。

作者: louisa20047 時間: 2012-3-28 10:01

49# macbrush

其實最大問題係個規則本身有好大問題~

作者: jacko_lee5811 時間: 2012-3-28 10:29

51# louisa20047

O岩呀其實我覺得O係呢度討論呢D問題有D傷和氣每人O既觀點與角度不同各持己見無咩結果

作者: louisa20047 時間: 2012-3-28 10:35

51# louisa20047

O岩呀其實我覺得O係呢度討論呢D問題有D傷和氣每人O既觀點與角度不同各持己見無咩結果
jacko_lee5811 發表於 2012-3-28 10:29

交流姐~起碼大家都知道多一D先啦

作者: jennymok 時間: 2012-3-28 10:37

交流姐~起碼大家都知道多一D先啦
louisa20047 發表於 2012-3-28 10:35

係啦! 10年前好少資訊及交流架!!

作者: BABYPAPA 時間: 2012-3-28 10:43

其實十六仔有没有賣鸚鵡牌照呢？佢可能主要是賣鸚鵡糧、用品！

作者: BABYPAPA 時間: 2012-3-28 10:47

佢收了二手鸚鵡再售賣出去，又正常合法？很多都管不到的！

作者: jacko_lee5811 時間: 2012-3-28 10:55

我諗佢擺得出黎就應該賣得因為就算我地唔知道O的同行都會知

作者: louisa20047 時間: 2012-3-28 11:03

我諗佢擺得出黎就應該賣得因為就算我地唔知道O的同行都會知
jacko_lee5811 發表於 2012-3-28 10:55

當個個都咁做~仲有邊個會告發先?

作者: jacko_lee5811 時間: 2012-3-28 11:08

其實有無人走去定期查下牌架呢??

作者: 養鳥新丁 時間: 2012-3-28 11:40

其實有無人走去定期查下牌架呢??
jacko_lee5811 發表於 2012-3-28 11:08

有丫,有時仲會抽雀返去檢驗.......以前某D店收到風...某幾日會唔開檔

咁就可以過關

作者: Sion 時間: 2012-3-28 12:34

你都啱你首先唔好帶住有色眼鏡去睇我你所講到詐騙又點去證明
點會買就無責任呀比左錢並唔代表大晒又舉個例子：妹妹可唔可以借個電話比我呀喎度咪有電話亭囉
廣告都有賣喇只要時刻精明騙途無所頓形
jacko_lee5811 發表於 2012-3-27 17:37

你唔好搞笑啦，精明就可以睇得出PBFD？雀鳥既本性係會盡量收藏自己既病，連同類都要騙埋，難道你可以睇得出？你同十六X有咩關係唔講冇問題，衰左就唔好再繼續撐。

作者: Sion 時間: 2012-3-28 12:41

首先我要為自己澄清一點我本人與任何嘅雀販絕無任何關係如果咁比人誤會就真係要搵包大人喇我個人深信係無雙贏架因為雀友要貨係要靠人架好簡單舉個例子禽流感街巿殺雞無雞賣雞販無工開巿民無雞食但 ...
jacko_lee5811 發表於 2012-3-27 17:16

我係大反應，因為我覺得雀友買既唔單係一件貨物，佢仲係有生命，有感情，我亦冇話十六X係存心乍騸，係應該向當局提出，等佢地去調查處理，並唔係好似你講咁不聞不問，由佢死左就算。

"好簡單舉個例子禽流感街巿殺雞無雞賣雞販無工開巿民無雞食但 ..." => 你認為冇雞食好慘，所以就寧願冒著生命生卻危險去食雞？

作者: 三郎 時間: 2012-3-28 14:08

其實漁護處應該要有一套指引, 對所有寵物 - 魚/貓狗/鳥
例如一個籠只能放幾多隻幾大size既, 每個籠要幾大, 參考下外國點做
制定指引, 再教育宣傳!

就好似推動有機耕作, 養漁業支援一樣, 設立特定小隊負責, 仲要有專業人事加入, 好似註冊獸醫等等

單一投訴我覺得無咩用, 亦改變唔到現狀...! 講到尾, 政府既漁護處太過後知後覺, 同埋落後先進國家, 亦懶得去跟進! 玩下手推個波比衛生署都似...

作者: 煙花 時間: 2012-3-28 16:47

見到大家講左咁耐

我都發表下.....

1.幼雀一向比較容易出事,無論邊度買都一樣......
2.為什麼選擇去呢間鋪買,你都有眼見佢衛生情況
3.香港連賣狗都未管好...何況管雀.....除非新上任cy 好鐘意養鸚鵡啦,如果唔係我地出幾多力都無用(無用唔係代表我地咩都唔洗做)
4.如果你只求一隻健康灰鸚,你可以去二手市場搵下,一樣有好多好嘈咬毛咬人二手放出黎,果d 一定健康,唔健康點去咬人。
5.我心表同情

最後你可能會肯花更多o既錢去買隻健康o既鸚鵡.....但倒不如分更多時間去留意一隻鸚鵡呢?出世紙健康証明可以偽造，但雀仔每日o既進食情況同便便就呃唔到人。

切記買雀唔好急,人地買左咪再等....你有錢驚買唔到心頭好...

作者: Jill 時間: 2012-3-28 17:50

見到大家講左咁耐

我都發表下.....

1.幼雀一向比較容易出事,無論邊度買都一樣......
2.為什麼選擇去呢間鋪買,你都有眼見佢衛生情況
3.香港連賣狗都未管好...何況管雀.....除非新上任cy 好鐘意養鸚鵡啦,如果唔 ...
煙花發表於 2012-3-28 16:47

有道理
而且道高一尺,魔高一丈
雀販有心走平貨..
點都有佢地計仔
政府係要做野,但幫助都唔係好多
最終都係要小心唔好跌落佢地陷阱

作者: 鸚鵡主義者 時間: 2012-3-28 19:12

提示: 作者被禁止或刪除內容自動屏蔽

作者: gilgil 時間: 2012-3-28 19:54

我都要發表下:::買左病雀固然不開心,但就算揀多几次睇多几次都好,
其實如果有PBFD可以話防不勝防
好衛生既又有可能有,無咁好又可能有,成條街都有野雀自出自入你話之前抽d雀血為乜呢?
我都買過死過雀(稱最好衞生同最差既也試過)所以食得咸魚要抵得喝………
明知雀已貴再攪咁多咪又係將成本轉价去消費者………
所以政府一係照舊一係大改所有雀販(如無大爆發政府點會做,咪次次郁ddddd Law等如無郁)
咁你話有咩意思,再講一斤有樣唔知好定唔好既service…………(trading 2hand)
好的減少愛護動物協會的負擔及有更多成鳥的choice,差的更難控制來源
一様見人見志,所以買的時候做好預算,就算獸医都有好的同非常垃圾的分別,只係一d唔識既人當所有Vet係神"姐"………

作者: jacko_lee5811 時間: 2012-3-29 07:00

你唔好搞笑啦，精明就可以睇得出PBFD？雀鳥既本性係會盡量收藏自己既病，連同類都要騙埋，難道你可以睇得出？你同十六X有咩關係唔講冇問題，衰左就唔好再繼續撐。
Sion 發表於 2012-3-28 12:34

意思是買賣雙方都有責任不斷攻擊點討論呀

作者: jacko_lee5811 時間: 2012-3-29 07:08

我係大反應，因為我覺得雀友買既唔單係一件貨物，佢仲係有生命，有感情，我亦冇話十六X係存心乍騸，係應該向當局提出，等佢地去調查處理，並唔係好似你講咁不聞不問，由佢死左就算。

"好簡單舉個例子禽流感 ...
Sion 發表於 2012-3-28 12:41

問題跟本就出現在雀場身上唔係我講架係獸醫講架我都係其中一個受害者只不過睇法有唔同就話我同xx有關係我無野好講

作者: 風中飛鸚 時間: 2012-3-29 10:13

我已經表態唔回應~我是中立~

只是回應市場上~一直以來~賣出鸚鵡的去向~由我收到的求助個案之多~我可以同大家講~
任何品種鸚鵡~剛剛進口本港又好偷渡入境又好~大至金剛~細至彩鳳~死亡率都好高~
所以就會出現好多苦主~ABCD四間公司賣鸚鵡~間間都有死雀~間間都有人鬧~
問題唔係邊個度~係本身鸚鵡天生就夭折率高~幼鳥死亡率又高~先會賣得比小強貴~

所有店舖都希望可以進口到又肥又壯~又冇病既鸚鵡黎賣~

作者: lunz 時間: 2012-3-29 10:38

我朋友都在十六X買左隻灰鸚.....過左二日好似病雀即打電話十六X問...十六X話唔會有病,買咗冇得換嫁二手收..加錢換個隻都得

.....過左一周(((已經回憶了)))

我之前買狗仔.寵物店都會講明如有病返來換比你....原來買雀唔會

作者: BABYPAPA 時間: 2012-3-29 11:17

十六仔一有雀返就會見到一大班人開開心心買架啦...好幸福啊

<十六仔幸福,不是買家啦>....十六仔心想.......這班婦孺之見,真爽手,三扒兩撥我又有進賬了.

眼見這些年幼灰鸚,又瘦又污穢,無知的小眼睛,吸引著新主人帶返家,但都不知能活多少曰子..

作者: jennymok 時間: 2012-3-29 11:29

咁＋六仔咪間接害死好多生命囉! 作咁多孽, 唉!!

作者: 三郎 時間: 2012-3-29 11:30

會唔會係有人高估雀鳥既生命力? 或者將責任推落售買者身上? 買O個時, 自己係唔係真係做足功課, 養O個時提供比隻雀係唔係足夠?
要知道生命係脆弱既, 唔係比多D錢, 隻雀就唔會病唔會死, 如果下下由自己出發點去睇件事

小弟玩左10年海水魚同珊瑚, 類似尼D生死買賣情況多不勝數
咁我幾千蚊買條賊仙, 返到去養幾星期瓜左, 又返去叫人回水?
如果幾皮野買條橙仙BB, 對水對死左, 又返去叫魚店回水? 定係賣比我既時候要賣方"寫包單唔死"?

買生口野無絕對! 做生意賺錢係天經地義, 唔係叫人地開善堂咩?

作者: jennymok 時間: 2012-3-29 11:32

最衰係明明d雀未識自己食合成糧, d店主個個都話隻雀識食, 而餓死隻雀!

作者: jennymok 時間: 2012-3-29 11:56

明明係咬毛雀就話佢只係換毛, 呢d就最衰、最無良。我真係好少去雀街, 一年都唔知有無5次, 但有次咁好彩聽到雀街街尾嗰間, 有好多行街箱賣嗰間, 好多人响佢鋪前曬雀嗰間, 真係咁同人講架!

我就同嗰個客講呢隻雀係咬毛唔係換毛呀, 個店主"握"你咋! 可能會有人覺得我多事, 做呢d野無用, 我走咗個店主咪"握"個第二個囉, 實有人信架。

但我覺得起咪嗰個客知道鸚鵡會咬毛, 知道呢d係咬毛唔會再上當。等個店主知道會有人踢爆佢, 唔係次次"握"人都過到骨! 雖然話"買生口野無絕對! 做生意賺錢係天經地義, 唔係叫人地開善堂咩?" 但話曬鸚鵡都係受保護動物, 如果自己可以做到嘅都唔做, 太"各家自掃門前雪莫管他人瓦上霜," 難保他朝發生响自己身上。

作者: 煙花 時間: 2012-3-29 11:59

明明係咬毛雀就話佢只係換毛, 呢d就最衰、最無良。我真係好少去雀街, 一年都唔知有無5次, 但有次咁好彩聽到雀街街尾嗰間, 有好多行街箱賣嗰間, 好多人响佢鋪前曬雀嗰間, 真係咁同人講架!

...
jennymok 發表於 2012-3-29 11:56

我都明你諗法
但家家有本難唸的經.....人地一年入咁多雀實有咬毛雀,唔賣得話,一年咪要自己養多好多隻........
倒不如賣比去,有人養,好過放鋪頭的

我唔係要將佢做o既錯事合理化,只係從多d 唔同方面諗.....會好d

作者: 煙花 時間: 2012-3-29 12:00

會唔會係有人高估雀鳥既生命力? 或者將責任推落售買者身上? 買O個時, 自己係唔係真係做足功課, 養O個時提供比隻雀係唔係足夠?
要知道生命係脆弱既, 唔係比多D錢, 隻雀就唔會病唔會死, 如果下下由自己出發點去睇件事 ...
三郎發表於 2012-3-29 11:30

養咸水魚果陣....個個星期都出去買新魚.......

作者: 三郎 時間: 2012-3-29 13:34

明明係咬毛雀就話佢只係換毛, 呢d就最衰、最無良。我真係好少去雀街, 一年都唔知有無5次, 但有次咁好彩聽到雀街街尾嗰間, 有好多行街箱賣嗰間, 好多人响佢鋪前曬雀嗰間, 真係咁同人講架!

...
jennymok 發表於 2012-3-29 11:56

其實你關心既問題, 相信唔只係養雀人遇到
養貓狗魚都一樣, 你做法好岩, 起碼幫到新手(好似我咁), 唔會中招, 而我都好希望可以遇到你尼d有心人提醒
但係, 養寵物既人, 心態唔同商業買賣! 當然有d人銷售手法好有問題, 作為消費者唯有多睇多看多了解先去買! 而呃人既店...香港咩行業都有, 賣菜有呃秤時常有...只係我地係唔係身處其中, 了解其行情! 有師兄師姐帶新人當然最好, 無既唯有做多d功課!

對返樓主題目, 其出發點係好, 改善衛生同雀仔生活環境, 我都想見到
只係單一投訴, 有關部門只會當係個別事件(而家政府最叻唔做野既原因)...
要真係改變, 無團體同影響力組織參與...都幾難!

作者: 三郎 時間: 2012-3-29 13:35

養咸水魚果陣....個個星期都出去買新魚.......
煙花發表於 2012-3-29 12:00

所以後來玩玩下我都轉左養角! 只係養幾條魚仔就算

作者: jennymok 時間: 2012-3-29 13:46

係嘅! "呃人既店...香港咩行業都有," 身為消費者, 為有小心d, 有可能就提醒下別人, 都無辨法啦。
所有大話只要你夠膽講, 原末就一定有人信, 唉! 真可悲!

作者: chunchunlee 時間: 2012-3-29 13:50

養鹦鹉是要高消費，即交學费呀！

作者: 風中飛鸚 時間: 2012-3-29 13:52

十幾年前咪有隻咬毛葵花~話係換緊毛~呃我話換完毛就好貴~現在特價1500俾我~後來我冇買~過左成年都未換好毛~終於一年後就呃到第二個人買啦~
就算好老實商人~有人問咬毛鸚鵡會生番毛嗎?都會答生得番~只是時間問題~(咁答已經算係老實中老實啦~)

作者: 三郎 時間: 2012-3-29 14:08

係嘅! "呃人既店...香港咩行業都有," 身為消費者, 為有小心d, 有可能就提醒下別人, 都無辨法啦。
所有大話只要你夠膽講, 原末就一定有人信, 唉! 真可悲!
jennymok 發表於 2012-3-29 13:46

所以要做功課, 多觀察, 多口問下前輩囉! 或者上多d尼度學野, 哈哈

十幾年前咪有隻咬毛葵花~話係換緊毛~呃我話換完毛就好貴~現在特價1500俾我~後來我冇買~過左成年都未換好毛~終於一年後就呃到第二個人買啦~
就算好老實商人~有人問咬毛鸚鵡會生番毛嗎?都會答生得番~只是時間問題~(咁 ...
風中飛鸚發表於 2012-3-29 13:52

我睇書講, 有d咬得太耐, 個位變左無毛孔, 係唔會再生返出來......好似隻無毛雞咁!

作者: 林林柿 時間: 2012-3-30 21:52

其實我認為買野前先要做足功課做足準備
咁多隻雀都揀到隻有病既賴得邊個?

100%確定本身已經係病雀?
定係帶番屋企途中感染?定係周車勞動?定係嚇親?
又或者係新買/舊雀籠有細菌,用前有冇消下毒!?
又或者係飲食器皿有細菌,用前有冇消下毒!?

帶到番屋企有冇比佢適應新環境?定係以為佢已經適應就拿佢出黎玩?
會唔會係屋企染病?係屋企凍親?

以上相信做少一樣就多個機會失去愛雀
代入一下如果你係隻雀出世又比人運黎運去,又揀黎揀去,又玩黎玩去,真係唔死都一身殘

根本事實真相同細菌一樣係睇唔到...你以為冇就可能有,你以為係就可能唔係
動物唔同死物,體質加抵抗力唔係隻隻一樣,同冇標籤寫到明,好似食物咁寫到明含有咩野

如果買之前係鋪頭精神奕奕,帶到番屋企冇里神氣
當中既問題出現係邊,冇人會知..
商人同消費者一樣揀動物都係睇果幾樣野...

成件事係點我唔太清楚
我認為此舉根本係報覆心態多過真正幫雀
漁署出名做野是是但但,求求其其,樓上好多師兄都講左好多意見
做到足一樣有以上情況出現
到時有殺錯冇放過,真係多X謝哂你啦,樓主^^

作者: birdie456 時間: 2012-3-30 22:23

Ching咁講香港就唔使有消委會！以後D人買咗D爛嘢懷嘢就話自己冇做工課，之後就有得去。D佬細就真喺多X謝哂你囉。

作者: ding 時間: 2012-3-30 23:11

香港消委會跟本冇用(有=冇),我好多時都買到爛野投訴消委會只會初步跟店舖交涉一陣然後就叫你自行去法庭告佢(消委會冇任何法律權力,只有法庭),咁多麻煩野我都係放棄算,錢係自己手就要懂得去運用,買任何野都必須做功課,記住，買任何野都必須做功課，雀友教精你你卻不識好人心駡返人轉頭,以後你買到爛野我只話抵你死丫

Ching咁講香港就唔使有消委會！以後D人買咗D爛嘢懷嘢就話自己冇做工課，之後就有得去。D佬細就真喺多X謝哂你囉。
birdie456 發表於 2012-3-30 22:23

作者: ding 時間: 2012-3-30 23:12

你講得啱,買左爛野係由得去,D老細你係叫佢吾帳

Ching咁講香港就唔使有消委會！以後D人買咗D爛嘢懷嘢就話自己冇做工課，之後就有得去。D佬細就真喺多X謝哂你囉。
birdie456 發表於 2012-3-30 22:23

作者: birdie456 時間: 2012-3-30 23:21

咁就祝你以後唔會買爛嘢啦Ching !

作者: 林林柿 時間: 2012-3-30 23:39

我相信入口過關檢驗會做到足，如商販收到貨就認為冇問題呢一點都好合理
死原因有好多，帶菌雀死亡又未必死係呢隻病手上，可能其他原因死亡但同時有呢種病

如果入口時已經驗到有病，商販想賣都攞唔到貨，是否？
又再代入你係雀販又會否收到貨後又再自己帶去獸醫度驗一驗為求賣得心安理得？

我非死幫雀販，只係以事論事，如果非法途徑去入貨當然要舉報

我都講過話生物唔同死物
你買同一種鸚鵡唔等於有同一樣體質
你買同一款電視但係冇同一樣畫質就可以告到佢甩褲啦
揀動物唔同揀死物
希望樓主唔好介意，我知愛雀死了，心情難以平復
如之前隻鸚鵡死於此病，未做好功課就已訂左第二隻
連會唔會傳染同點樣傳染加上會留幾耐係屋企都未知下再買隻新

唔好彩講句到時中左，賴邊個？

作者: pandaowo 時間: 2012-3-30 23:44

86# 林林柿

先生請多留意新聞,
政府會全殺唯一的原因只有禽流感 or 對人類有害的病毒!
鸚鵡的pbfd病毒不是禽流感or 對人類有害的病毒, 所以不會全殺, 謝謝!
也麻煩請你多注意一下你的用詞, 謝謝!

漁護處已跟我聯絡, 已叫店主改善他的衛生環境,
也會開始關注此店的衛生環境一段時間, 這個也是我的目的而已!
我只是做我可以做的事情, 而不是坐以待斃,
最少可以讓店主清理一下現在還可能存在的pbfd病毒,
好讓之後的鸚鵡不會活在病毒裡.

如果你認為是因為我的報"復"心才這樣做, 我也沒辦法!

作者: 林林柿 時間: 2012-3-31 00:03

92# pandaowo

我當然經常留意漁署動態
未知樓主有否留意漁署處事既手法？

我十分相信漁署唔會因為你一個投訴就去大規模去屠殺也冇呢個必要
廢話唔多講

只希望買野之前做好功課加準備
係咁多！

作者: 煙花 時間: 2012-3-31 03:09

大家口舌之爭都無用....

各位都有佢道理....幼雀的確係好多情況下都可以引病....

互相攻擊又有何用處......

可能大家有個錯覺,就算佢d 雀非法入口都係有生命......應該改善衛生情況。但相反你有無諗過,根本買未經入口登記o既雀鳥又係唔係應該理直氣壯?

可能言語上用詞不當,但出發點大家都係想鸚鵡好.....

作者: macbrush 時間: 2012-3-31 03:28

有時D野，自已唔爭取，仲要話爭取既人攪事，咁會亂個市，無用；咁當一個地方99% 既人都係咁唸，當然爭取既乜都爭取唔到，結果真係變成攪事，可能會出現好心做壞事既情形。最後大家乜都唔變，一百年後又係果句，"買雀係咁架啦"。所以有咩做完都係唔好出聲，對得住自已，過到自已就算。

作者: 鸚鵡主義者 時間: 2012-6-16 19:32

提示: 作者被禁止或刪除內容自動屏蔽

作者: jennymok 時間: 2012-6-16 19:46

大把人歪理當真理
鸚鵡主義者發表於 2012-6-16 19:32

當話別人"歪理當真理"時, 請先問下自己, 先好講呢句話呀!!!!

作者: siayf 時間: 2012-6-16 22:01

本帖最後由 siayf 於 2012-6-16 22:02 編輯

其實唔去16X買鸚鵡咪重快..直接解決問題。
我知道佢真實架雀源之後就已經冇係佢度買過..

作者: lovepun 時間: 2012-6-16 22:51

其實唔去16X買鸚鵡咪重快..直接解決問題。
我知道佢真實架雀源之後就已經冇係佢度買過..
siayf 發表於 2012-6-16 22:01

可唔可以靜雞雞講講16ＸＤ雀原呢？因我幫佢買過兩次雀。

作者: siayf 時間: 2012-6-16 23:53

本帖最後由 siayf 於 2012-6-17 00:04 編輯

可唔可以靜雞雞講講16ＸＤ雀原呢？因我幫佢買過兩次雀。
lovepun 發表於 2012-6-16 22:51

見到有雀友架鸚鵡死或者中PBFD..就係因為呢D奸商架行為做成..真係好傷心！

可能有人會覺得我亂講..但我都係想講..起碼比大家知..唔好再中招！

雀街16X架鸚鵡係入廣州花地灣個間鳥語..個間野係廣州臭名遠播..
基本上好多大陸鸚鵡人士都知佢架鸚鵡多數都有問題..特別係PBFD..
我有兩個朋友係大陸深圳同廣州(芒果育鸚室)做人工繁殖鸚鵡架..好清楚佢賣咩同賣去邊..

最近幾次雀街16X開箱灰鸚都係廣州鳥語入黎而唔係馬來西亞..
樓主應該不幸就買左其中一批
另外雀街有部份係入吉祥鳥同大自然兩間鸚鵡場..
呢兩間繁殖場架話就冇問題好少有PBFD呢類問題...
係品質唔係太好..非法入境呢D唔使講..
加上大陸依家賣灰鸚架價錢同香港本地繁殖(鸚鵡棧)冇分別..都係6500-7000

知道雀源後,我個人對16X真係冇信心..買seed就得其他唔好搞..

雀街我真係只會去能記..唔係幫能記做宣傳..而係賣得有良心..
上次係雀街有人差D買左對病左架LB BB..
老闆娘見個個人想買..同佢講呢對唔好買病左..
揀左對幾好架比個個人..

當然我都有受過老闆娘架幫忙啦..有良心架雀店買得都安心D啦！

作者: siayf 時間: 2012-6-16 23:56

人在做..天在看..賣呢D架人會有報應的

歡迎光臨 PARROT-TREE (http://forum.parrot-tree.com/)