PARROT-TREE - Powered by Discuz! Board

標題: 我已經有左心理準備灰鸚隨時會走 [打印本頁]

作者: ding 時間: 2012-4-8 19:20 標題: 我已經有左心理準備灰鸚隨時會走

2月11日係雀街買左5個月大灰鸚，其間有2次出現冇心機吾食野情況出現，但晚上臨訓前佢會自己食食飽先訓，隔左一日後好返。兩日前又再次係咁，今次比果兩次嚴重，連夜晚臨訓前都吾食，而且連續3日由前兩日開始到今日已冇乜食物落過肚，餵奶都係食一啖吾食，佢已經全日冇活動呆企足成日，有時閉眼，睇到佢神情同對眼明顯冇晒精神，今日已經進入第3日仍然係咁，昨晚打比主席佢教我方法今日試左吾得，佢吾都係吾肯飲葡萄糖水，最多只飲一兩啖吾飲奶都係. 另一個方法係一直開住暖爐保持30幾度，已用兩塊整濕左毛巾蓋住籠頂保持濕度，再用黑布蓋住籠三邊住持昏暗，希望呢個方法會有改善.
體重方面由最初雀街帶返黎養一路都有增重(由最初477g增到530g)，呢兩日出現咁情況輕左，今日磅過跌到484g. 見到咁情況我只能做到就做, 吾知佢點解會咁,一時正常，一時吾正常，1個幾月前已有2次咁情況出現, 冇耐第2日都好返,果兩次至少夜晚都會訓前都會自己食飽但今次冇.
今日見佢吐左d糊狀食物出黎，聞上去是酸酸的
吾知咩問題，自問保養得好好沒沖過涼沒冷親一切都已經好小心但佢都耐吾中會有吾正常情況出現，今次已經有左心理準備，宜家心情好灰

作者: ding 時間: 2012-4-8 19:24

我人生一直都吾開心，本來諗住買灰鸚陪伴點知反而被搞到更吾開心

作者: BABYPAPA 時間: 2012-4-8 19:27

保重一下先,灰鸚 BB 期真的好難湊的,有時牠太細離開了同伴也會這樣...盡量做到已做的便 ok..take care c hing.

作者: cc4321 時間: 2012-4-8 19:36

你完全無諗過帶佢去睇醫生,由得佢

作者: ding 時間: 2012-4-8 19:56

本帖最後由 ding 於 2012-4-8 20:00 編輯

c ching你之前係咪講過灰鸚受到驚嚇會出現問題? http://forum.parrot-tree.com/vie ... mp;page=1#pid325118
我情況好吻合, 今次出問題之前都係受過驚嚇跟住就突然間冇心機吾食野，而且之前果兩次問題情況都係一樣受到驚嚇，呢個問題好值得討論，c ching可否出黎講幾句

我隻灰鸚由雀街買返黎至今出現過3次呢個情況，3次都係受到驚嚇

保重一下先,灰鸚 BB 期真的好難湊的,有時牠太細離開了同伴也會這樣...盡量做到已做的便 ok..take care c hing.
BABYPAPA 發表於 2012-4-8 19:27

作者: jennymok 時間: 2012-4-8 19:57

我唔知你之前點解唔開心, 但係你响呢2個月內盡心盡力去照顧灰鸚BB, 讓牠快樂成長, 巳經令牠好幸福架喇! 無論將來點樣, 你巳經盡咗力, 你應該開心因為你帶到幸福比灰鸚BB, 呢個世界唔係所有人都可以帶到幸運比別人架!
一個人開心與否只在於自己嘅睇法! 開心原來可以好簡單, 笑多d、幫助別人後得到嘅一句"唔該," 都可以令我樂上半天架!

作者: jennymok 時間: 2012-4-8 19:59

c ching你之前係咪講過灰鸚受到驚嚇會出現問題? http://forum.parrot-tree.com/vie ... mp;page=1#pid325118
我情況好吻合, 今次出問題之前都係受過驚嚇跟住就突然間冇心機吾食野，而且之前果兩次問題 ...
ding 發表於 2012-4-8 19:56

佢比乜野嚇親呀?

作者: ding 時間: 2012-4-8 20:09

高處跌左d物件落地, 響聲算強大, 果下灰鸚突然發狂狂叫, 果種凄厲聲我都宜家仲記得, 果種奇怪現像本來我想講出黎討論但心諗點會關事?所以冇講

佢比乜野嚇親呀?
jennymok 發表於 2012-4-8 19:59

作者: carolee 時間: 2012-4-8 20:15

我家小寶以前都嚇親過兩次，兩次都要睇醫生先好得返

第一次比狗嚇親，流口水和不吃東西，要打針食藥，覆診了一次

第二次我放了一個黑色box file在他籠子上面，把他嚇親，又係唔食嘢，睇咗一次醫生，打針食藥好返

醫生說受驚後鸚鵡好易腸胃會亂，影響唔食嘢

作者: carolee 時間: 2012-4-8 20:17

不如你都快啲帶佢睇醫生，病向淺中醫, 切勿輕言放棄！

作者: ding 時間: 2012-4-8 20:26

我而家比一個舒服寧靜環境佢, 希望佢可以安靜休養明天一覺起身好返,但亦都好驚一覺訓左以後吾醒.........呢段其間我真係落足心機養佢幾乎成個魂魄都比晒佢. 灰鸚係我衣度的確好開心, 好多野我都比最好佢, 環境活動空間同一切所須都投放左好多心機落去.

我唔知你之前點解唔開心, 但係你响呢2個月內盡心盡力去照顧灰鸚BB, 讓牠快樂成長, 巳經令牠好幸福架喇! 無論將來點樣, 你巳經盡咗力, 你應該開心因為你帶到幸福比灰鸚BB, 呢個世界唔係所有人都可以帶到幸 ...
jennymok 發表於 2012-4-8 19:57

作者: Jill 時間: 2012-4-8 20:35

唔好咁快打定輸數啦
一定仲有希望嫁
bb同你都要互相支持先可以渡過難關

作者: BABYPAPA 時間: 2012-4-8 20:43

這都是十多年前我帶灰b ,去看 vet.醫生說的,一嚇,本身內裡的細菌就出來.我曾死了兩灰bb,所以不再冒險湊 bb 了.怕怕了,現在我家的灰鸚也近一歲才買的,很健康 .

作者: Jill 時間: 2012-4-8 20:49

這都是十多年前我帶灰b ,去看 vet.醫生說的,一嚇,本身內裡的細菌就出來.我曾死了兩灰bb,所以不再冒險湊 bb 了.怕怕了,現在我家的灰鸚也近一歲才買的,很健康 .
BABYPAPA 發表於 2012-4-8 20:43

其實係未所有B都係咁?
定係灰B先會易D

作者: BABYPAPA 時間: 2012-4-8 21:00

之前 LOUIS 說過灰鸚很容易有 PXXX 的.一些品種無咁易有的.

作者: jennymok 時間: 2012-4-8 21:10

高處跌左d物件落地, 響聲算強大, 果下灰鸚突然發狂狂叫, 果種凄厲聲我都宜家仲記得, 果種奇怪現像本來我想講出黎討論但心諗點會關事?所以冇講
ding 發表於 2012-4-8 20:09

2年前我隻細葵都試過2、3曰突然唔食野、唔大叫、成曰瞓, 仲間唔中嘔d透明嘅液體(黏黏的、味道酸酸的)出來, 後來我帶咗佢去睇醫生, 開咗d益生菌比佢食就好番喇! 嗰次嚇死我呀! 但係我無為意佢係唔係嚇親!

作者: ding 時間: 2012-4-8 21:15

意思係吾係如果鸚鵡感染到某種病毒, 病毒暫時隱藏體內, 當受到驚嚇後病毒就會爆發出黎?

這都是十多年前我帶灰b ,去看 vet.醫生說的,一嚇,本身內裡的細菌就出來.我曾死了兩灰bb,所以不再冒險湊 bb 了.怕怕了,現在我家的灰鸚也近一歲才買的,很健康 .
BABYPAPA 發表於 2012-4-8 20:43

作者: oscar 時間: 2012-4-8 21:20

你其實盡快帶佢睇醫生啦。尼度係有好多有經驗同有心既雀友，但係冇獸醫。
個人認為大圍有間珍禽異獸幾好。(雀仔唔舒服係唔等得架)

作者: 卡樂B 時間: 2012-4-8 22:18

唔好再等,你唔想第2日見唔到佢就快d睇啦~

作者: jefflam 時間: 2012-4-8 22:21

我而家比一個舒服寧靜環境佢, 希望佢可以安靜休養明天一覺起身好返,但亦都好驚一覺訓左以後吾醒.........呢段其間我真係落足心機養佢幾乎成個魂魄都比晒佢. 灰鸚係我衣度的確好開心, 好多野我都比最好佢, 環境活動 ...
ding 發表於 2012-4-8 20:26

人生就是這樣, 生活中很多事情也不如意, 但我們要勇敢面對
凡事看開一點, 很多事情都是天注定的

作者: AngryBird 時間: 2012-4-8 23:29

1# ding

辦法總比困難多既然知道嚇親都有得醫就去尋求醫治

作者: vanessachan 時間: 2012-4-9 00:08

我都是養灰鸚,當時我的灰鸚無精神左2日,雀友告訴我要即刻睇醫生,因為鸚鵡一有病就好易死.我即刻帶左佢去大圍睇DR.TIGER,現在大個仔了,雖然係惡D,但都好得意,逗得人好開心.盡快睇醫生啦,

作者: parrotlove 時間: 2012-4-9 09:38

盡快睇醫生啦就算到最後一分一妙你都要有責任照顧佢 DON'T GIVE UP AR

作者: Empire 時間: 2012-4-9 09:50

你應該今天一早帶灰B去睇醫生，病咗3日灰B可能已經好嚴重了！
今次醫好了，日後就會和你繼續相親相愛，不要再拖了，盡快帶去睇醫生吧！
祝福灰B~

作者: OnOn 時間: 2012-4-9 09:55

快帶牠看醫生吧!

作者: 燉雪梨 時間: 2012-4-9 10:18

你話你好比心機照顧佢, 連魂魄都比埋佢, 但只有待在家中等, 點解連最基本帶佢去睇醫生都唔做？

作者: 金莎朱古力 時間: 2012-4-9 11:07

唔好再拖~快d帶牠睇獸醫~拖肥支持你

作者: 風中飛鸚 時間: 2012-4-9 11:07

過到頭一晚~同第二日~已經証明到唔係致命感染~可以考慮睇醫生~
(因為有機會醫番好就當然睇啦~)
如果灰鸚感染到病~由病發至死亡~只需要十多小時~
現在好明顯係第二類病症~檢查驗清楚~對症下藥~非常有效~

作者: carolee 時間: 2012-4-9 15:08

我家雀雀看的是銅鑼灣動物醫院Dr Frank

他在南非的動物園當獸醫十多年，醫雀好有經驗，但儀器冇大圍咁多咁充足

但診金藥費都平好多，小寶連診金藥物和驗便便都係500幾蚊

作者: 卡樂B 時間: 2012-4-9 15:10

我家雀雀看的是銅鑼灣動物醫院Dr Frank

他在南非的動物園當獸醫十多年，醫雀好有經驗，但儀器冇大圍咁多咁充足

但診金藥費都平好多，小寶連診金藥物和驗便便都係500幾蚊
carolee 發表於 2012-4-9 15:08

咁平...
但我都唔希望有機會入去~

作者: Empire 時間: 2012-4-9 15:21

當然大家都唔想自己的愛雀入醫院，但是如果灰b唔舒服唔精神，就要盡快去睇醫生！

作者: 鸚鵡主義者 時間: 2012-4-9 16:57

提示: 作者被禁止或刪除內容自動屏蔽

作者: 風中飛鸚 時間: 2012-4-9 21:29

理性d睇件事~要分析機會率~我收到電話中的形容~相信已經好後期了~不過都建議去醫生度証實一下~

作者: ding 時間: 2012-4-9 22:09

本帖最後由 ding 於 2012-4-9 22:16 編輯

今日下午帶左去銅鑼灣間寵物醫院，結果安樂離開。

今日已第4天，已無法企棍全身無力冇晒精神，4日以黎幾乎冇食過野落肚餵奶一樣嘔返出黎，中午帶左去銅鑼灣寵物醫院睇，DR詳細檢查過和根據我詳細描述，初步判斷好大機會一早已經有左病毒，但咩病毒要抽血先知，佢見灰鸚而家情況話醫返機會好微，佢向我解釋灰鸚而家透氣好辛苦和一直無法食野和飲水已第4日，咁情況佢只會好痛苦，一直落去只會令到佢慢慢痛苦咁死，差在時間問題。就算想繼續醫就先要留院幾日，要打抗生素同抽血，呢幾PART又係要再令佢受多幾次痛苦，因為抽血果PART有可能令佢受唔到壓力而即時死亡，叫我有心理準備，未必醫得返，問我想博一博定想佢而家安樂離開?經過一輪分析後我決定讓佢舒服地離開，果刻決定我好傷心。埋葬果方面我亦托醫院為我安排選擇土葬。十五分鐘後護士叫我進房望多佢一陣，我見到灰鸚已全身不動被一塊毛巾包著睡在桌上離開左，我摸到佢上身仍然是溫暖的，面部的病態經過4日既煎熬已經明顯看得出。記得係我今日帶佢出門睇獸醫之前見佢已全身無力無法企隱，但佢仍然好努力地由離遠勉強地爬上我身靠近我，再把頭貼近我塊面，我摸左佢一陣之後就帶出門睇獸醫(今次出門我都預左凶多吉少)，最後得返一個行街籠拎返屋企，望住屋企個籠感覺好似少左D野，平時一返黎佢係會叫我，而家心情好空虛。我永遠記得今日係出門前佢用盡一口氣力量努力爬上我身靠近，用面貼近我，亦係最後一次我為佢摸頭。

作者: BABYPAPA 時間: 2012-4-9 22:21

先收拾心情，抖一下給自己放鬆！

作者: 菜心仔 時間: 2012-4-15 12:54

要餵落個肚中

作者: 菜心仔 時間: 2012-4-15 12:56

要餵落個肚中

作者: 菜心仔 時間: 2012-4-15 12:57

要餵落過肚

作者: 菜心仔 時間: 2012-4-15 12:58

要餵落過肚

作者: hke3g2006 時間: 2012-4-15 13:01

玩乜野洗版呀

作者: macbrush 時間: 2012-4-15 14:29

本帖最後由 macbrush 於 2012-4-15 14:38 編輯

訓練鸚鵡之餘，主人練習緊出 post 呀嘛

歡迎光臨 PARROT-TREE (http://forum.parrot-tree.com/)