PARROT-TREE - Powered by Discuz! Board

標題: 多謝大家！！ [打印本頁]

作者: 大舊金婆婆 時間: 2012-4-28 20:51 標題: 多謝大家！！

本帖最後由大舊金婆婆於 2012-4-28 20:53 編輯

各位好，我係大舊金婆婆，即係mmchu媽媽。

首先，多謝各位對大舊金既厚愛，見到大家對我們一家，包括大舊金大b哥的支持，
無論大家相識與否，都好感謝大家，有心！！

養左大舊金差不多三年，三年啦，今日，真的好唔習慣。

大舊金係一隻好乖好叻既雀，同佢出街曬太陽，撘lift時見人就講hello，byebye！
又試過大舊金跟老竇去探老人家，佢雀仔細細，人地傾計佢又要撘咀，佢係一隻happy bird，並唔係angry bird。"
平時我洗衫時，就係我跟兩隻仔既"親子時間"，我不停自言自語講野、唱歌，佢兩隻小鬼久而久之就學識左，
所以，佢兩個講野既聲音、口吻，學到我十足十！！
每晚有人開鐵閘返黎，大舊金就好似"實q"咁大叫，直到入屋既人同大舊金打招呼，佢就會收聲，繼而同佢講︰返黎啦！
每晚大b哥出籠前狂叫hello，大舊金就會叫"up"去配合，直到放佢兩個出黎，佢地先會收聲，有時大舊金出到黎之後就會奸笑，哈哈哈哈咁！
每晚玩完之後返入籠時，佢地會好乖咁講"返去啦，goodnight"…係兩隻都會講，兩隻都講！
每晚玩完入籠之後，佢地習慣要食少少野先瞓，如果佢地要冚布，佢地就會叫"hello"，咁"hello"，即係老竇就會出去同佢地冚好布，佢地就唔會再嘈，咁就瞓啦！
每朝七點零鐘，大b哥就要出來疴bubu，因為大b哥可以全晚唔bubu，要出來才bubu，bubu完就會一輪咀咁講野，
大舊金就會響籠入面，有時講下野，叫下goodmorning，叫下鍚鍚先，又有時叫人"過黎丫"，有時又會叫下，每當佢叫時，大b哥就會叫佢唔好嘈，淨係叫hello咪得lor，大舊金就會收聲！
返工前，我地必會同佢地兩個講byebye，大舊金會好叻仔咁同地講︰返工啦，byebye！

呢度只係大舊金既一點點滴，佢響我心目中既地位好重，佢既離去，真的對我影響很大，
今日，我不時同大b哥講，大舊金去左彩虹橋啦，佢好似明白大舊金已經離開左我地，今日好似乖左好多，佢大個仔左好多！

兩隻雀雀都乖，婆婆既雀雀係好乖仔……

我地對大舊金要做的，應該做的，可做的，都已經做左，
只係我們一家跟大舊金緣份盡了，
大舊金去到彩虹橋就已經唔需要再痛苦！！

我知道好多雀友都好關心我地兩老，
我想借呢個機會同大家講聲多謝，你地有心啦！！

祝各位雀雀身體健康，開開心心！！！

作者: 風中飛鸚 時間: 2012-4-28 20:52

點解要留位~因為我想第一個答你~
首先見到你都開聲~就知道事態嚴重~大舊金對你一家重要性~如果我唔係剛剛死隻鸚鵡~都冇咁了解你心情~其實我已經比較冷靜~當日心情都惡劣到不得了~何況你們一家呢~!
那朝早上收到MMCHU電話~我已經知道大舊金會死~我已經第一時間解釋~鸚鵡到左咁情況~要有心理準備~(其實我都好肯定佢救唔到~)所以每一個電話都不斷解釋~MMCHU由開始接受唔到~(:大舊金唔可以死~)(大舊金有機會死?)(大舊金會死?)都聽到開始覺得會死~開始心裡上可以接受~
直到大舊金真正死亡~當然十分傷心~因為有晒心理準備~已經好好多~
我負責E個心理輔導員~真係非常有經驗~

作者: 卡樂B 時間: 2012-4-28 20:54

唔好唔開心啦~
你仲有大b哥要睇~

作者: Daddy 時間: 2012-4-28 21:00

作者: Jill 時間: 2012-4-28 21:04

鸚鵡同人既互動真係好令人窩心
婆婆都唔好咁傷心啦
大舊金都好掛住你地一家

作者: chachas 時間: 2012-4-28 21:08

大舊金婆婆，你要加油！大舊金留給你係美好的回憶，永遠都唔會變！佢只係完成示命，早一步到到另一個世界，你和家人都要振作，大舊金只希望對佢好的人永遠都開心快樂

作者: ngkare 時間: 2012-4-28 21:14

婆婆你好叻，比我想像中堅強，在無準備下失去親人的痛，我幾年前都經歷過，係我爸爸，所以好明白你地的心情，不過我爸爸臨走前一星期，無端端同我講：「第日我死咗，其實只係移咗民去天國啫。」
今日大嚿金都只係移咗民去彩虹橋，你地一家當然係唔捨得，不過唔需要太難過！

作者: parrotlove 時間: 2012-4-28 21:19

大舊金會在遠遠的地方守護著你們一家...佢知道係你地一家人中心目中既地位和重牲以好開心啦..

作者: BABYPAPA 時間: 2012-4-28 21:27

真的聞者傷心,好多事情真的好難解悉,就一小片樹皮,造成這麽大的傷害,真是天意弄人 ,
保重啊.

作者: 大舊金婆婆 時間: 2012-4-28 21:39

針唔拮到肉唔知痛，
我們一家現在需要的就是時間，
一切來得太突然，來不切反應。

多謝大家關心，是否跟塊樹皮有關已經無所謂，
大舊金既離去已成事實，解剖已做，化驗已決定做，
我地傷心，因為我地個個都愛錫大舊金，
我地難過，因為我地平時日子都同大舊金過…

大家既關心，我地一家都收到，
但我地確實需要一點時間，
主席，我地買大舊金，真係因為24C，
多謝大家之餘，亦要多謝24C，無24C，我地就唔會有大舊金！！

再一次感謝大家，謝謝！！

作者: jennymok 時間: 2012-4-28 21:47

換個角度睇, "離開不過是為了回來," 有緣嘅話, 總會能夠再遇上的!

作者: tsw 時間: 2012-4-28 21:51

作者: BB爸爸 時間: 2012-4-28 21:57

加油

作者: scl 時間: 2012-4-28 22:03

相信每隻鸚鵡與主人的緣也是很了不起的，珍惜此段緣，鸚鵡的回饋行為是給每一位主人最寶貴，獨一無二的禮品．

保重！加油～

作者: 海之家 時間: 2012-4-28 22:22

雖然我未見過大舊金~但我好明白個心情~
你們一家要加油呀~
放心~大舊金只係去左彩虹橋~
佢一直重係你們一家的的身邊~心中~冇離開過~只係用了第二個方式去跟你們相處吧~

作者: mmchu 時間: 2012-4-28 22:29

婆婆的岀現，係想以第一身身份跟大家交待，
係一種情緒上舒發，
因為大舊金都係婆婆的命根！

作者: 小雲 時間: 2012-4-28 22:36

大舊金婆婆,
不用客氣, 我們都是愛雀之人, 你們的心情, 大家都理解的, 不要太難過, 好好保重身體.
就讓時間去沖淡心中的哀痛吧.

作者: 大舊金婆婆 時間: 2012-4-28 22:37

婆婆我好多謝大家，大家真係好有心。

作者: yokojune 時間: 2012-4-28 23:11

大舊金婆婆
自己和動物的緣份,相信上天一早已安排,突如其來的事無人能遇計到,(我也曾嘗過灰鸚生病,即看醫生但也無用,短時間是無法接受,直到現在仍很痛),但我相信大舊金在上天也很開心,能遇上你哋一家,這三年日子每天都快樂地渡過, 請不要再難過, 保重身體吧.

作者: ckw3b 時間: 2012-4-28 23:16

婆婆加油, 我地支持你!

作者: CTL 時間: 2012-4-28 23:26

大舊金婆婆,mmchu,
我很相信緣份,過去三年就是大舊金與你們緣聚時段,今日暫別,你們盡快忘掉吧!將精神集中在照顧其他雀雀和打掃家居.
我的經驗是一個月才能淡化.

ctl

作者: 芳姨 時間: 2012-4-28 23:30

大舊金婆婆你好:
你們的愛雀突然離開,我也感到心痛,
傷心難免,請你們一家保重身體,

大舊金在彩虹橋有其他雀雀一起快樂地飛翔.

作者: OnOn 時間: 2012-4-28 23:41

從你的文章, 已看到大舊金在你一家心中的地位, 你們有多痛愛牠, 相信大舊金完全收到,
亦不希望你們再為牠傷痛的, 請保重。

作者: gilgil 時間: 2012-4-28 23:44

大舊金會在遠遠的地方守護著你們一家的,加油呀

宇宙萬物有始有終,參與係自己生命裡的回憶係最珍貴的,將一切放係腦内,等時間令傷心沖淡啦。
養寵物就預左共渡生老病死,轉個角度去睇同回味所有過程去感受同見証愛
其實反而會多謝返我地忠心而且陪伴我地既寵物,大舊金同你都已經盡責了,所以儘快不要傷心啦。

作者: 烏龜的 時間: 2012-4-28 23:57

睇完好心痛.....
大舊金對你地一家真係好重要~~
不過有始就會有終唔好太傷心啦~
大舊金黎到係為左帶歡笑比你地 E家佢走都希望你地可以開心的送佢走~
唔好太傷心大舊金一定會一直守護住你地一家架!!!

作者: mythox 時間: 2012-4-29 00:19

大舊金一家請節哀..

相信主席要講D唔開心既說話, 心理壓力亦好大, 辛苦了...

作者: samsung 時間: 2012-4-29 00:22

其實養寵物嘅朋友好多都會有遇過類似遭遇，
傷心係在所難免，希望盡快忙記傷痛，
係依度有好多朋友支持你地同大b哥架！

作者: 1a2b3c 時間: 2012-4-29 14:40

因為我阿媽對大舊金好似仔一樣，有時錫佢多過錫我，唔傷心就假！

作者: carmenwong 時間: 2012-4-29 19:31

婆婆加油呀

作者: tsw 時間: 2012-4-29 19:33

加油..加油

作者: Koowa 時間: 2012-4-30 01:24

你們心情我好明白, 要當事人唔好傷心難過真係好難,
不過傷心歸傷心, 請千萬要小心身體啊!

另外, 請準備好大舊金最愛的食物玩具用品一同帶去火化, 等他在彩虹橋時也可使用。

作者: carolee 時間: 2012-4-30 07:22

婆婆加油！大家都支持你們一家！

作者: Mr_fran 時間: 2012-4-30 09:28

由時間沖淡傷心吧！你們一家要加油好好照顧大B哥呀！

作者: AndisonC 時間: 2012-4-30 09:29

婆婆及家人，加油！！！

作者: Stan 時間: 2012-4-30 10:27

大舊金婆婆與家人:
雖然與你們不相識, 但看見你們的生活點滴. 其實大舊金在這三年真的很幸福和快樂, 得到你們各人的悉心照顧, 而他也回報很多快樂給你們. 現在他只是自由自在地去了別處生活, 他一定會回憶這三年的快樂. 你們也應開開心心地回憶一切與他的快樂. 令他的快樂充滿你們各人心中.
試想, 離開只得一件事, 但他之前所做的每一件快樂事才是數之不盡, 說之不盡.
我也是只回憶離開了我們的亞歷b的快樂事.

作者: YVONNE 時間: 2012-4-30 10:58

婆婆不要太傷心, 大舊金是你的開心果, 一定不希望你為他難過, 加油!

作者: 風中飛鸚 時間: 2012-4-30 11:48

唔好再傷心啦~已經傷心夠~收拾心情面對新生活~
我經常借出"博"頭俾女會員咸~

作者: almen 時間: 2012-4-30 12:42

保重！

作者: mmchu 時間: 2012-4-30 14:55

婆婆心情都ok好多了，
大家放心，我會睇實婆婆的~~~

飛鸚，你個"厚厚的膊頭"我地唔敢問你借，
留返比啤梨獨家專用啦……

作者: 小雲 時間: 2012-4-30 15:27

婆婆心情都ok好多了，
大家放心，我會睇實婆婆的~~~

飛鸚，你個"厚厚的膊頭"我地唔敢問你借，
留返比啤梨獨家專用啦……
mmchu 發表於 2012-4-30 14:55

同意, 啤梨買咗專利架. 主席你忘記了?

作者: sallyyau 時間: 2012-4-30 15:39

大舊金一家保重

時間是最佳的治療方法

作者: adaleung22 時間: 2012-4-30 16:18

保重....請亦要留意大B哥的情緒, 因為突然失去同伴, 鸚鵡會不開心同壓力

作者: iceiceice 時間: 2012-4-30 16:56

大舊金知道你地一家都錫佢, 相信佢都好鍚你地, 都唔想睇到你地唔開心架, 加油!!

歡迎光臨 PARROT-TREE (http://forum.parrot-tree.com/)