PARROT-TREE - Powered by Discuz! Board

標題: 大白早上六點開始尖叫。。。 [打印本頁]

作者: mimi26 時間: 2012-5-3 07:19 標題: 大白早上六點開始尖叫。。。

試過用遮光布，一樣叫，用布圍籠，扯開布一樣叫，齊水齊糧，有玩具，已經養左十年，為左佢，搬了幾次，因為比人投訴，自己亦好攰，到今年我結婚了，男家的家人難以忍受，一來受到投訴，二來冇覺好訓，好想問下有冇方法?佢晏啲叫就ok,嘈醒晒全層樓啲人，我真係唔知點做好。謝謝各位

作者: BABYPAPA 時間: 2012-5-3 07:28

咁多年無得改了！找人收養吧！想信你也試了很多方法！

作者: louisa20047 時間: 2012-5-3 07:40

晚上掉佢入一個冇窗嘅地方~佢叫就死都唔好睬佢~到左夠鐘先理佢
晚上收走所有野~所有野要第二朝先俾佢~當然要唔嘈先俾
教佢唔好嘈係長久抗戰~你要預左開頭會辛苦D

我想問你養佢咁多年~你對佢大叫嘅反應係點?

作者: parrotlove 時間: 2012-5-3 07:45

全黑及絕對安靜環境得唔得 ?

作者: carolee 時間: 2012-5-3 07:48

有冇試過圍黑布再放在黑暗房間？沒合適房間的話可試下晚上放廚房，在廚房裝上遮光窗簾，等佢看不到一絲光亮，唔知已天光

作者: mimi26 時間: 2012-5-3 09:50

如果捨得一早揾左人收養唔去到最後都唔想
平日佢嘈我會困佢係房唔理佢(佢不嬲係房) 有人時就開門冇人就閂門
但佢仍然堅決會尖叫直到佢叫到唔想叫
圍布佢會用腳扯開

作者: 風中飛鸚 時間: 2012-5-3 10:13

買隻白切雞~佢一叫就斬左個雞頭俾佢睇~仲食隻雞肶添~睇佢仲敢唔敢叫~~

作者: 鸚鵡主義者 時間: 2012-5-3 10:30

提示: 作者被禁止或刪除內容自動屏蔽

作者: 風中飛鸚 時間: 2012-5-3 10:32

我們有位會員~養有幾隻大白~每晚同一時間~好似貨輪泊碼頭咁~

作者: mimi26 時間: 2012-5-3 10:34

我預左比人插架不過我唔去到最後都唔想
我係用過好多方法可能work一陣又故態復萌
不如講下點樣隔聲呀? 我屋企全部房都有window,包括廁所廚房
依家我想再車多一塊遮光布圍window,雖然知冇咩用,都試下.
冬天佢唔會叫因為佢想訓就好d
依家真係天矇光就大叫啦好困擾每次搬屋去到新環境就會唔叫一排
但住落左又係狂叫
唉大家比d方法我試下或者開放籠會否好d? 因為我不嬲用大籠養開

作者: BABYPAPA 時間: 2012-5-3 10:36

到人哋真係話棄養
呢道又有大把人大條道理插人架啦
鸚鵡主義者發表於 2012-5-3 10:30

養不養洗鬼話人知咩，很多野無两全其美，就看那方重要些！

作者: 鸚鵡主義者 時間: 2012-5-3 10:42

提示: 作者被禁止或刪除內容自動屏蔽

作者: 風中飛鸚 時間: 2012-5-3 10:44

冇一隻鸚鵡能夠嘈得過發仔~佢叫聲又長~又響~震耳欲聾~衰過防狼器在你耳邊~(因為可以博佢冇電會細聲D)
佢隻雀好多人試過啦~在室內可以話係世界冠軍~送去聾啞學校~學生俾佢嘈到無法上課~

作者: 鸚鵡主義者 時間: 2012-5-3 10:51

提示: 作者被禁止或刪除內容自動屏蔽

作者: BABYPAPA 時間: 2012-5-3 10:54

冬天佢唔叫,你咪長期開冷氣,做假氣象囉.

作者: Louis 時間: 2012-5-3 11:15

發仔黎過我屋企寄住, 每朝三點半, 同埋我另外兩隻大葵花, 亞馬遜, 珍達, 金頭, 一齊大合唱, 音效一流.

作者: carolee 時間: 2012-5-3 11:30

其實辦法還有好多，只係睇妳決心想繼續養佢，定係決心想唔要佢

我家裡有4隻大白，他們住的房間，剛剛安裝多一層玻璃窗，防止嘈親隔離左右，如果妳的大白也養在房間，這很容易辦到

至於籠布，可介一塊阿加力膠片，四邊都比籠頂的平面大幾吋，放於籠頂，再造一個深色布罩，唔想佢嘈時由頂至底笠住個籠，由於籠頂膠片比籠面大，笠罩後布會距離籠幾吋，大白攪唔到

作者: Empire 時間: 2012-5-3 11:34

鸚鵡狂叫有好多原因，其中一種原因是希望出籠玩，大白是特別需要愛及接觸的鸚鵡，喜愛跟主人互動！你雖然用大籠養緊，有沒有每天讓大白出籠玩及跟你互動梳毛？
如果佢大叫而你祇會閉門，祇會令大白更孤單更加大叫，惹人注意！
應改善你和家人與大白的關係才是最重要！

作者: carolee 時間: 2012-5-3 11:35

也可以像大葵發仔主人，做一個超隔音阿加力鳥籠

作者: 風中飛鸚 時間: 2012-5-3 11:41

鸚鵡狂叫有好多原因，其中一種原因是希望出籠玩，大白是特別需要愛及接觸的鸚鵡，喜愛跟主人互動！你雖然用大籠養緊，有沒有每天讓大白出籠玩及跟你互動梳毛？
如果佢大叫而你祇會閉門，祇會令大白更孤單更加大叫， ...
Empire 發表於 2012-5-3 11:34

佢唔係怕嘈~佢係怕朝早6點嘈~
7點都可以同佢玩~咁先死丫~

作者: carolee 時間: 2012-5-3 11:42

如果養在房間，聲音的傳播主要是由窗和門的隙漏出來，市面上有多款隔音膠條，貼在門邊窗邊，關上的時候把隙填滿，聲音便大大減低

這是我家早年給投訴時，雀友joelee教我的，家裡還有一點膠條，可給妳試試，如需要可pm我

作者: mimi26 時間: 2012-5-3 11:49

多謝你的寶貴意見,我想問膠板係邊度買?制造過程係點?可否詳細講講?
隔音綿又係點用?係邊買?係咪攝門灰色有毛毛個種?如係我已加了!效果不太理想!

係佢叫唔係問題,我買佢已經知道,但6點叫醒晒所有人就真係唔得,大家都明白,
其實可以令佢唔叫,就係我陪住佢囉,但係我都要休息,而且佢一尖叫我即刻開門比佢出黎玩同陪佢,
我怕日後更難以收拾同教導.所以先想問方法...

要掉左佢好簡單,但我唔想,我只係未揾到方法同佢相處得好d

作者: Daren 時間: 2012-5-3 11:53

10# mimi26

好明白你的處境和心情，我隻吸蜜都係一開眼就大叫，目的就係要出籠玩，出咗籠無人係身边又大叫。隣居和家人比的壓力真係好大，上星期管理處又貼通告話有人投訴躁音，我老公返到屋企就黑口黑面。但我個仔己經當咗隻雀係細佬，好錫佢，我也當咗佢係仔一樣，唔舍得放棄。
為咗減低躁音，我的做法就是:
1. 叫人把窗口的膠邊全部更新;
2. 所有的門邊加上隔音膠邊;
3. 當隻雀叫得大聲時就將佢放入套房的廁所內，蓋上黑布，關窗關門;
4. 早Ｄ捉佢去瞓。我現在大約九点半就放佢入套房的廁所內瞓，唔再嘈佢。
5. 現在己是夏天，前幾天我晚上把廁所的窗微開，等佢唔駛咁焗，点知街上的雀五点就開始叫，佢又叫一份，所以現在夜晚連廁所窗都關上，但我上床前就微開廁所門，讓少少房Ｄ冷氣進入廁所。所以近兩三日，佢都瞓在七点幾至醒。

你參考吓以上的方法，睇吓幫唔幫到你啦。

話時話，幫佢揾個伴會唔會好Ｄ呢？

作者: 風中飛鸚 時間: 2012-5-3 11:54

我想知道佢改為下午叫~是否完全冇問題啦~

作者: louisa20047 時間: 2012-5-3 11:55

佢一尖叫我即刻開門比佢出黎玩同陪佢
恭喜你，你犯左養鸚鵡大忌

作者: jennymok 時間: 2012-5-3 11:55

我細佬隻大白以前都係每朝6點就叫, 只要我細佬出廳瞓疏化陪佢就唔叫(已經4、5年喇!), 而家大白嚟咗我屋企住咗差不多10個月, 巳沒有大叫呢個問題。
而我隻細葵如果响房瞓, 每朝瞓醒望到我就唔叫。响廳瞓, 每朝瞓醒望唔到人就大叫, 一推佢入房見到人又唔叫!
所以你隻大白大叫嘅原因應該係"見唔到人"!

作者: carolee 時間: 2012-5-3 12:08

多謝你的寶貴意見,我想問膠板係邊度買?制造過程係點?可否詳細講講?
隔音綿又係點用?係邊買?係咪攝門灰色有毛毛個種?如係我已加了!效果不太理想!

係佢叫唔係問題,我買佢已經知道,但6點叫醒晒所有人就真係唔得,大家 ...
mimi26 發表於 2012-5-3 11:49

是膠條，像鋁窗的橡膠邊，今晚影張相妳睇下

作者: Daren 時間: 2012-5-3 12:13

27# carolee

很多賣家庭用品的地方如日本城都有得賣，大約四、五十元。

作者: carolee 時間: 2012-5-3 12:18

有冇試過夜D先比佢瞓? 將佢身邊環境KEEP住黑蚊蚊, 夜D瞓咁就會晏D起身

作者: carolee 時間: 2012-5-3 12:30

http://tw.myblog.yahoo.com/jw!Zo ... YA-/article?mid=851

這裡有詳細說隔音方法, 我所說的隔音膠邊, 也是專業給BAND房隔音, 可參考一下這篇文章

作者: mimi26 時間: 2012-5-3 12:36

真係好多謝大家建議,我中意佢都尚可容忍,唔中意動物的人真係好多說話聽,家人唔出聲都黑面,感覺都難受,唔知點算好.我會逐樣試下,其實佢大約7點幾就會自動訓覺,晚上6點幾會嘈一次,嘈一陣就收聲食野安靜訓,呢個時候係最靜,我試過唔比佢咁早訓,我開門開燈放佢出黎玩,佢都唔出,總之佢要訓,如果有光或開左門,一樣尖叫,叫到你閂門熄燈唔阻住佢訓為止,總之好似大爺咁,佢要點就要點,否則就大叫囉.
佢叫我係冇即刻入去理佢架,我係話如果我咁樣,我怕之後更難教呀,其實我覺得係時間問題,如果有方法教好佢個生理時鐘,佢下午叫其實冇咩問題,至少d人冇得投訴先啦,(依家係一早尖叫,晚上6點幾叫,下午唔多叫)其實處理到早上個part,應該會好好多架啦

麻煩你比相我望下呀(膠條同膠板) 我用布,佢一係扯開塊布,一係咬到溶溶爛爛!

其實用開放籠養會唔會好d呢?

作者: carolee 時間: 2012-5-3 12:40

係咪蓋了布就唔嘈嫁喇? 只因咬爛咗塊布先再嘈? 如果係, 整塊膠板極之簡單

作者: louisa20047 時間: 2012-5-3 12:45

本帖最後由 louisa20047 於 2012-5-3 12:47 編輯

開放籠=架？
架係用黎馴鳥用(至少我係咁用)
對減聲冇咩用

作者: 煙花 時間: 2012-5-3 12:47

雖然我無咩改善方法提供,但佢真係太早訓啦......
我隻灰鸚e+訓練到10點先訓....佢眼訓又係大叫要去訓。
所以我推遲餵食,換籠,出籠玩o既時間,慢慢由7點幾訓e+9點幾10點先訓
有時我遲左放工,所有野都推遲,試過有時11點幾佢都未肯訓,因為未出黎玩.....

以前佢朝早7點會叫,e+變成朝早9點幾10點先叫幾下.....但果陣我都起身返工,時間剛剛好

作者: carolee 時間: 2012-5-3 13:16

雖然我無咩改善方法提供,但佢真係太早訓啦......
我隻灰鸚e+訓練到10點先訓....佢眼訓又係大叫要去訓。
所以我推遲餵食,換籠,出籠玩o既時間,慢慢由7點幾訓e+9點幾10點先訓
有時我遲左放工,所有野都推遲,試過有時1 ...
煙花發表於 2012-5-3 12:47

我也正想說，可以半小時半小時咁延遲佢嘅餵食同睡眠時間

作者: ckw3b 時間: 2012-5-3 13:24

佢一尖叫我即刻開門比佢出黎玩同陪佢
恭喜你，你犯左養鸚鵡大忌
louisa20047 發表於 2012-5-3 11:55

你要睇埋下半句至得呀~
"我怕日後更難以收拾同教導.所以先想問方法..."

作者: ckw3b 時間: 2012-5-3 13:25

你養左佢10年佢都係咁呀???

作者: 養鳥新丁 時間: 2012-5-3 13:39

你要睇埋下半句至得呀~
"我怕日後更難以收拾同教導.所以先想問方法..."
ckw3b 發表於 2012-5-3 13:24

佢都未訓醒

作者: louisa20047 時間: 2012-5-3 13:47

你要睇埋下半句至得呀~
"我怕日後更難以收拾同教導.所以先想問方法..."
ckw3b 發表於 2012-5-3 13:24

我有睇到，不過理解到既同你唔同

作者: jennymok 時間: 2012-5-3 13:55

真係好多謝大家建議,我中意佢都尚可容忍,唔中意動物的人真係好多說話聽,家人唔出聲都黑面,感覺都難受,唔知點算好.我會逐樣試下,其實佢大約7點幾就會自動訓覺,晚上6點幾會嘈一次,嘈一陣就收聲食野安靜訓,呢個時候係最 ...
mimi26 發表於 2012-5-3 12:36

我大白個不銹綱籠都有3面加亞加力膠板, 一來防止咬籠布, 又可以隔少少聲, 可以WhatsApp d 相比你睇!

作者: scl 時間: 2012-5-3 14:16

我領養橙葵～Hello 仔，開始時牠也很愛大叫（前主人是老人家，好像可以全天同牠玩），現在已兩個多月了，牠已沒有長時間大叫的習慣。

牠初來是如大叫，關好門窗及蓋布，任牠大叫，那時可以叫上半小時以上。當牠發現沒有用，即不會有人理牠，牠開始會倦而不叫，再去吃糧，吃完便不叫了。

多次之後牠叫的時間慢慢減少。我一向習慣鸚鵡大叫時不理牠，等牠安靜一陣子，才理牠，牠慢慢明白靜的效用比叫好。

現在一早不會叫，主人加糧後知主人起了床才叫，只叫一兩分鐘便停，知道再叫也沒有用，靜靜地等主人最好。牠也是很早睡，約 7:30pm，也不怕早上會叫。

平日會給牠兩小時互動相處，讓牠感受關懷的滿足便放回籠，牠慢慢明白了，下午就算我整天在家，牠也不叫，可以安靜一個下午，直到明早為止，中間只會在有電話聲時才叫一兩分鐘。

分享一下，不知對你有沒有用。

作者: 風中飛鸚 時間: 2012-5-3 15:06

我大白個不銹綱籠都有3面加亞加力膠板, 一來防止咬籠布, 又可以隔少少聲, 可以WhatsApp d 相比你睇!
jennymok 發表於 2012-5-3 13:55

完全冇用架~要防聲就算鑽左一個細孔~立即封番~已經失去好大效力~何況你只得三面亞加力~

作者: mimi26 時間: 2012-5-3 16:17

養左十年,係斷斷續續咁樣,一到新環境,佢會安靜幾個月唔叫,隨後又慢慢故態復萌,如果比佢出籠.基本上佢唔會叫,但係要人望住佢先放心,因為屋企有狗,而早上6點開籠比佢出黎既話,就要有人守住佢囉,人就休息唔夠,我試下慢慢推遲佢個訓覺時間,希望會好d.
其實只要係黑炆炆,佢大叫程度應該有改善,因為冬天黑,佢朝早都唔多叫,如果陰天,佢都係叫兩聲算數,但如果大晴天好似今日咁,就黎料啦.所以隔聲一定要做左先,之後加板(for落布,等佢唔會扯到) 再推遲佢生理時間,等佢訓晏少少,希望三管齊下有好轉!
亞加力可以係邊買到,同埋可以點整呢?我冇鑽洞機個d大型工具,可以現成買到嗎?

點都好我真係好多謝各位比我既意見!

作者: 小B 時間: 2012-5-3 17:37

我大白個不銹綱籠都有3面加亞加力膠板, 一來防止咬籠布, 又可以隔少少聲, 可以WhatsApp d 相比你睇!
jennymok 發表於 2012-5-3 13:55

每晚比佢出黎同佢玩過半鐘, 一路模佢,我一路睇劇集,我睇完後要佢入籠訓覺 ,已經10點幾!
佢大叫時 , 我會放佢最怕的金屬米奇老鼠鐘係佢籠前面, 即刻收聲 !
試吓找些佢怕的東西 , 公仔之類 , 可以搖擺更好, 看可有作用!

作者: carolee 時間: 2012-5-3 23:41

隔音膠邊，如果妳有需要，可給妳用，應該足夠妳一個房間用，這些都是雀友joelee給我的：

阿加力膠板，為方便拍攝，用抽濕機扮鳥籠，介一塊大過籠子平面的膠板：

在膠板上再笠上布套，由於膠板大於籠子，籠布離籠子有幾吋，雀雀便攪唔到：

在窗台上多安裝一set鋁窗（工程仍在進行中）：

作者: carolee 時間: 2012-5-3 23:46

膠板週圍都有得介，阿加力舖就有，如在荃灣附近，更可去主席舖頭介

作者: carolee 時間: 2012-5-3 23:47

另外，選又厚又實遮光布作窗簾好重要，最好選近似酒店咁厚果d，除了可把房間遮到黑蚊蚊外，厚布更可吸去部份嘈音，所以之前我也多安裝一塊在房門內

作者: wailamzai 時間: 2012-5-3 23:58

其實既然見到人就唔叫，可唔可以放係自己床邊一齊訓？

作者: YVONNE 時間: 2012-5-4 02:28

http://www.youtube.com/watch?v=P ... 28&feature=plcp
這個設計現場效果大概減到60-70%, 所以發仔和吵吵一直沒有變成豉油王朱冠同白切大葵, 不過不容易做到, 因為要在裝修前考慮出入風位, 令氣孔數目減至最低, 而且費用頗高昂, Carol的建議可能更合適, 活動性也較強

作者: fishball 時間: 2012-5-4 09:28

另外，選又厚又實遮光布作窗簾好重要，最好選近似酒店咁厚果d，除了可把房間遮到黑蚊蚊外，厚布更可吸去部份嘈音，所以之前我也多安裝一塊在房門內
carolee 發表於 2012-5-3 23:47

Carol,

想請問你果隻隔音貼係邊度可以搵到.... 呢???

作者: carolee 時間: 2012-5-4 10:55

Carol,

想請問你果隻隔音貼係邊度可以搵到.... 呢???
fishball 發表於 2012-5-4 09:28

興業塑膠五金制品廠,
灣仔同旺角都有舖頭:
灣仔就係譚臣道 98 號地下
旺角就係新填地街 328 及 330 號地舖

你可以講比佢聽你想點樣隔音，有咩嘢用途，佢有好多不同款式和產品，配合不同需要，果次我去旺角果間請教店員，佢仲各種size嘅膠邊都剪咗sample比我叫我回家試清楚邊款啱先再來買

後來joelee話佢之前買咗用剩可以幫我整，咁先冇去幫襯

作者: 風中飛鸚 時間: 2012-5-4 11:01

養左十年,係斷斷續續咁樣,一到新環境,佢會安靜幾個月唔叫,隨後又慢慢故態復萌,如果比佢出籠.基本上佢唔會叫,但係要人望住佢先放心,因為屋企有狗,而早上6點開籠比佢出黎既話,就要有人守住佢囉,人就休息唔夠,我試下慢慢 ...
mimi26 發表於 2012-5-3 16:17

我學左10年~練左10年~研究左10年~終於有點丁多心德~相信短短文字~不足夠將30年功力傳授晒俾你~希望你搵D舊POST有介紹過點整~自己吸取到幾多就幾多啦~

如果有心解決問題~問題必能迎刃而解~

作者: mimi26 時間: 2012-5-4 17:50

多謝咁多位，我琴晚冇時間揾膠板同度遮光布，因為搬左新屋不久，佢冇叫一排，近來又黎料先要準備。不過琴晚我延遲左佢食野訓覺時間，開住籠兩小時由佢自出自入，我係隔離做自己野，得閒就理下佢。晚上照圍布，十點先推入房訓，今朝直到七點都冇叫！當中我仲入左兩次房拎野！好開心

作者: carolee 時間: 2012-5-4 23:12

咁就好喇！

辦法總比困難多，不要輕言放棄，加油！

作者: joankong 時間: 2012-5-4 23:58

加油啦,唔好放棄

雖然我屋企係一個難民營,但無論我d鸚鵡點嘈都唔會比人投訴,諗落都真係幾好

作者: candyng 時間: 2012-5-12 21:38

黑布放在黑暗房間一定唔得鸚鵡孤單更加大叫,籠布只蓋三面,正面遮窗紗白色半透光透风,每朝6-7點d鸚鵡要食野,晚上2點我睡觉放野食,朝朝7點自己邊食邊玩,我隻大葵花仔灰鸚仔朝朝11點等我訓醒先會叫,朋友5隻鸚鵡都ok,試遮窗紗一定得,同佢玩多d

歡迎光臨 PARROT-TREE (http://forum.parrot-tree.com/)