PARROT-TREE - Powered by Discuz! Board

標題: 如果係你,你會點做 [打印本頁]

作者: makjoe 時間: 2012-5-5 10:06 標題: 如果係你,你會點做

我12月果陣盲中中咁係雀街買左隻灰鸚，當時咩都唔識，人地話六個月我地又信（眼圈已經係黃色），（我係雀街中間果檔，而家都仲有灰鸚個頭堆埋一齊，淨係搵個patpat对住人，果度買。），到而家隻雀都係見親人就鬧，上唔到手，唯一進步就係肯係我手上攞瓜子食，我有時會夾硬做佢上手，佢會咬一兩啖，然後不停大叫，如果係你地,你地會點做，可以令佢變得馴d，唔好咁惡！

作者: macbrush 時間: 2012-5-5 10:26

本帖最後由 macbrush 於 2012-5-5 10:51 編輯

我隻又係12月到收養，不過係成雀收養，而家都快3歲。到現在都係唔肯上手唔肯出籠，會又咬又驚，不過其他訓練就尚可。我認為為一可以做既就係慢慢來，唔得就再慢D再細步D。有時佢飛左出來，手就唔肯上，比支棍佢迫到埋身就一路大叫都會上 (有時會驚到返轉用腳，不過都係會上棍，奇雀)，不過行兩步就會飛走。我而家就不停咁繼續訓練其他動作，不停咁等佢習慣開住個籠，慢慢引佢出籠，引佢上手。其實上兩個禮拜有次係引到佢唔經唔覺上左手，不過好失敗，因為我當時太開心，一時心急就陏左，即時就想帶佢去企棍，一陏佢就嚇到飛走左，咁佢又試好驚，即係又前功盡廢。唸返轉頭，其實應該唔好陏，繼續做原來既訓練，再引返佢離開隻手，慢慢分開幾日至一星期，等佢習慣可以唔洗唸就行上手，再慢慢開始陏隻手小小，又番原位比佢再適應。咁一小步一小步應該而家都上到手，可惜浪費左個機會，而家又唔知要等幾耐佢先再夠膽爬籠邊玩，玩到不知不覺上番手……

作者: LEELO 時間: 2012-5-5 10:36

你買了隻野雀了~！！！
眼白已變黃色起碼兩歲過外~
你可能做的只有用多D愛心與時間和牠相處
要馴服野雀不是易事，好用比人工繁殖鳥更
多的時間和更大的愛心對待牠，沒有什麼秘
方可一時三刻就馴服。

作者: 鸚鵡主義者 時間: 2012-5-5 10:43

提示: 作者被禁止或刪除內容自動屏蔽

作者: OnOn 時間: 2012-5-5 11:11

你買了隻野雀了~！！！
眼白已變黃色起碼兩歲過外~
你可能做的只有用多D愛心與時間和牠相處
要馴服野雀不是易事，好用比人工繁殖鳥更
多的時間和更大的愛心對待牠，沒有什麼秘
方可一時三刻就馴服。
LEELO 發表於 5-5-2012 10:36

現在只有用時間去改變.

作者: 風中飛鸚 時間: 2012-5-5 11:17

1我唔會買~
2只有花多D時間~
3有位雀友"煙花"好多年前收養左隻灰鸚~遇神殺神~遇佛殺佛~多多手指伸入籠都咬斷你~有人行近D個籠都發晒狂~主人用左好多時間~現在有幾好?要由佢自己分享~

作者: parrotlove 時間: 2012-5-5 11:25

点樣先知道係野雀 ?

作者: Louis 時間: 2012-5-5 11:30

未必一定係野鳥, 可能買左隻二手觀賞鳥.
有d人未考慮清楚就買雀, 遇上工作/家庭/學業轉變, 隻雀就被長困籠中, 漸漸變成觀賞鳥, 變得怕與人作身體接觸.
呢d雀需要好多耐心與時間去再次獲得信任, 如果屋企有其他雀可以上手, 就比較容易令隻雀再信番人.
首先要幫隻雀剪翼, 令隻雀自己知道失去逃走能力, 唔能夠逃走就唯有面對.
你唔需要迫隻雀上手, 只需要開左雀籠度門, 任隻雀自由活動, 就算唔出籠都唔好迫隻雀.
然後你就同其他雀玩, 俾隻雀望你地玩, 食零食, 等隻雀自己慢慢降低戒心. 鸚鵡係好奇心強, 貪玩, 及群體動物, 慢慢會八卦你地做乜, 想參與, 或者想攞零食. 同其他雀玩既時候最好坐地下, 因為雀天性覺得企高先會安全, 可以隨時飛走, 要俾隻雀見到其他雀晌地下玩及周圍踱步都好安全, 第一步係令隻雀肯行出雀籠望你地玩, 第二步係令隻雀會自己爬落地周圍行, 當隻雀晌地下, 會好機警, 有乜事就想爬高或飛起, 因為剪左翼飛唔走, 此時遞隻手應該會企上去, 怕咬可以用毛巾或衫袖包住隻手, 上手後唔係放入籠, 係放上一個地上既企架, 俾隻雀再觀察, 等定神過後再行落地, 企架度最好有少少零食. 重複以上令隻雀慢慢消除戒心, 明白周圍環境及上手係安全, 唔係捉佢.
慢慢來, 我都有幾隻N手成年鸚鵡, 最長一隻用左五年去獲得信任, 雖然唔可以攬住玩, 但可以企上手唔咬人, 平日可以輕輕鬆鬆唔再緊張怕人亂撲, 我覺得已經好足夠, 起碼唔會因精神緊張影響健康, 因分離焦慮而咬毛.

作者: makjoe 時間: 2012-5-5 12:05

我都明白因為養雀前冇足夠既準備，而買左一隻唔係我心目中既雀，但佢返得黎我屋企，就係一種緣份，所以我一定養到佢終老，其實佢已經進步左好多，而家夾硬上手之後，雖然一路會叫，但都肯企係手，但我驚夾硬黎有反效果，但佢真係好自閉，成日喱埋，我覺得佢好可憐！

作者: makjoe 時間: 2012-5-5 12:07

帶多D佢出街見人有冇幫助？

作者: cc4321 時間: 2012-5-5 12:17

唯有用真誠打動佢

作者: LEELO 時間: 2012-5-5 14:36

10# makjoe

現階段唔好帶佢出街住，佢連你屋企環境都未習慣，
帶佢出街只會更驚，都係果句要用好長時間~!

作者: 風中飛鸚 時間: 2012-5-5 14:38

睇過段片捉野生灰鸚~用老鼠膠~好殘忍~

作者: BABYPAPA 時間: 2012-5-5 15:09

順其自然吧！

作者: parrotlove 時間: 2012-5-5 15:33

睇過段片捉野生灰鸚~用老鼠膠~好殘忍~
風中飛鸚發表於 2012-5-5 14:38

主席禁点樣分係野生 ?

作者: makjoe 時間: 2012-5-5 17:18

收到，佢對我老公好d,咁係咪淨叫我老公攪佢，令佢安全感多D！

作者: tsw 時間: 2012-5-5 22:13

收到，佢對我老公好d,咁係咪淨叫我老公攪佢，令佢安全感多D！
makjoe 發表於 2012-5-5 17:18

無错慢慢黎

作者: jojo_brilliant 時間: 2012-5-5 23:29

慢慢來吧!
時間耐左，小動物會知既!

作者: carolee 時間: 2012-5-5 23:31

用心去愛他，他慢慢一定會明白和接受

作者: tsw 時間: 2012-5-5 23:37

鸚鵡=小朋友,用心

作者: makjoe 時間: 2012-5-6 00:17

我本身係幼稚園教師，自問耐性都0K，因為而家大部份小朋友係小魔怪，但相對鸚鵡，小朋友易攪好多，我有信心4個月教到班小朋友好聽我話（但唔包括聽家長話），但鸚鵡我真係完全冇把握，我真係要好好向大家學習！

作者: parrotlove 時間: 2012-5-6 01:09

鸚鵡=小朋友,用心
tsw 發表於 2012-5-5 23:37

Agreed

作者: makjoe 時間: 2012-5-12 11:10

經過2星期既不厭其煩既努力，隻衰野終於肯上手，不過一路上一路閙，好攪笑！

作者: 林林柿 時間: 2012-5-12 11:40

經過2星期既不厭其煩既努力，隻衰野終於肯上手，不過一路上一路閙，好攪笑！
makjoe 發表於 2012-5-12 11:10

愛可感動一切

歡迎光臨 PARROT-TREE (http://forum.parrot-tree.com/)