PARROT-TREE - Powered by Discuz! Board

標題: 點算 help [打印本頁]

作者: micmic 時間: 2012-5-7 09:54 標題: 點算 help

呢兩日見到雞尾6歲好似冇乜心機, 今朝見到佢呼吸好似有少少用力,條尾上下輕微郁,便便成形但比平時冇咁實淨見佢冇平時咁有活力係咪我多疑呢?
琴晚仲飛到撞到添咁多年都未試過鼻仔都損埋歌有唱但唱少左叫少左…雖然表面好似正常有玩有食有好奇心但硬係覺得有d唔妥好擔心平時咬我會損架麻呢兩日都唔損感覺力方面弱左
唔敢拖諗住一陣放學帶佢睇醫生, 驗下便便先…
想請問係咪乜病都要食抗生素?因為之前帶過2隻灰鸚去睇醫生…2次好似唔理咩病都要食抗生素先…我唔想佢地食抗生素
呼吸道病或者腸胃病唔食抗生素會唔會好番??

“”當雀鳥有病需求診於獸醫時，大部分獸醫會首先查看病鳥羽毛顏色、用手感覺其胸骨、體重及留意其糞便；他們大多會斷症為消化不良、營養不良及氣管炎等。大部分的那樣症狀會被處方抗生素治療，其他真正問題是較忽略的。在未明確斷症後接受抗生素的雀鳥 / 鸚鵡亦同時被破壞了胃腸道的有益細菌 ( beneficial bacteria )。尤其是在換毛期前後的雀鳥、幼鳥、病鳥、弱鳥、老鳥或受壓抑過的健康鸚鵡 / 雀鳥等，此時正更需要有益細菌保護其健康消化系統所需。””http://www.mybird.com.hk/parrotpage/parrotpage36.htm

作者: 風中飛鸚 時間: 2012-5-7 10:17

我讀得書少~只憑經驗分享~有時會同雀友分享~你的鸚鵡如果睇醫生一日後死~唔睇就三日後死~
(好多都問可能唔死嗎?)原來有機會係你所指的~

作者: Louis 時間: 2012-5-7 12:43

抗生素作用係殺滅細菌, 如病症係由細菌感染引起, 食抗生素就可以幫助治療該病症.
如果病症係由真菌感染引起, 就要食抗真菌素, 食抗生素無用.
如果病症係由病毒感染引起, 就要食抗病毒素或者干擾素, 食抗生素無用, 仲有就係以現時醫學, 好多種病毒都未有藥物可醫.
如果病症係由過敏引起, 就要食抗敏藥, 食抗生素無用.
所以醫生係唔會亂開抗生素.

食抗生素後腸道內所有益菌害菌, 統統會被殺死, 所以服藥後一小時, 可以食益生菌產品或乳酪補充腸道益菌.
如果有呼吸系統疾病唔食藥, 主人只可以祈禱, 希望隻雀捱得過呢關, 唔會惡化成肺炎.
如果有腸胃病唔食藥, 主人亦可以拜神, 祈求隻雀捱得過呢關, 唔會痾到虛脫.
仲有係唔知隻雀有無發燒, 唔幫隻雀退燒, 死路一條.

上面網址段文字未能講出事實全部, 當隻雀病緊, 你帶去睇獸醫, 獸醫會要求驗好多野, 就係要知道病因及病源, 對症下藥.
取樣本過程有機會令隻雀過度驚嚇而死亡, 所以唔好拖到最後隻雀好虛弱至去睇獸醫.
主人當然可以拒絕做任何化驗:
a.)有d醫生就會按當時臨床病徵作判斷, 先處方較溫和藥物, 以免延誤病情, 但係呢d藥藥效慢, 甚至會無效, 常會被主人誤以為拖症;
b.) 有d醫生怕用錯藥, 會拒絕處方任何藥物;
c.) 有d醫生會照開藥試, 主人就要明白此時係無做任何化驗下或未有化驗結果下冒險試藥, 風險係好彩就醫得番, 唔好彩就延誤病情或令病情惡化. 拎去俾雀舖或雀友醫, 就如此情況, 不過平過睇醫生.

如果不幸做齊化驗都醫唔好, 主人已做足本份儘晒力, 唔好怪責自己.

作者: jennymok 時間: 2012-5-7 14:20

抗生素作用係殺滅細菌, 如病症係由細菌感染引起, 食抗生素就可以幫助治療該病症.
如果病症係由真菌感染引起, 就要食抗真菌素, 食抗生素無用.
如果病症係由病毒感染引起, 就要食抗病毒素或者干擾素, 食抗生素無用, ...
Louis 發表於 2012-5-7 12:43

Louis, 解釋得很清楚, thanks!

作者: pinko 時間: 2012-5-7 14:39

作者: micmic 時間: 2012-5-7 15:21

講解好詳細!唔該louis
即係如果係呼吸或者腸胃病就一定要食抗生素?!

我都唔知帶唔帶佢去睇醫生好...因為佢真係超細膽
.....細膽到連自己拔出來既毛都驚......又驚原來冇病但睇完嚇病..
已經Book左醫生要聽朝11:00先有得睇..岩岩見佢仲有左騰右騰發情係條棍磨囉柚磨完唱左首歌...希望聽朝睇唔會拖太耐啦
今次呢間未睇過...雀友介紹的...但個女醫生之前比人告唔識醫醫死狗咁濟...雖然個姑娘話佢”緊係識醫雀”...但都有小小擔心

作者: tsw 時間: 2012-5-7 18:57

歡迎光臨 PARROT-TREE (http://forum.parrot-tree.com/)