PARROT-TREE - Powered by Discuz! Board

標題: 自己賣雀仲好意思寫出黎比人睇嘅?! [打印本頁]

作者: jennymok 時間: 2012-5-31 16:57 標題: 自己賣雀仲好意思寫出黎比人睇嘅?!

今曰放病假, 响屋企上網睇到一個blog, blog主話佢2007年賣咗隻葵, 仲懶有reason, 又話唔開心, 又話隻葵揾到一個錫佢嘅主人, 都係好事! 最尾咪為咗錢, 都唔知呢d人點教仔呀

"俏孖咪blog: 大眼仔賣咗啦! 事原係咁~ 我地養咗3隻鸚鵡, 灰鸚-毛毛, 中葵花-大眼仔, 藍頭亞馬遜-肥野, 由於Twins出世, 所以將佢地攞晒返勁爸b公司, 放咗响一間房入面, 點知, 過咗一排, 勁爸b d生意好似差咗, 於是佢就問幫佢睇風水嘅黃太, 原來果間房係唔可以放d郁得嘅野!

咁我地就決定將佢地寄養响上環間雀仔鋪, 勁爸b就日日都去探佢地, 有一日, 老細話有個人好like大眼仔, 話出$6000買喎, 哈哈~ 勁爸b緊係唔制喇! 過咗幾日, 老細話有個女人出$7000, 勁爸b都唔制, 又過咗幾日, 老細話果個女人好like大眼仔, 大眼仔又肯上佢手, 依家佢出$7500, 叫勁爸b賣咗佢喎! 又話大眼仔只係識講幾句說話, 應該唔會再學到啦! 勁爸b就話, 如果$8000就賣喇!

事關我唔係太like大眼仔, 因為佢真係好嘈, 又成日大聲叫, 仲一拍翼就甩好多灰, 攪到一屋都係塵! 上星期五(31-8-07), 勁爸b去探佢地, 噢~~~已經賣咗啦!!! 勁爸b超唔happy! 我就有少少啦! 話晒都養咗兩年半, 點都有感情, 不過諗諗下, 依家都好, 因為佢呢個品種, 唔係好啱我地, 賣咗俾一個錫佢嘅主人, 都係好事!"

作者: jennymok 時間: 2012-5-31 17:01

呢個主人都唔知點養雀架! 2008年佢隻藍頭隻腳出咗事, 要去大圍切咗隻腳指!!!

作者: 林林柿 時間: 2012-5-31 17:04

呢d人......唉

冇野好講...咩人都有....

作者: Daddy 時間: 2012-5-31 17:33

呢個主人都唔知點養雀架! 2008年佢隻藍頭隻腳出咗事, 要去大圍切咗隻腳指!!!
jennymok 發表於 2012-5-31 17:01

咁唔好咩~

比距養會冇曬D腳指蝸~

作者: Cozzy 時間: 2012-5-31 17:42

今曰放病假, 响屋企上網睇到一個blog, blog主話佢2007年賣咗隻葵, 仲懶有reason, 又話唔開心, 又話隻葵揾到一個錫佢嘅主人, 都係好事! 最尾咪為咗錢, 都唔知呢d人點教仔呀 ...
jennymok 發表於 2012-5-31 16:57

呢個世界好多呢D人~~~~
見怪不怪了,
我地只可以做好自己~~~~

作者: louisa20047 時間: 2012-5-31 17:45

1# jennymok

睇文~我唔想留意個前主人啦~只希望個新主人對隻葵好啦

作者: jennymok 時間: 2012-5-31 17:58

1# jennymok

睇文~我唔想留意個前主人啦~只希望個新主人對隻葵好啦
louisa20047 發表於 2012-5-31 17:45

佢隻葵花好cutie架, 都唔明d人話"唔太like, 唔係好啱我地", 當初就唔好買啦!
唉! 好多人棄養葵花都係話佢地嘈同羽粉多, 葵花類真可憐呀

作者: clymcm 時間: 2012-5-31 18:04

俏媽咪最後一句寫得最動聽~

作者: louisa20047 時間: 2012-5-31 18:30

佢隻葵花好cutie架, 都唔明d人話"唔太like, 唔係好啱我地", 當初就唔好買啦!
唉! 好多人棄養葵花都係話佢地嘈同羽粉多, 葵花類真可憐呀
jennymok 發表於 2012-5-31 17:58

我最愛的葵花呀

作者: jennymok 時間: 2012-5-31 19:09

我都係越來越愛葵花呀!

作者: louisa20047 時間: 2012-5-31 19:11

我都係越來越愛葵花呀!
jennymok 發表於 2012-5-31 19:09

同道中人你好

作者: rainny 時間: 2012-5-31 19:26

總係有O的不負責任O既主人~~ .\ /.
不過雀店老闆... 點解可以無啦啦賣O左人隻雀又唔通知人??

作者: bird-bird 時間: 2012-5-31 19:59

總係有O的不負責任O既主人~~ .\ /.
不過雀店老闆... 點解可以無啦啦賣O左人隻雀又唔通知人??
rainny 發表於 2012-5-31 19:26

因為文中提到 "勁爸b就話, 如果$8000就賣喇! " 咁個老細就賣，不過應該吾止呢個價囉。咪點會賣得咁快。

作者: angushui74 時間: 2012-5-31 20:07

因為風水嘅問題就賣左佢,太不負責任la

作者: lcet1234 時間: 2012-5-31 20:11

本帖最後由 lcet1234 於 2012-5-31 20:17 編輯

因為風水嘅問題就賣左佢,太不負責任la
angushui74 發表於 2012-5-31 20:07

仲有其實我覺得係同風水無關係囉

作者: jennymok 時間: 2012-5-31 21:10

因為風水嘅問題就賣左佢,太不負責任la
angushui74 發表於 2012-5-31 20:07

係啦! 唔通生咗個仔, 風水佬話個仔唔利個父母, 又唔要佢呀! 生意唔好竟然賴隻雀

作者: Jill 時間: 2012-5-31 21:53

係啦! 唔通生咗個仔, 風水佬話個仔唔利個父母, 又唔要佢呀! 生意唔好竟然賴隻雀
jennymok 發表於 2012-5-31 21:10

原來你同我一樣好中意用人做例子

作者: 錢多多 時間: 2012-5-31 22:51

有無搞錯架，甘對鸚鵡。多羽粉，大聲，買佢番屋企就應該知道啦。
生意唔好，同待人處事有關，佢甘樣對鸚鵡，就知道佢系一個容易放棄，不負責任，不思前顧後的人。

作者: shadow 時間: 2012-5-31 23:40

距房間唔放得鬱嘅野，遮系人都唔入得去啦？挪黎UP

作者: Lucky 時間: 2012-6-1 00:29

人類本自私，鸚鵡為食唯有滿足養者需要，難道牠們愛玩把戲，愛學人類語言，人們養牠們不就為滿足自已，有些更一代接一代被人關起，失去本能，養者自說其圓，把牠們放走不是送死，你有多愛鸚鵡，什麼不捉野生的，多少種鳥來自野生，什麼我愛鸚鵡，不是死了一隻又買一隻，愛牠就不要買牠，不能再飛的鸚鵡只能當是一隻在地上走的雞，人們自私，我也自私，因我也養鸚鵡，以上純粹個人意見，如有得罪，多多包含。

作者: Daddy 時間: 2012-6-1 00:40

本帖最後由 Daddy 於 2012-6-1 00:46 編輯

係啦! 唔通生咗個仔, 風水佬話個仔唔利個父母, 又唔要佢呀! 生意唔好竟然賴隻雀
jennymok 發表於 2012-5-31 21:10

不過依家好多人都仲係信風水呢~

如果唔係 ~風水陳點可以咁有錢~
所以D人賴得就賴~

作者: Lucky 時間: 2012-6-1 01:28

17# Jill
呢個例唔好，如果有醫生話你個仔對鸚鵡敏感，要你選其一，難道你會選鸚鵡，呢啲就係自私嗎，OK，你選了個仔，隻雀比人，放走定落鋪，你會送愛護動物協會嗎，落鋪又比人說為錢了，人有選擇，有時總學批評時要客觀，語氣得體，有些事總不一定能分對錯，賣雀的人不一定不懂教仔，高價賣出也沒什麼大不了，誰人不愛金錢，不愛只是騙人吧，你家鸚鵡總有個價吧，小孩養小鳥病了，你叫人帶去睇醫生，沒錢叫人不要養，我隻睇一次醫生千幾，難道叫個小孩送隻幾拾蚊嘅雀去醫，有人話無錢就唔好養，何時養雀變有錢人玩意了，有誰小時未養死小動物，我就不知養死多少，屋企巴西龜病，最多去魚街買啲藥，隻金錢龜病，幾千蚊都要醫，有多少人和我一樣。

作者: louisa20047 時間: 2012-6-1 02:41

本帖最後由 louisa20047 於 2012-6-1 02:42 編輯

17# Jill
呢個例唔好，如果有醫生話你個仔對鸚鵡敏感，要你選其一，難道你會選鸚鵡，呢啲就係自私嗎，OK，你選了個仔，隻雀比人，放走定落鋪，你會送愛護動物協會嗎，落鋪又比人說為錢了，人有選擇，有時總 ...
Lucky 發表於 2012-6-1 01:28

我認同你講~"有些事總不一定能分對錯，賣雀的人不一定不懂教仔，高價賣出也沒什麼大不了，誰人不愛金錢，不愛只是騙人吧"

但我覺得~健康問題係特別例子~如果其中一方有健康問題~作出特別處理唔係問題~咁好合理
我地只係睇唔過眼D人因為一D一早就知會發生的事~但冇視佢地~到真正面對果時~就以一個唔負責任的方式解決~例如隻雀會大叫~主人結婚生仔~里D係一早知道會發生的事~但雀大叫~主人唔教~去到一日俾人投訴出律師信就話被逼~主人長大會結婚生仔~一早知的事~如果自己係會為家庭放棄寵物的~就唔應該養咁長命的生物~唔係刻薄~咁點解要養50年命的鸚鵡~養15年的LB就好了~十幾歲開始養~養到廿幾三十~隻雀過身了~自己就去結婚~咁就唔會有"遺憾"了
生個BB出黎~如果有健康問題~咁係突發事故~冇得預料~如果真係解決唔到~冇辦法
但心態係一個問題~唔係講到自己好大仁大義~滿肚苦水~錯都不在自己身上

作者: 養鳥新丁 時間: 2012-6-1 02:45

令人作嘔的偽善者.....兩個字
[attach]43131[/attach]

作者: yimaggie 時間: 2012-6-1 02:58

令人作嘔的偽善者.....兩個字
43131
養鳥新丁發表於 2012-6-1 02:45

x100000

唔捨得又要開個價俾人...想點呀....袋左錢落袋先話唉哎其實我唔想賣....$*%%$#@

作者: Lucky 時間: 2012-6-1 03:27

不明偽善者，何在此偽善，難道有所得益，相信人家想舒發一下吧了，何必引來狠批，現今社會太多年青人未學做人先學批評，大學生也如此，感既，當然大家在作者數字間有所感想，但見到有些字間未免令人不舒服，大家養雀只求開心，滿足，何必偽善，無恥，難道買雀善，賣雀惡，用雀賣錢要剎頭，討論可以，何必幼稚。

作者: 養鳥新丁 時間: 2012-6-1 03:31

不明偽善者，何在此偽善，難道有所得益，相信人家想舒發一下吧了，何必引來狠批，現今社會太多年青人未學做人先學批評，大學生也如此，感既，當然大家在作者數字間有所感想，但見到有些字間未免令人不舒服，大家養雀 ...
Lucky 發表於 2012-6-1 03:27

搶佔道德高地~~~自以為高高在上

俾個Good你

作者: BABYPAPA 時間: 2012-6-1 08:37

人家賣雀怎麽理得人咁多呢！頭痕咩！但

作者: cc4321 時間: 2012-6-1 09:00

人家賣雀係人家嘅事,何必站係道德高地對人指指點點

作者: Lucky 時間: 2012-6-1 09:47

無人賣，又點會有雀買。

作者: cc4321 時間: 2012-6-1 10:06

30# Lucky

雀店賣雀賺錢佢地覺得理所當然,但私人理由賣雀佢地就會好多野講,唔知咁算唔算係雙重標準

作者: rainny 時間: 2012-6-1 10:35

本帖最後由 rainny 於 2012-6-1 10:40 編輯

因為文中提到 "勁爸b就話, 如果$8000就賣喇! " 咁個老細就賣，不過應該吾止呢個價囉。咪點會賣得咁快。
bird-bird 發表於 2012-5-31 19:59

我係諗點解佢賣之前唔打比人 CONFIRM 先去買~
睇個情況其實 PAPA 唔係真係好想賣~

作者: yimaggie 時間: 2012-6-1 10:42

可能店主都覺得隻雀嘈佢又要長期寄養o係度倒不如送走佢好過

作者: christy622 時間: 2012-6-1 11:09

喺呢度聽到賣雀反應何其大, 情況就好似外國人見我地幫佢地上哂腳鏈, 見到一定鬧爆你, 做對與否都最好唔好批評人, 其實人家每天也在批判我們

作者: 風中飛鸚 時間: 2012-6-1 11:10

我先表態~唔幫舊主人~因為佢有幾點都做得好差~對錯在那裡?
我指出佢做得唔好~態度唔好~令人反感~

但誰人定對錯?我們不可以~
我們只可以討論分享~因為我們養鸚鵡都未必是對~
我只可以指佢對生命唔尊重~7500元同8000元係有分別?本人只覺得75至80呢一點~好有問題
佢聽到人家非常喜歡~就拉鋸價錢~以賣得好價為榮~仲寫出黎~
應該在床下底偷笑~笑到飽爬番出黎就一殼眼淚~楚楚可憐迫於無奈樣子~忍痛以低價8000出讓~

作者: Lucky 時間: 2012-6-1 11:39

31# cc4321 一啲都無錯，標準嘅嘢每個人唔同，有人覺得雀店賣雀賺你錢理所當然，有人覺得雀主人買咗雀就要照顧一生一世，人係善變，今日在此你講有多愛你的雀，或者希望在此網站得到多點愛雀人士的付和，但一天當你要作重要決擇時，永遠你的雀不會排在首位，單以養雀為例，人養雀目的其實好簡單，談不上什麼不道德，因由捕捉開始已不道德，有求才有供，唔通我買好多雀，揾好多人照顧佢一生一世就叫道德，所以只係度問題，喺呢度我講我陳日買咗隻金剛，我就算自已唔食都要喂飽佢，無論生老病死都照顧佢一生一世，一定好多人讚我負責人，但在街上對人講，可能人哋叫你睇精神科，所以我從來不會對一些作出買賣既人有咩評價，因為我本身亦有試過，我喺個自私嘅人，我屋企好多動物，我困住佢哋，令佢吔失去自由，我為咗娛樂自已，用食物引誘佢學動作講說話，我唔排除有一日我會放棄晤養，但至今我仍令佢吔食得飽，但我比嘅永遠唔係佢哋真正需要嘅，有時佢大叫，有人話正常，但我想佢可能X丫Z緊你，但無辨法，我唔係雀，唔識你講乜叉，最多我教你講多謝，我比啲好嘢你食，我把尺大致甘，養雀目的為娛樂，當然要盡什麼人道食得飽著得暖，但當我沒選擇下，我會放棄你們，因為寵物就是寵物，總比做雞牛好，我見過一只將被剎的牛流淚，當時我想剎牛嘅人無恥，但原來我都無恥，我食牛，所以我想養雀就養雀，健康快樂就好，養了不快樂當然放棄，人之常理，何必要拖到教仔呀，無恥呀，自以為高X呀等等。。。。。見笑了。

作者: 風中飛鸚 時間: 2012-6-1 11:47

曾經有觀鳥會批評全世界養任何品種鳥的人~(由其事鬥雀)

鳥是在空中飛翔~用籠困住一生一世~遠比養貓狗衰~

作者: orgasmaof 時間: 2012-6-1 12:17

其實jenny出哩個post都係針對果個舊主人，其他道德問題都唔係三言兩語講得通…
哩度係養鸚鵡的forum，Lucky的言論對大部分人都唔岩聽，你試下去關於動物保育的forum發表下，隨時做英雄

作者: cc4321 時間: 2012-6-1 12:42

36# Lucky

當你一隻指指住人話人唔啱,其實有三隻手指指住自己,好多人站係道德高地批評人,講真只係掩飾自己嘅自私,正如你所講,養寵物係自私行為,試問佢地有咩資格去批評人不是,如果果位舊主人係免費比人領養,相信呢度班衛道之仕態度即刻唔同哂

作者: Lucky 時間: 2012-6-1 12:43

38# orgasmaof

我知無失言同多言了。

作者: BABYPAPA 時間: 2012-6-1 13:10

38# orgasmaof

我知無失言同多言了。
Lucky 發表於 2012-6-1 12:43

你説正路話，很岩聽！這裡就是要多些勇於表達不同想法的人！

作者: jennymok 時間: 2012-6-1 13:12

17# Jill
呢個例唔好，如果有醫生話你個仔對鸚鵡敏感，要你選其一，難道你會選鸚鵡，呢啲就係自私嗎，OK，你選了個仔，隻雀比人，放走定落鋪，你會送愛護動物協會嗎，落鋪又比人說為錢了，人有選擇，有時總 ...
Lucky 發表於 2012-6-1 01:28

每天被棄置嘅寵物多不勝數, 如果唔係有部分鸚鵡係受保護動物, 嗰個主人可能已經送咗隻雀去人道, 而唔係去賣錢喇。呢個世界辦法總比困難多, 如果醫生話個仔對鸚鵡敏感, 答案唔係只有二選其一嘅, 我地讀書除咗求知識之外, 最緊要學懂分辦對錯、點樣去解决問題，縱使一隻野生動物媽媽都會教將離巢嘅幼兒學求生、去解决生存上預到嘅問題, 唔通我地唔識?

如果呢個世界所有野都可以二選其一去解决, 所有事情都好辦好多, 不過我地嘅腦袋亦都可能會退化喇, 因為都唔洗思考囉, 哈哈!

“批評時要客觀，語氣得體?” 縱使報章上嘅社評都有佢自己嘅立場, 何况我嘅立場好清楚, 認為嗰個主人不尊重生命, 只係用籍口(生意唔好、生咗twins、隻雀一拍翼就甩好多”灰”) 去為佢不付責任嘅行為自圓其說, 我唔係做緊中國語文試卷, 批評時要客觀得體去表現我嘅文字表達能力呀!

我都發錢寒架! “你家鸚鵡總有個價吧”Sorry, 我家嘅鸚鵡同我相處咗差不多10年喇, 已經係我人生及生活上嘅一部分, 好似家人一樣。請問你家的鸚鵡何價呢?

總之一句 “己所不欲勿施於人”, 呢句應該夠客觀同得體掛, 中國語文老師!

作者: louisa20047 時間: 2012-6-1 13:23

每天被棄置嘅寵物多不勝數, 如果唔係有部分鸚鵡係受保護動物, 嗰個主人可能已經送咗隻雀去人道, 而唔係去賣錢喇。呢個世界辦法總比困難多, 如果醫生話個仔對鸚鵡敏感, 答案唔係只有二選其一&#22 ...
jennymok 發表於 2012-6-1 13:12

認同~答案唔係只有二選其一嘅~我知道有人因為健康原因~放鸚鵡係另一間屋~另一間屋~又或者公司養~咁就已經可以共存

作者: BABYPAPA 時間: 2012-6-1 13:45

本帖最後由 BABYPAPA 於 2012-6-1 13:47 編輯

唔知主義者又點

睇呢！

作者: louisa20047 時間: 2012-6-1 13:55

36# Lucky

養雀的確求開心~但都要講責任吧?

我冇睇唔起人地賣雀~冇人賣雀~我地的確冇雀買
我一直只係講個心態問題~想賺錢就大聲講想賺錢~所以我唔會罵D店舖市儈~我地只會罵D店舖賣病雀~講大話~不實商人~商人當雀係貨~用貨角度黎講~冇人希望買到貨不對版/有問題貨~但佢地講大話~山寨貨當名牌貨~次價當貴價~我地接受不了~
主人賣雀~佢地就講到自己好大仁大義~滿肚苦水~錯都不在自己身上~自己有幾咁逼於無奈~為求搵到錢之餘~仲要人地同情佢地~我地接受不了~講真~人地要賣雀我地管不了~但佢仲想要我地同情的淚水?~我睇佢唔起
仲有就係~上面篇文~賣雀就賣雀~講到個主人幾多原因幾唔捨得~但另一面又俾個價出黎~咁我地接受不了

其實問題之於大家係定位問題~有D人當寵物係玩具~我地當寵物係家人

作者: jennymok 時間: 2012-6-1 13:56

唔知主義者又點睇呢！
BABYPAPA 發表於 2012-6-1 13:45

你自己有自己嘅睇法, 又何須理人點睇呢

作者: BABYPAPA 時間: 2012-6-1 14:00

你自己有自己嘅睇法, 又何須理人點睇呢
jennymok 發表於 2012-6-1 13:56

學金句呀，，近来學了pu li ah por/ 小你阿爸~~~~~

作者: 養鳥新丁 時間: 2012-6-1 14:02

學金句呀，，近来學了pu li ah por/ 小你阿爸~~~~~
BABYPAPA 發表於 2012-6-1 14:00

是普你阿摩~~~

作者: jennymok 時間: 2012-6-1 14:02

學金句呀，，近来學了pu li ah por/ 小你阿爸~~~~~
BABYPAPA 發表於 2012-6-1 14:00

成年人喇! 成熟d啦!

作者: 養鳥新丁 時間: 2012-6-1 14:03

36# Lucky

養雀的確求開心~但都要講責任吧?

我冇睇唔起人地賣雀~冇人賣雀~我地的確冇雀買
我一直只係講個心態問題~想賺錢就大聲講想賺錢~所以我唔會罵D店舖市儈~我地只會罵D店舖賣病雀~講大話~不實商人~商 ...
louisa20047 發表於 2012-6-1 13:55

下次同類情況~~應該回應:嘻嘻~~兩個字

世界變了~~王八蛋當道~~
顛倒黑白~~~

作者: 養鳥新丁 時間: 2012-6-1 14:04

成年人喇! 成熟d啦!
jennymok 發表於 2012-6-1 14:02

jenny~~PAPA是大小孩~~~大不透

作者: 養鳥新丁 時間: 2012-6-1 14:04

唔知主義者又點睇呢！
BABYPAPA 發表於 2012-6-1 13:45

潛了水喇~~~眾怒難犯

作者: BABYPAPA 時間: 2012-6-1 14:06

是普你阿摩~~~
養鳥新丁發表於 2012-6-1 14:02

我冇你咁叻説這些！是天生的聰明才智！

作者: 養鳥新丁 時間: 2012-6-1 14:07

我冇你咁叻説這些！是天生的聰明才智！
BABYPAPA 發表於 2012-6-1 14:06

我也是學某個千金~她教壞我的

作者: 風中飛鸚 時間: 2012-6-1 14:10

世事就係咁~一件事~幾個角度睇~一群志同道合的人~都會有幾個板本睇法~
和平討論~發表自己見解最重要~

作者: jennymok 時間: 2012-6-1 14:13

jenny~~PAPA是大小孩~~~大不透
養鳥新丁發表於 2012-6-1 14:04

哦! 原來係小朋友, 唔怪之得咁講野啦! 不過小朋友自小唔學識尊重人, 大咗就好難改架喇!

作者: jennymok 時間: 2012-6-1 14:17

31# cc4321 一啲都無錯，標準嘅嘢每個人唔同，有人覺得雀店賣雀賺你錢理所當然，有人覺得雀主人買咗雀就要照顧一生一世，人係善變，今日在此你講有多愛你的雀，或者希望在此網站得到多點愛 ...
Lucky 發表於 2012-6-1 11:39

"所以我從來不會對一些作出買賣既人有咩評價，因為我本身亦有試過!" 哦! 唔怪之得你好似感同身受咁講出嗰個主人嘅"難處"啦!
其實你都係想為自己做咗嘅野講得合理化d, 你响你角度黎講無錯架! 只係大家嘅觀點與角度不同!

作者: idy_chimwf 時間: 2012-6-1 14:19

其實從一個正常人的角度, 客觀的標準, 不用特別有中文水準, 也看得那個舊主人超衰

, 言詞間的 "哈哈, 啦, ...", 完全看出此人全無歉疚之心, 根本就看不出此人曾經有愛過自己的寵物.
如果有困難引致不能再養的話, 曾試過努力挽救但失敗, 最終要送給別人或賣掉也無話可說, 但此人沒有這樣做, 只是為了賣多了幾佰元而高興, 作為主人就很差勁.
為錢工作, 從買賣中賺錢...本來也是人之常情, 但如果你是為了錢, 把你的朋友賣掉, 接著還要在自己的blog 內, 說出自己賣朋友的經過, 怎樣賣多了一點錢而開心, 又怎樣因為失去了這個朋友而有點傷心的話, 我真的不能夠單單說"每個人生活都為錢"而將此人, 此等涼薄的言行合理化.

作者: 烏龜的 時間: 2012-6-1 14:27

唔知主義者又點睇呢！
BABYPAPA 發表於 2012-6-1 13:45

哈哈哈~~那個雙重標準主義者

我都想睇佢發表下意見~~不過可能人地係到珍惜梗生命中餘下既日子
不再問塵俗世事

作者: louisa20047 時間: 2012-6-1 14:32

哦! 原來係小朋友, 唔怪之得咁講野啦! 不過小朋友自小唔學識尊重人, 大咗就好難改架喇!
jennymok 發表於 2012-6-1 14:13

大細路~年齡上係大人來的

作者: jennymok 時間: 2012-6-1 14:34

本帖最後由 jennymok 於 2012-6-1 14:36 編輯

大細路~年齡上係大人來的
louisa20047 發表於 2012-6-1 14:32

大人外表細路思想?? 都係做細路仔開心d!

作者: BABYPAPA 時間: 2012-6-1 14:35

哈哈哈~~那個雙重標準主義者
我都想睇佢發表下意見~~不過可能人地係到珍惜梗生命中餘下既日子
不再問塵俗世事
烏龜的發表於 2012-6-1 14:27

話下你住公屋犯賤你又叫人珍惜生命中餘下既日子，對白攪鬼！！！嘻嘻！

作者: 風中飛鸚 時間: 2012-6-1 14:50

話下你住公屋犯賤你又叫人珍惜生命中餘下既日子，對白攪鬼！！！嘻嘻！
BABYPAPA 發表於 2012-6-1 14:35

和平討論~唔係ONON放工番黎就鬧架啦~

作者: lcet1234 時間: 2012-6-1 15:38

學金句呀，，近来學了pu li ah por/ 小你阿爸~~~~~
BABYPAPA 發表於 2012-6-1 14:00

係少你丫爸

作者: lcet1234 時間: 2012-6-1 15:42

我也是學某個千金~她教壞我的
養鳥新丁發表於 2012-6-1 14:07

關我叉事

作者: BABYPAPA 時間: 2012-6-1 15:53

本帖最後由 BABYPAPA 於 2012-6-1 15:54 編輯

和平討論~唔係ONON放工番黎就鬧架啦~
風中飛鸚發表於 2012-6-1 14:50

抗議给人問候。仲系冇柄人！

成日少来小去，有違規！

作者: lcet1234 時間: 2012-6-1 16:01

抗議给人問候。仲系冇柄人！
成日少来小去，有違規！
BABYPAPA 發表於 2012-6-1 15:53

最多我以後吾少人囉= =

作者: BABYPAPA 時間: 2012-6-1 16:31

最多我以後吾少人囉= =
lcet1234 發表於 2012-6-1 16:01

自已丢人現眼

作者: lcet1234 時間: 2012-6-1 16:54

自已丢人現眼
BABYPAPA 發表於 2012-6-1 16:31

作者: Lucky 時間: 2012-6-1 17:27

細路仔，而家啲人lQ高，EQ低，討論又中意講哂粗口，邊個唔識講，睇嚟嚟啲人品行未到家，談何人道品德，不如收幾佰企立法會，仲講咩道德高低，本應養雀就係令佢失去自然，雖然各有不同意見，但有人雖不接受他人見解，堅持已見，但唔緊要，唔好講啲無品嘢，要講同隻雀講，等佢日日對你講，好在佢唔知你講乜，呢啲咪叫唔識教仔，無家教囉。

作者: Lucky 時間: 2012-6-1 17:42

唔通我又講無家教嘅人潛水咩。

作者: jennymok 時間: 2012-6-1 21:03

細路仔，而家啲人lQ高，EQ低，討論又中意講哂粗口，邊個唔識講，睇嚟嚟啲人品行未到家，談何人道品德，不如收幾佰企立法會，仲講咩道德高低，本應養雀就係令佢失去自然，雖然各有不同意見， ...
Lucky 發表於 2012-6-1 17:27

算啦! 每個人嘅睇法同立場都會因為自己嘅背境同經歷而有所不同, 過得人過得自己就ok啦!

不過近排睇過一個新手話佢當年養咗隻細葵, 又係因為要賣樓搬屋結婚生仔, 所以唔養得雀要賣咗佢(2006年中), 點知幾年後嘅今曰佢個女又好鐘意動物, 近排就買咗隻達摩BB養, 佢都估唔到繞咗個大圈又養返雀, 亦都好內疚當年賣咗隻細葵。

Lucky, 洗乜咁勞氣! 大家只係討論嗰位主人嘅行為, 為乜要得將自己代入佢嘅處境去解釋呢? 一個EQ高嘅人唔會因為別人對自己睇法而咁激動嘅! 如果自己認為自己做嘅事正確, 又何須得到别人嘅認同呢! 只要諗返轉頭唔後悔咪得囉! 不過往往好多年後、年紀大d後先會覺得係一個遺憾!!

作者: BABYPAPA 時間: 2012-6-2 16:39

大家都大人有大量。

講完就算！

作者: orgasmaof 時間: 2012-6-2 17:05

其實大家都係為雀好,何必動肝火

樹樹哩度有好多高手拯救左好多小生命，如果無哩班高手，d小朋友連見哩個世界的機會都無

作者: 鸚鵡主義者 時間: 2012-6-2 19:03

提示: 作者被禁止或刪除內容自動屏蔽

作者: BABYPAPA 時間: 2012-6-3 00:31

好熱鬧呀
學到好多嘢喎
係呀
我珍惜日子架唔係政府幫我供樓咩
鸚鵡主義者發表於 2012-6-2 19:03

你唔上來主恃公道, 都幾悶埸

作者: Daddy 時間: 2012-6-3 01:06

你唔上來主恃公道, 都幾悶埸
BABYPAPA 發表於 2012-6-3 00:31

來傳播纳X主義~參考主義~悲劇主義

作者: MAHA 時間: 2012-6-3 01:43

果然回歸左,就黎有黑名單

作者: 鸚鵡主義者 時間: 2012-6-16 16:19

提示: 作者被禁止或刪除內容自動屏蔽

作者: Daddy 時間: 2012-6-16 16:52

只要去一去賣雀網大把樹樹會員放雀啦
鸚鵡主義者發表於 2012-6-16 16:19

人地放雀與你何干~

歡迎光臨 PARROT-TREE (http://forum.parrot-tree.com/)