PARROT-TREE - Powered by Discuz! Board

標題: 對寵物睇法~ [打印本頁]

作者: 風中飛鸚 時間: 2012-6-11 13:55 標題: 對寵物睇法~

以我個人為例~多年來對鸚鵡睇法~一直在變~小時候~父親在碼頭與遠洋船員購入葵花鸚鵡開始~
鸚鵡是不能接觸~(當年父親曾經購買很多動物~遠洋船員可能在非洲國家之類~會帶很多動物回港)
我記憶有猴子/鸚鵡/巨龜/蜥蝪/貓頭鷹/~真的多不勝數~幾十年前~無法無天~是我人生早期看寵物的觀念~

到了自己出來社會做事~又開始瘋狂養動物~鸚鵡當然是其中之一~我都係以養寵物咁~到再後期~覺得鸚鵡非常聰明~真係唔簡單~唔可以當一般寵物看待~對有些觀鳥人的指責~覺得非常無理~

慢慢到現在~我想法完全唔同~開始認同某部份觀鳥人士看法~其實自己有冇做錯呢?
暫時我只有做到盡量令鸚鵡得到飛行時間~

到現在~反樸歸真~養寵物唔係一件簡單事~要分開觀賞性寵物~一般觀賞性寵物例如龜/蜥蝪等~
最好唔好養啦~因為觀賞一隻動物~影響佢一生~何必呢?放生又會影響其他野生物種~又會放死~

另外寵物性高寵物~例如貓/狗/鸚鵡~選擇性養一隻半隻好啦~由其是鸚鵡~
一隻原本在天上飛動物~我強行將佢放入屋內養~實在自私~已經養左就冇辦法~
如果未買~請細心考慮~家中已經有寵物~就唔好再加鸚鵡~
唔只要停一停~諗一諗~直頭要停落黎~慢慢諗清諗楚~
1自己有需要隻鸚鵡嗎?
2貓狗可以代替嗎?
3有時間照顧之外~還有時間陪伴嗎?

作者: rainbowparrot 時間: 2012-6-11 17:08

有養寵物的人, 心底裡都明白, 本來寵物在野外有無盡的空間任它行, 飛, 游
有幾多魚類在飼養者手裡大量死亡, 有幾多棄養貓狗蛇龜雀, 店商老闆, 大多數前身都是"玩家", 點解佢地識教人點養? 有經驗? 咁經驗就係因為養過, 病過, 死過, 直至可以有長期唔死既, 才叫做識養, 之後進步到, 識養之外, 點先可以養得靚加健康, 甚至可以用來參加比賽, 貓/狗/魚/雀烏/爬虫展覽, 仲可能有老襯走埋來, 問出高價你肯唔肯讓俾佢

我地就好想做到以下
直至可以有長期唔死既, 才叫做識養, 之後進步到, 識養之外, 點先可以養得靚加健康, 靚到識飛甚至可以用來參加比賽, 貓/狗/魚/雀烏/爬虫展覽, 仲可能有老襯走埋來, 問出高價你肯唔肯讓俾佢
但忘記, 唔想去面對寵物的疾病, 死亡, 只想面對寵物點樣令我地開心, 討吃, 可愛樣子, 甚至訓練佢地玩特技, 但佢表演之後, 其實都只係為左食一口零食, 在野外, 大把山珍海味, 現在到我地手上, 為餐飯仲要考演技

人都係自私, 我都係, 因為我想擁有, 開心, 當我在擁有, 開心同動物的自由比較, 我仍然會被擁有, 開心所佔據大於動物的自由...矛盾, 有時甚至想, 我唔買, 別人都會買走啦, 無人買, 佢都係等死, 年紀太大既寵物, 有人要嗎? (貓狗最常見)
嘩, 好細隻BB呀, 可愛到暈, 快D買返去...死亡率高到嚇死人(兔仔常見)
太久賣唔出既寵物, 係唔係有病先無人買呀? (所有寵物適用)

以上純粹個人意見, 感受

作者: jennymok 時間: 2012-6-11 20:04

以我個人為例~多年來對鸚鵡睇法~一直在變~小時候~父親在碼頭與遠洋船員購入葵花鸚鵡開始~
鸚鵡是不能接觸~(當年父親曾經購買很多動物~遠洋船員可能在非洲國家之類~會帶很多動物回港)
我記憶有猴子/鸚鵡/巨龜/蜥蝪/ ...
風中飛鸚發表於 2012-6-11 13:55

我最欣賞你的一句, "3. 有時間照顧之外~還有時間陪伴嗎?"
買寵物何其容易吖! $10一袋魚仔又有, 幾十萬一隻狗或雀又有, 但最難係養到佢終老。

我一直覺得有能力去照顧一個自己愛嘅家人或寵物, 係一件好幸福嘅事。因為佢地都係自己生活嘅一部分、陪伴自己走過每一個生命嘅歷程, 一同經歷自己嘅快樂與悲傷。人生嘅片段裡總有他/她/牠們。人同動物都有相同嘅靈魂, 只有外表同思想上嘅分別。

所以我好唔明白d人點解會遺棄寵物呢? 好多例子都係寵物成為好多主人嘅老伴! 係我們陪伴牠們咩? 其實係佢地陪著自己, 因年紀大, 都未必會周圍去, 照顧佢地等自己忙碌下。雖然我未去到呢個年紀, 希望當我60、70歲時都仲有佢地响身邊, 我會覺得自己係一個幸運嘅人!

作者: Amazonshan 時間: 2012-6-11 20:13

有冇為野外生活的諗吓

作者: tsw 時間: 2012-6-11 22:10

有冇為野外生活的諗吓
Amazonshan 發表於 2012-6-11 20:13

作者: 風中飛鸚 時間: 2012-6-11 22:28

心情好矛盾~
貓狗已經純化多年~基本貓狗一出生就註定做寵物~~問題是否落到有責任主人手~

鸚鵡由人工繁殖下~作為寵物~雖然唔能夠放回野外~起碼失去部份飛行能力~無法晴空萬里~任意飛翔~
換來是安穩生活~不愁食物~
如果我們唔養太多~適可而止~都未必唔可以兩全其美~

作者: Mr_fran 時間: 2012-6-11 22:52

6# 風中飛鸚
絕對同意，一隻起兩隻止，否則就對牠們太不公平了。

作者: cool 時間: 2012-6-11 23:45

我就認為一樣米養百樣人..................因為很多人養之前做足功課才去養寵物,但當真的到手時又是不同,正謂盡信書不如冇書,而且像我其中一位朋友,以前的工作時間很短而有空閒時間所以養了只"狗"一天可以帶散步兩三次,但轉新工後便得閒死不得閒病,狗狗也只能散一個極短或不能放,這樣是否他不對???????????所以現在朋友問我養什麼寵物好,我都答不養最好....................................

作者: 風中飛鸚 時間: 2012-6-12 11:44

養杜比亞最好~人人都一定是個好主人~

作者: bobyjadeeye 時間: 2012-6-12 12:39

養寵物同生仔都係一樣
可以唔養/生  就最好  勿貪1時之快
如果養/生左  為有盡自己能力(始終都有人話你做得唔夠好)

作者: chocolate 時間: 2012-6-12 14:11

本帖最後由 chocolate 於 2012-6-12 14:14 編輯

大家養寵物可以有不同的心態, 我同先生因為覺得養育孩子的責任太沉重,選擇養寵物而不生孩子,選擇養鸚鵡除了因為喜歡雀鳥,是因為牠的靈性同長壽,如果能養牠四五十年,差不多已伴我終老.

雖然家養的鸚鵡未能自由自在於大自然生活,但很多雀友養的是受保育的繁殖鳥,牠們在野外已經好難自己求生,當然我唔敢肯定佢在野外生活是否會更幸福,但我相信鸚鵡同人一樣會有感情,當佢感到有愛錫佢的主人, 有時佢會好滿足甘樣企係自己隻手上望住自己,希望佢覺得開心.

作者: cool 時間: 2012-6-12 16:15

養杜比亞最好~人人都一定是個好主人~
風中飛鸚發表於 2012-6-12 11:44

可能你不知有人連杜比亞都養死..................

作者: Amazonshan 時間: 2012-6-12 18:46

有沒有想過幫助下在野外生活的鸚鵡?
支特鸚鵡保育工作

作者: chachas 時間: 2012-6-12 19:34

有沒有想過幫助下在野外生活的鸚鵡?
支特鸚鵡保育工作
Amazonshan 發表於 2012-6-12 18:46

保育工作要出國進行

作者: Amazonshan 時間: 2012-6-12 20:04

本帖最後由 Amazonshan 於 2012-6-12 20:06 編輯

可以網上郵購或直接捐贈

http://youtu.be/569xNSA75OA

作者: Amazonshan 時間: 2012-6-12 20:35

作者: O_O329 時間: 2012-6-12 20:43

主席呢個問題只有討論，永無結果
唔計不負責主人，可能野外雀鳥十分羡慕寵物鳥有得食，又得住，又無敵人，就好似富豪d仔咁，大把人羡慕，但我識個富二代，佢成日話想出生平凡，唔駛做咩都有人睇住，正所謂你睇人好，人睇你好，只要大家唔好貪一時之快而養寵物，好好咁對佢地，我個人覺得無問題

作者: O_O329 時間: 2012-6-12 20:50

呢個問題引伸出去，我地養小孩咪一樣想小孩達到我地的要求，甚麼唔準周圍跑，唔準大叫，其實一樣係違反左小朋友天性

作者: jennymok 時間: 2012-6-12 22:59

主席呢個問題只有討論，永無結果
唔計不負責主人，可能野外雀鳥十分羡慕寵物鳥有得食，又得住，又無敵人，就好似富豪d仔咁，大把人羡慕，但我識個富二代，佢成日話想出生平凡，唔駛做咩都有人睇住，正所謂你睇人好， ...
O_O329 發表於 2012-6-12 20:43

你講得好對呀! 其實我們人類都係一樣, 生活在有秩序嘅框架下, 小時候為討老師及父母歡心要努力讀書去換取自己心愛嘅玩具, 但自己嘅興趣或專長可能不在書本上。長大工作後為保住飯碗, 老細叫自己做乜就做乜, 為的只是討一口飯, 跟我們的寵物一樣。

我相信每個人都有自己嘅命運, 寵物都一樣。一隻鳥在大自然裡出生, 可以在天空任飛翔, 但可能會遇上好多問題(覓食上、敵人上、天氣上)。但一隻寵物鳥在人類手中出生, 雖則無呢d問題, 可能仲高床軟枕, 有優質嘅生活, 但就一生只活在主人嘅視線範圍內。但佢地永遠都唔會知道兩者嘅分別, 除非主人唔覺意走雀, 隻寵物鳥才有機會體驗野外嘅生活。

作者: bennyfung 時間: 2012-6-13 10:31

讀後好有感觸！

作者: scl 時間: 2012-6-13 22:23

本帖最後由 scl 於 2012-6-13 22:32 編輯

也同意不要養太多，要有足夠時間陪伴鸚鵡較好．

相信不同主人也有不一樣的經歷，以我來說就曾感受過不只一隻鸚鵡是對主人很依戀，似乎也是牠和主人結了緣後也甘願失去自由飛翔的生活．

１．第一隻吸密放出來，四周看走了一圈，自己走回上架，安定地被扣上腳．
２．另一隻 LB，什麼情況下也不飛離一定區域，似乎很留戀此家．

我也很少買回來的，第一隻是朋友因地方細比我家，之後多年也沒有再買，直到老公工作地方飛來自來 LB，才買了一隻相陪，那隻買回來的便是由超惡變成負責任的管家，心中再沒有對人的仇恨，也是天意緣份，跟著便是領養 Hello 仔了，心常想不要主動買來，上天安排有緣便應好好照顧牠．

也希望大家要認真用心去好好照顧牠，做個負責任主人．

歡迎光臨 PARROT-TREE (http://forum.parrot-tree.com/)