Board logo

標題: 深愛的一休 今日突然吐血身亡 本應不想開post 但失眠真是很掛念(一休) [打印本頁]
作者: victor    時間: 2012-6-15 03:03     標題: 深愛的一休 今日突然吐血身亡 本應不想開post 但失眠真是很掛念(一休)

本帖最後由 victor 於 2012-6-15 03:30 編輯

今日晚上 回家 原本在亞加力膠籠 下層加抽氣扇  ，點知我見一休 很辛苦地 咳 平時他一見到我 一定會叫 一休、Hello 、吹口嗽。但現在只很辛苦的咳，我跟住立刻，用針筒比溫水喂他飲水，跟住打電話 請教了主席，主席很詳細為我分析，我真心感謝主席，我剛叫人落街去買 葡萄糖 時 一休 突然再吐很多自血
跟住一休 很辛苦 地講了 一聲 一休 ByeBye 就立即斷氣死了，我立即大叫他的名字 多次 我母親 及太太 立即過來睇咩事 ，他們一知道一休去了 ，即刻大哭  全家都哭了  因真是太突然。

我想請教 大家 這種 突然吐血死去 有邊種情況會這樣死去 你們推測是甚麼原因 ？

一休死後 因我是信奉佛教，我幫一休點一柱清香 幫他念49次 大悲咒 回向給一休 不再受輪回之苦。
之後 我帶一休放在新界一間 佛寺 裡。

現在的亞加力膠籠 因不知一休是咩原因死去 ，所以上下層暫時不敢放鸚鵡 ，要全面消毒後才可以用，
原本亞加力膠籠轉送比雀友，點知佢兩次失約，我才立心去改裝，但之前忽然 收養了小達摩 三藏 其實我已係 淘寶網已訂了籠 給三藏

其實我在淘寶網已訂了很 多一休的用品 剛今天全送到香港  真是觸景傷情

現在亞加力膠籠 要消毒 暫時不用 好在  淘寶網訂的籠 剛到香港 三藏 又搬新居
不過我真用了很多心機 改好的亞加力膠籠 裡面空空如也 就想起 一休 由他ＢＢ 喂奶 喂到大，

我真不捨得一休，一休 如你知我心意 請在我夢中見下我 ，一休 你好去 不要留暖世間 ，早登西方極樂世界 ，一休 你永遠留在我全家人心裡  勿念 一路好走  

灰鸚一休吐血身忙  籠底很多血


亞加力膠籠下層 已加了抽氣扇


小達摩三藏的新居
作者: noddywai    時間: 2012-6-15 03:06

  omg >.< RIP
作者: yimaggie    時間: 2012-6-15 03:14

太突然 RIP一休
會唔會係食左亞加力膠碎??
幾乎全部都小便 無乜食過野..?
作者: zero322    時間: 2012-6-15 04:03

1# victor


victor 不要太傷心呀。。。
作者: chocolate    時間: 2012-6-15 04:16

消息好突然,一休有如大家的朋友,大家也感到難過！
Victor一直擺左咁多心機照願一休,從你以往的分享,相信你一直努力俾最好的佢,主人一定更難過！
每次知道有愛雀離開的消息,也會提醒自己要更珍惜愛護在生的鸚鵡,牠們的長壽並非必然,Victor要加油,現在還有三藏好需要你！
作者: 暴力BB    時間: 2012-6-15 04:23

RIP
會唔會係中毒? 聽講亞加力膠箱唔岩養鸚鵡.......
作者: 大灰狼    時間: 2012-6-15 04:45

唉……我都隥你心痛…你可以咁諗一休依家離開呢個世界轉到一個更自由自在既地方唔需要每日在籠度過可能佢會更開心！你都唔好難過咁耐
作者: 1a2b3c    時間: 2012-6-15 05:29

唔好太難過
多D留意三藏有冇異樣！因為三藏到你家一段好小時間！
作者: Louis    時間: 2012-6-15 07:00

一般大量嘔血情況係與食道,胃部,及肺部出血有關.
如果係人類, 可能患有慢性肝病, 因為肝硬化可令食道血管壓力上升而導致靜脈撕裂大量出血, 然後嘔血. 但係雀鳥是否會有類似情況就要請教鳥類專科獸醫.
食道或胃部出血可以有多個原因, 例如: 誤吞異物所傷, 食物/藥物中毒以致胃出血, 急性胃炎, 胃潰瘍等.
肺部出血可以因為, 肺部微絲血管爆裂(例如高血壓), 肺結核, 及其他肺病等引致.
另外上述器官腫瘤爆裂, 或受到外來重力撞擊致內傷, 亦可引致嘔血.

R.I.P.
作者: louisa20047    時間: 2012-6-15 07:09

本帖最後由 louisa20047 於 2012-6-15 07:16 編輯

RIP

吐血<----好可能係突發性(急性)~而唔係慢性~你試下想想最近對佢環境有咩改變
作者: louisa20047    時間: 2012-6-15 07:15

RIP
會唔會係中毒? 聽講亞加力膠箱唔岩養鸚鵡.......
暴力BB 發表於 2012-6-15 04:23

亞加力膠籠已經用左好耐~而且有D人已經用左好幾年~甚至成十年~如果唔岩養鸚鵡~就唔會咁少死亡個案~亦唔會有人不停的訂造~最起碼有人用完死左雀會出黎鬧/數膠籠壞處

而你聽講過亞加力膠箱唔岩養鸚鵡~咁請問聽講係咩原因呢?
作者: makjoe    時間: 2012-6-15 07:26

太突然
一休rip，
你地都要保重身體!
作者: jojo_brilliant    時間: 2012-6-15 07:34

太突然了：（
RIP
作者: wingbut    時間: 2012-6-15 08:07

点解会咁架
作者: OnOn    時間: 2012-6-15 08:14

真係好突然
你已為一休誦經，牠絕對收到你的心意.
收拾心情，繼續好好照顧翠兒及三藏.
作者: ahwing    時間: 2012-6-15 08:37

節哀順變............
明白你的心情,.,,,,,
因我也試過看著小鳥死時的樣子,自己覺得很無助,想幫又幫唔到的心情
作者: 林林柿    時間: 2012-6-15 09:08

節哀順變

死亡不是終結而是新的開始

保重...
作者: YVONNE    時間: 2012-6-15 09:16

RIP...
TAKE CARE FOR 三藏
作者: Mr_fran    時間: 2012-6-15 09:17

R.I.P.......好好保重，收拾心情好好照顧另外兩愛鸚吧！
作者: carolee    時間: 2012-6-15 09:19

看見一休說“一休 bye bye“已忍不住哭了， 再見到張相，實在好鄧victor一家心痛

RIP
作者: 彈頭    時間: 2012-6-15 09:26

一直有睇開你啲post , 太突然
會唔會因為你係改籠時，噪音太大令一休有壓力 ?

R.I.P
作者: ericon3032    時間: 2012-6-15 09:46

一休,安息吧
作者: kitkit441    時間: 2012-6-15 09:59

RIP
作者: orgasmaof    時間: 2012-6-15 10:09

保重 victor ,一休 R.I.P. ,收拾心情,好好照顧翠兒同三藏
作者: Stan    時間: 2012-6-15 10:22

今早一入樹樹就發現你的不幸消息, 太突然了, 請節哀及保重.

現時最重要是小心照顧和觀察翠兒和三藏.
作者: jennymok    時間: 2012-6-15 10:22

"諸法從緣生, 諸法從緣滅。"
換過角度睇, 離開不過是為了回來, 人就釋懷!
作者: Ringo0816    時間: 2012-6-15 10:32

本帖最後由 Ringo0816 於 2012-6-15 10:33 編輯

真係太突然了 T_T
一直都有睇開你既post ,
會唔會最近因為你係改籠時,一休吸左d亞加力膠碎呀??
RIP
作者: mmchu    時間: 2012-6-15 10:37

我哭了，我諗起我大舊金~~~
我明白可以做的你已做，節哀吧~~~
雖然難過，但尚有翠兒、三藏等你照顧，保重！

彩虹橋上有大舊金作伴，不用擔心的！
作者: myfish    時間: 2012-6-15 10:49

RIP

節哀順變
作者: joejoe    時間: 2012-6-15 11:09

阿彌陀佛!
無有眾苦。但受諸樂。
願得往生阿彌陀佛極樂國土
作者: ckw3b    時間: 2012-6-15 11:25

victor保重啊, 一休永遠在你心
加油!
作者: parrotlove    時間: 2012-6-15 11:45

RIP~ 保重  
個籠會唔會有 膠水味以中毒 /因改籠
作者: martin1912    時間: 2012-6-15 11:53

睇到一休話『一休..拜拜』已經忍唔住喊左...
希望一休而家已經係天度自由自在咁飛~唔需要再係個籠度
作者: scl    時間: 2012-6-15 12:48

真是太突然及不明原因.

放下及保重~
作者: 樂樂    時間: 2012-6-15 12:54

保重 上月我望住由BB喂大養了八年的仔仔死亡 當時心情很差 失眠 無胃口 哭了兩天 家姐即時帶我離開香港去旅行 很多天後才回復心情 望見有些東西 我現在都幾掛著我心愛的雀 心很痛 唔講了 眼淚就要流
作者: 芳姨    時間: 2012-6-15 12:56

看到心也痛,淚在流,感同身受,
我也曾經看住心愛的灰鸚死前一刻,哭得我死去活來,

請節哀,家人保重身體,
希望一休下世做隻冇病冇痛健康快樂的鳥.
作者: YEEYEE    時間: 2012-6-15 12:57

VICTOR 你一家要保重!
作者: 鸚鵡主義者    時間: 2012-6-15 12:59

提示: 作者被禁止或刪除 內容自動屏蔽
作者: vvg    時間: 2012-6-15 13:22

作者: 文小子    時間: 2012-6-15 13:22

好突然,睇到一休臨走前的一句,真的好心痛!!
是否改籠時有不應吸入的物質?? 定係你係亞加力籠加洞時,有些物料留下了??
要好好留意三藏的健康~節哀順變。
作者: chachas    時間: 2012-6-15 14:01

Victor, 你要振作, 一休走時向你說了最後一句byebye 向你道別, 佢應該都唔希望你太難過！現在還有三藏要你照顧

一休, RIP
作者: angushui74    時間: 2012-6-15 14:08

本帖最後由 angushui74 於 2012-6-15 14:17 編輯

一休呀......多謝你比左禁多快樂我地Victot,你要加油呀！一休最後都同你講bye bye，佢一定唔想你傷心同難過嫁！！！
作者: kenny1114    時間: 2012-6-15 14:22

R.I.P保重victor
作者: sodagreensimon    時間: 2012-6-15 14:27

保重, 節哀
作者: yokojune    時間: 2012-6-15 14:35

好太突然,看見一休還臨走說拜拜,再也忍不住眼淚.你要振作呀
作者: Daddy    時間: 2012-6-15 14:51

RIP Victor節哀順變
作者: Jas602    時間: 2012-6-15 15:11

哇
睇到我喊呀............嗚..........................

一休你安息, VICTOR不要太傷心
作者: 林林仔    時間: 2012-6-15 15:15

願一休安息
作者: mythox    時間: 2012-6-15 15:22

主人請別太難過, 希望一休安息
作者: jenny    時間: 2012-6-15 15:27

我上年都好似你一休咁,....bobo因冷病吐血死的
作者: 風中飛鸚    時間: 2012-6-15 15:36

1以往我一直覺得鸚鵡好粗生~自從目到COOPER及聽到大舊金~至現在一休的突然死亡~令我完全改觀~

2可以考慮下驗屍~

3節哀~
作者: ping    時間: 2012-6-15 15:40

這個消息實在大突然了。
主人要振作﹗
一休，R.I.P﹗
作者: 風中飛鸚    時間: 2012-6-15 16:01

剛剛看到你的相片~圖中所見~你籠內機關重重~首先我唔推測一休死因~

早前我已經講過~我做一個籠~就算行家都冇留意到我好多細節都經過深思熟慮~每次我都要知道個籠是養什麼鸚鵡~

原因係避免有空隙是與頭部相似~及其他導致夾到地方~而你的籠內~正正大小不一的空隙~符合必有一個夾到的危險~
現在事已過去~希望你注意籠內的佈置~將有彈性的固定物拆走~我口語化再解釋清楚一次~

你裝死一件硬物在籠內~與膠箱有距離~而有彈性~等同補獸器~如果要爬~箱內的孔已經可以爬~再唔係買鋼門"秋"
我影相你睇~(因應養什麼雀就買幾大)非常安全~又平又正~
作者: 暴力BB    時間: 2012-6-15 16:08

亞加力膠籠已經用左好耐~而且有D人已經用左好幾年~甚至成十年~如果唔岩養鸚鵡~就唔會咁少死亡個案~亦唔會有人不停的訂造~最起碼有人用完死左雀會出黎鬧/數膠籠壞處

而你聽講過亞加力膠箱唔岩養鸚鵡~咁請問聽講係 ...
louisa20047 發表於 2012-6-15 07:15

http://www.hkipa.com/bbs/viewthr ... &extra=page%3D1
作者: scl    時間: 2012-6-15 16:15

1以往我一直覺得鸚鵡好粗生~自從目到COOPER及聽到大舊金~至現在一休的突然死亡~令我完全改觀~

2可以考慮下驗屍~

3節哀~
風中飛鸚 發表於 2012-6-15 15:36



也有同感，小時養吸密時，真是覺得不難養，近年多了上網看 post，也深感鸚鵡生命真是會出事得很突然，也真嚇一跳，大家要多多細心留意愛鳥的動靜變化．
作者: catsui    時間: 2012-6-15 16:16

節哀順變!看見心愛的家庭成員離去, 真的很難受,
我家的"Jai jai"仍與病魔搏鬥中, 我都很害怕牠會離開我,
所以我很明白你的痛苦, 我都是由bb開始帶大牠的,
你的家人有信仰, 希望一休早登極樂, 別了, 一休!!
作者: chamip    時間: 2012-6-15 16:38

作者: MAHA    時間: 2012-6-15 16:46

作者: sodagreensimon    時間: 2012-6-15 16:55

http://www.hkipa.com/bbs/viewthr ... &extra=page%3D1
暴力BB 發表於 2012-6-15 16:08


唉, 我估呢段野, 之前都討論過好多次, 你不如自己上網查下喇~~~
作者: facee    時間: 2012-6-15 17:03

因為自己也經歷過，一時間真的很難接受
希望victor兄一家堅強渡過！
作者: zero322    時間: 2012-6-15 17:04

59# sodagreensimon


其實我覺得好無聊 如果用膠籠真有事 點解5係全部都有事而係個別例子呢？

睇戈個POST第2個戈個講D野真係...
作者: ngkare    時間: 2012-6-15 17:58

好突然, 身為一個旁人亦難以接受, 何況深深愛一休的主人......

Victor, 陪你難過!
作者: Empire    時間: 2012-6-15 18:30

一休的突然離去，我們實在好難過！大家都是養灰鸚的，心同感受！眼淚也不斷流
RIP
作者: 風中飛鸚    時間: 2012-6-15 18:32

一隻已經養到穩定灰鸚~都會突然死亡~~所以大家話雀街D~小達摩/亞歷山大/雞尾BB幾難養得大~
作者: 小B    時間: 2012-6-15 18:48

你說一休還臨走說拜拜, 實在也忍不住眼淚 , 好好辦理一休身後事 , 代他安息, 也別太難過 , 保重身體 !
作者: 小雲    時間: 2012-6-15 18:55

太突然了, 好難過.
作者: sesese    時間: 2012-6-15 19:08

見到一休這樣很難過, 他現在脫離了痛苦, 你也不要太傷心.
作者: 飛魚菲比斯    時間: 2012-6-15 19:29

真係好突然...唔好難過...
作者: siayf    時間: 2012-6-15 19:35

亞加力膠籠已經用左好耐~而且有D人已經用左好幾年~甚至成十年~如果唔岩養鸚鵡~就唔會咁少死亡個案~亦唔會有人不停的訂造~最起碼有人用完死左雀會出黎鬧/數膠籠壞處

而你聽講過亞加力膠箱唔岩養鸚鵡~咁請問聽講係 ...
louisa20047 發表於 2012-6-15 07:15

呢個絕對有可能,小弟做化驗的..都驗唔少亞加力膠。
亞加力會釋出有毒氣體(氨氣),人長期接觸都會有慢性中毒。
基本上得香港人會用亞加力膠做籠,大陸已經禁用了..
作者: adaleung22    時間: 2012-6-15 19:39

好難過但一轉新籠就出事，真係可能關個籠事，膠片或膠水有毒，無人知。如果是我，再肉痛都不會再用此籠，請節哀。或考慮驗屍。一休,一路好走，上天堂
作者: siayf    時間: 2012-6-15 19:41

但只係參考之一,未必有關..
有雀友架折衷(出自鸚鵡棧)係上星期都係吐血死左..
情況完全一樣..
rip
希望你可以盡快走出傷痛,你重有三藏要照顧的。
作者: chachas    時間: 2012-6-15 19:59

呢個絕對有可能,小弟做化驗的..都驗唔少亞加力膠。
亞加力會釋出有毒氣體(氨氣),人長期接觸都會有慢性中毒。
基本上得香港人會用亞加力膠做籠,大陸已經禁用了..
siayf 發表於 2012-6-15 19:35

既然你做化驗，咁你可否給出例子，什麼情況下亞加力膠會釋出有毒的氨氣，請說明之？
作者: chachas    時間: 2012-6-15 20:03

本帖最後由 chachas 於 2012-6-15 20:05 編輯
呢個絕對有可能,小弟做化驗的..都驗唔少亞加力膠。
亞加力會釋出有毒氣體(氨氣),人長期接觸都會有慢性中毒。
基本上得香港人會用亞加力膠做籠,大陸已經禁用了..
siayf 發表於 2012-6-15 19:35

如果你唔定時清理籠內的便便，我覺得係主人問題，而不是籠的問題
作者: sm_kenneth    時間: 2012-6-15 20:11

我隻灰鸚同亞加力膠籠,都來自鸚鵡棧
養左2個月都還好!
作者: macbrush    時間: 2012-6-15 20:14

我上網同 ebay 都好多外國人買賣/用亞加力膠籠喎…… 點會得香港人用呀？

Acrylic 既 molecule structure 係 C3H4O2，而且唔同普通膠，可以長年如新，我唔明氨從何而來。 我都想學下野，如果會發出氨而係空氣也有能影響動物既濃度，咁我用來養魚點算？
作者: 海之家    時間: 2012-6-15 20:18

RIP~
作者: Louis    時間: 2012-6-15 20:19

呢個絕對有可能,小弟做化驗的..都驗唔少亞加力膠。
亞加力會釋出有毒氣體(氨氣),人長期接觸都會有慢性中毒。
基本上得香港人會用亞加力膠做籠,大陸已經禁用了..
siayf 發表於 2012-6-15 19:35


從未聽過亞加力膠 PMMA 會有化學物釋出, 因為魚缸, 水族館塊巨型玻璃, 部份人造器官, 都係用亞加力膠造.

請問有無實質化驗報告可作參考? 因為如果 PMMA 會釋出化學物, 網上應該會有大量資料, 如在google 或 yahoo 搜尋: "亞加力 氨", "PMMA ammonia", "acrylic ammonia", 無一中/英文章有提及亞加力會釋出氨.
作者: BABYPAPA    時間: 2012-6-15 20:22

如果當天改裝後又立刻放鸚鵡入內,祗靠小洞作空氣流動,就人都吐血身亡.....我也是用膠籠養金剛 , 40 吋長..我有伸頭入籠內感覺一下,真的焗,像無空氣流動的..所以開門位置用了網技,也長期開抽氣扇和風扇共用...


用膠籠真的要留意一下空氣的對流啊.....
作者: louisa20047    時間: 2012-6-15 20:24

本帖最後由 louisa20047 於 2012-6-15 20:26 編輯
如果你唔定時清理籠內的便便，我覺得係主人問題，而不是籠的問題
chachas 發表於 2012-6-15 20:03


1. 首先呢, 鳥類既泌尿及排泄系統與哺乳類動物唔同; 當食物及水份被胃部消化後, 及經腸臟吸收營養之後, 剩下既廢物包括糞便,尿液,及尿酸鹽化合物(白色個d).
當中尿酸鹽化合物含有蛋白質代謝物, 氮化物, 及多餘既礦物質等. 而尿液及糞便所含有既氨化物(俗稱亞摩尼亞)相當之少, 因為大部份氮原子都已經結合在尿酸鹽內. 就係因為鳥類既排泄物氨含量低, 所以無好似哺乳類動物尿液既強烈尿"壓"味.
而哺乳類動物體內會將尿液在排出前, 作進一步代謝, 儘量分解尿液, 吸收當中剩餘可用既營養, 排出剩下有害廢物, 例如:氨,尿素等. 所以哺乳類動物尿液有強烈"亞摩尼亞"氣味. 但呢種進一步代謝須要消耗額外體能, 唯爬蟲類及鳥類並無將此機能進化. (所以鳥類由恐龍進化係合理既.)

2. 鳥類中氨毒症當然有, 不過多數發生於食用家禽禽舍. 好似雞,鴨,鵝等, 生活於地面既家禽, 自然經常近距離接觸地上既糞便. 如果禽舍內家禽數量過於稠密, 而通風又不良, 由於氨氣比空氣重, 大量糞便揮發出既氨氣會沉積於禽舍底部, 禽舍底部生活既家禽就會過量吸入氨氣而中毒.

如果個隻鸚鵡真係死於氨中毒, 原因可能係:
1. 腎功能不全, 代謝後既廢物積聚於血液內, 未能有效與尿液排泄出體外, 類似所謂既中尿毒症.
2. 個籠長期無清潔, 令糞便大量堆積, 揮發及沉積大量氨氣在籠底, 吸入過量氨氣而中毒.
3. 隻鸚鵡長期近距離接觸籠底大量糞便, 吸入過量氨氣而中毒.
4. 使用含氨既消毒清潔劑洗籠或抹籠後, 無過清水, 氨氣從殘留既清潔劑揮發出來.
Louis 發表於 2009-8-19 22:07
作者: 金莎朱古力    時間: 2012-6-15 20:26

剛回到家~太太說樹樹有灰鸚~太突然
victor別太難過, 希望一休安息




`
作者: Louis    時間: 2012-6-15 20:46

其實我有一疑問, 就係樓主屋企有燒香燭, 會否有影響呢?
作者: victor    時間: 2012-6-15 20:51

其實我有一疑問, 就係樓主屋企有燒香燭, 會否有影響呢?
Louis 發表於 2012-6-15 20:46


其實 我平時有點香 都是點沉香  煙較小 沉香也是全天然 屋內 空氣很流通  我想 應該 不關事
作者: William    時間: 2012-6-15 20:52

節哀順變 !
作者: AngryBird    時間: 2012-6-15 20:53

太突然一休咁生性太可惜
無奈緣盡
作者: joankong    時間: 2012-6-15 21:01

RIP
作者: cheerios    時間: 2012-6-15 22:07

請折衷...
唔介意請問雀雀平時食開乜野?
作者: 文小子    時間: 2012-6-15 22:17

其實 我平時有點香 都是點沉香  煙較小 沉香也是全天然 屋內 空氣很流通  我想 應該 不關事
victor 發表於 2012-6-15 20:51

我諗應該唔關事~我也有灰鸚~也有點香的習慣每天~當然我不是向著他點的, 香的氣味會抽出窗外~請問一休.......幾多歲??
作者: victor    時間: 2012-6-15 22:19

我諗應該唔關事~我也有灰鸚~也有點香的習慣每天~當然我不是向著他點的, 香的氣味會抽出窗外~請問一休.......幾多歲??
文小子 發表於 2012-6-15 22:17

一休  一歲 三個月
作者: yokojune    時間: 2012-6-15 22:21

其實我平時早晚都有點香,我想應該唔關事.我記得一休應有一歲啦~
作者: putter    時間: 2012-6-15 22:22

爆喊！　
一休：　知您不捨得家人，但仍祝您在彩虹橋和其他鸚鵡（那裡有很多）一起自由飛長，　或許會比一生住在鳥籠內開心
　　　　
ｖｉｃｔｏｒ：　我是過來人，　很明白你的心情，　希望你和家人保重，　早日走出傷痛．
學佛就是學接受無常，　一切都是因緣和合．對嗎　？
作者: victor    時間: 2012-6-15 22:25

請折衷...
唔介意請問雀雀平時食開乜野?
cheerios 發表於 2012-6-15 22:07

一休  主糧 食High Potency Formula - Coarse Grind 高能量配方 (粗粒)   平時 會食蘋果 ，一休最鐘意食紅辣椒，青提子 ，不過很怪 紅提子  一休不食  我都唔知點解
作者: lovepun    時間: 2012-6-15 22:29

唔知講乜, 只有喊左, 我也是過來人, 同樣是灰鸚, 希望你振作！
作者: benh    時間: 2012-6-15 22:42

節哀順變
作者: 風中飛鸚    時間: 2012-6-15 22:42

咁多年我已經習慣~一有人死雀~我自己都想去拉隔離會拉個POST過黎~
好似如果鸚鵡唔接觸到亞加力~就得永生~
其實好簡單~如果對亞加力籠有懷疑~就千萬唔好用黎做籠~已經好足夠~
如果用手榴彈做籠~大家又信~咁咪用手榴彈去做籠囉~
就算隻雀俾車車死~都拉個POST出黎講啦~好悶丫~
因為你隻雀用亞加力籠~出街先會俾車車死~如果用鋼籠就唔會車到啦~
E家就係無論隻雀點死~都好似關我事咁~真係好悶~
作者: terrycho    時間: 2012-6-15 23:03

R.I.P.   一休一路好走
作者: 文小子    時間: 2012-6-15 23:49

一休  一歲 三個月
victor 發表於 2012-6-15 22:19

咁我覺得應該真係唔關你點香事~有硬物導致一休過世成因較高,太突然了~因為用亞加力籠養鸚鵡的雀友太多~應該唔會有毒而越來越多人轉用亞加力籠~你會唔會考慮幫一休做化驗? 查明死因?
作者: 王子    時間: 2012-6-15 23:49

看完了。。。不懂回應。。。傷感。。。。只希望離去的  會得到一個新的開始。  現在的   好好努力保護牠們
作者: kenny1114    時間: 2012-6-15 23:52

71# siayf


我有個朋友隻灰B都係wo 不個唔係嘔血係嘔野同不斷叫~扲左返去佢到養都救唔返!
作者: MandyYung    時間: 2012-6-15 23:52

今日家中電腦先上到網　聽到呢個消息．．．．
同一日　聽到兩單突然離開既消息　
世事無常．．．．．．
R.I.P

一休有樓主及家人的愛護　他定會感受到　
祝福　！
作者: mayfire    時間: 2012-6-16 08:53

RIP



歡迎光臨 PARROT-TREE (http://forum.parrot-tree.com/) Powered by Discuz! 7.2