PARROT-TREE - Powered by Discuz! Board

標題: 塞內加爾俾人投訴---請幫忙! [打印本頁]

作者: 小達摩 時間: 2012-8-17 17:34 標題: 塞內加爾俾人投訴---請幫忙!

遷到新居後不足一個月，尋日收到管理處的信----本處近日接獲投訴謂懷疑台端在貴單位飼養雀鳥，對其他單位造成滋擾，根據大廈公契規定，任何住戶不得飼養雀鳥.....請台端十四天內將雀鳥遷走......

而家臨訓前已將雀籠搬到細房，同埋蓋布

請各位幫忙解答:
小弟住的係居屋，如果唔理管理處(再俾人投訴)，會有咩後果?
我仲可以做咩?

謝謝各位

作者: 小雲 時間: 2012-8-17 17:52

本帖最後由小雲於 2012-8-17 17:58 編輯

我知居屋唔准養狗, 冇話唔俾養雀鳥.

塞仔一般應該都唔會太嘈.

作者: macbrush 時間: 2012-8-17 18:05

公屋都比養雀(除左鴿子)，居屋唔比？睇清楚公契，佢係唔係大你呀？

作者: 小雲 時間: 2012-8-17 18:09

公屋都比養雀(除左鴿子)，居屋唔比？睇清楚公契，佢係唔係大你呀？
macbrush 發表於 2012-8-17 18:05

作者: yimaggie 時間: 2012-8-17 18:20

check清楚公契

作者: BABYPAPA 時間: 2012-8-17 18:32

不管往什麽地方，養動物也要願及有否影響别人，我的就全部有自己房間，不開窗，有抽氣扇及長期空調！咪無人投訴啦！但電費就

作者: 小達摩 時間: 2012-8-17 19:07

公屋都比養雀(除左鴿子)，居屋唔比？睇清楚公契，佢係唔係大你呀？
macbrush 發表於 2012-8-17 18:05

原來係咁，我要CHECK下先

作者: 小達摩 時間: 2012-8-17 19:09

check清楚公契
yimaggie 發表於 2012-8-17 18:20

謝謝! 請問有無住居屋的雀友? 如果有，請給意見!

作者: 小達摩 時間: 2012-8-17 19:11

check清楚公契
yimaggie 發表於 2012-8-17 18:20

請問有什麼方法可CHECK 公契?

作者: ECKO 時間: 2012-8-17 19:19

自己查要錢要時間，不如比個電郵要房署澄清大廈公契，要爭取都有正式依據丫

作者: jojo_brilliant 時間: 2012-8-17 20:21

有時公契好賤會寫明「寵物」，俾人投訴養乜都唔得。

作者: 卡樂B 時間: 2012-8-17 20:25

你隻塞仔好嘈ge咩??
唔係好嘈應該唔會俾人pot...

作者: tsw 時間: 2012-8-17 20:45

謝謝! 請問有無住居屋的雀友? 如果有，請給意見!
小達摩發表於 2012-8-17 19:09

有!我住私人參建居屋

公契有寫唔准養寵物,狗.猫.雀烏.雞,鴨,白鴿.....等等等等等

但係乜都有人養,最重要無人俾人投訴

作者: scl 時間: 2012-8-17 21:02

本帖最後由 scl 於 2012-8-17 21:03 編輯

我也是住居屋，設計上也不傳聲（某些單不是見到 Hello 仔也不知），和全層都很熟稔，因會互相幫忙，可以星期日一同去飲茶，因此就是 Hello 仔早上 6:40am 會大叫，鄰居婆婆也聽到也沒投訴，早前 Hello 仔病了沒有叫十多天，還慰問為何聽不到叫聲？告知是病了，管理員也知，每次出外也必先帶 Hello 仔叫管理員先，管理員還常問何時帶 Hello 仔出來曬太陽呢？

Hello 仔也很醒目叫一陣便停下來，一天中只叫三四次，每次不超過 5 mins 便停（明知再叫沒有用），另每晚回籠也和 Hello 仔說 Bye Bye，牠明白便不再叫，早關燈 7:30-8:00pm 所以晚上不嘈．

作者: scl 時間: 2012-8-17 21:12

另本人居苑通告例明準不養狗，其他沒有提及，同一屋苑也有人養鸚鵡，也會到公園曬太陽．

作者: 小達摩 時間: 2012-8-17 21:30

12# 卡樂B

有時佢會大叫，好似鬥人咁(有人時)，而家教緊佢唔好大叫
因我同太太早返工，我地醒佢又醒，太早啦! 六點至7點幾，嘈到人，人地重訓緊

作者: 小達摩 時間: 2012-8-17 21:32

不管往什麽地方，養動物也要願及有否影響别人，我的就全部有自己房間，不開窗，有抽氣扇及長期空調！咪無人投訴啦！但電費就
BABYPAPA 發表於 2012-8-17 18:32

真係付出好多，愛雀之人

作者: scl 時間: 2012-8-17 21:38

開始時，Hello 仔也是狂叫半小時以上，會將牠放在廚房，因防火門隔聲好，也遠離鄰居房間，盡量不影響他人，同時慢慢 Hello 仔明白大叫會困在廚房，久而久之會明白，叫的時間慢慢減少......現在 5 mins 內．

樓主請做好隔聲，早上不讓牠太早見光吧...

作者: 小達摩 時間: 2012-8-17 22:19

開始時，Hello 仔也是狂叫半小時以上，會將牠放在廚房，因防火門隔聲好，也遠離鄰居房間，盡量不影響他人，同時慢慢 Hello 仔明白大叫會困在廚房，久而久之會明白，叫的時間慢慢減少......現在 5 mins 內．

樓主請 ...
scl 發表於 2012-8-17 21:38

謝謝你! 我會試下

作者: legmond 時間: 2012-8-17 22:53

我都係住居屋見人養狗都冇事la 隔離有人養lb 都冇野la
d人係甘架乜都投訴1餐我試過7,8點啄豬肉整肉餅食都即時有管理管上門

作者: yimaggie 時間: 2012-8-17 23:12

自己查要錢要時間，不如比個電郵要房署澄清大廈公契，要爭取都有正式依據丫
ECKO 發表於 2012-8-17 19:19

作者: wendy2307 時間: 2012-8-17 23:20

1. 每個居屋都有業主立案法團,而什麼條件寫在公契內,很多時由這班人負責,管理處/公司執行. 你是租還是買? 如果是買,就要動腦筋 - 同管理員 friend d,打聽誰是金手指 ,看有冇機會搞好關係.
2. 也要看自己雀雀是否真的整天大叫,定只是在早上你們起床時叫,試下開收音機或音樂俾佢聽,令它安靜
3. 你住邊個屋苑?
4. 我的小達很少大叫,但樓下的lb 不停叫 (他們的獨生子見我晒過幾次雀後,現在養了2隻lb ),我們每天都打開大門(木門),讓我的和他們的雀對話,但我和樓下兩層的住戶都( touch wood )冇人投訴,而我知道同一屋苑不同座,都有幾戶養雀,但也不見有人投訴

作者: ckw3b 時間: 2012-8-17 23:49

如果係自己買既，最嚴重應該係釘契，
當然最好緊係可以和平並存就最好啦

作者: jennymok 時間: 2012-8-18 00:19

1. 如果公契列明不可養"狗"或"寵物"的話, 法律上真係唔可以養
2. 即使公契沒有列明可否養"狗"或"寵物, 但如有兩戶或以上的投訴, 管理公司都可向住戶採取行動
如果公契並沒有寫明不可養, 咁公契就可以override管理公司, 你首先應先check公契, 睇下管理公司有無嚇你, 因為有d居屋(eg, 屯門兆禧苑)嘅公契寫明"不准養狗，唯其他非滋擾性動物如鳥類、貓等則可。" 再將小達搬入房, 減少大叫時嘅音量!

作者: MandyYung 時間: 2012-8-18 01:41

我屋企最嘈既係隻吸蜜女　真係超嘈　所以十點半前一定會come布　
又或者收起佢既噹噹玩具　咁朝早會無咁嘈　

試過曬其他雀　無帶吸蜜　人地媽咪問我平時聽到好嘈個隻係米曬緊個隻　我話唔係
諗佢應該唔係介意掛　因為見我曬雀　佢個仔仔好感興趣　人地媽咪重叫個仔仔黎睇下ｄ雀仔tim

個人認為　法定時間內　只要唔係non-stop咁嘈　人地都應該可以接受既　但係某ｄ違反時段　真係嘈到人既話　就好難忍　換轉係我　都會覺難受

作者: chocolate 時間: 2012-8-18 05:56

有時佢會大叫，好似鬥人咁(有人時)，而家教緊佢唔好大叫
因我同太太早返工，我地醒佢又醒，太早啦! 六點至7點幾，嘈到人，人地重訓緊
小達摩發表於 2012-8-17 21:30

隻雀太早大叫被人投訴我也試過,十分困擾. 因為當時在客廳養,之後改放入書房,較暗,我出門時佢未起身. 後來在書房裝了時間制,9至6自動開關电燈,效果ok.

作者: 風中飛鸚 時間: 2012-8-18 10:21

我會買架BB車同一個二胡再加一套鼓~

同管理處講~唔養雀就打算生個BB~一大肚就胎教~教佢拉二胡同打鼓~

作者: coletrain 時間: 2012-8-18 10:23

本帖最後由 coletrain 於 2012-8-18 10:39 編輯

開始時，Hello 仔也是狂叫半小時以上，會將牠放在廚房，因防火門隔聲好，也遠離鄰居房間，盡量不影響他人，同時慢慢 Hello 仔明白大叫會困在廚房，久而久之會明白，叫的時間慢慢減少......現在 5 mins 內．

樓主請做好隔聲，早上不讓牠太早見光吧...
scl 發表於 2012-8-17 21:38

係o羅..盡量隔底D聲先.
試下用門邊膠條"攝"門"lar"..大門和房門都攝.
房門底再加防塵膠條.
應該隔唔少音(當然隔唔哂)
再擺小鸚係房,開大D窗..
試下會唔會好D?

作者: coletrain 時間: 2012-8-18 10:30

我反而好想知,如果無人投訴.
只係保安員巡樓時聽到有D雀聲(不是喪叫),
管理處會唔會特登搵野黎做呢定當唔知算?

作者: yimaggie 時間: 2012-8-18 12:20

會~!!
之前有雀友試過
直接走上門叫佢拎走d雀(好似係公屋)
當然查清楚之後係特登搵野黎做

作者: drdoom 時間: 2012-8-18 22:04

拎幾隻金剛返去叫一星期，
再拎走d金剛，
同管理處講已由100分貝減到得幾十分貝

作者: yimaggie 時間: 2012-8-19 00:46

拎幾隻金剛返去叫一星期，
再拎走d金剛，
同管理處講已由100分貝減到得幾十分貝
drdoom 發表於 2012-8-18 22:04

作者: drdoom 時間: 2012-8-19 01:18

問cool大大借d珍獸養一星期，
帶2米大蛇，4呎綠鬣蜥, 去走廊大堂行下

同管理處講隻雀比佢地食左

作者: parrotlove 時間: 2012-8-19 08:30

問cool大大借d珍獸養一星期，
帶2米大蛇，4呎綠鬣蜥, 去走廊大堂行下

同管理處講隻雀比佢地食左
drdoom 發表於 2012-8-19 01:18

作者: 小達摩 時間: 2012-8-19 09:42

我都係住居屋見人養狗都冇事la 隔離有人養lb 都冇野la
d人係甘架乜都投訴1餐我試過7,8點啄豬肉整肉餅食都即時有管理管上門
legmond 發表於 2012-8-17 22:53

而家香港人係咁，成日都投訴，D投訴文化真係......
但係我地都唔啱，影響到人，人地訓緊，俾隻雀嘈醒，真係火都黎

作者: 小達摩 時間: 2012-8-19 09:46

本帖最後由小達摩於 2012-8-19 09:57 編輯

1. 每個居屋都有業主立案法團,而什麼條件寫在公契內,很多時由這班人負責,管理處/公司執行. 你是租還是買? 如果是買,就要動腦筋 - 同管理員 friend d,打聽誰是金手指 ,看有冇機會搞好關係.
2. 也要看自己雀雀是否真的 ...
wendy2307 發表於 2012-8-17 23:20

謝謝WENDY!
1. 買，已問過管理員，唔肯講
2. 唔係，早上會唱歌，下午就唔係好嘈
3. 愛蝶灣
4. 衰在我全幢都無人養雀

作者: scl 時間: 2012-8-19 09:47

本人會看清楚家屋那些牆隔壁不是鄰居才放鳥籠，現在的位置牆壁外是垃圾房及走廊，不易嘈及鄰居．

今天是星期天，會一早將 Hello 仔取出陪伴，一有人在身邊，Hello 仔便不叫了．

作者: 小達摩 時間: 2012-8-19 09:47

如果係自己買既，最嚴重應該係釘契，
當然最好緊係可以和平並存就最好啦
ckw3b 發表於 2012-8-17 23:49

好似釘完契重要上庭俾人告

作者: 小達摩 時間: 2012-8-19 10:02

謝謝各位意見

我已經:
1. 買了膠貼貼門
2. 返工就放房，打開窗
3. 加緊訓練，不准大叫
4. 已"拜會鄰居及SAY SORRY

另請問會唔會樓上/下投訴? D聲傳到樓上/下?

作者: 林林仔 時間: 2012-8-19 10:04

謝謝各位意見

我已經:
1. 買了膠貼貼門
2. 返工就放房，打開窗
3. 加緊訓練，不准大叫
4. 已"拜會鄰居及SAY SORRY

另請問會唔會樓上/下投訴? D聲傳到樓上/下?
小達摩發表於 2012-8-19 10:02

加油呀﹗
千其唔好放棄塞仔

作者: coletrain 時間: 2012-8-19 10:58

會~!!
之前有雀友試過
直接走上門叫佢拎走d雀(好似係公屋)
當然查清楚之後係特登搵野黎做
yimaggie 發表於 2012-8-18 12:20

E...呢個管理處盡責得咁非常喎!

作者: coletrain 時間: 2012-8-19 11:01

謝謝各位意見

我已經:
1. 買了膠貼貼門
2. 返工就放房，打開窗
3. 加緊訓練，不准大叫
4. 已"拜會鄰居及SAY SORRY

另請問會唔會樓上/下投訴? D聲傳到樓上/下?
小達摩發表於 2012-8-19 10:02

記住門底都要封,唔係就會漏音.
其實用膠條封左門後地下都會無咁大塵.

希望樓主順利渡過!

作者: tsw 時間: 2012-8-19 11:03

謝謝各位意見

我已經:
1. 買了膠貼貼門
2. 返工就放房，打開窗
3. 加緊訓練，不准大叫
4. 已"拜會鄰居及SAY SORRY

另請問會唔會樓上/下投訴? D聲傳到樓上/下?
小達摩發表於 2012-8-19 10:02

通常樓上/下投訴

千萬唔好打開窗

1,會容易飛走
2,仲嘈到人

作者: tsw 時間: 2012-8-19 11:57

仲有一招可以放毒

1.假期都帶小達摩樓下公園玩毒D小朋友

2.請樓上/下D人黎屋企坐

毒吓佢

最重要講點好玩,點容易養,叫佢地多D上鸚鵡樹,等佢地都養鸚鵡,咁咪乜投訴都無

作者: ckw3b 時間: 2012-8-19 12:46

仲有一招可以放毒

1.假期都帶小達摩樓下公園玩毒D小朋友
2.請樓上/下D人黎屋企坐毒吓佢

最重要講點好玩,點容易養,叫佢地多D上鸚鵡樹,等佢地都養鸚鵡,咁咪乜投訴都無+:Good Jo ...
tsw 發表於 2012-8-19 11:57

作者: gameijk 時間: 2012-8-19 13:17

如果仲有投訢.
我可借出發仔比你.

.
你可以每日帶番去.同佢地講.你既工作係training parrot 大叫.佢並不是住在這裏.

如是者每曰出入要比管理處知.一星期後佢地會覺得塞仔之聲係天堂之聲.

作者: cool 時間: 2012-8-19 14:23

問cool大大借d珍獸養一星期，
帶2米大蛇，4呎綠鬣蜥, 去走廊大堂行下

同管理處講隻雀比佢地食左
drdoom 發表於 2012-8-19 01:18

No problem................

作者: 小達摩 時間: 2012-8-19 15:43

記住門底都要封,唔係就會漏音.
其實用膠條封左門後地下都會無咁大塵.
希望樓主順利渡過!
coletrain 發表於 2012-8-19 11:01

會的，謝謝!

作者: 小達摩 時間: 2012-8-19 15:44

加油呀﹗
千其唔好放棄塞仔
林林仔發表於 2012-8-19 10:04

我唔會放棄，買得佢，就養佢一世

作者: 小達摩 時間: 2012-8-19 15:48

如果仲有投訢.
我可借出發仔比你..
你可以每日帶番去.同佢地講.你既工作係training parrot 大叫.佢並不是住在這裏.
如是者每曰出入要比管理處知.一星期後佢地會覺得塞仔之聲係天堂之聲.
gameijk 發表於 2012-8-19 13:17

咁我隻達達咪學哂大叫聲??

作者: scl 時間: 2012-8-19 17:27

以我經驗，鸚鵡是會了解主人的生活習性，老公平日愛在廳活動，看電視聽歌，也較大聲，家中鸚鵡也特別於他在時嘈，如只有我時，我多在房活動，聲音細，牠們也在此時特別靜，也慢慢明白女主人愛寧靜，會特別就我，我一睡覺便不叫（看不見也知的），今早老公一走，陪伴 Hello 仔一小時，便放回籠，我可以睡一個半小時多，牠們同時不叫，樓主最好慢慢和鸚鵡做好默契，其實會發現大家互相明白時（晚上ＬＢ會於九時許叫一聲，我會出去開燈讓牠們飲水等），便不用大叫不停了。

作者: Tanashi 時間: 2012-8-19 19:14

以我經驗，鸚鵡是會了解主人的生活習性，老公平日愛在廳活動，看電視聽歌，也較大聲，家中鸚鵡也特別於他在時嘈，如只有我時，我多在房活動，聲音細，牠們也在此時特別靜，也慢慢明白女主人愛寧靜，會特別就我，我一 ...
scl 發表於 2012-8-19 17:27

非常似我的情況呀! 今午老公在客廳吃午飯, 一歲灰鸚也大叫一陣子, 他問我平日是否ー样. 我說牠偶然大叫几分钟, 大部份時間也几靜. 日間牠在廳的, 晚上睡書房 alone. 有時日間我在書房, 仲時不時叫吓佢 tim (when it is in living room)! 想試吓大家在家也有私人空間呀! 唔駛好似初期養牠時像湊仔咁.
我都覺得老公在場時, 灰鸚鵡的表現有D 唔同平日我和牠ー起時, 我可睇埋"都市閒情"都得 ga!

作者: parrotlove 時間: 2012-8-19 21:57

要互相了解相處之道~我家的小達就算見我下午小睡他都會靠我一齊小睡片刻(當然係籠內啦) 除非電話有 Call 佢就大叫直到你拿起電話就會停啦

次次都係甘

作者: wendy2307 時間: 2012-8-19 22:47

其實塞仔咁聰明,你每天返工前同佢講'拜拜',然後叫它'乖乖,不要嘈',然後放歌或音樂才出門,佢地會好快學識,最緊要在家時控制佢的聲量

作者: BABYPAPA 時間: 2012-8-20 08:41

有想過用膠籠？

作者: MAHA 時間: 2012-8-20 11:17

1.)可以

作者: 小達摩 時間: 2012-8-20 22:41

以我經驗，鸚鵡是會了解主人的生活習性，老公平日愛在廳活動，看電視聽歌，也較大聲，家中鸚鵡也特別於他在時嘈，如只有我時，我多在房活動，聲音細，牠們也在此時特別靜，也慢慢明白女主人愛寧靜，會特別就我，我一 ...
scl 發表於 2012-8-19 17:27

作者: 小達摩 時間: 2012-8-20 22:41

非常似我的情況呀! 今午老公在客廳吃午飯, 一歲灰鸚也大叫一陣子, 他問我平日是否ー样. 我說牠偶然大叫几分钟, 大部份時間也几靜. 日間牠在廳的, 晚上睡書房 alone. 有時日間我在書房, 仲時 ...
Tanashi 發表於 2012-8-19 19:14

作者: 小達摩 時間: 2012-8-20 22:42

要互相了解相處之道~我家的小達就算見我下午小睡他都會靠我一齊小睡片刻(當然係籠內啦) 除非電話有 Call 佢就大叫直到你拿起電話就會停啦次次都係甘
parrotlove 發表於 2012-8-19 21:57

有性，

作者: 小達摩 時間: 2012-8-20 22:43

其實塞仔咁聰明,你每天返工前同佢講'拜拜',然後叫它'乖乖,不要嘈',然後放歌或音樂才出門,佢地會好快學識,最緊要在家時控制佢的聲量
wendy2307 發表於 2012-8-19 22:47

試下! THANKS!

作者: 小達摩 時間: 2012-8-20 22:43

有想過用膠籠？
BABYPAPA 發表於 2012-8-20 08:41

如再俾人投訴會考慮....THANKS!

作者: ronald729 時間: 2012-8-21 09:39

本帖最後由 ronald729 於 2012-8-21 09:41 編輯

1,睇清楚公契先
2,打落去話冇養,叫佢攪清楚先好出信,因為雀唔同狗唔洗日日出街,而且佢又唔可以入你屋睇,就算你比佢入都(安排)好後,叫佢上黎做台戲比佢睇,等佢地有得同投訴你條友交代一下
3,我都係住居屋養緊2隻鸚鵡,平時都會帶佢地到平台公園晒太陽
一次我隻黃頭飛落街,物管重幫我於各大堂出通告幫忙尋雀,最後由佢地其下清潔阿姐提供重要線索先搵倒傻雀,而且鄰居都會帶小朋友來我家睇雀
所以平時最重要就係同D街坊和物管攪好D關係,咁就會方便好多

作者: anthonychoi 時間: 2012-8-21 21:58

33# drdoom

作者: Daddy 時間: 2012-8-21 22:24

停止所有室外活動~留在家中~做好家居防護~被免接近所有人類~

作者: 基士提 時間: 2012-8-27 14:07

我也是養塞仔和住居屋的, 長期養在客廳的窗邊, 以便曬一點陽光及讓他們白天可望下街打發時間。我們也遇到同樣的問題。但幸好暫沒有被投訴, 不過一直也有此擔心。

我家的塞仔和雞尾女也是早醒, 每朝6:00(最遲都是6:30)便會大叫搵人開籠布, 嚷著出籠食早餐。要我先生即刻走出去訓廳(因他們知道有人在附近了)才收聲, 及拖延他們一下嚷著要早出籠的問題。但我先生也很苦惱著他們的大叫, 其實也影響著我倆要早醒。當我們早上8:00上班把家門關了, 在lift口仍會聽到塞仔叫我們要返來不要走。我想問那裡有門邊隔音膠賣呢? 想試下大門邊貼上。另估計光線也會是一個問題, 因在窗邊夏天會早光早醒, 冬天他們一般會較遲叫。我們也想嘗試減低他們擾民的聲浪, 不想出事後才補救。

有幸地我們住尾房, 而且對面那戶有養貓咪, 所以, 我們暫時無收到投訴, 但也盡量想降低早上及黃昏的聲浪。
請賜教

作者: 小達摩 時間: 2012-8-31 01:30

我也是養塞仔和住居屋的, 長期養在客廳的窗邊, 以便曬一點陽光及讓他們白天可望下街打發時間。我們也遇到同樣的問題。但幸好暫沒有被投訴, 不過一直也有此擔心。

我家的塞仔和雞尾女也是早醒, 每朝6:00(最遲都是6 ...
基士提發表於 2012-8-27 14:07

你就好，鄰居有養寵物，我全層就無，所以就......
膠條日本城有得賣。
我地case都有點像，大家要堅持養佢地，另外，我幫佢蓋布，佢就唔會嘈，你地係唔係呀雀嘈就鬆布??佢地好鬼聰明，會知道嘈就會見到你地.....佢地如果嘈我就唔理佢地或者鬥幾句就ok

作者: 小達摩 時間: 2012-8-31 01:33

1,睇清楚公契先
2,打落去話冇養,叫佢攪清楚先好出信,因為雀唔同狗唔洗日日出街,而且佢又唔可以入你屋睇,就算你比佢入都(安排)好後,叫佢上黎做台戲比佢睇,等佢地有得同投訴你條友交代一下
3,我都係住居屋養緊2隻鸚鵡 ...
ronald729 發表於 2012-8-21 09:39

\

請問點樣同物管關係好d?

作者: Saiga 時間: 2012-8-31 02:30

\

請問點樣同物管關係好d?
小達摩發表於 2012-8-31 01:33

呢d人際關係野要你自己去諗下la.......
我自己都係住居屋，家中LB經常亂叫，不過我一叫No佢就收聲
如果過一陣再嘈番即刻佢有要求，我成日都帶雀落街散步
樓下d看更都見到熟哂，上次我走雀，d看更都有幫手搵
有時見到我都會問 "E~~今日唔帶隻鸚鵡仔落黎既？"
我之前同一層有一戶係養迷金的，都養左好多年，我記得由我搬入黎開始佢已經係到
叫足咁多年都冇人投訴，我當時唔識鸚鵡果陣仲以為佢係唔知乜野黎
所以係村屋以外既住宅養寵物真係要靠人際關係，公屋夠話唔準養狗
但只要你守下規則，落到樓下出左去先放佢出黎，又唔亂吠同咬人，d看更多數都隻眼開隻眼閉

作者: 小達摩 時間: 2012-8-31 15:01

呢d人際關係野要你自己去諗下la.......
我自己都係住居屋，家中LB經常亂叫，不過我一叫No佢就收聲
如果過一陣再嘈番即刻佢有要求，我成日都帶雀落街散步
樓下d看更都見到熟哂，上次我走雀，d看更都有幫手搵 ...
Saiga 發表於 2012-8-31 02:30

THANKS 師兄教路

作者: scl 時間: 2012-8-31 17:42

我每次帶 Hello 仔落公園曬太陽時，必先將 Hello 仔　見管理員，叫 Hello or Bye Bye，讓管理員覺得牠醒目，久而久之管理員也掛念牠，每次也問為何不帶牠下來，在公園也會和想了解的鄰居聊天解釋，Hello 仔時有引人發笑之表演，希望大家不會介意牠的叫聲．

作者: 小達摩 時間: 2012-9-1 01:00

我每次帶 Hello 仔落公園曬太陽時，必先將 Hello 仔　見管理員，叫 Hello or Bye Bye，讓管理員覺得牠醒目，久而久之管理員也掛念牠，每次也問為何不帶牠下來，在公園也會和想了解的鄰居聊天解釋，Hello 仔時有引人發 ...
scl 發表於 2012-8-31 17:42

HELLO仔識打招呼，我隻達達淨係識叫達達/達達B，教過佢唔肯講，其實佢可以學到......唔通叫佢同管理員講番自己個名?

作者: scl 時間: 2012-9-1 11:47

本帖最後由 scl 於 2012-9-1 11:51 編輯

71# 小達摩

那麼教牠叫:　達達 Hello

我教 Hello 仔叫高達時，牠也是只肯叫　Hello 高達，只因牠肯叫 Hello，便會肯達成來說，Hello 高達，慢慢會學會獨立叫”高達”的，你試試~

作者: jacko_lee5811 時間: 2012-9-1 19:55

\

請問點樣同物管關係好d?
小達摩發表於 2012-8-31 01:33

O的大時大節你要識做呢!!

作者: MAHA 時間: 2012-9-3 10:54

500蚊樓下的心意

作者: BABYPAPA 時間: 2012-9-3 11:00

講錢失感情,我就生果,朱古力. < 不是因投訴 >..是他們喜聊天 ..我又喜發 UP 風..

歡迎光臨 PARROT-TREE (http://forum.parrot-tree.com/)