PARROT-TREE - Powered by Discuz! Board

標題: 太陽隻眼睛好似有事, 點算呀? [打印本頁]

作者: jennymok 時間: 2012-10-31 20:58 標題: 太陽隻眼睛好似有事, 點算呀?

晚飯時見到隻太陽成日半合隻左眼, 又用爪R隻眼, 好似有野入眼咁, 請問我可以點做? 現巳關燈比佢休息!

作者: chocolate 時間: 2012-10-31 21:13

好耐之前我隻雀有一晚一边眼成曰合埋,雖冇分泌,但好擔心,當時問妹姐,因可能撞倒,可觀察,另佢建議用熟水幫佢沖下,因翌日有改善,冇去睇医生,之後冇事.

作者: tsw 時間: 2012-10-31 21:29

買眼藥水同佢滴

作者: DominicHim 時間: 2012-10-31 21:33

用凍滾水抹一抹眼附近的皮膚~再睇下情況點,唔得就要睇醫生了

作者: 風中飛鸚 時間: 2012-11-1 10:24

滴左眼藥水~唔得就要睇醫生~先book定醫生~滴左冇事就打電話去取消~

作者: jennymok 時間: 2012-11-1 10:29

請問大家講嘅眼藥水係什麼(牌子)眼藥水? 滴幾多呢?

作者: 風中飛鸚 時間: 2012-11-1 10:32

安全d就去雀店買~(貴dd)

louis曾經post過去藥房買~後尾又好似俾人鬧~又唔敢提供~(好人難做)

作者: fongwaihung 時間: 2012-11-1 10:45

我之前隻Love Bird都試過，我係去藥房買比BB用既眼藥水，同埋比佢食抗生素，之後好番

作者: 風中飛鸚 時間: 2012-11-1 10:47

因為jenny隻太陽唔知係唔係發炎~所以唔可以亂黎~

作者: parrotlove 時間: 2012-11-1 10:52

之前我用過妙連温和配方(有消炎作用) 每次二滴一日二次蓋布二至二天好番 .. (抗生素就一定唔會俾佢食) 但係妳就要自記决定啦 .

作者: jennymok 時間: 2012-11-1 11:17

原來係滴人嘅眼藥水都得?!

作者: Louis 時間: 2012-11-1 15:49

動物用既眼藥水, 同人用既係一樣, 使用方法及份量, 要按每種藥成份(藥力有效時間)及病症深淺而有所調整.
最好由醫生檢查病因, 對症下藥. 如暫時未能求醫, 可用針筒抽生理鹽水, 拔除針頭後, 慢慢沖洗眼睛, 然後安置隻雀去陰暗位置, 避免強光刺激令眼睛痛楚. 如眼睛有黃白分泌物, 即已經受到感染, 需要使用抗生素治療.

一般家居寵物鳥眼疾, 多數係感染, 創傷, 及過敏.

感染: 如細菌或病毒感染, 需要用相應有效殺滅該種細菌/病毒之抗生素眼藥水/眼藥膏. 另外亦需要注意身體是否同時患病, 因為有多種病症, 例如鸚鵡熱, 感冒, 都會伴隨有眼腫流淚及二度感染病徵.

創傷: 有可能眼睛受到刺激痕癢, 自行抓傷, 打交時打傷, 或意外受傷. 一般會使用抗生素眼藥水/眼藥膏, 以防傷口受到感染, 如非必要, 切勿時用含類固醇眼藥水, 類固醇雖可有效止痛消紅消腫, 但會降低免疫力, 增加傷口感染機會. 同時因應不同創傷種類及眼睛部位, 需要同時使用其他治療眼藥.

過敏: 眼睛受到致敏原刺激或碰撞, 變得紅腫, 流淚, 痕癢/痛楚, 呢種情況就需要類固醇眼藥水或抗敏眼藥水, 抑制過敏症狀.

由於眼疾種類及治療方法繁多, 如果自行治理一兩日都無轉就應儘快求醫, 作詳細檢查及治療.

作者: tsw 時間: 2012-11-1 19:29

原來係滴人嘅眼藥水都得?!
jennymok 發表於 2012-11-1 11:17

我用人滴眼藥水...日本出V**眼藥水

作者: parrotlove 時間: 2012-11-2 11:00

動物用既眼藥水, 同人用既係一樣, 使用方法及份量, 要按每種藥成份(藥力有效時間)及病症深淺而有所調整.
最好由醫生檢查病因, 對症下藥. 如暫時未能求醫, 可用針筒抽生理鹽水, 拔除針頭後, 慢慢沖洗眼睛, 然後安置隻 ...
Louis 發表於 2012-11-1 15:49

MR Master

作者: 風中飛鸚 時間: 2012-11-2 11:22

你又唔係錢問題~滴一次冇效就好去睇醫生~
同我早前建議一樣~約定醫生時間~另一方面自己買眼藥水~分頭進行~

(如果眼藥水有效~會好明顯~唔洗等好耐~)

作者: jennymok 時間: 2012-11-2 13:22

你又唔係錢問題~滴一次冇效就好去睇醫生~
同我早前建議一樣~約定醫生時間~另一方面自己買眼藥水~分頭進行~

(如果眼藥水有效~會好明顯~唔洗等好耐~)
風中飛鸚發表於 2012-11-2 11:22

太陽隻眼睛巳經無事喇, 可能玩玩具整親! 加上我地太"滕雞," 多謝曬大家嘅建議! 特別多謝Louis嘅詳細解答!
飛鸚, 每次睇醫生都好貴架! 仲有來回車費呢, 都好肉赤架!

作者: Stan 時間: 2012-11-2 13:58

冇事就放心啦! ~~~

作者: parrotlove 時間: 2012-11-2 14:00

甘其實佢係自己好番 ?

歡迎光臨 PARROT-TREE (http://forum.parrot-tree.com/)