PARROT-TREE - Powered by Discuz! Board

標題: 我在鸚鵡樹真幸福 + 獻上無限感激 [打印本頁]

作者: ngkare 時間: 2013-2-4 18:07 標題: 我在鸚鵡樹真幸福 + 獻上無限感激

本帖最後由 ngkare 於 2013-2-4 18:21 編輯

因知鸚鵡樹越來越多國內同胞瀏覽, 所以會盡我能力用書面語, 簡體字則恕我無能為力。

其實當Lo仔飛脫我手的一剎那開始，我真的是六神無主，所以當中大部份情節，也是今天細閱大家的回應才知道，不過在整個過程中，我有信心Lo仔定必回到我手中，因我身後有一支強大又有心、有經驗的支援隊。
在這不會多講過程，只想向各位"真心英雄"逐一道謝：
首先面多謝Jenny Mok 及妹妹 Esther Mok，如果沒有她倆人，相信我一定撐不下去。還有Auntie Mok 心裡的祝福，及事後的慰問，一一暖在心，也銘記於心！
多謝飛鸚主席、啤梨及琛仔，一家人義無各顧的相助，看到睏得眼皮也掉下來的琛仔，真的很心痛，琛仔真是沒話說的乖孩子；每次有會員失雀，主席和啤梨也落力得像自己的事般，真難得！
多謝Ricky & Carol，你們把這事當成自己的事，不停在會場跑來跑去，希望沒影響你們的工作！
多謝Cash & 多多爸媽，你們為了幫手，就連愛雀也交別人帶走...... (我打到這裡，想到你們每人，又忍不住眼淚了)
多謝Sue, Mandy Tang & Jenny Se，我確能感受到你們的支持，令你們掛心大半天，心感慚愧。
多謝Makjoe夫婦的意見，多得你們的經驗分享，才可捉到Lo仔，否則真不知何時才成功！
最後，我要多謝鸚鵡樹每位成員，你們在網上的留言令到感到安慰，我和Lo仔很幸福，因為我們是鸚鵡樹的會員。

請大家再幫幫忙, 推一推, 令此帖能留在大廳長一點時間, 讓更多人知道鸚鵡樹最寶貴的不是專家, 而是一群真心尊重生命的好人!

作者: YPS 時間: 2013-2-4 18:39

好開心你們可團聚

作者: htm 時間: 2013-2-4 18:49

恭喜晒...好事當然要幫手推一推啦

作者: CTL 時間: 2013-2-4 19:34

為什麼有這個Petshow活動我一點都不知?樹樹網上全無通告.

作者: 風中飛鸚 時間: 2013-2-4 19:35

其實琛仔真係好抵鍚~永冇咋形話悶~乖乖坐一角看守各人隨身物品~而係每次都唔短時間~每次都靜靜等待~

由幾歲開始就默默咁等~問佢支持父母行動嗎?他不會回答~我只教佢~父母咁做~可能引起更多人辱駡~不要緊~堅持自己做得對~幫到人~幫到鸚鵡~其他唔理就得啦~

作者: 叮噹 時間: 2013-2-4 19:39

本帖最後由叮噹於 2013-2-4 19:41 編輯

相信當時Lo仔&主人都心慌慌,真好回到主人身邊。恭喜恭喜一家團圓

ngkara你最Touch的一句係群真心尊重生命的好人

作者: 風中飛鸚 時間: 2013-2-4 19:42

相信當時Lo仔&主人都心慌慌,真好回到主人身邊。恭喜恭喜一家團圓

你最Touch的一句係群真心尊重生命的好 ...
叮噹發表於 2013-2-4 19:39

其實隻鸚鵡無論係乜野人~大家都係養鸚鵡~都應該守望相助~

我在貨物電梯~見到一個手拿鸚鵡人行出~見到我手持鸚鵡進入~望都唔望下我~我立即同身邊人講~罪不至咁嗎?點點頭~轉面落降頭一件事丫~

作者: YVONNE 時間: 2013-2-4 20:46

恭喜人雀重逢, 樹樹真係有好多好好的朋友, 出心出力, 雖然沒有到場, 但看到短片和各位的描述, 真是非常感動, 還好有驚無險, 再次恭喜一家團圓.

作者: makjoe 時間: 2013-2-4 20:48

唔好咁講，我地都幫唔到咩手，只不過將工作經驗作分享，希望幫到你，但希望千萬唔好有下次

作者: ngkare 時間: 2013-2-4 20:56

其實隻鸚鵡無論係乜野人~大家都係養鸚鵡~都應該守望相助~

我在貨物電梯~見到一個手拿鸚鵡人行出~見到我 ...
風中飛鸚發表於 2013-2-4 19:42

經過呢次，我李司棋上身：「邊個係人，邊個係鬼，我睇得出！」

作者: 錢多多 時間: 2013-2-4 21:27

ngkare
唔洗甘客氣啦，大家都系鸚鵡樹的一份子^^應守望相助...(即使唔系鸚鵡樹的會員，見到甘的情況，大家都系養鸚鵡的人，都應給予援手，雖然幫唔到D咩，但都希望有個support，讓事主的心踏實D。)
我果兩個小朋友系我姐姐幫我送佢地番屋企，所以好放心。
飛鸚
琛仔真系好乖，好得人中意架，佢同我一齊幫大家睇住貴重物品果時，我地都有傾計，我同琛仔都好緊張，不停系度講，系希望Lo仔快D同ngkare快D團聚。

作者: cheerios 時間: 2013-2-4 21:47

養得雀，就一定有機會走雀, 意外意外意料之外！唔理機會只是0.001%，都是有可能的。
難道香港有任何一個鸚鵡會冇試過有會員走雀？養得雀一段時間的人都知道就算幾小心，都有機會有雀友走雀，苦樂同源，世事有時就是那麼無奈，盡量用平常心面對每一次走雀事件，最緊要大家合力幫忙，尋回愛鳥。點解同是養鸚鵡的人，不同情不特止，仲要落井下石，抽水奚落？！此人愛護動物之心何在？！

作者: 風中飛鸚 時間: 2013-2-4 22:06

為什麼有這個Petshow活動我一點都不知?樹樹網上全無通告.
CTL 發表於 2013-2-4 19:34

1唔係鸚鵡樹舉辦~
2完全商業活動~
3完全私人朋友參與~
4冇可能在鸚鵡樹公佈~
請見諒!

作者: sodagreensimon 時間: 2013-2-4 22:29

恭喜哂, 人雀團圓, 可喜可賀

當時見到LO仔飛走打圈, 我哋都跟住滿場跑, 亦替LO仔擔心, 我自己都走過雀, 好明白走雀的心情, 當時未有幫上忙, 十分抱歉。

作者: OnOn 時間: 2013-2-5 01:21

我都要推一推.

在整件事件, 讓我們再一次感受到團結的力量。
每次發生走雀事件, 大家都只有一個心願, 就是盡力幫忙失主。有專家, 沒有專家, 重要嗎? 一個真正愛護動物及尊重生命的鳥主, 必須以動物安危為首要, 絕不會去想什麼門戶之見或只是隔岸觀火, 以別人之意外去炫耀自己及將歪理講為真理, 這是宣揚正確鸚鵡資訊嗎? 真的有點可笑, 但亦再次証明團結的力量遠勝千言萬語。

作者: ngkare 時間: 2013-2-5 09:33

恭喜哂, 人雀團圓, 可喜可賀當時見到LO仔飛走打圈, 我哋都跟住滿場跑, 亦替LO仔擔心, 我 ...
sodagreensimon 發表於 2013-2-4 22:29

唔好咁講啦！睇得出你都好擔心，我記得你同我講：「有需要叫我會食完飯番黎幫手！」只係哩句說話已經好足夠！多謝你！

作者: jennymok 時間: 2013-2-5 11:46

最深刻嘅感受係我地旁邊嘅一個booth, 係賣貓狗用品嘅(東林寵物用品, 值得一讃!), 佢地不但借出高凳, 等Lo仔可以全程望到Karen無咁驚, 又送水同飲品比我地, 其實我地正阻住佢地做生意, 但他們的一句"唔緊要! 大家都係Animal Lover嘛!" 即時暖上心頭! 人格最高尚嘅一面係雖然大家飼養不同品種嘅寵物, 但都以寵物嘅安危為首要, 更重於他們做生意!

相反嘅係當時先後2次見到一個肩上企有一隻杜柯波氏嘅男人, 第一次走過來望2望就走咗, 之後又走過嚟望一望, 唔係! 係一記眼白眼及一個冷笑之後走咗! 完全唔知佢做乜, 有什麽意思! 同時間好多行寵物展嘅市民都會走過嚟問下啦、又比下意見啦、又支持下啦! 亦都有人抱住睇戲嘅心態嚟睇下發生咩野事! 但估唔到呢位我以為"志同道合"嘅養鸚鵡男人竟然會咁!

"一個人嘅貴賤係源於佢嘅行為, 而唔係源於佢嘅出身!" 呢句說話完全體會到!

作者: mannawg 時間: 2013-2-6 09:34

ngkare, 恭喜你找會你的寶貝仔, 希望它日有緣見見LO仔

作者: mancat 時間: 2013-2-7 07:59

展覽完了也很忙, 今天終於有時間上網看, 看後真是百感交集.....

KAREN 唔好客氣, 其實我都只係幫到追住佢飛, 又 CALL 唔到 LO 仔... 其實我也很想留下幫手, 但又要照顧啲貓貓回家同返家餵貓BB, 所以未能留下, 但又很掛心, 雖然知道必定能捉回, 但亦擔心有意外, 知道LO 仔能平安回到你身邊的一刻, 整個人也安心下來, 真是萬幸!

Karen, 另想替 Cat Show 場內發生的不愉快事件道歉, 請你原諒那些自私的貓主, 我相信他們對自己的寵物愛護的程度亦有限, 因他們不能體諒其他主人的心情, 想必亦未能體諒自己寵物的心情!

(事源是當 LO 仔飛到貓展場內的 Banner 時, KAREN 追到 Banner 底叫 LO 仔, 但有一些自私的貓主叫她不要在那裡大叫, 會嚇親他們的貓...但當時在 Banner 附近的貓差不多全部比賽已完結, 而還未完結的賽事也只在另一邊進行中, 而且一人的叫聲能有多大的威力能嚇怕那些出慣賽的貓貓呢, 如真的連人聲也驚的話, 亦不應帶來參賽! 而那些沒品的貓主就是常在寵物雜誌刊登廣告的那些貓場主人)

作者: 風中飛鸚 時間: 2013-2-7 10:23

人是沒有十全十美~我們意外走雀~都因為有疏忽所至~能否包容他人~是個人品德問題~

換轉人地走貓~跳到我們鸚鵡身邊~自己又有乜反應呢?~

不過養得寵物~就應該對所有動物有愛心~

作者: Aekaek 時間: 2013-2-7 10:35

回復 20# 風中飛鸚

超同意，我屋企有鸚鵡，有魚，以前有龜！海陸空都有！

作者: 風中飛鸚 時間: 2013-2-7 10:38

我最近仲衰~諗到隻龜終身監禁在龜兜~有d唔安樂~可能轉死性~~

作者: parrotlove 時間: 2013-2-7 23:28

雖然不在場，也感受倒這刻的心情及團結的力量：）

作者: 風中飛鸚 時間: 2013-2-8 10:44

今次同平時走雀心情完全唔同~因為今次捉硬~只係花幾多時間~平時有權無功收隊架嗎~

以我回到會場~升降車到場計~花了一小時~都算幸運~因為越耐越難捉~係必然事~

隻雀一習慣升降車行近就飛~一行近就飛~就好難攪~所以第一次升降車出現~一定唔可以嚇怕隻雀~

所以我希望大家靜D~等主人聲音明顯D~凸出D~令鸚鵡知到~~車上有主人~車上有熟悉聲音~不用怕此物件~

作者: Stan 時間: 2013-2-8 13:50

雖然話係室內, 但聽見都擔心, 始終隻雀唔係手上, 怕佢四圍飛有意外. 終於人雀團聚, 可喜可賀~~~

作者: 風中飛鸚 時間: 2013-2-8 14:19

雖然話係室內, 但聽見都擔心, 始終隻雀唔係手上, 怕佢四圍飛有意外. 終於人雀團聚, 可喜可賀~~~
Stan 發表於 2013-2-8 13:50

1意外反而冇乜機會~最多只係死~問題係埸地太大~

2起初工作人員唔想合作~令我們雀友非常擔心~雀友話:唔合作就報警~工作人員表示~報警都冇辦法~(我想話如果你們唔合作~我即時去雀街買幾十隻放生雀入黎放晒佢~等你地點捉~)

作者: 真正 時間: 2013-2-9 12:42

走左之後，karen whats app通知先知道﹗實在嚇左一跳﹗
我知樹樹大家都好好，但勞勞係豆豆好朋友﹗可以返返主人身邊﹗我都非常非常非常非常感謝大家幫karen同勞勞團聚﹗﹗萬分感謝﹗
越睇細節就越疑惑。
係走果時，經過另一個鸚鵡攤位，睇住大家都好喜歡鸚鵡都好開心﹗鸚鵡係值得大家愛護。其實大家愛護鸚鵡既心應該係一致的。
點解會有差別呢﹖走雀，要捉。需要幫忙，要幫。應該係咁簡單的。
我咩都唔知，咩都唔清楚，亦不在場，無權發言，無資格評論。
新一年如果係許願時間的話，只但願人同人之間能夠保存人類珍貴既同理心、互助精神，人同雀之間可以相處更加快樂。

作者: 風中飛鸚 時間: 2013-2-18 23:53

大同與小康

作者: carolee 時間: 2013-2-19 00:27

好開心見大家群策群力搵返LO仔，好感動，可惜果日唔在場幫唔到手

作者: 風中飛鸚 時間: 2013-2-19 15:36

好開心見大家群策群力搵返LO仔，好感動，可惜果日唔在場幫唔到手
carolee 發表於 2013-2-19 00:27

你在場實哭~

作者: ngkare 時間: 2013-2-20 01:18

你在場實哭~
風中飛鸚發表於 2013-2-19 15:36

哈哈哈！咁樣先係Carolee!

作者: 風中飛鸚 時間: 2013-2-23 10:13

其實每次走雀~捉得番只係好彩~

作者: Money 時間: 2013-2-23 11:50

鄧你好開心~

作者: chanchanman 時間: 2013-2-27 02:00

推推推~~~~

作者: Grinny 時間: 2013-2-28 12:12

回復 1# ngkare 從漢語言方面黎講，人們辨識漢字是通過“輪廓識字”，而不是通過“筆劃認字”。簡單d講，國內同胞看繁體字是完全冇問題噶！但是，相反，香港同胞除非學過簡體，否則好難睇得明簡體字。

作者: 風中飛鸚 時間: 2013-2-28 14:37

貪得意再睇一次~點知再睇都一樣咁感動~我係一個老粗~胸無半點墨~讀書少~~表達唔到~
我想表達~當時會場~任何一隻品種動物~我們都唔想佢受苦~唔係因為高人一等~而係對動物有另一番感覺~

我有d親戚朋友~覺得養寵物既人係世界上最傻既人~又要俾錢買~買完仲要養~又要睇醫生~只有付出~
浪費時間金錢~隻雀飛走仲好~唔洗養~

我們想法完全唔同~即使隻雀走失捉唔番~~都希望佢平安冇事~

歡迎光臨 PARROT-TREE (http://forum.parrot-tree.com/)