PARROT-TREE - Powered by Discuz! Board

標題: 令我沮喪嘅事又再發生了! [打印本頁]

作者: jennymok 時間: 2013-3-17 01:11 標題: 令我沮喪嘅事又再發生了!

事緣3星期前因為搽咗指甲油, 第二朝早瞓醒, 見到隻細葵將個頭貼埋籠邊, 一定係想R頭啦, 所以伸咗隻食指(左手)入籠(其實只响籠邊)同佢R頭, 點知RR下, 佢就一口咬住我手指, 我一拉仲拉"旭"咗個鋼籠, 即時血流如注, 痛到飛起, 我知道佢不嬲都唔鐘意指甲油味, 但無諗過佢會咬得咁狠!

點知尋晚佢又將個頭貼埋籠邊想R頭! 我隻手又無搽指甲油又無搽hand cream, 應該無事啦! 所以又伸咗隻食指(右手)入籠同佢R頭, 點知RR下, 又一口咬住我手指! 難然無左手咁傷, 但都流曬血! 我妹妹即時推佢入黑房, 之後仲笑我話, "細時背過一句金句係 : 不要與惡人作對, 有人打你的右臉、連左臉也轉過來由他打。你今次仲唔係"不要與惡鸚作對, 有雀咬你的右手、連左手也轉過來由他咬。"

唉! 之前我妹妹已警告過我, 家中嘅亞馬遜近來好跟我, 一出籠就飛到我身上, 我又常常响細葵面前(佢在籠中)抱住隻亞馬遜, 其實係細葵出籠玩完先放亞馬遜出黎玩, 可能佢妒忌同嬲咗好耐, 所以乘機報仇!

咁嘅情況, 之後點算好呢? 好沮喪, 因為我已經驚咗佢, 之後點相處呢? 嗚....

作者: louisa20047 時間: 2013-3-17 01:33

一齊放啦

作者: makjoe 時間: 2013-3-17 01:41

你又被咬喇，鸚鵡真係好鬼易嬲，同妒忌心極重，最近我老公都比隻灰鸚啄到見血，平時隻灰鸚好跟佢，可能我地呢排買多左隻黃頸，攪到佢唔開心，反而佢而家就跟我，唔要我老公，唔知咁叫唔叫因禍得福，因為隻灰鸚本身係佢買比我做母親節禮物。

作者: makjoe 時間: 2013-3-17 01:46

我地每次都已經一齊放，仲要跟買返黎既先後黎決定邊個出籠先，就係唔知點解，隻灰鸚呢個星期咁唔鍾意我老公。

作者: macbrush 時間: 2013-3-17 01:58

叫左你隔住籠就用木筷子摸啦，以經唔係第一次咬啦……

作者: chocolate 時間: 2013-3-17 06:08

真替你感到困擾！佢地似乎爭寵咁,不過細葵做出一D極不受歡迎的行為引你注意,咁就唔可以俾呢個小朋友得償所願.
我的仔仔有日情绪唔好,一見係我隻手就樸去大力咬,那日冷淡唔理佢,俾佢自己休息下,第二日就正常番.不過都有同佢講,佢要我同佢R頭,就唔可以咬人.不過我兩隻鸚鵡都會爭寵,成日要係佢地面前表明兩個都一齊錫,大家待遇一樣,否則佢地會打對方或咬我

作者: scl 時間: 2013-3-17 10:32

本帖最後由 scl 於 2013-3-17 10:34 編輯

不要沮喪！另心也不要驚！冷靜面對．

好好細想最令牠安心平靜的互動，多點令牠在此互動中修好關係，Hello 仔來時也很易咬男主人，一年後，近來就是想咬也細細力了，更多時到手指前便停下來了，牠似乎學會了控制自己．當初老公也驚了，不敢互動，Hello 仔反是更嬲他，我見不對勁，反是放在他大脾上迫他習慣面對，是近三個月的事，近日就是男主人只顧自己看電視，不理 Hello 仔，Hello 仔只會離開他大脾，走遠用背面 "duck" 著他表示不滿，行為上比以前一不滿便咬他，文明很多了．

慢慢來吧！老實說養鸚真是不易，特別是天天互動不被咬者更少，想辦法令鸚鵡修好發惡行動很重要，我小時養時便知此點，努力呀～

另我不會隔籠互動，怕出事呢！

作者: 風中飛鸚 時間: 2013-3-17 10:41

以後要攞出籠先玩~申手入籠盡快取出~一關籠門~就易處理~

作者: ngkare 時間: 2013-3-17 11:20

Jenny, 我唔係笑你，不如你襯機分享吓傷口護理常識啦！

作者: BABYPAPA 時間: 2013-3-17 11:54

與惡人作對也要有自知知明！咬當教訓...

作者: keero2006 時間: 2013-3-17 13:56

同情萬分、、、

作者: cheerios 時間: 2013-3-17 14:22

新手最鍾意問: "隻鸚鵡咬唔咬人㗎?"
大家都知養得鸚鵡預左被咬啦，未比鸚鵡咬過，點算老手呀~ 正如邊個賽車手未撞過車呀~ 不過冼拿有啲唔好彩咁啫....

下次妳可以同啲新手講: "我十隻手指都有疤痕呀~" 型到呢~

作者: louisa20047 時間: 2013-3-17 17:53

本帖最後由 louisa20047 於 2013-3-17 17:54 編輯

波波的情況~同我殺手葵當初的情況一樣~一樣係心有所屬~一樣係將個頭貼埋籠邊好想人地幫佢R頭咁~結果幾乎每次都咬死我

作者: OnOn 時間: 2013-3-17 18:11

聽見都痛

你以後就唔好再上擋啦! 個籠係佢地頭，一定惡過你.
下次一定要出籠後先好摸佢，同佢玩，有乜事都縮得快d.

作者: jennymok 時間: 2013-3-17 18:44

波波的情況~同我殺手葵當初的情況一樣~一樣係心有所屬~一樣係將個頭貼埋籠邊好想人地幫佢R頭咁~結果幾乎每次 ...
louisa20047 發表於 2013-3-17 17:53

咁你而家點同殺手葵相處呀?

作者: jennymok 時間: 2013-3-17 18:53

叫左你隔住籠就用木筷子摸啦，以經唔係第一次咬啦……
macbrush 發表於 2013-3-17 01:58

以後都唔敢再伸手指入籠喇! 其實一直以來我都係咁同佢R頭, 以前都無事, 呢排唔知點解佢咁燥!

作者: 小草妹 時間: 2013-3-17 20:24

你話佢係雀女 , 會唔會係佢春天繁殖期 hormones 嘅問題呀 ?

唔好灰心呀 , 曾經echo 都咬到我成手傷晒 , 有 2 次 , 雖然傷口範圍細 ,
但深到流三個鐘血都止唔到 , 你要了解佢點解係自己個籠咁agressive 先
我之前個做法就係咁 :http://theconurehandbook.blogspot.hk/2012/08/blog-post_27.html
令佢重拾對手嘅信心 , step up 練習可以係籠內訓練 , 比佢知道你隻手伸入籠無惡意嘅
anyway 只係小小愚見

作者: 林林仔 時間: 2013-3-17 21:33

每一次有啲無養过雀啲人問我，鸚鵡係未好易養﹗我就會俾啲手指佢睇﹗

作者: louisa20047 時間: 2013-3-17 23:04

咁你而家點同殺手葵相處呀?
jennymok 發表於 2013-3-17 18:44

宜家冇咬我啦(唔知係咪以後都唔咬)~仲願意俾我摸頭仔同素囊

因為殺手葵聽得明我講野~所以我想摸佢之前~我會望一望佢個表情先~見佢個樣開開心心~我就再伸隻手出黎~問佢:摸唔摸得呀?~佢伸長條頸低頭表示願意俾我摸~我先摸~佢一郁我即縮~我再同佢講:唔好嚇我啦~我驚嫁~之後佢一係轉身走~一係低返個頭仔要我摸

如果佢掛係籠角仔位~我唔會摸的~只會同佢玩

另外我就得閒唱下歌俾佢聽~佢又跳返part舞~我食野又分佢一份咁囉

PS : 殺手葵唔出籠的試過打開籠門好幾日~佢一步都冇出過籠~最多只係伸個頭出黎偷睇~所以無論做咩都係籠入面~分別只係開門玩同隔籠玩

作者: mmchu 時間: 2013-3-18 00:20

你都好叻，比佢咬過一次仲敢試第二次,
我阿媽比大B哥咬過一次之後，
仲未克服到呢個陰影呀陰功～

作者: 風中飛鸚 時間: 2013-3-18 10:37

你隻雀細個時~俾人用手監硬取出~留下陰影~再加上你有水晶甲~更令佢擔心~以後用棍引佢企上拿出~出籠先玩啦~

作者: fishball 時間: 2013-3-18 14:16

咁你而家點同殺手葵相處呀?
jennymok 發表於 2013-3-17 18:44

我地家都有殺手丫.... 不過入春後殺手好似再勁D... 唔知係未嬲佢男人唔要佢痴住我... ><

作者: fishball 時間: 2013-3-18 14:17

宜家冇咬我啦(唔知係咪以後都唔咬)~仲願意俾我摸頭仔同素囊

因為殺手葵聽得明我講野~所以我想摸佢之 ...
louisa20047 發表於 2013-3-17 23:04

我上次未講完已經比佢咬中了.... 下次隻手都要離籠遠D

作者: jennymok 時間: 2013-3-18 14:18

我地每次都已經一齊放，仲要跟買返黎既先後黎決定邊個出籠先，就係唔知點解，隻灰鸚呢個星期咁唔鍾意我老公 ...
makjoe 發表於 2013-3-17 01:46

而家都係一齊放, 大白同細葵响廳(我同媽咪睇住), 太陽、黄頸金剛、亞馬遜响房(妹妹睇住), 唔可以比亞馬遜同細葵放埋同一地點, 因為隻亞馬遜會飛到我手上。

作者: jennymok 時間: 2013-3-18 14:22

不要沮喪！另心也不要驚！冷靜面對．

好好細想最令牠安心平靜的互動，多點令牠在此互動中修好關係，Hell ...
scl 發表於 2013-3-17 10:32

係呀! 以前我放細葵出籠後, 只顧自己上網不理佢, 佢會好唔開心而大叫架!

作者: jennymok 時間: 2013-3-18 14:27

你話佢係雀女 , 會唔會係佢春天繁殖期 hormones 嘅問題呀 ?
唔好灰心呀 , 曾經echo 都 ...
小草妹發表於 2013-3-17 20:24

我地估佢係女, 佢前主人好似係一位伯伯, 所以佢好鐘意我老豆(無乜同佢玩都好鐘意), 夜晚望住我老豆就靜曬、好定又唔大叫!

作者: jennymok 時間: 2013-3-18 14:37

你都好叻，比佢咬過一次仲敢試第二次,
我阿媽比大B哥咬過一次之後，
仲未克服到呢個陰影呀陰功～
mmchu 發表於 2013-3-18 00:20

我都好大陰影架! 不過對住佢一d都唔嬲, 佢細時成日比大雀同細路仔(前主人家)蝦, 所以變得好神經質, 乜都驚, 尤其係雀, 甚至同類。自少住企架, 前主人只餵白瓜子, 見到合桃杏仁都唔識食, 可能未見過! 初到我家連籠都唔識出, 腳仔又無力爬! 我諗佢都好多童年陰影!

作者: scl 時間: 2013-3-18 14:39

回復 25# jennymok

牠們要人陪，當然不想主人分心啦！不過如主人先為鸚鵡 R 頭後，相信牠也可以就主人，陪主人上網呢！Hello 仔是可以如此呢！加油~

作者: scl 時間: 2013-3-18 16:14

本帖最後由 scl 於 2013-3-18 16:17 編輯

另老公也會為 Hello 仔 R 頭時被咬，以我經驗會教他，R 一陣便停，等鸚鵡再以身體語言要求繼續才再 R（不同鸚鵡會有不同動作去要求），此可以讓主人更多機會了解鸚鵡之表示，另也可以讓鸚鵡提示要否更改要 R 之為置，當然是減少被咬才是最重要，一向如此，不會一直 R 牠到被咬（老公有時在 Hello 仔未準備好便 R，一定中招被咬，由鸚鵡主動要求便少被咬），一路引牠再要求......增加彼此了解．

作者: louisa20047 時間: 2013-3-18 17:17

我地家都有殺手丫.... 不過入春後殺手好似再勁D... 唔知係未嬲佢男人唔要佢痴住我... >
fishball 發表於 2013-3-18 14:16

發情啦

作者: louisa20047 時間: 2013-3-18 17:19

我上次未講完已經比佢咬中了.... 下次隻手都要離籠遠D
fishball 發表於 2013-3-18 14:17

我隻手放係一個佢伸手抓到，但咬唔到的地方，之後先問

歡迎光臨 PARROT-TREE (http://forum.parrot-tree.com/)