Board logo

標題: Pettybird糧！ [打印本頁]
作者: eastchan    時間: 2013-3-18 23:16     標題: Pettybird糧！

家中既亞馬遜回家已經兩個多月，依然對h糧冇興趣，早兩日更買了會員（小草妹）介紹過既g糧，
但一樣唔食，已經試過狠心地強big佢食，（唔食就拎走）但一樣，每次都係食好小，佢而家體重
得返365g，都幾瘦！想問下，起無辦法下比返pettybird佢食得嗎？同埋想問下，而家有咩方法可以
快d食返肥佢先？

唔該晒咁多位！
作者: 小草妹    時間: 2013-3-18 23:27

你好呀 , 原本佢幾多 g ? 本身都瘦定係開始轉糧先瘦架 ?
逼佢食意思係 , 係放兜g糧唔食就拎走 ? ,
我個人小小愚見 係唔建議 唔食就拎走 , 而係長期放兜糧比佢食
因為你咁做 , 佢係永遠唔會明白點解你要罰佢拎走佢兜糧 , 而幫鸚鵡轉糧 , 唔係靠"罰" 係靠鼓勵架
反而長期擺糧 , 佢地肚餓自然就會去食 , 肯食 已經係踏出了第一步
作者: 小草妹    時間: 2013-3-18 23:33

另外 亞馬遜屬於比較易肥鳥種 , 所以如果唔係太瘦 , 就要好好控制體重
比佢運動多d , 有d鸚鵡好似我隻太陽女咁 , 骨架比較細 , 所以體重相對上輕d , 而且隻隻鸚鵡骨頭密度唔同 , 有d重d有d輕d
我唔知道亞馬遜正常個 weight range 係幾多 如果你能提供就易d斷定佢係唔係過瘦
作者: eastchan    時間: 2013-3-18 23:39

一返黎時冇同佢磅過，我估大約400g左右，之前覺得佢瘦左時就380g左右，
強逼既意思係我只係比糧佢食，其他野食一律唔比，同埋我每晚訓教時都會
收糧兜，無論食晒未，同埋我都買左g牌既果仁比佢，因為店主話可以快小小
谷返肥佢，但係佢一樣唔食，真係搞到我頭都大埋！
作者: scylam    時間: 2013-3-19 09:11

本帖最後由 scylam 於 2013-3-19 09:16 編輯
一返黎時冇同佢磅過，我估大約400g左右，之前覺得佢瘦左時就380g左右，
強逼既意思係我只係比糧佢食，其他 ...
eastchan 發表於 2013-3-18 23:39


每日要磅重。體重跌10%系警號。唔好搏啦。佢想食乜比佢食啦。危險吖。大隻健康先管教吧。唔好收糧啦。prettybird有乜問題呢？
作者: 風中飛鸚    時間: 2013-3-19 10:10

非洲饑民D細路~你幾時聽過唔食乾炒牛河~係都要食楊州炒飯?

不過你唔好試啦~因為我試過~餓到隻鸚鵡食瓜子連殼吞~以後糧兜一有食物~就唔放過~
作者: parrotlove    時間: 2013-3-19 12:29

無得choice 咪咩都食囉
作者: 小草妹    時間: 2013-3-19 14:35

pretty bird 聽說有加砂糖
我個細珍達仔 平時都好乖 有時候 係佢囗拎返d零食出黎都得
唯獨就係唔比我掂佢d pretty bird  佢對pretty bird 簡直係瘋狂 ^^"
所以我會留返出街佢地同陌生人互動時餵 等佢習慣多d同唔同人接觸
性格外向d
作者: 小草妹    時間: 2013-3-19 16:11

一返黎時冇同佢磅過，我估大約400g左右，之前覺得佢瘦左時就380g左右，
強逼既意思係我只係比糧佢食，其他 ...
eastchan 發表於 2013-3-18 23:39

好少有果仁都唔食架啵  我兩隻 係我比乜佢就食咩架啦 無得佢揀
不過如果跌咁多 就唔好搏啦 搏唔過
作者: BABYPAPA    時間: 2013-3-19 16:28

唔想佢死就給回佢之前的食糧啦！
作者: louisa20047    時間: 2013-3-19 17:58

留得青山在，那怕無柴燒
你得一隻鸚的話，轉糧係難d嫁啦
不過點都好，係某程度上，命比健康重要呀
你俾返之前的糧先，留意返佢的飲食習慣先再決定轉糧方式啦
作者: jennymok    時間: 2013-3-19 18:01

我年初都同家中鸚鵡轉糧, 最固執嗰隻細葵用咗成個幾月先轉到, 我地係第一個星期每次放幾粒新糧比佢地睇下習慣下先, 大多數雀會唔理d新糧甚至掉咗佢, 第二個星期就3成新糧, 7成舊糧, 第三個星期就一半半, 轉糧係要慢慢轉, 又要留意d新糧係掉咗定食咗, 如果掉得太多就要比番多少少舊糧佢頂肚。
我隻亞馬遜好為食架, 所以轉得好快, 你可以試下比Goldenfeast水泡形合成糧佢試下吖! 我隻亞馬遜好鐘意, 可以先用紙繩穿起比佢, 有得玩下、咬碎, 先有興趣食。原來我隻亞馬遜好鐘意肉桂味架!
作者: OnOn    時間: 2013-3-20 08:38

我年初都同家中鸚鵡轉糧, 最固執嗰隻細葵用咗成個幾月先轉到, 我地係第一個星期每次放幾粒新糧 ...
jennymok 發表於 19-3-2013 18:01


呢個係正確轉糧方法， 慢慢來啦!
作者: gooza1984    時間: 2013-3-20 23:32

我之前新番屋企隻灰鸚都唔肯食糧, 番屋企一星期咩都唔肯食, 日日都輕10gram...
因為驚佢再唔食會餓親...我就買左d生果同種子糧, 溝H糧比佢食.
佢起初都唔係好食D種子糧..1,2日後開始食d, 不過都係選黎食, 只係食d果仁同瓜子, H糧就掉曬...
一個月後, 見佢體重穏定左, 重番少少, keep到唔跌, 我就收埋d種子糧, 比PREETY BIRD佢. (因為我另一隻灰鸚係食PREETY BIRD做主糧, 都好健康)
我發現佢竟然肯食PREETY BIRD, 於是就比PREETY BIRD, 加少少H糧...
不過佢原味H糧唔肯食, 我就買左PEPPER味H糧 (人地話PEPPER味易轉糧),
而家我愈比愈多PEPPER味H糧, 佢亦都好肯食
作者: jennymok    時間: 2013-3-21 11:18

我之前新番屋企隻灰鸚都唔肯食糧, 番屋企一星期咩都唔肯食, 日日都輕10gram...
因為驚佢再唔食會餓親...我 ...
gooza1984 發表於 2013-3-20 23:32

轉糧真係好考耐性架! 如果隻雀固執d, 就要仲耐d先轉到呀!



歡迎光臨 PARROT-TREE (http://forum.parrot-tree.com/) Powered by Discuz! 7.2