PARROT-TREE - Powered by Discuz! Board

標題: 彩鳳屙水及體重下降 [打印本頁]

作者: wisebudgie 時間: 2013-4-12 23:48 標題: 彩鳳屙水及體重下降

求救，我家彩鳳有嚴重屙水和體重下降的情況(一星期從40g跌到33g), 今天出現無胃口的情況，請問各位意見究竟是什麼病。

作者: parrotlove 時間: 2013-4-13 00:54

保溫先無胃口可食奶，飲電解水補充水份
但好似好嚴重、快啲睇醫生啦

作者: 風中飛鸚 時間: 2013-4-13 10:23

養左幾耐?最近有冇俾過大量生果~?沖過涼?落過街?

作者: wisebudgie 時間: 2013-4-13 21:27

養左3年了，自問自己是緊張派，並沒有沖涼同落街，上星期已發覺有唔妥，那時雖然他仍食得飛得，我都帶他看醫生，醫生給了他抗生素，但是吃後亦沒有改善，昨晚開始急轉差，今日下午立即帶他睇大圍dr. James, 現在留院中，希望這個forum既正能量能夠幫佢健康咁出番院！

作者: wisebudgie 時間: 2013-4-14 15:33

謝謝各位回覆，喳喳己於今天早上飛往彩虹橋，dr james的診斷為腎衰竭，請問有沒有寵物火化服務介紹。

作者: Louis 時間: 2013-4-15 09:24

R.I.P.

作者: scylam 時間: 2013-4-15 09:39

謝謝各位回覆，喳喳己於今天早上飛往彩虹橋，dr james的診斷為腎衰竭，請問有沒有寵物火化服務介紹。
wisebudgie 發表於 2013-4-14 15:33

RIP, 可否分享一d病因可以防止悲劇重演？

作者: BABYPAPA 時間: 2013-4-15 14:04

越細少的雀就越難醫...........我也在等牠自己的努力....................................

作者: 風中飛鸚 時間: 2013-4-15 14:29

你有冇將第一次睇醫生藥份俾大圍醫生睇?
可能藥份出錯令佢急速腎衰竭~

作者: wisebudgie 時間: 2013-4-17 23:06

主席：當天已通知spca傳真病歷到大圍診所，dr james沒發現有問題

作者: wisebudgie 時間: 2013-4-17 23:09

病因不明，正在網上了解腎衰竭成因，在這方面不知大家有何見解？

作者: scylam 時間: 2013-4-18 13:11

病因不明，正在網上了解腎衰竭成因，在這方面不知大家有何見解？
wisebudgie 發表於 2013-4-17 23:09

識就做鬼左醫生啦。

作者: Louis 時間: 2013-4-18 14:26

最常見:
1. 先天
2. 結石
3. 腫瘤
4. 中毒
5. 因年老, 長期餵種子糧, 蛋白質過多, 加重腎臟負擔
6. 飲水少, 呢樣主人好難控制.

作者: wisebudgie 時間: 2013-4-18 21:13

Thank you Louis. 連日來我反覆思量，再上網搜尋資料，我覺得係第5個原因，雖然佢並唔係老，但係佢主要係食種子糧，其次既係Harrison, 我上網睇過種子糧既份量係1個teaspoon to tablespoon daily, Harrison 有14%protein 對彩鳯係太高，加上佢本身唔鍾意食菜，問題就出現。
Louis, 我想問下可唔可以用蕃薯來代替種子糧作為主食？因為我仲有3隻彩鳯，佢哋既diet係一樣，只不過佢地比較願意食蔬菜，我驚佢地既kidney都會有問題或者係deteriorate。

作者: 旺旺 時間: 2013-4-18 21:47

我隻凱克都是吃H 糧，又不肯吃任何蔬菜或水果，是否protien 太高?
Louis 兄，又其他牌子糧介紹嗎?

作者: Louis 時間: 2013-4-18 22:53

幼鳥同小朋友一樣, 對陌生食物及事物都唔敢接觸或嘗試, 係自我保護本能, 需要其他鸚鵡或主人教導或示範, 或者大個d, 膽大d就會嘗試.

14%蛋白質是否太高, 我覺得未必, 因為 Harrison, Kaytee, ZuPreem 都係14%, Roudybush 係11%, 以上四隻係最大牌子, 如果14%太高有問題, 全世界好多雀已經出問題.

至於番薯做主糧, 我唔建議, 番薯糖份高, 而且在自然環境唔係鸚鵡主食, 如長期作為主食, 健康遲早會出問題.

以我自己十幾年養鸚鵡經驗, 我養過好多種特別色彩鳳及愛情鳥, 特別色肯定有先天基因缺憾, 壽命普遍係比原種短.
其次, 雞尾, 彩鳳, 愛情鳥呢d細種鸚鵡, 患癌腫瘤好常見, 可能因為新陳代謝較快, 對日常生活中既化學品較敏感, 較容易因而致癌或中毒.
彩鳳雞尾呢兩種澳洲鸚鵡, 原居於澳洲草原及沙漠地帶, 因本能關係, 天生飲水量較熱帶雨林鸚鵡少, 亦是較容易患上腎病原因之一.
仲有係主人容易在不知情情況下, 令隻雀增加結石機會. 例如:
1. 常餵鈣水; 鈣水係人工藥物, 吸收率高, 容易吸收過量;
2. 高草酸蔬菜, 與高鈣食物或補充劑同時餵飼, 容易形成草酸鈣結晶;
3. 鐵籠油漆或電鍍剝落, 長期無意中吞食, 金屬會在體內慢慢累積.

作者: wisebudgie 時間: 2013-4-18 23:21

本帖最後由 wisebudgie 於 2013-4-18 23:28 編輯

喳喳係普通藍白色彩鳯，佢雖然唔係原色，但都不會短到得3歲壽命？！可能係先天唔被發覺既問題啦。根據x-ray顯示佢應該無腫瘤。我無餵鈣水or other supplement, 而籠係Hagen powder coated cage m01, 應該係安全的。請賜教邊種係高草酸菜？籠內只有一塊mineral block係高鈣。不過我上過一個forum，有一個對彩鳯很有經驗既breeder話budgie既protein level should be 11%max，咁如果我驚我d彩鳯kidney有事，佢地既seed diet可唔可以降到每隻每日食1 teaspoon seed mix再加大量蔬菜包括菜心，red bell pepper, yellow bell pepper, broccoli and alfalfa sprouts, 蕃薯，同埋蕃茄仔一粒呢？

作者: wisebudgie 時間: 2013-4-18 23:40

仲有就係就算蕃薯唔係主糧，係咪都唔可以日日食呢？多謝louis回覆。

作者: macbrush 時間: 2013-4-19 02:00

小心喎，菜唔一定低蛋白，一些 sprouts，好似你用既Broccoli 同 Alfafa，可以去到30%以上，其他平均都20%。

喳喳係普通藍白色彩鳯，佢雖然唔係原色，但都不會短到得3歲壽命？！可能係先天唔被發覺既問題啦。根據 ...
wisebudgie 發表於 2013-4-18 23:21

作者: louisa20047 時間: 2013-4-19 02:03

仲有就係就算蕃薯唔係主糧，係咪都唔可以日日食呢？多謝louis回覆。
wisebudgie 發表於 2013-4-18 23:40

點解要日日食同一樣野呢?
蕃薯甘荀青瓜......咁多可以揀~
所有動物飲食都係多樣化的好~彩鳳體積細~日日食一塊蕃薯好可能已經佔左半日的食量
就如Louis所講"番薯糖份高, 而且在自然環境唔係鸚鵡主食, 如長期作為主食, 健康遲早會出問題"
所以如果係我就唔建議日日食蕃薯
(日日食咁多熟食~會對鸚鵡消化系統做成負擔~只要連食幾日~有部份鸚鵡就會開始痾樣衰便便)

作者: Louis 時間: 2013-4-19 05:00

合成糧配方, 係經過多年臨床經驗及科學研究而成, 所以唔需要過份擔心其營養成份數字, 以平常心選擇合適的, 例如平常時就選標準配方, 繁殖時就選高營養配方或標準配方+蛋糧, 唔需要鑽牛角尖.
其中一隻彩鳳英年早逝, 可能只係個別例子.

作者: wisebudgie 時間: 2013-4-19 08:40

多謝各位既回覆，解開我心中既迷團。另外，我上網見到有人用aloe vera detoxifying formula黎改善fatty liver 同 kidney disease 既問題，佢講到就算無問題都可以飲(用水溝淡），唔知大家有無睇過或用過呢？

歡迎光臨 PARROT-TREE (http://forum.parrot-tree.com/)