PARROT-TREE - Powered by Discuz! Board

標題: 請問點樣才可以令葵花鸚鵡不再大聲叫,牠的叫聲十分剌耳 [打印本頁]

作者: wongkailam 時間: 2013-6-15 17:26 標題: 請問點樣才可以令葵花鸚鵡不再大聲叫,牠的叫聲十分剌耳

小姓黃是澳門人,剛加入貴會,在兩個月前我個仔在拱北買左一隻大葵花回來,我們一家對鸚鵡全無認識,後來在網上才知道,葵花的叫聲十分驚人,除左牠的叫聲可怕之外,牠實在令人十分歡喜,我們不想放棄牠,但牠的叫聲困擾得很,連樓上樓下都投訴,希望閣下能夠教我一些方法,可以改善牠的叫聲,謝謝

作者: 養鳥新丁 時間: 2013-6-15 17:30

插聾自己十分有效

作者: louisa20047 時間: 2013-6-15 17:49

基本資料，你隻葵係人工鳥？野鳥？年紀？性別？平時大叫，你地俾咩反應？咩情況叫？叫成點？叫幾耐？

作者: 養鳥新丁 時間: 2013-6-15 17:58

基本資料，你隻葵係人工鳥？野鳥？年紀？性別？平時大叫，你地俾咩反應？咩情況叫？叫成點？叫幾耐？
louisa20047 發表於 2013-6-15 17:49

葵后出手了

作者: dororozwei 時間: 2013-6-15 18:28

葵花就是很喜歡大叫的品種,你可以試試幫籠蓋少少布看看
但不要一天都蓋

作者: gooza1984 時間: 2013-6-15 18:49

鸚鵡既天性就係喜歡講野，唱歌，大叫…你只可以唸辦法去減少對鄰居既滋擾，但你冇權去唔比隻鸚鵡大叫。我覺得咁樣係剝削左佢地既權利。再講，你樓上樓下可以唔鐘意佢地叫聲，但我唔明點解連你自己都接受唔到，做主人既應該可以接受曬佢所有野，當初點解唔了解清楚先帶佢番屋企?

作者: louisa20047 時間: 2013-6-15 19:44

葵花不一定成日大叫的，我養過咁多隻葵，都唔係隻隻日日叫，我宜家果幾隻葵，有一隻幾乎唔叫，只吹歌同講野，一隻就好日都唔出聲

我冇用籠布，而係教葵，細聲有人錫，大聲冇人理，用岩方法的話，葵會叫得細聲好多，叫少好多

作者: tsw 時間: 2013-6-15 19:47

葵花不一定成日大叫的，我養過咁多隻葵，都唔係隻隻日日叫，我宜家果幾隻葵，有一隻幾乎唔叫，只吹歌同講野 ...
louisa20047 發表於 2013-6-15 19:44

作者: gameijk 時間: 2013-6-15 19:52

鸚鵡既天性就係喜歡講野，唱歌，大叫…你只可以唸辦法去減少對鄰居既滋擾，但你冇權去唔比隻鸚鵡大叫。我覺 ...
gooza1984 發表於 2013-6-15 18:49

lee 位屍兄、你自已養灰英，當然可以講風涼話!
你養過葵花未!
那種喪叫!係精神虐待!
有本事你帶發仔返去住!你捱到一星期先算啦!

作者: louisa20047 時間: 2013-6-15 19:52

葵后出手了
養鳥新丁發表於 2013-6-15 17:58

睇醫生都要話俾醫生知詳情，問人野但唔話俾人知詳情，就愛莫能助啦，好多時唔係樹友唔想幫，而係無從入手

作者: tsw 時間: 2013-6-15 19:53

我隻係屋企一D都唔嘈

但見到同類就嘈到拆天

作者: 養鳥新丁 時間: 2013-6-15 20:18

lee 位屍兄、你自已養灰英，當然可以講風涼話!
你養過葵花未!
那種喪叫!係精神虐待!
有本事你 ...
gameijk 發表於 2013-6-15 19:52

街坊身受其害........

作者: Louis 時間: 2013-6-15 20:21

因為新養關係, 隻雀對新環境新主人仍充滿好奇及興奮, 大叫係在所難免.
我自己養鸚鵡都十幾年, 依家養緊大大小小各品種共22隻, 發覺就算好嘈既鸚鵡, 養得幾年後, 性情會穩定, 而且會配合屋企生活習慣及節奏, 除受刺激之外, 平日好少會胡亂大叫.
一般鸚鵡大叫, 有以下原因: 生理時鐘(天光天黑), 興奮, 受驚, 向主人發出要求.
蓋布作用, 實在有限, 有d雀直情無視塊布, 蓋布後繼續大叫.
分散注意力係其中一個有效方法, 例如放架玩具車周圍走(撞牆會自動轉向), 隻雀就會望住架車.
又或者俾個可以玩好耐既玩具或食好耐既食物, 等隻雀好忙, 忙完就會訓.
另外播放麻鷹或貓頭鸚鷹叫聲, 都可以暫時令其收聲.
但真正可以隔音, 唯有用隔音籠, 或者住隔音房.

作者: louisa20047 時間: 2013-6-15 20:32

街坊身受其害........
養鳥新丁發表於 2013-6-15 20:18

發仔一隻，勁過我五葵合奏呀

作者: louisa20047 時間: 2013-6-15 20:51

回復 13# Louis

贊成鸚鵡會習慣環境，養成習慣
好似宜家我會直接問班葵，乖唔乖呀?
班傻葵習慣左，通常會即刻變乖寶寶，又跳舞又講野

作者: 養鳥新丁 時間: 2013-6-15 20:58

發仔一隻，勁過我五葵合奏呀
louisa20047 發表於 2013-6-15 20:32

親身在室外聽過一次.......若在室內一定.....................七孔流血而死

作者: gameijk 時間: 2013-6-15 21:08

親身在室外聽過一次.......若在室內一定.....................七孔流血而死
養鳥新丁發表於 2013-6-15 20:58

我死得好慘

作者: 養鳥新丁 時間: 2013-6-15 21:14

我死得好慘
gameijk 發表於 2013-6-15 21:08

相機鏡頭擺係發仔隔黎都有機會震裂

作者: gooza1984 時間: 2013-6-15 21:38

回復 9# gameijk

我2隻灰鸚係日日係咁講野同大叫，朝朝早六點就開始大叫，但我冇一刻覺得佢地嘈，相反我好enjoy佢地既聲音。我唔係話每個人都要接受鸚鵡大叫，只不過真係要唸清楚先好帶佢番屋企囉

作者: 養鳥新丁 時間: 2013-6-15 22:00

回復 gameijk

我2隻灰鸚係日日係咁講野同大叫，朝朝早六點就開始大叫，但我冇一刻覺得佢地嘈，相 ...
gooza1984 發表於 2013-6-15 21:38

舉例: 灰鸚叫聲 level 3
葵花 level 9

作者: chaikit 時間: 2013-6-15 22:07

我都是澳門的啊~~搵日大家一齊放雀~

作者: gooza1984 時間: 2013-6-15 22:55

舉例: 灰鸚叫聲 level 3
葵花 level 9
養鳥新丁發表於 2013-6-15 22:00

我都明白葵花叫聲比起灰鸚或其他鸚鵡厲害好多，所以我就覺得養鸚鵡前一定要先了解每一種鸚鵡既特質，揀一隻真正識合自己既先會養得開心鸚鵡本身又開心健康。其實上得黎呢度傾計問問題既都係愛鸚之人，大家都好緊張自己甚至其他人既鸚鵡。

作者: harrison 時間: 2013-6-15 23:38

我都明白葵花叫聲比起灰鸚或其他鸚鵡厲害好多，所以我就覺得養鸚鵡前一定要先了解每一種鸚鵡既特 ...
gooza1984 發表於 2013-6-15 22:55

人哋問方法而你問佢點解唔了解清楚先買... 佢唔愛鸚大可唔問賣咗比人啦

作者: sm_kenneth 時間: 2013-6-15 23:45

人哋問方法而你問佢點解唔了解清楚先買... 佢唔愛鸚大可唔問賣咗比人啦
harrison 發表於 2013-6-15 23:38

呢度d人係咁架!有問題想請教就插左先!
有野想問就叫你爬文!好似唔準人地開問題貼咁!!只可分享!

作者: louisa20047 時間: 2013-6-16 00:46

有時唔係樹友們想鬧人，而係有D人問野只有一句，例如: 鸚鵡唔出聲，點算呀?
就咁得一句，叫人地點答？比較好的情況，我地問，樓主們會回應，但有不少人係完全不回應，咁我地可以點？
到冇人答，又有人話樹友們小圈子，唔答人，冇禮貌，咁難道我地亂作答案就係好事？
至於爬文，當你三日內，見到兩個相同問題的post，一星期見到三四個，好難唔叫人去爬爬文先，而且這個討論區又唔係唔俾人搜尋舊post，睇兩頁，搜一搜，不過份吧?
任何事都不只一個角度，唔好咩事都覺得係人地的錯，係人地針對，大家互不相識，無啦啦針對人地做咩喎
而且大家都只係一齊自願交流，冇人有義務一定要答其他人的問題，我地得到回答，係我地幸運，不是必然的(就好似讀書時，遇到好老師係幸運，而非必然)
我都試過問人野之後，等幾日都冇人答，自己推推就係啦，等到識答而且願意答的樹友上樹，就會得到答案了
始終無人係廿四小時棲息於樹上的百科全書，對吧?

PS 只係個人感覺，並非鬧人/撩交鬧，唔岩聽請直接忽略

作者: 紅龍 時間: 2013-6-16 01:19

之前我隻灰鸚放係露台養
一到7點幾就開始扮車聲又叫又講
而家放係天井養好小再叫
葵花就應該難搞D

作者: 紅龍 時間: 2013-6-16 01:35

我都是澳門的啊~~搵日大家一齊放雀~
chaikit 發表於 2013-6-15 22:07

我都係

作者: louisa20047 時間: 2013-6-16 01:43

之前我隻灰鸚放係露台養
一到7點幾就開始扮車聲又叫又講
而家放係天井養好小再叫
葵花就應該難搞D
紅龍發表於 2013-6-16 01:19

葵花其實不太難，不過係不同時間年齡會有不同反應咁囉

作者: 紅龍 時間: 2013-6-16 02:01

葵花其實不太難，不過係不同時間年齡會有不同反應咁囉
louisa20047 發表於 2013-6-16 01:43

我隻四個月細灰一見到我就會叫同飛上我博頭
而家養係天井就無問題，可能比較靜同唔會太光
之前養過拆冲叫聲又係超大，前排終於走埋佬@@

作者: wongkailam 時間: 2013-6-16 13:46

回復 21# chaikit
好呀!你住在邊區有時間打電話比我66897404

作者: wongkailam 時間: 2013-6-16 14:10

回復 1# wongkailam
多謝各位的寶貴意見,但我對牠的認知唔弘多,牠應該是人工鳥,年紀大約歲半,性別唔知?平時大叫同牠講嘢比D玩具牠玩,引開牠的注意囉,好多時都係冇用嘅,見到我及我太太就叫,是喪叫仲叫到不停,最終要把牠放入房關門熄燈才收聲

作者: louisa20047 時間: 2013-6-16 17:18

回復 wongkailam
多謝各位的寶貴意見,但我對牠的認知唔弘多,牠應該是人工鳥,年紀大約歲半,性別唔知?平時 ...
wongkailam 發表於 2013-6-16 14:10

歲半，正正係葵花學習期，如果你地只係佢叫的時候同佢講野/俾野佢玩，咁會令佢養成壞習慣，以後佢有要求就會大叫扭計，直至得到佢想要，家養鸚鵡其實係一種好無聊的寵物，所以有好多雀友會放玩具入籠俾鸚鵡自己玩，而不是佢地大叫先放入去。葵花本身係破壞王，最鍾意可以粉碎的玩具，例如木塊，但要留意唔好俾佢地吞，而且唔好有金屬成份，因為誤吞的話，鸚鵡會自殘和中毒。葵花係非常活躍的鸚鵡，籠要足夠大，佢地先可以跳舞和到處爬，而當葵花在玩時，多數會安靜好多。而且葵花本屬群居鸚鵡，對人工鳥而言，通常人就是其同伴，如果無同伴，葵花就會召喚同伴，所以形成大叫問題，如果冇其他鸚鵡陪佢，就只有用分散注意力的方式。另外有好多人會忽略左，肚餓的鸚鵡會叫個不停，尤其係對住會餵食的人。其實你可以教佢靜先有好處，首先，於佢細聲講野時，你就獎勵佢(例如佢愛食的食物，不過只能少量)，嘈時就不給佢想要的東西(若佢想搵人，人就轉身即走，望都唔望佢，但不要搶佢身邊/籠中的物品)，我當初咁樣教左兩小時，葵花已經明白，兩日之後平日大叫情況改善

作者: louisa20047 時間: 2013-6-16 17:25

有少部份鸚鵡係疲倦想休息時，會要求黑暗空間，要留意不要半夜都唔俾鸚鵡休息，唔夠瞓，會躁
另外，唔好過份刺激葵花，太興奮都可能會大叫

作者: imqueen 時間: 2013-6-17 00:57

回復 32# louisa20047

睇左禁耐,louisa20047 好有心機答人,路過一讚

作者: macbrush 時間: 2013-6-17 01:08

乜灰鸚有叫聲？我養左兩年都唔覺佢有本身既叫聲，乜聲都係扮出來，而且沒有放開喉嚨大叫既能力，最大既聲音我聽過就係吹口哨。佢試過想學隻迷金叫都叫唔響(好彩)。

作者: iceiceice 時間: 2013-6-17 10:00

多謝 louisa20047 既分享

作者: 風中飛鸚 時間: 2013-6-17 10:41

鸚鵡本身性格個別都不同~品種約略指出大部份~有灰鸚十多年不會講蝦佬都有~

1你的葵花可以上手玩嗎?
2是你在家而看不見你才大叫嗎?
3分享一個極慘例子~發仔都要行開~主人回家~要抱起隻鸚鵡~眼睛要望向鸚鵡眼睛~不能轉向~一轉向就十級叫~如果放回籠中~自己去沖涼~係冇可能事~只可以四目交投去沖~一路沖涼~對眼要望住鸚鵡對眼~一離開視線就大叫~沖完涼好好睇電視係冇可能~沖完涼請好好坐定定,望住佢對眼~幫佢R痕~就咁R一晚~
仲要一生一世果下死~如果係我晨早攞左去煲湯~
4即係代表隻隻鸚鵡表現同反應都不同~你要好好捉摸~想辦法解決~例如蓋布放廁所作警告~~

作者: LadyKaKa 時間: 2013-6-18 13:39

多謝louisa 分享！！！

作者: wongkailam 時間: 2013-6-18 17:46

回復 37# 風中飛鸚

多謝以上各位的幫忙同意見,這兩跟著各位的指示去捉摸牠的性格,已有所改善,十分開心,再次多謝各位
1 牠可以上手玩,牠一上我手就好開心,但抓到我的手損晒.
2 牠見到我就叫,但昨日開始我參考左各位的方法,每樣去試,終於見效,叫小好多,聲音細左,小左之前喪叫.

好多謝風中飛鸚,同louisa 20047 的熱心指導,多謝所有提供意見的會友.謝謝

作者: louisa20047 時間: 2013-6-18 21:43

回復風中飛鸚

多謝以上各位的幫忙同意見,這兩跟著各位的指示去捉摸牠的性格,已有所改善,十分開心,再次 ...
wongkailam 發表於 2013-6-18 17:46

有效就好啦~記得要持之以恆~咁養的時間愈長~隻葵會愈安定

抓到你的手損晒~應該是指爪太利~買兩枝磨爪棍俾佢啦

作者: wongkailam 時間: 2013-6-18 22:26

回復 25# louisa20047

我是澳門人在6月11日才加入貴會,多謝妳的指導,現在我的葵花已經冇以前叫得咁犀利,妳對葵花認識咁深,希望以後多多指教.

作者: gadgeteer 時間: 2013-6-19 11:14

本帖最後由 gadgeteer 於 2013-6-19 11:17 編輯

路過分享：
我養既唔係葵，係灰鸚。louisa 姐講既都係好好既意見。

唔知有無參考價值，但我即管講下我隻癡筋雀既行為。因品種關係，佢唔算嘈，甚至稱得上係無聲。但有時佢係會喪叫。咩時候會喪叫？例如：
1. 朝早遲咗起床，所以遲咗喂佢，就黎餓死既時候，喪叫。放食物玩具入籠仲會發脾氣明攻擊我，爆缸流血；
2. 同老婆嗌咬越嗌越大聲，佢又喪叫埋一份；
3. 玩得輕奮得滯，又喪叫；
4. 老婆著咗件紅色衫，唔種意，喪叫；
5. 間屋靜得滯，無聊，喪叫；
6. 嚇親，喪叫；
7.屋內飛飛下撞咗埋牆，對住幅牆喪叫。

其實例子好多，但個人觀察，我隻癡筋雀叫親其實係想表達啲野。如過估到原因，可能有助教導佢唔好喪叫。

之不過如過喪叫無原因，咁就天助你也嘞...

作者: 養鳥新丁 時間: 2013-6-19 11:54

1. 朝早遲咗起床，所以遲咗喂佢，就黎餓死既時候，喪叫。放食物玩具入籠仲會發脾氣明攻擊我，爆缸流血；
2. 同老婆嗌咬越嗌越大聲，佢又喪叫埋一份；
3. 玩得輕奮得滯，又喪叫；
4. 老婆著咗件紅色衫，唔種意，喪叫；
5. 間屋靜得滯，無聊，喪叫；
6. 嚇親，喪叫；
7.屋內飛飛下撞咗埋牆，對住幅牆喪叫。

gadgeteer 發表於 2013-6-19 11:14

笑到我抽筋

作者: gadgeteer 時間: 2013-6-19 12:22

回復 43# 養鳥新丁

其實初頭都唔知原因，但後來就知一著紅色衫就當正你係仇人，喪叫。唉，諗落我隻雀真係好古怪....

作者: 養鳥新丁 時間: 2013-6-19 12:39

回復養鳥新丁

其實初頭都唔知原因，但後來就知一著紅色衫就當正你係仇人，喪叫。唉，諗落我隻雀真係好 ...
gadgeteer 發表於 2013-6-19 12:22

可能佢前世係..............

.

[attach]46850[/attach]

作者: 養鳥新丁 時間: 2013-6-19 12:40

回復養鳥新丁

其實初頭都唔知原因，但後來就知一著紅色衫就當正你係仇人，喪叫。唉，諗落我隻雀真係好 ...
gadgeteer 發表於 2013-6-19 12:22

鸚鵡隻隻唔同性格.....各有各精彩啊..........

作者: 養鳥新丁 時間: 2013-6-19 12:42

1. 朝早遲咗起床，所以遲咗喂佢，就黎餓死既時候，喪叫。放食物玩具入籠仲會發脾氣明攻擊我，爆缸流血；
2. 同老婆嗌咬越嗌越大聲，佢又喪叫埋一份；
3. 玩得輕奮得滯，又喪叫；
4. 老婆著咗件紅色衫，唔種意，喪叫；
5. 間屋靜得滯，無聊，喪叫；
6. 嚇親，喪叫；
7.屋內飛飛下撞咗埋牆，對住幅牆喪叫。gadgeteer 發表於 2013-6-19 11:14

鬧幅牆.........聰明....同行街掛住玩手機撞落燈柱*後講sorry有異曲同工之妙

*某位雀友試過......當場我笑到成條街都聽到

作者: gadgeteer 時間: 2013-6-19 12:52

要對付我隻古怪雀，要佢靜落黎，有一個超級無敵方法：比新奇玩具佢咬！

有咩玩具？麥記兒童餐嘅玩具！自己有得食，佢又有得玩......

作者: louisa20047 時間: 2013-6-19 21:11

回復 louisa20047

我是澳門人在6月11日才加入貴會,多謝妳的指導,現在我的葵花已經冇以前叫得咁犀利,妳 ...
wongkailam 發表於 2013-6-18 22:26

交流下而已~談不上指教

作者: louisa20047 時間: 2013-6-19 21:16

路過分享：
我養既唔係葵，係灰鸚。louisa 姐講既都係好好既意見。

唔知有無參考價值，但我即管講下我隻癡筋雀既行為。因品種關係，佢唔算嘈，甚至稱得上係無聲。但有時佢係會喪叫。咩時候會喪叫？例如：
1. 朝早遲咗起床，所以遲咗喂佢，就黎餓死既時候，喪叫。放食物玩具入籠仲會發脾氣明攻擊我，爆缸流血；
2. 同老婆嗌咬越嗌越大聲，佢又喪叫埋一份；
3. 玩得輕奮得滯，又喪叫；
4. 老婆著咗件紅色衫，唔種意，喪叫；
5. 間屋靜得滯，無聊，喪叫；
6. 嚇親，喪叫；
7.屋內飛飛下撞咗埋牆，對住幅牆喪叫。

其實例子好多，但個人觀察，我隻癡筋雀叫親其實係想表達啲野。如過估到原因，可能有助教導佢唔好喪叫。

之不過如過喪叫無原因，咁就天助你也嘞...
gadgeteer 發表於 2013-6-19 11:14

1 係肚餓先叫~定係發你脾氣鬧你呀?
2 鸚鵡未必知你嗌咩~但知你大叫中~會共鳴埋一份
3 大叫係表達興奮情緒的方法之一
4 紅色刺激~正常
5 想吸引人注意~陪佢玩
6 受驚過度~唔好怪佢啦

作者: louisa20047 時間: 2013-6-19 21:18

要對付我隻古怪雀，要佢靜落黎，有一個超級無敵方法：比新奇玩具佢咬！

有咩玩具？麥記兒童餐嘅玩 ...
gadgeteer 發表於 2013-6-19 12:52

留意金屬和小配件問題~誤吞的話~後患無窮

作者: gadgeteer 時間: 2013-6-20 10:16

留意金屬和小配件問題~誤吞的話~後患無窮
louisa20047 發表於 19-6-2013 21:18

yes madam!

我隻衰雀至鐘意麥記啲硬膠玩具，完全唔使時間適應，最緊要新奇，一有新野玩，直頭係我手上搶走！

作者: gadgeteer 時間: 2013-6-20 10:36

1 係肚餓先叫~定係發你脾氣鬧你呀?

起先肚餓，一放低野食爬兩啖有啲力氣就 attack!
2 鸚鵡未必知你嗌咩~但知你大叫中~會共鳴埋一份

如果諗得偉大啲，隻衰雀可能想做和事佬唔想我地嗌交，事實上都要停止嗌交，因隻衰雀會嘈到無可能繼續嗌，跟手我同老婆就會一齊鬧鬼隻衰雀阻住我地嗌交，都唔知好嬲定好笑，搞到嗌交都要細細聲，細細聲...

3 大叫係表達興奮情緒的方法之一
4 紅色刺激~正常

其實唔止紅色，黑色都唔多鐘意。佢最鐘意白色，但就會撲埋嚟嘗試咬爛件衫

5 想吸引人注意~陪佢玩

我奉旨唔彩佢，但佢照叫，仲有唔同花款咁叫，唔難聽唔叫..

6 受驚過度~唔好怪佢啦

坐低又驚，起身又驚，著燈驚，著電視又驚，乜鬼都驚，最好乜都唔好做...
louisa20047 發表於 19-6-2013 21:16

唉，一句講晒，隻衰雀係屋企就係大爺，大晒。出街就成隻鵪鶉咁，不過就乖好多！

作者: 得得B 時間: 2013-6-20 11:38

1. 我家大葵都間中大叫一.二聲.同佢話 'No", 佢會停
2. 但加養隻灰之後佢學大葵叫聲狂叫,跟住話 no呀,再叫 - no 呀吓.再叫 - no 呀吓.....
3. 初時隻葵聽到佢大叫都會叫埋一份, 現在都能冷靜, 不會大叫回應
4. 現時係灰嘈過葵, 努力教導中, 希望早日改善

作者: 養鳥新丁 時間: 2013-6-20 11:39

yes madam!

我隻衰雀至鐘意麥記啲硬膠玩具，完全唔使時間適應，最緊要新奇，一有新野玩，直 ...
gadgeteer 發表於 2013-6-20 10:16

又有新花名......madam sa

作者: louisa20047 時間: 2013-6-20 11:44

1. 我家大葵都間中大叫一.二聲.同佢話 'No", 佢會停
2. 但加養隻灰之後佢學大葵叫聲狂叫,跟住話 no呀,再叫 ...
得得B 發表於 2013-6-20 11:38

灰鸚學聲~其實問題都幾大

作者: wongkailam 時間: 2013-6-20 21:32

原來養鸚鵡都有咁多學問,真係有排學

作者: macbrush 時間: 2013-6-20 22:52

唔知係我隻問題定點，佢學極都不及迷金大叫聲量既1/4，基本上叫唔響。

灰鸚學聲~其實問題都幾大
louisa20047 發表於 2013-6-20 11:44

作者: mmchu 時間: 2013-6-21 00:00

灰鸚學聲~其實問題都幾大
louisa20047 發表於 2013-6-20 11:44

絕對認同～我隻灰鸚，養左五年幾，
基本上頭五年都無試過大叫喪叫，
淨係講野同扮聲，
我從來都唔知灰鸚會叫！
但自從我第二隻迷金到家後，
隻灰鸚就學左迷金叫，
簡直攞我命，
而家天一光就開始叫，
叫極都唔停，
唯有我家兩老一早起身招呼佢兩隻小朋友，
等我可以瞓多陣～～～

作者: louisa20047 時間: 2013-6-21 00:06

絕對認同～我隻灰鸚，養左五年幾，
基本上頭五年都無試過大叫喪叫，
淨係講野同扮聲，
我從來都唔知灰 ...
mmchu 發表於 2013-6-21 00:00

灰鸚把聲係冇定向風

作者: mmchu 時間: 2013-6-21 09:29

灰鸚把聲係冇定向風
louisa20047 發表於 2013-6-21 00:06

最抵死係佢每次喪叫跟口會講句︰唔好嘈，叫hello咪得lor！

你話係唔係比佢激死丫……

作者: gadgeteer 時間: 2013-6-21 10:31

我隻衰雀就會講：乖！

作者: 文小子 時間: 2013-6-22 00:21

我隻灰朝朝講野扮狗叫引隻金剛大叫，我入房蓋金剛籠布，佢見到會好得戚咁「卡卡」。

作者: 發達鳥 時間: 2013-6-22 00:25

回復 63# 文小子
好鬼馬[attach]46883[/attach]

作者: wongkailam 時間: 2013-6-22 21:38

回復 54# 得得B
我想問我隻葵花,學講嘢好差到現在已經3個多月,叫早晨都學唔到
同埋牠食量唔多,合成糧又唔食,混合糧又唔食,生果又唔食,淨係食瓜子同方包食小量白飯,怕唔怕唔夠營養,有冇方法可以仞牠食多D請指導.謝謝

作者: louisa20047 時間: 2013-6-22 22:17

回復得得B
我想問我隻葵花,學講嘢好差到現在已經3個多月,叫早晨都學唔到
同埋牠食量唔多,合成糧 ...
wongkailam 發表於 2013-6-22 21:38

咩品種的葵花?幾大?~大部份葵花說話能力本身不高~不必期望太高
同佢轉糧啦~你由一開始就唔應該俾佢習慣只食里D野

作者: 得得B 時間: 2013-6-23 00:42

本帖最後由得得B 於 2013-6-23 00:53 編輯

回復 65# wongkailam

1. 起初我家葵花在雀街 ( 康樂街年代 ) 時都是只餵瓜子, 來到我家後再加菜.白飯. .生果.合桃....後來出現左合成糧,話令雀雀更健康, 便開始合成糧溝入瓜子中把比例漸漸提高,( 初時幾粒, 好奇心會令佢咬下, 慢慢增加比例,瓜子唔飽會食D合成糧, 後來都無俾瓜子,又怕合成糧缺貨都會買2.3個牌子混合,以免斷糧.而家更幸福,很多零食.玩具.真開心 : ) ( 其實斷糧都無問題,因為佢都食番薯,原支粟米,白飯.拉麵.生果,菜.麵包...)

2. 多D同佢講嘢,例如朝早同佢講早晨,去街前由換衫,關窗,取鞋就講拜拜,直至出門口,初時真像儍婆在自說自話.漸漸早上 ( 有時半夜上厠所) , 就聽到 " 早晨", 換好衫.関窗.開鞋柜就聽到"拜拜"....當佢適應左之後電話嚮會 "喂"...

3.縂之佢係家中一份子,來日方長, 不要太心急 .

作者: wongkailam 時間: 2013-6-23 19:54

回復 67# 得得B

多謝提點,但我現在已經有合成糧比牠食,但牠把合成糧拿走,只食瓜子,請問菜,番薯同粟米是否要煮熟.謝謝

作者: wongkailam 時間: 2013-6-23 20:02

回復 66# louisa20047

我都唔知牠係咩品種,上手主人話我知牠1歲半大,同埋淨比瓜子佢食就得,但我上網睇到原來要用其他糧喂佢,請問應該轉邊種糧呢.謝謝

作者: louisa20047 時間: 2013-6-23 20:48

回復 louisa20047

我都唔知牠係咩品種,上手主人話我知牠1歲半大,同埋淨比瓜子佢食就得,但我上網睇到原 ...
wongkailam 發表於 2013-6-23 20:02

一係俾張相黎睇下~一係形容個樣黎聽下
如果未食過合成糧~求其買一隻試下都冇所謂~不過我主觀覺得葵比較易試roudybush~但里隻糧有防腐劑

作者: louisa20047 時間: 2013-6-23 20:49

回復得得B

多謝提點,但我現在已經有合成糧比牠食,但牠把合成糧拿走,只食瓜子,請問菜,番薯同粟米是否要 ...
wongkailam 發表於 2013-6-23 19:54

不要瓜子同合成糧一齊放糧兜~瓜子要收起~蕃薯要煮熟~粟米生熟都得~個人選擇

作者: gadgeteer 時間: 2013-6-24 10:52

回復得得B
我想問我隻葵花,學講嘢好差到現在已經3個多月,叫早晨都學唔到...
wongkailam 發表於 22-6-2013 21:38

你呢句令我記起飛鸚哥曾經何時一句：鸚鵡唔識講野時你就想佢講野，到佢識講野時你就想毒啞佢....

kailam 兄要緊記一樣野：所有雀友所講的都係分享經驗，屬 general advice，但隻隻雀都有唔同性格，無話去到幾時就會開始講野。tricks 都係一樣，唔係話見到人地個隻做到你個隻就會做到。鸚鵡好有性格，唔鐘意做某的野就打死都唔做，但就係因為隻隻唔同性格，所以你個隻葵又會有的得意野人地個的唔會發生。

個人認為最緊要確保你隻葵健康開心，再嘗試理解佢既脾氣，佢會有幾十年命，凡事例如學講野無需急於一時，養鸚鵡唔係比賽，無需同其他鸚鵡比...

作者: gadgeteer 時間: 2013-6-24 11:13

本帖最後由 gadgeteer 於 2013-6-24 11:15 編輯

回復得得B

多謝提點,但我現在已經有合成糧比牠食,但牠把合成糧拿走,只食瓜子...
wongkailam 發表於 23-6-2013 19:54

我又分享下...

我隻衰雀初帶返屋企三日無食野，但買佢個時係鋪度我親眼見佢食合成糧，仲買咗一大包返屋企諗住無死....

三日後見佢唔食野，咁試下比其他野佢食，就比咗瓜子，唉，死嘞，比咗瓜子佢食之後就乜都唔食，淨係食瓜子。當然，我同時亦都有比合成糧佢，並企途將瓜子份量比例慢慢減少。點知個衰仔求其食咗的瓜子就死都唔食合成糧。

一個星期後，夜晚，衰仔唔食野。我老婆終於頂佢唔順，係佢面前倒咗成兜合成糧，鬧鬼佢：唔鐘意食就咪食（下刪一百字），跟住就熄燈，好大力澎埋度房門由得隻衰雀黑暗中度過。

兩個鐘頭後，我開門望下佢，佢好可憐咁望住我，我就比返兜新既合成糧佢...

奇蹟出現，佢食嘞！仲成兜幫我食晒添！

拿拿拿，講明純分享經歷，我好彩架咋，無叫你學！！！

隻衰雀宜家？最離奇既野就咁發生：隻衰雀宜家唔食瓜子，乜瓜子都唔食，逼佢都唔食，仲會發番我脾氣添，激死！

作者: wongkailam 時間: 2013-6-24 19:38

回復 21# chaikit

澳門朋友你好!請問閣下養那類鸚鵡,伙有冇比鄰居投訴過,如何應付,請賜教謝謝

作者: chaikit 時間: 2013-6-24 21:03

回復 74# wongkailam
我無試過啊..d隔離重會問你隻咩雀叫得咁大聲ge~....佢一大叫我就關門關燈....加布...一吾叫我就開門開燈.....都有成效啊...不過早上同傍晚就難免有幾聲~

作者: 得得B 時間: 2013-6-24 23:46

回復 73# gadgeteer

係呀 ! 我既大葵都唔食瓜子, 俾佢都擰歪面

作者: jennymok 時間: 2013-6-25 10:21

回復 gadgeteer

係呀 ! 我既大葵都唔食瓜子, 俾佢都擰歪面
得得B 發表於 2013-6-24 23:46

我隻細葵見到粒杏仁咬爛個殼後掉咗佢架! 唔食架! 以前連合桃都唔食, 而家食少少!

作者: gadgeteer 時間: 2013-6-25 10:32

我估我隻衰仔唔食瓜子係因為有陰影，食咗會被人鬧同澎門......

作者: wongkailam 時間: 2013-6-25 15:06

回復 66# louisa20047

葵后妳好!救命呀!我隻葵花又喪叫,好咗幾日,前日開始又大叫,都唔知牠想點,昨日比隔離投訴,真係好煩,請問隔音籠在那裡有得賣,我會盡快把牠的相片放上網,以供參考希望妳可以提供寶貴意見,因我不想棄養牠,對牠已經有了感情希望能夠把牠留在身邊.謝謝

作者: louisa20047 時間: 2013-6-25 15:21

回復 louisa20047

葵后妳好!救命呀!我隻葵花又喪叫,好咗幾日,前日開始又大叫,都唔知牠想點,昨日 ...
wongkailam 發表於 2013-6-25 15:06

朋友，唔好叫我葵后，我只係少少雀友一名
你隻葵係咩情況，咩時間叫？你地又俾左咩反應佢呀？你同葵的作息又如何呢？

作者: 風中飛鸚 時間: 2013-6-25 16:31

朋友，唔好叫我葵后，我只係少少雀友一名
你隻葵係咩情況，咩時間叫？你地又俾左咩反應佢呀？你 ...
louisa20047 發表於 2013-6-25 15:21

叫你葵后~當之無愧~

作者: wongkailam 時間: 2013-6-25 16:38

回復 80# louisa20047
咁我稱呼妳做前輩好嗎!牠除時除地都叫,牠一叫我地只是舉起隻手牠就停止,跟著又再叫,天黑屋內開燈牠又叫,要落窗簾還要加遮光布,牠完全見唔到光才靜下來,早上天一光牠便開始細細聲叫,但一見到有人就大叫.

作者: louisa20047 時間: 2013-6-25 17:09

葵花見太陽光/開燈叫係正常的，因為葵花本身係群居鸚鵡，大叫係佢地溝通的方式，而見任何光都係代表朝早天光，所以葵花會大叫
葵花大叫，除左係晨早打招呼，仲係宣示主權，懼怕的表現，如果你一開窗簾葵就叫，你可能要留意下窗外有冇野嚇過佢，或者令佢受過傷

作者: louisa20047 時間: 2013-6-25 18:08

我之前教你的方法，不是令葵不叫，只是教葵細聲，長久下去，葵叫的聲量會下降
但里個方法有個缺點，就係全部人要一齊做，一個唔做，隻葵就一世都嘈果一個人
如果隻葵一直都係嘈，你就搵個佢最鍾意(或者最多交流)的人，係佢視線範圍做野，但係完全唔好望佢，直接當無葵係度，眼尾都唔好睄佢一下，俾佢知道好嘈的小朋友，就算有人係度都一樣唔會理佢
(但有樣野好重要，記得係當佢透明，唔好係心入面討厭佢，或者嬲佢，葵感覺到的)

作者: louisa20047 時間: 2013-6-25 18:13

下次錄一錄葵叫個樣同聲，試下睇唔睇到咩問題

作者: wongkailam 時間: 2013-6-25 19:54

回復 81# 風中飛鸚

風中飛鷹你好!我問題請教,請問隔音籠在那裡有得賣,價錢貴唔貴,另外隔音玻璃效果如何價錢貴唔貴,請指導.謝謝

作者: jennymok 時間: 2013-6-25 20:23

我隻細葵都好煩呀! 夜晚佢跟我入房瞓, 而家差不多晚晚開冷氣, 如果佢覺凍, 瞓瞓下2點幾佢會大叫幾聲, 一關冷氣就唔叫! 有時佢覺熱而我無又無開冷氣, 佢又會叫, 一開冷氣就唔叫!
佢又怕黑, 一開床頭燈就靜曬, 乖乖0甘企定定瞓, 一關燈就好不安, 行來行去又叫! 床頭燈要開到1點幾, 等佢瞓到好"冧"先可以關燈!

作者: jennymok 時間: 2013-6-25 20:38

本帖最後由 jennymok 於 2013-6-25 21:05 編輯

回復風中飛鸚

風中飛鷹你好!我問題請教,請問隔音籠在那裡有得賣,價錢貴唔貴,另外隔音玻璃效果如何價錢 ...
wongkailam 發表於 2013-6-25 19:54

我隻大白最驚一個Mickey Mouse形狀嘅鬧鐘, 同埋一個有4種動物叫聲嘅鐘, 而佢每曰都有段時間大叫, 當我一放個鬧鐘或播d聲出嚟, 佢就唔叫一段時間因為好驚!
你可以揾d佢驚嘅物件當懲罰!

作者: wongkailam 時間: 2013-6-26 19:58

[/img][/img][b]回復 [url=http://forum.parrot-tree.com/redirect.php?goto=findpost&pid=383436&ptid=21144]1#[/url] [i]wongkailam[/i] [/b]

作者: wongkailam 時間: 2013-6-26 21:21

回復 85# louisa20047
前輩妳好!在這網頁我放唔到相片上去,影片更難,若妳相信我,我可用Whats App傳送相片及影片給妳看,電話號碼853-66897404謝謝

作者: louisa20047 時間: 2013-6-26 23:25

本帖最後由 louisa20047 於 2013-6-26 23:28 編輯

最方便的方法，相放網上相簿，再放link上樹，片就放上youtube，再放link上樹

作者: louisa20047 時間: 2013-6-26 23:27

放上討論區可以集思廣益，比只俾一個人睇，可能得到更多意見

作者: wongkailam 時間: 2013-6-27 21:36

[attach]46905[/attach]

作者: wongkailam 時間: 2013-6-28 12:28

回復 93# wongkailam

這相片是牠喪叫時的樣子

作者: louisa20047 時間: 2013-6-28 12:47

回復 wongkailam

這相片是牠喪叫時的樣子
wongkailam 發表於 2013-6-28 12:28

口不張開咁大叫？

作者: 風中飛鸚 時間: 2013-6-28 13:10

回復風中飛鸚

風中飛鷹你好!我問題請教,請問隔音籠在那裡有得賣,價錢貴唔貴,另外隔音玻璃效果如何價錢 ...
wongkailam 發表於 2013-6-25 19:54

我冇權回答~只答一半~
價錢見人見智~
隔音效果當然有~如果冇膠籠~我完全養唔到鸚鵡~

作者: wongkailam 時間: 2013-6-28 13:12

回復 [url=http://forum.parrot-tree.com/redirect.p[attach]46947[/attach]hp?goto=findpost&pid=384249&ptid=21144]95#[/url] louisa20047 牠靜止時的狀態

作者: wongkailam 時間: 2013-6-28 13:14

回復 95# louisa20047

不是這是牠剛收聲

作者: wongkailam 時間: 2013-6-28 13:32

[attach]46949[/attach]這是牠喪叫時的樣子[attach]46949[/attach]

作者: louisa20047 時間: 2013-6-28 13:33

有冇叫緊時的片？

歡迎光臨 PARROT-TREE (http://forum.parrot-tree.com/)