PARROT-TREE - Powered by Discuz! Board

標題: 唔知大家近排見唔見有太平洋鸚鵡? [打印本頁]

作者: getter1234 時間: 2013-7-17 16:57 標題: 唔知大家近排見唔見有太平洋鸚鵡?

如果買太平洋鸚鵡大家會推介去邊度買好?
大家有無見過邊到有太平洋鸚鵡幼鳥?
謝謝=)

作者: wongleung 時間: 2013-7-17 20:47

大陆好多。

作者: jojo_brilliant 時間: 2013-7-17 21:45

雀街有好多。

作者: 養鳥新丁 時間: 2013-7-17 21:57

如果買太平洋鸚鵡大家會推介去邊度買好?
大家有無見過邊到有太平洋鸚鵡幼鳥?
謝謝=)
getter1234 發表於 2013-7-17 16:57

不要自殺...........

作者: getter1234 時間: 2013-7-17 22:16

不要自殺...........
養鳥新丁發表於 2013-7-17 21:57

剛介奶的都很難養嗎?

作者: getter1234 時間: 2013-7-17 22:50

剛介奶的都很難養嗎?
getter1234 發表於 2013-7-17 22:16

雖然任何幼鳥都比成鳥難照顧
要花很多時間
但是凡事總有第一次呀~
從不嘗試去照顧幼鳥就一輩子都只可去馴化成鳥,太平洋也頗惡的
只要自己找好資料,確定自己有能力,愛心,時間去照顧幼鳥就可以了~
當然如果沒有把握就不要傷害生命啦=)

作者: 養鳥新丁 時間: 2013-7-18 12:49

何必呢.......不過既然你要去...........亦不能阻止你~祝君好運

作者: louisa20047 時間: 2013-7-18 13:14

不是難不難養的問題，而係好多顯而易見的事/問題，好多新手都忽略左/意識唔到，結果變成慢性誤殺

作者: getter1234 時間: 2013-7-18 13:22

我當然不是立刻就買=)
只是先留意一下
但是所有主人也有新手的時期.對吧
不嘗試的話.經驗從何而來呢

作者: BABYPAPA 時間: 2013-7-19 08:12

我養鸚鵡多年了,有些忘了乜名綠色的 bb parrot 要過三關的,在這裡也看到很多 BB PARROT 活不長久,你見下鬼先當交學費。

作者: 風中飛鸚 時間: 2013-7-19 10:39

買太平洋當然去太平洋買啦~仲問?

作者: getter1234 時間: 2013-7-19 12:50

當然幼鳥難養.易照顧不當是事實
因此很多人都說養幼鳥是自尋死路
因為有很多新手連幼鳥有多大.要餵多少次奶等等的資料都不知道
就因可愛而買回來了
對這樣的主人當然是"好心佢啦.唔識養就唔好養"
但對於不少新手關於幼鳥的發問
大部份回覆都是"不要嘗試"
並沒有人提供經驗讓新手再次認真考慮
盡管新手決定養幼鳥
難道就不可以給一點注意要點提醒一下
而不是只是抱著"你死你事"的態度嗎?
我亦見過一個例子
有人從雀街買來一對有病的幼鳥
什麼都不懂.被雀街的人騙了
然後有不少雀友都在罵他
可是有一些卻不停給他建議
主人是個要上班的人
用盡最大努力照顧幼鳥
最後不但幼鳥治好了
還一直在養.下蛋了
所以其實只要有心.有雀友肯幫忙鼓勵
有責任心的新手亦可成功養大幼鳥呀

作者: Louis 時間: 2013-7-19 13:39

大家勸告新手唔好養幼鳥好係出於善意及過往經驗, 因各位都係愛鳥之人, 珍惜生命, 明白繁殖雀鳥難處及其珍貴性, 唔想幼鳥成為實驗犧牲品; 其次係唔想助長雀街販賣未戒奶幼鳥歪風.

有好多飼養技巧經驗, 非筆墨能夠形容, 沒有既定方程式, 要親身飼養過經歷過, 先至能夠體驗明白. 所以有經驗者會勸新手先養成鳥, 從日常飼養時吸取經驗, 就算成鳥不幸染病, 治癒成功率亦較高. 將來餵養幼鳥, 能根據過往經驗, 觀察入微, 能於問題發生初期及時察覺, 儘早作出應對.
幼鳥先天免疫力弱, 善於隱藏病徵, 好多時並非因為飼主照顧不周, 而係缺乏經驗, 未能及早察覺問題, 到病徵出現時已經難以醫治, 所以死亡率非常高, 唔係有愛心有知識就得, 每隻雀有其獨特習慣性格及小動作, 好多細微蛛絲馬跡非筆墨能儘錄, 只有每日照顧之人才能體會, 當患病時, 需要花費大量時間金錢人力物力照顧, 並非人人可以做到.

太平洋鸚鵡唔普及, 因為繁殖率低, 顏色變化少, 所以售價高企, 令人卻步. 成鳥常見於雀街燕記及能記有售, 價錢最平五百蚊起, 幼鳥極少會見到, 價錢一千蚊起.

如果有心養, 不如買幾對成鳥, 自家繁殖, 將來自己餵養幼鳥, 成功感會更大.

作者: louisa20047 時間: 2013-7-19 13:54

本帖最後由 louisa20047 於 2013-7-19 14:01 編輯

幼鳥難養，雀街的幼鳥更難養
這裡不是沒有人提供經驗，而多數係已經講過好多次，所以我地成日叫人爬文
請你體諒，我地里度有好多人都已經在這棵樹上留左好多年，同樣的問題我地都答過無數次，無力了
而且養幼鳥說簡單，不出狀況的話可以很簡單，說復雜，一點差錯可以後患無窮，你要我們點講？
早排有雀友介紹一套養鸚鵡的書，只是重量就已經三公斤，而我相信任何一位雀友的養鸚經驗都絕對不是三公斤的紙可以寫完的，加上各人養鸚方法不盡相同，所以面對一個如此空泛的題目，好多雀友都無能為力

作者: louisa20047 時間: 2013-7-19 13:57

我養鸚鵡多年了,有些忘了乜名綠色的 bb parrot 要過三關的,在這裡也看到很多 BB PARROT 活不長久,你見下鬼先 ...
BABYPAPA 發表於 2013-7-19 08:12

小達，亞歷

作者: getter1234 時間: 2013-7-19 14:27

我十分同意以上幾位的說法
我指的新手是指養飼幼鳥的新手.但有養成鳥的經驗的=)
當然經驗是要吸取.但肯爬文.肯花時間和愛心
就是可嘗試養幼鳥的前題了

作者: jojo_brilliant 時間: 2013-7-19 16:21

牙尖咀利。
要說的都說了
人家要買講乜都沒用

作者: louisa20047 時間: 2013-7-19 16:43

我十分同意以上幾位的說法
我指的新手是指養飼幼鳥的新手.但有養成鳥的經驗的=)
當然經驗是要吸取.但肯爬 ...
getter1234 發表於 2013-7-19 14:27

誰說養成鳥不能吸取經驗？
我養成鳥就已經訓練埋養幼鳥的經驗了

作者: BABYPAPA 時間: 2013-7-19 17:30

哈。又尖又利....又牙又咀

作者: vanessachan 時間: 2013-7-21 18:34

雀街的幼鳥死亡率都幾高,一來雀雀真係太B,二來得不到良好照顧,三來這裡衛生環境差,重點是某些會"專劏"新手.我也是在這裡買了一隻病鳥回家,雀販說牠有半歲,獸醫說牠剛出齊毛,比到盡得3個月.最後好彩救得番,但都嚇餐死,醫藥費仲好金($12xxx) 所以有部份人包括我自己也建議買1歲左右的可能會比較好.
此外,我也向新手分享一下買幼鳥的經驗.當買了幼鳥回家後帶牠到獸醫診所檢查身體,驗佢有無鸚鵡熱和PBFD啄羽症,檢查素"狼"(同音異字,因為唔識打),病向淺中醫,同埋睇下可否退回或換過隻,但換果隻都可能有病.
照顧方面:BB雀不宜帶出街和沖涼,因為街上有細菌,容易生病,BB免疫力很低;沖涼就是你不知道牠的羽毛是否100%乾透,如果沒有乾透就容易感冒引起肺炎.1歲前的鸚鵡不要同佢沖涼.
食物方面:盡量給牠們食生果,生果最好是果肉紅色,橙色和黃色的,還給牠吃深綠色的蔬菜.我就會給牠吃香蕉,蕃薯(熟),粟米,車厘子,神石榴,提子一粒,哈蜜瓜;乾糧是H糧+兩粒杏仁.但我的鸚鵡沒有吃過鸚鵡奶,因為獸醫覺得我唔識喂,就叫我用生果喂,反正牠在野外都是吃生果.所以我就不能分享如何使用鸚鵡奶和如何喂.我是上午喂生果下午再比乾糧.
平時一定要留意牠的屎屎,屎屎是最基本反映牠的健康情況;還有躲在一旁觀察牠,因為雀雀善於偽裝健康,在沒有人留意牠的時候,牠就會露出原形.有時間,我盡量會帶牠去晒15-20分鐘太陽(由於我放工時間是2:30-4:00所以我做到)一星期都帶佢晒一次太陽都OK,雀雀D毛色靚好多和大隻D(因為我隻鸚鵡比其他同種的大隻)
**鸚鵡很怕凍,一定要留意溫度,冬天要開暖爐;有些人仲會經常給鸚鵡量體重,因為體重下降也是患病的特徵.
這是我的小小心德,但人人飼養的手法都唔同,希望各位新手都能盡量吸取多D養雀人的經驗,這樣就能好好享受當中的樂趣.

作者: duncan 時間: 2013-7-22 16:07

重要餵奶的雀一Ｄ都唔好玩！餵過量又死,唔夠又死！自已識餵0既雀就最好喇

作者: 風中飛鸚 時間: 2013-7-22 18:14

BB開始餵養~唔代表100%親近人~

作者: Zeta_KM 時間: 2013-7-23 00:47

如果係太平洋、愛情鳥呢類雀，地域性好強，性格又剛烈，從小養大其實真係會比較易馴服，有朋友的lovebird甚至好似唔覺得自己係隻雀 = =""

但有例外... 我隻lovebird係由毛都未齊一日餵幾餐奶養大，到而家一見我就咬住唔放，要打佢先放口(大家唔好blame我住... 其實我唔打雀的，亦用過好多方法教，我已經心灰意冷，遲d再開post講)

我自己第一隻養o既鸚鵡係一條毛都未有o既bb (不過隻雀唔係我o既) ，好好彩，佢仲健在，每做幾個鐘野就去餵下佢，又要留意下有咩異樣，果排做得最多o既就係不斷咁睇養雀b o既資訊，隻雀未有事就已經周圍問定d有經驗人仕，好彩自己對觀察動物比較細心，我o既第一次經驗就係咁來，得來不易架

買雀點樣揀健康o既，有大把網友講過，我就skip啦。年齡方面，如果一定要bb，我覺得剛戒奶，仲要補夜晚一餐o既比較好，一來餵奶可增進感情，二來一d大個比較難馴化o既雀都可趁呢個階段好好相處

地點而言，我自己係**絕對唔會**再o係雀街買雀，你去開留意下，佢地對待d雀b o既方法實在係令人不能忍受，我知道d價錢係好吸引，雀bb係好可憐好需要人救，但係買佢地返屋企只會害左更多雀b。我都有買過，一隻貌似健康的灰黑色面罩LB，三日死了，時日雖短，但死雀陰影真係好大....

分享住咁多先~

作者: getter1234 時間: 2013-7-23 01:04

很感謝以上的分享
有雀友的經驗分享對有疑問的新手真的很有用.有說服力=)
很佩服zeta_KM有勇氣和耐心去第一次照顧鳥bb呢
經驗當然是得來不易.但是起碼有了第一次經驗.
有了去細心詢問.親身觀察和照顧幼鳥的過程
之後再接觸時便更有把握和信心了
謝謝你的分享

作者: Zeta_KM 時間: 2013-7-23 02:00

本帖最後由 Zeta_KM 於 2013-7-23 02:05 編輯

我自己又不覺得getter1234是牙尖咀利，不聽別人意見的那類人，至少他態度誠懇，不是買回家，養到雞手鴨腳先來求救吧

大家養鸚鵡，有幾多人不介意雀雀只可遠觀，不親近人？須知有些品種的成鳥，要馴服佢地比養幼鳥更艱難。如果你是重視生命的，並非當寵物是玩具，買鳥前做足功課，加上有時間有心機去照顧佢地，養死了，至少汲取了經驗 (但不是鼓勵大家以此做實驗...) 下次不要再犯。而且louis講得岩，幼鳥天生脆弱易病，甚至先天不足，但佢地o係野外係注定要死的，咁係大自然的規律，亦未必係人為的錯。

各位會員咁著緊，咁唔希望新手養幼鳥，都係因為佢地重視生命吧，偏偏各位新手又不爬文，大家答到口水乾，都仲係救唔返果d弱小o既生命，聖人都燥底啦，先會索性叫新手養成鳥，唔好再害死佢地。

我對養幼鳥不完全抱反對態度，我亦好討厭果d漠視生命o既人，有段時間甚至好嬲養死雀o既自己。如果你願意花心機時間去愛佢地，你可以一試，得到o既回報同滿足係超乎你想像。

歡迎光臨 PARROT-TREE (http://forum.parrot-tree.com/)