PARROT-TREE - Powered by Discuz! Board

標題: 新手準備養鸚鵡，希望各位給點意見 [打印本頁]

作者: rannes_man 時間: 2013-9-19 01:55 標題: 新手準備養鸚鵡，希望各位給點意見

最近有打算養鸚鵡，但想先了解多點給做多點準備才選，最近也有拜訪幾間鸚鵡點詢問多點資料，同時都希望各位飼主能給點意見及經驗。( 其實在另一個FORUM有問過，但得不到多一點答案＞＿＜希望這裡有人可幫幫忙～～謝謝

1）我本來想養灰鸚鵡，因為聽講較聰明及容易學說話，也聽說較安靜及有善，我前天去過一家店看到
有些鸚鵡會大叫，很吵，我不知道牠是什麽品種，我只知道灰鸚通常也較安靜，
但今天有另一家的店員跟我說他建議新手養阿馬遜，他話聰明及說話能力不比灰鸚弱，同時情緒問題會較灰鸚少，
大家認為呢？阿馬遜會不會很吵？

2）我家其實已養四隻狗一隻貓，牠們都很和平相處及很乖，全部都沒有攻擊性，也能和其他小動物相處，請問有人把鸚鵡同其他動物一起養嗎？會不會有其他不會想到的問題發生？

3）在YOUTUBE上看到一種鸚鵡我也很喜歡，但不知道是什麽品種，做不到RESEARCH，想問大家這是什麽品種？牠們性格及智慧比起灰鸚給阿馬遜怎樣？會很吵地大叫嗎？http://www.youtube.com/watch?v=T728kIasAMY

4）有店員跟我說沒有分新不新手，因為鸚鵡閒閒地都養到二十三十年，所以就算新手也建議一開始便養一隻自己喜歡的，但亦有另一家店員說新手不建議養某幾種品種，你們覺得養不同品種對新手來說有分別嗎？我自問是一個會做足功課及準備功夫才開始養的人，如果做足功課，新手來說養某些品種的鸚鵡會有困難嗎？

5）同品種的鸚鵡，看到有些店的價錢較貴，牠們聲稱牠們店的鸚鵡品質較好，作為狗主的角度，對我來說狗的品質或純不純種不太重要，因為牠們也是生命，對我來說沒有什麽大影響，但鸚鵡的話，所謂的 “品質”，我不清楚會影響到什麽？如果只是純種或靚唔靚黎做標準，我就未必會用 “品質” 來決定我買哪一隻了，只是怕原來 “品質” 在鸚鵡界中有影響到其他我不知道的事。

UMM。。我想暫時我只有這些問題了，希望大家能給點意見，謝謝

作者: louisa20047 時間: 2013-9-19 02:15

3. 那是葵花(應該是大葵)，說話能力比不上灰鸚，但都能言，只是量不多。葵的性格黐人，但情緒問題幾乎同灰鸚一樣常見(咬毛常客)，聲音超大(可達一百三十分貝，跟噴射機起飛一樣)，同灰鸚一樣有大量羽粉，不過多數比較大膽，破壞力強勁，不鏽鋼枝都咬至變形
灰鸚其實不太親民，通常都比較專一

作者: louisa20047 時間: 2013-9-19 02:18

4. 除非極愛葵花灰鸚，否則我個人是不建議，另外，新手不建議養非常幼鳥(已斷奶的比較好)

作者: YVONNE 時間: 2013-9-19 02:20

1) 灰鸚其實頗情緒化, 怕生, 易咬毛, 仲好專一, 即會選定主人, 同葵花比,灰鸚的確比較靜, 尤其出街多數會啞左一樣
3) 他是葵花, 很吵很吵, 很神經質
4)請細閱: http://forum.parrot-tree.com/vie ... &extra=page%3D1

作者: louisa20047 時間: 2013-9-19 02:21

5. 所謂品質包括健康，出身(野鳥？人工鳥？)，價格，性格……

作者: louisa20047 時間: 2013-9-19 02:22

其他的，我想到+你想問的，等我有體力才答你啦

作者: 風中飛鸚 時間: 2013-9-19 10:01

再有問題可以打電話俾我~

作者: jennymok 時間: 2013-9-19 11:24

(1) 我有養葵花及藍頭亞馬遜約10年, 明顯嘅分別係葵花好須要關注, 最好主人24小時都陪伴, 而我隻細葵不幸地都有拔毛呢個自殘行為, 但我屋企巳經全日有人又有雀陪伴, 食物零食玩具不決, 咁多年黎都不得其解!
而亞馬遜就比較獨立, 自己玩又得同主人玩又得, 幸好我隻雀又唔大叫, 唱歌講野無難度, 唔洗教, 係從我地家人對話中學習, 把聲似細路仔聲線(不過隻隻唔同, 未必隻隻都咁好玩)!
(5) 選隻健康嘅鸚鵡巳足夠, 我以前買佢地返黎時佢地約6個月大(from出世紙, 但真、假無人知)!

作者: rannes_man 時間: 2013-9-19 11:29

咁睇黎以我的生活方式，阿馬遜會岩我D，我係一係就幾日唔駛番工，一係就番幾個鐘走得，一係就連續番幾日15個鐘0個D工。。。

作者: scylam 時間: 2013-9-20 16:45

咁睇黎以我的生活方式，阿馬遜會岩我D，我係一係就幾日唔駛番工，一係就番幾個鐘走得，一係就連續番幾日15個 ...
rannes_man 發表於 2013-9-19 11:29

唔好見怪，實話實說，如果家中長期冇人不如去九龍公司睇吓，再去雀店玩吓就算。這是三十年的承諾吖。

作者: rannes_man 時間: 2013-9-23 11:12

回復 10# scylam

放心～我家中不算是長期冇人，反而算係長期有人。。只係好間中我係會番工番成15﹣20個鐘，
都好經常幾日唔駛番工。同埋我係可以帶寵物番公司0個D，所以唔怕：）

作者: vanessachan 時間: 2013-9-23 17:42

養灰鸚要同佢鬥智鬥力的,因為佢地好聰明,甚至整古番你添.我隻灰鸚是家中其他寵物的大佬,其他寵物都是聽佢指揮.....去攪事.當其他寵物完成指令,佢就會掉雀糧出籠給牠們作為獎勵.

作者: louisa20047 時間: 2013-9-23 17:51

養灰鸚要同佢鬥智鬥力的,因為佢地好聰明,甚至整古番你添.我隻灰鸚是家中其他寵物的大佬,其他寵物都是聽佢指 ...
vanessachan 發表於 2013-9-23 17:42

你隻灰鸚完全係用人的獎勵方式教其他小動物，駛唔駛醒目成咁呀？

作者: 1324chris 時間: 2013-9-23 17:53

掉雀糧出籠給牠們作為獎勵.....咁搞笑...@@"

作者: rannes_man 時間: 2013-9-23 19:01

HAHAHHAA 可能佢睇你獎勵佢地睇得多，有樣學樣，好搞笑呀！

作者: macbrush 時間: 2013-9-23 19:03

灰鸚真係最叻餵狗！我隻同我朋友隻都識掉糧出籠然後叫狗過來！

歡迎光臨 PARROT-TREE (http://forum.parrot-tree.com/)