PARROT-TREE - Powered by Discuz! Board

標題: 一樣米養百樣人，一種糧養百種鳥 [打印本頁]

作者: makjoe 時間: 2013-9-25 00:18 標題: 一樣米養百樣人，一種糧養百種鳥

起初養灰鸚同銀頂果陣覺得佢地好乖，好跟主人，跟著心思思想養番種活潑d獨立d既鸚鵡，於是膽粗粗養多兩隻黃頸金剛，點知呢兩隻衰野係而家全屋最爹最黏人既小魔怪，我去到邊跟到邊，有時直情係你腳邊，爭d就踩死佢。跟著又唔識死養多兩隻葵花，爬完文咁耐，大部份既葵花都好黏身，關注少陣都唔得，點知我隻中葵超獨立，佢可以任玩任摸，但佢最鍾意自己玩，鍾意由一個籠爬去第二個籠，食下人地d糧，咬下人地d玩具，我叫佢，佢就上兩秒手，應酬下我咁。而家輪到隻藍黃仲衰，聽人講藍黃比較野性獨立，點知隻衰野唔知係咪受過傷，又係一隻跟尾狗仔咁，我行去邊跟去邊，邊個係我身邊都有罪咁，見雀就想打，見人就想咬，但到我一同佢講byebye，佢就好似癲左咁，大叫byebye，叫到要錫番，同埋同佢解釋要瞓覺喇先好d，講左咁耐，其實咁窩心反而係隻灰鸚，見親我返屋企就會同我講：「媽咪返黎啦！」，見其他鸚鵡大叫就會學爸爸講：「喂，唔好嘈！」，所以所有鸚鵡都有唔同性格，真係好吸引。不過再比我揀，我都唔會養咁多隻，專注照顧一至兩隻比較好！

作者: louisa20047 時間: 2013-9-25 00:30

本帖最後由 louisa20047 於 2013-9-25 00:32 編輯

上左身就走唔甩嫁啦

幸好我養左咁多年都未有"不過再比我揀，我都唔會養咁多隻，專注照顧一至兩隻比較好！"里個想法

但鸚鵡似狗仔咁黐人~好多人恨都未必恨到~你小心俾人葡萄呀

作者: makjoe 時間: 2013-9-25 00:54

咁我就真係好好彩，我兩隻黃頸痴人痴到痴左線，總之就好似7-11咁，總有兩隻係你附近，仲要揾機會爬上手先安樂，而家有樣野仲衰，不論我同人傾計或者講電話，佢總係將佢個咀或者個頭放係我咀邊上下咁郁，總之令我講唔到野就安樂！

作者: jennymok 時間: 2013-9-25 11:33

你終於明白"不過再比我揀，我都唔會養咁多隻，專注照顧一至兩隻比較好！"呢個道理呀! 你終於得道喇!

作者: makjoe 時間: 2013-9-25 12:25

冇用架，我老公仲等緊隻紅金

作者: Daren 時間: 2013-9-25 15:06

回復 1# makjoe

真係有D妒忌!

作者: 風中飛鸚 時間: 2013-9-25 15:36

俾我再從頭養過~我都養一隻好啦~

作者: makjoe 時間: 2013-9-25 17:26

回復 6# Daren
不過你果隻就真係有d特別，我隻吸蜜佢唔算太痴人，但佢見到我地一定會講一大堆說話吸引我地，尤其我老公，佢一見到佢，就會叫佢儍仔，希望儍仔比蜜糖佢

作者: Daren 時間: 2013-9-25 17:35

回復 8# makjoe

我隻一見人或見人走開就大叫，把聲尖到拆天咁。現在同佢玩時還要著襪和戴勞工手襪。請問你比邊隻蜜糖你隻吸蜜食，要唔要開水？

作者: makjoe 時間: 2013-9-25 18:19

佢隻隻都食，除左bbq果d，我冇開水，有一樽係佢專用用，我一打開個蓋，佢已經識自己伸個頭入去食

作者: gooza1984 時間: 2013-9-25 19:55

起初養灰鸚同銀頂果陣覺得佢地好乖，好跟主人，跟著心思思想養番種活潑d獨立d既鸚鵡，於是膽粗粗養多兩隻黃 ...
makjoe 發表於 2013-9-25 00:18

我每日一開門番屋企，只要我大叫:"BBB女媽咪番黎啦"，我隻灰鸚就會叫大叫:"老婆!"真係甜到入心^

作者: S!U彤 時間: 2013-9-26 03:38

我每日一開門番屋企，只要我大叫:"BBB女媽咪番黎啦"，我隻灰鸚就會叫大叫:"老婆!"真係甜到入心^
gooza1984 發表於 2013-9-25 19:55

哈哈,學左你老公xd

作者: Daren 時間: 2013-9-26 10:55

回復 9# Daren

唔。晒該

作者: 樂樂 時間: 2013-9-30 14:11

見到你哋寶貝識講，我都心思思想養多一隻灰鸚，但我又驚分薄現在寶貝的愛

作者: Warman 時間: 2013-9-30 17:26

其實養鸚鵡都好講運氣,我買我的玫瑰時,有人話它說話能力一般,但我亦無所謂,但養咗大概8個月,只有一歲,基本上我同佢講的它都會講了

作者: sonicwai 時間: 2013-10-2 23:49

好正呀! 真的令人很"葡萄"囉!!!

歡迎光臨 PARROT-TREE (http://forum.parrot-tree.com/)