PARROT-TREE - Powered by Discuz! Board

標題: 豆豆咬毛了 [打印本頁]

作者: 真正 時間: 2013-10-20 19:31 標題: 豆豆咬毛了

豆豆係上星期六開始咬毛，星期三睇醫生，驗左無寄生虫同埋打左枝維他命針，話觀察兩星期先覆診。但今日突然咬多好多毛，好心痛同擔心。諗緊同唔同佢做個body check，照x ray 等等。但我擔心麻醉風險，所以都在考慮中。我今日望住佢咬，我除左叫佢唔好咬，我唔知可以做咩，有無人可以分享下？

作者: 養鳥新丁 時間: 2013-10-20 19:32

唔係卦??!!!

作者: 真正 時間: 2013-10-20 19:37

佢一向出毛都唔順，最近食左少量益生菌，出得好勁，同埋羽毛質素好左好多，但唔知係咪同出毛有關，咬毛都出現了。日常生活係無咩轉變，醫生話佢長期唔夠訓，可能都有關。

作者: wongleung 時間: 2013-10-20 19:42

祝福早日好反。

作者: harrison 時間: 2013-10-20 19:51

他是灰鸚嗎???

作者: 真正 時間: 2013-10-20 19:55

是玫瑰來的

作者: harrison 時間: 2013-10-20 19:58

玫瑰好難咬毛...定是生理因素

作者: louisa20047 時間: 2013-10-20 23:34

本帖最後由 louisa20047 於 2013-10-20 23:37 編輯

你可以自行買草本劑餵，我自己都餵過，係有用的，但如果你打算長期餵，你就要自己衡量
至於唔夠瞓，你要搵出原因，我有聽過唔夠瞓會引致咬毛，係可以咬到爛肉的，可以用藥，但這是醫療問題
此外，葵花換毛期，可能會唔舒服，你可以噴下水，軟化毛管
我唔知關唔關事，但葵花有同伴，睡眠時間好似會比較長，不過以豆豆現在的情況，相信你都冇心情加葵
另外，豆豆一直食咩糧的？食左幾耐？
豆豆幾多歲？

作者: louisa20047 時間: 2013-10-20 23:35

玫瑰好難咬毛...定是生理因素
harrison 發表於 2013-10-20 19:58

玫瑰一樣係葵花，我自己都見唔止一隻咬毛啦

作者: 真正 時間: 2013-10-21 07:50

佢琴晚r得好勁，好似好痕咁，全身都r得好用力，有別於日常慢慢打理羽毛。仲有時不時望住自己心中，好似又想落手咁呢。我睇過麻醉片，仲有d舊post，加埋朋友建議，打算帶去check check。起碼確定係唔係生理問題先。但我唔熟麻醉過程，其實係唔係好簡單的檢查行為呢？

作者: 真正 時間: 2013-10-21 07:51

佢琴晚r得好勁，好似好痕咁，全身都r得好用力，有別於日常慢慢打理羽毛。仲有時不時望住自己心中，好似又想落手咁呢。我睇過麻醉片，仲有d舊post，加埋朋友建議，打算帶去check check。起碼確定係唔係生理問題先。但我唔熟麻醉過程，其實係唔係好簡單的檢查行為呢？

作者: 養鳥新丁 時間: 2013-10-21 07:52

希望豆豆無事啦，加油

作者: 真正 時間: 2013-10-21 07:52

不小心發了兩次。

作者: 真正 時間: 2013-10-21 08:11

豆豆主要食golden feast 同harrison合成糧，食左都有一年。已經一日噴三次水了。

作者: chengKalok 時間: 2013-10-21 09:23

豆豆日常生活係點?

作者: louisa20047 時間: 2013-10-21 09:25

有蟲？食物敏感？
有冇考慮過停一停harrison/goldenfeast?
有冇曬太陽?

作者: littlecae 時間: 2013-10-21 09:46

試下停晒所有野食, 剩系比harrison或goldenfeast一個禮拜, 如果系食物敏感，應該可以全面排除問題.
你屋企平時有無人?系咪近排有人裝修? 有野嘈親?

我當日去大圍時，都有將日常生活既時間表比醫生睇
麻醉系有機會死,個次我都有比佢做,但系真係要了解風險

我個隻系皮膚發炎+食物敏感, 但系翼底有一行毛到而家(10個月)都出唔到, 無得搞

作者: fishball 時間: 2013-10-21 09:57

佢琴晚r得好勁，好似好痕咁，全身都r得好用力，有別於日常慢慢打理羽毛。仲有時不時望住自己心中，好似又想 ...
真正發表於 2013-10-21 07:51

不妨留意一下空氣濕度對佢既影響, 另外佢有無出去哂太陽???
指天椒含有既維他命, 可以幫助咬毛雀的... 不過幾隻好了.... 否則燥死

作者: 風中飛鸚 時間: 2013-10-21 10:24

我是咬毛家長會主席~歡迎加入~

作者: 真正 時間: 2013-10-22 06:21

本帖最後由真正於 2013-10-22 06:46 編輯

琴日終於帶左豆豆睇醫生，好多謝jenny同karen鼓勵我去同豆豆做麻醉檢查，亦好多謝各位比咁多意見我。在此做返少少分享，希望幫到少少有相關疑問既人。

豆豆從返屋企開始已經係一隻肥雀，養下養下，就更肥了。以前係食合成糧加種子糧。第二階段係用左燕麥做主糧，因為佢好鍾意食，加合成糧。但發現體重暴增，所以現在主食合成糧，加菜心橙蘋果等，偶然比少少生果糧。呢個飲食習慣比醫生評為resonable，當然，佢係同好多餵瓜子做主食既人比。但如果有得重來，我會唔搞咁多野，比晒合成糧同蔬果就好，唔洗太複雜，醫生話，harrison基本上已有齊所需，唔洗再加咩，佢話以後豆豆，只需吃9成harrison1成蔬果。或許未必用於所有雀，但豆豆係因為脂肪肝，所以要咁處理。

去麻醉之前，問左幾個好朋友意見，最關注既係麻醉風險。豆豆從發現拔毛起，已經睇左兩次醫生，呢個亦係按我初步步署。我一直怕麻醉，就算睇完套片都怕，所以第一次去，諗住睇下醫生人可唔可以有簡單醫療步驟先。如果情況無改善，先再諗麻醉。

第一次睇，醫生話我隻雀由上次body check起，已經超肥，改左飲食，都重肥左，而家415g，佢拔毛可以係一個生理或心理出現左問題的訊號，話佢目前只係咬毛，無拔毛，所以可以考慮兩個方案，一，麻醉check血同x ray，二，改良飲食，睡眠習慣，因豆豆只日訓6個鐘，且並非完全遮光。佢話同森林作適相差極遠，人都頂唔順，何況佢地。仲有幫佢打
左枝維他命針，增強抵抗力。佢話生虫可能性極微，但反正都係，就check埋了。第一次睇醫生700，其實都係貴在診金，其他野都係100左右。然後話兩個星期後覆診。

待續。返工先。

作者: 真正 時間: 2013-10-22 07:02

未夠兩個星期，我諗睇左兩三日左右，豆豆嚴重左，佢唔止咬毛，仲拔毛，而且有一晚仲痕得好緊要，唔知係咪同我果晚有比益生菌佢食有關，因為豆豆一直無試過完成一次完整換毛，似乎係某d營養缺乏。羽毛質素一直好差，我見食完益生菌後，佢出毛好勁，諗住食益生菌佢可以快d搞掂，所以我一星期都餵一兩次。我諗，或者突然出得太勁，頂唔順，我見佢咬得勁，反正夜了，就蓋布睡覺，但關完全屋燈，一般會停低想訓，但今次仲繼續r毛，所以應該係好痕了。所以決定提早帶佢睇醫生。第二朝約，好在佢無咩booking，仲比我選上下午，但對於做麻醉仲係心大心細，不過都係選左上午先啦！

待續。

作者: louisa20047 時間: 2013-10-22 09:01

話時話，豆豆有冇驗過病毒？
如果冇時間餵新鮮蔬菜，可以試下totally喎

作者: fishball 時間: 2013-10-22 09:15

未夠兩個星期，我諗睇左兩三日左右，豆豆嚴重左，佢唔止咬毛，仲拔毛，而且有一晚仲痕得好緊要，唔知係咪同 ...
真正發表於 2013-10-22 07:02

之前我隻折..(唔係依家既丫寶) 佢係烏雞LOOK... 我發現佢D毛一出得勁, 會身痕... 我會勁同佢出去哂雀..分散注意力, 同比D辣椒佢食.... 玩具不停換... 加多塊鏡比佢照...

當然我果D 已經係咬好長時間既好難有大改進... 只可以係舒緩, 希望可以幫到你參考

作者: JoeLee 時間: 2013-10-22 10:34

鸚鵡有百分之2的機會會在麻醉中死亡。原因係先天性對麻醉氣體敏感

作者: louisa20047 時間: 2013-10-22 10:36

我果隻都係烏雞look，里個故事教訓我，葵花係不能隨便用外用藥，而且合成糧要嚴格選擇。
宜家我係將班葵放窗邊，俾佢地同陽光玩遊戲，葵囝的毛有再長

作者: 風中飛鸚 時間: 2013-10-22 10:39

我有隻藥在試驗中~(每日一元)已經有成功個案~現在到"當奴"(紅金剛)試~如果都成功~我就公開大家試用~

作者: Raco 時間: 2013-10-22 10:58

我個人認為, 養寵物係需要付出很大的愛心, 就是這點愛心, 會給予不同的食物, 關心, 買不同物料嘅玩具等等...讓牠們會很開開心心地成長.

但很多時候會忽略一點, 我們嘅寵物長時間被困於籠中飼養, 偶爾會放於家中走動, 但也不及野外嘅飛鳥可以自由地飛翔, 有很大運動量, 消耗身體能量, 亦唔咁易有脂肪積聚

給予太多添加物料給牠們, 都有可能出現過剩嘅營養或有敏感(Allergies)的情況, 我始終認為最基本嘅食物已足夠(合成糧+普通嘅生果+凍滾水), 而冇須太多添加劑, 可能適得其反.

我不知道妳嘅豆豆是否因食物因素而導致今次事件, 但都想分享些少心得而已

祝豆豆早日康復!!

作者: jennymok 時間: 2013-10-22 11:20

我個人認為, 養寵物係需要付出很大的愛心, 就是這點愛心, 會給予不同的食物, 關心, 買不同物料嘅玩具 ...
Raco 發表於 2013-10-22 10:58

絕對同意你嘅講法, 一直都認為佢地唔須要添加濟, 除非有病或生蛋後! 只要有均衡嘅飲食, 水果蔬菜, 乾淨食水同適量嘅運動就ok! 同人都係一樣!
其實"偷快嘅心情"先至係健康嘅良藥!

作者: louisa20047 時間: 2013-10-22 11:30

我個人認為, 養寵物係需要付出很大的愛心, 就是這點愛心, 會給予不同的食物, 關心, 買不同物料嘅玩具 ...
Raco 發表於 2013-10-22 10:58

贊成，全天然係最好的。食物敏感已經令葵囝變成咁，所以真係唔好俾太多添加劑寵物食

作者: kentgundam 時間: 2013-10-22 12:43

get well sooner

作者: 真正 時間: 2013-10-28 06:20

本帖最後由真正於 2013-10-28 06:47 編輯

去到做麻醉既時候，傾左兩句，又問下麻醉風險，今次個姑娘話，其實風險唔只係麻醉，其實捉著檢查，打針都已經係風險，佢地亦可以係被捉個過程中嚇親，比起麻醉用藥之類，呢類驚嚇既風險更重要，佢地可能係捉佢準備麻醉時已經嚇死。咁都無計，照做，簽風險紙，可以選如果出事時做唔做急救。之後就放低佢。果時係12點，我問幾時做，佢話應該朝早做埋，咁醒返會有電話報平安。係附近公園留連，坐係度等等等，等到1240，終於等到平安電話！即刻安樂晒，一條友去左食大餐。

3點半返去接佢，就開始第二個驚嚇，醫生話佢好大可能性有脂肪肝。
綜合驗血報告同x ray，佢話佢肝酵素出左問題，話唔知咩壞食既咩細胞個數目都幾多。（呢度已唔記得）加埋佢個肝係x ray 度顯示過大，而且佢話雀仔係x ray下應該有d地方係照出來黑蚊蚊，咩都無，但豆豆就有白影，話唔知咩黎，要知道就要內窺鏡，但佢話風險太高，唔建議再做落去。但佢憑肝既大細同肝酵素估佢個肝有事可能性幾高，且加埋佢體重，佢玫瑰黎講，415g係超重肥妹，所以可以幾確定佢有脂肪肝或肝問題。不過，佢唔可以確定咬毛係咪同呢個問題有關。因佢話生理上有兩個可能性，第一，因為肝脹大，佢d白影可能係內臟，比個脹大肝推左其他內臟上去，所以咬毛在心口，係因為果度脹，唔舒服。第二，同缺鈣有關，佢係女性雀，3歲幾，可能係生殖系統活躍加埋換毛中，唔夠訓，多重壓力形成。佢話雀仔係森林5點幾6點就關燈，日照時間短，睡眠起碼有12個鐘，但豆豆長期係全黑環境安靜睡眠每日只係5個鐘鬆d，成日同我阿爸睇電視睇到夜晚2點，咁樣唔健康，同埋為生殖系統間接帶黎負擔，因為佢地如果日照長，食物又唔愁，其實係會比到生殖系統可以安心運作訊號，咁佢活躍時就會搶鈣，加埋佢隻雀，食左幾年h糧，但都唔算毛生得好，今次先黎一次正式大換毛，從未試過出咁多毛既佢，一黎出毛唔舒服，二黎加速鈣既使用，三黎長期唔夠訓，有可能導致壓力，所以展現係咬毛呢個行為上。第三，可能純粹係心理行為問題。
咁
dr.james 話，佢生理問題可能性都高，所以要試藥，話雀仔藥係有可能試好多次先中，叫我有心理準備長期抗戰。佢開左5隻藥比佢，一，補肝。二，抗生素。三，消炎止痛，呢三隻都係針對肝脹大問題開的。四，鈣水，五，抗敏。呢兩隻係針對第二可能，缺鈣，換毛期身痕開的。
之後教我餵藥，除鈣水外，各早晚一次。今次盛惠36xx。
可以知道佢咩問題真係安樂左，但真係要考慮埋麻醉風險。

作者: chocolate 時間: 2013-10-28 07:03

豆豆食左幾年h糧,應該都健康,為何會脂肪肝？

作者: 真正 時間: 2013-10-28 07:06

過左一個星期，琴日去複診，佢咬毛情況有改善，之前一日十幾廿條，而家一個星期先十來條，叫做有改善，同埋個身明顯無咁痕，已經唔洗日日噴水，應該叫藥力有效了。再睇，dr james話可以減少抗生素，因為佢心口已無血腫發炎，但其他繼續食，之後慢慢減藥。咁今次食兩個星期先複診。護士話豆豆屬輕微咬毛，都好在早帶佢黎，唔好比佢形成行為問題。同埋醫生建議我揾隻sunshine xxx 既噴霧幫豆豆沖涼，佢話呢隻野對佢有幫助，但佢地無得賣。叫我自己出去揾揾。

待續.....

作者: louisa20047 時間: 2013-10-28 09:55

如果我冇估錯，你講果隻 sunshine xxx係 Harrison的，鸚鵡店有得買，但有分兩隻，一隻要大洗，一隻冇咩用
另外，知唔知/可唔可以話我知豆豆枝補肝藥同抗敏藥的有效成份(or藥名)係咩？

作者: louisa20047 時間: 2013-10-28 09:59

豆豆食左幾年h糧,應該都健康,為何會脂肪肝？
chocolate 發表於 2013-10-28 07:03

好多時鸚鵡變肥仔/肥女，問題出在飲食量同能量消耗量上面，再健康的糧，只要鸚鵡食得太多/食完就全日呆呆站，想變肥一尐都唔難

作者: littlecae 時間: 2013-10-28 11:59

我覺得飛係最好既運動, 消耗極大能量, 佢地飛個時又好鬼開心. 我個隻如果個日系屋企飛多左, 食都食多D
咁唔剪翼當然有好有唔好啦~

作者: 真正 時間: 2013-10-28 17:38

本帖最後由真正於 2013-10-28 17:40 編輯

如果我冇估錯，你講果隻 sunshine xxx係 Harrison的，鸚鵡店有得買，但有分兩隻，一隻要大洗，一隻冇咩用
...
louisa20047 發表於 2013-10-28 09:55

佢話果隻係當日常沖涼用的，所以我諗係RAIN，佢話會對佢有幫助。我都打算買。

至於D藥，我諗我唔係咁清楚佢係咩黎...一係你SEND短消息我，比電話我，我影個袋既相比你。

作者: 真正 時間: 2013-10-28 17:40

我都想谷佢飛返，但佢真係唔LIKE飛。

作者: BoBoBoBo 時間: 2013-10-28 17:59

會不會跟天氣轉變有關?
入秋後天氣乾燥, 好多人在這時間會咳, 喉嚨痕, 皮膚痕, 鼻敏感等
中醫認為鼻和皮膚是反影肺的功能
人有咳, 喉嚨痕, 皮膚痕, 鼻敏感等, 要潤肺
天津鴨咀梨可以潤肺, 人雀都啱食 (一定要係鴨咀梨)
鴨咀梨的皮是很有效用的, 所以耍洗乾淨連皮食
運動可以健肺, 都係迫豆豆飛下好d

作者: louisa20047 時間: 2013-10-28 18:03

我都想谷佢飛返，但佢真係唔LIKE飛。
真正發表於 2013-10-28 17:40

想佢飛，其實有好多方法，但先決條件係你唔可以太好人

歡迎光臨 PARROT-TREE (http://forum.parrot-tree.com/)