PARROT-TREE - Powered by Discuz! Board

標題: 昨天回程旅遊巴不愉快事件 [打印本頁]

作者: 風中飛鸚 時間: 2013-11-18 11:02 標題: 昨天回程旅遊巴不愉快事件

計菲律賓旅遊巴事件後~估唔到鸚鵡樹都有不愉快事件~大家先俾面小弟~俾面十週年慶典~

雖然無搶手在旅遊巴~令到大家心情受影響~對不起!~

事源我有錯的地方~沒有介紹清潔我們有位殘障會員~(因為外觀完全看不出~神高神大)

他除了有視障之外~還有九百多種身體問題~最嚴重是玻璃骨~可能由於他本身生活已經習慣不需要排隊~

好自然就上了車~如果我有事先介紹~請大家禮讓他先上~就沒有不快事件~

我先向大家道歉~由於聶先生一受到大力殺車~手腳骨就會好容易折斷關係~而他極希望參加我們聚會~

所以坐位都希望預留一個比較闊給他~至於他將鸚鵡放有坐位~我會了解清楚~

總結希望大家互相包容~不要記掛在心~

作者: 燉雪梨 時間: 2013-11-19 14:15

哈哈哈！我知你講緊邊個, 我都有留意到！一個人霸三個位！不過你既然講到咁，比面你會長就算啦！

作者: 風中飛鸚 時間: 2013-11-19 15:11

大家體諒下佢~我都會同佢溝通一下~互相就一就~

作者: ngkare 時間: 2013-11-21 14:48

其實架車真係好逼，人+雀籠+行李，難怪大家有d燥！

作者: mmchu 時間: 2013-11-21 17:57

講開又講，去程時，
撘車其間有人拎隻雀出黎無問題，
問題係隻雀會OR屎，OR屎都唔係太大問題，
問題係個主人唔抺，由得佢，屎屎尿尿成張椅都係，
呢個已經係一個問題，話落車就落車！！

另一個問題係，
回程時佢自己坐另一個位，有屎個位自己唔坐，
大家都知架車有幾多位啦，
咪有人焗住有屎都要坐LOR……

就算你隻雀有幾叻，引到全車人都開開心心，
但係主人一D公德心都無，我諗佢平時帶雀出街都唔會執屎！！！

講完！！

作者: tsw 時間: 2013-11-21 19:39

雀屎....主人公德心問題....以前都未試過咁

作者: Zeta 時間: 2013-11-22 02:28

上次都試過有人於旅遊車內走雀，隻雀於車廂內亂飛，我當時都巧驚驚。試想吓如果當時喺快速公路上，司机揸梗80-100公哩車速，突然比隻鸚鵡飛來嚇一嚇，時晨到大家隨時一獲熟，二來又或引致與其它車輛發生碰撞，司機有可能被檢控不小心駕駛或其它相關罪行；雀鳥之主人亦會付上民事賠償之責任。所以下次聚會時寫明：於旅遊車上，所携帶之雀鳥必須放於行街箱內並切實執行，不便之處，敬請原諒。

作者: OnOn 時間: 2013-11-22 07:26

Zeta講得好好, 這個正正就是每次聚會, 本會都有嚴格要求乘坐旅遊巴時, 請先將鸚鵡放入行街箱, 以免弄髒車廂及對行車時造成危險.  希望大家有一個愉快及安全的旅程。

此外, 本會亦多次在此網站提出.  作為寵物主人, 必須要負上主人的責任, 帶任何寵物出街, 要保持公眾安全及環境清潔。否則,請把寵物留在家中好了。

就今次事件, 希望大家能作為借鏡, 有關主人亦不要再犯, 如果大家日後在車上看見相同情況, 請大家伸出援手提點有關主人, 把鸚鵡放回行街箱及清潔好有關位置, 大家互相提點。

至於佔用坐位一事, 本會對此深感遺憾, 由於人數眾多座位有限, 只好讓大家辛苦了。  但本會在此重新聲明, 本會並未有給與任何人士擁有任何特權能佔用座位。如有特別需要人士, 請先提出, 本會按個別考慮個案, 盡量作出適當安排,  希望大家能互相禮讓, 言語有禮, 開開心心的參與聚會。

如任何人士末能遵守以上要求, 請自行安排交通公具參與聚會。

多謝大家合作!

作者: carmenchungkm 時間: 2013-11-22 09:33

我曾經坐過旅遊巴的, 的確是坐位比較窄, 如果有個大雀寵, 又象我們兩公婆咁牛高馬大, 是會有D辛苦

我建議, 有需要的人士, 可以多付一人的車$, 就可以使用2人座位, 對其他人就會公平一點

如果個人上不習慣幫愛雀清理便便者, 都無問題, 帶埋工人來照顧就可以了, 多付一個NON MEMBER費用囉

作者: jennymok 時間: 2013-11-22 09:42

我年年都坐旅遊車, 以往咁多年都無呢d問題(無論會員同非會員)架? 究竟今年多咗d乜野人呀?

作者: 風中飛鸚 時間: 2013-11-22 10:13

如果你地因為一時之快~將鸚鵡放出黎~而做成交通意外~59死37傷~請問本人需要坐監嗎?

咁請大家唔好死~唔好要我坐監~

作者: 燉雪梨 時間: 2013-11-22 11:24

旅遊巴座位有限, 有人將鳥箱霸佔一個座位, 搞到遲上車的(在荃灣站上車)就很難找到位, 如果計人頭, 一人佔一個座位, 是足夠有突的, 但係就有多位雀友一人唔止佔一座位。就算有人上車都無意讓座給人！
建議好似carmanchungkm所講, 如鳥箱都要佔一座位的, 需付多一個位的$$, 否則比左一個錢就只可坐一個位，咁就大家公平又開心！

作者: mmchu 時間: 2013-11-22 11:37

回復 12# 燉雪梨

兩人但坐三人位，中間的留來放行李！
我見你抱住個仔居然要坐到最後，
巴士都有優先座啦，係唔係？？

作者: 燉雪梨 時間: 2013-11-22 11:59

回復燉雪梨

兩人但坐三人位，中間的留來放行李！
我見你抱住個仔居然要坐到最後，
巴士都有優先座啦 ...
mmchu 發表於 2013-11-22 11:37

啲雀友可能抱住“咁多人都係咁佔座位啦，點解要我讓座？叫其他霸佔座位的人讓座啦！”呢個心態, 所以冇人會讓座...

仲有樣嘢想補充，旅遊巴內沒有大會籌委維持秩序, 雖然有位雀友義務幫忙點名，但在車內有雀友不守公德，如霸佔座位、雀屎處處、在車內走雀…其他雀友都不好意思話他人，如有個籌委控制吓個場面、維持下秩序，又或放主席一比一人形紙牌在車上，可能有幫助！

作者: JoeLee 時間: 2013-11-22 13:15

我年年都坐旅遊車, 以往咁多年都無呢d問題(無論會員同非會員)架? 究竟今年多咗d乜野人呀?
jennymok 發表於 2013-11-22 09:42

鸚鵡樹壯大了。以前我們還可以用”大家庭”來形容鸚鵡樹。現在要用”小社會”來形容鸚鵡樹了。好話唔好聽，即是話現在組織內乜人都有。遅些當"小社會”再大D,我們還可能要在旅遊巴內的當眼處貼上"小心扒手”。

作者: 大舊金婆婆 時間: 2013-11-22 21:13

不如咁啦，下次活動可以參考屋邨個d街坊旅行團咁，
劃定座位，去程回程都同一座位，
咁就唔會爭位霸位阻位。

作者: chocolate 時間: 2013-11-22 23:51

其實大家也是愛鸚鵡的人，才會聚合一起，参加者只要多體諒别人及其他鸚鵡的需要，便不會有問題。有些大雀要用大籠出街，要地方放置確實是需要的。

作者: 風中飛鸚 時間: 2013-11-23 10:48

我有個提議~下次車費1500元一位~保證每人坐一架旅遊巴~咁就冇晒問題啦~我係咪比你地聰明呢?

歡迎光臨 PARROT-TREE (http://forum.parrot-tree.com/)