PARROT-TREE - Powered by Discuz! Board

標題: 有關寵物展被咬事件 [打印本頁]

作者: ap_nail 時間: 2014-2-9 23:15 標題: 有關寵物展被咬事件

我就是昨天被咬的主角
話說當天是寵物展的第二天，都十分之多人，我行過鸚x天空時，看到有我愛的混金，於是我行去看一下。我深明白，雀是有自己的性格，自己的愛好，這只有愛雀的主人才知道，好像我自己的葵便不可摸腳，我帶落街時我一定會同想摸我的葵花時說明。除非佢連自己隻雀咩都唔清楚。
由於我手是彎起拿著大會的禮品，所以這時混金申出了一隻腳踏了上我的手，及很高興的在跳，約跳了5下左右，我把我的手移出一點讓混金面向架及上架，它一腳上後便立刻咬了我兩下，因雀還有一腳在我手，我不能縮，我怕傷害雀，所以我忍下。當時我轉身走時便看到養主在偷笑。本身已行開了的我在想，今天有很多未必懂鸚鵡的人，可能都有機會有這個問題，但如果被咬的是小朋友，一隻金剛的咬力真是不少，如果還大叫拍打鸚鵡，那鸚鵡便會受傷。需然我不能養金剛(家中有小朋友，怕是有危險)我覺得我需要叫那養主加上警告字眼，及就他的態度道歉。
於是我返回該檔，提出加上字眼及道歉要求，他說我抵死及佢不會加，是我痴線。
就之後的提問我是有錄影的，我會想方法放出來。這認實這個爛面的人。
其實大家養雀都知道，如果雀已開口咬人，即代表不能亂給人上手。所以我到大會主辦單位投訴。
而且他是利用雀鳥去賺錢，更雷保證人雀安全，而事實上我是被咬傷，即代表雀有危險性，真不能再作無警告及無保護下展出。
經投訴後，天空的付責人都出來談，警告字句是加上了，個咬人的雀還是在那位置，還不停的在收錢拍照。
於是我再投訴，在大會的要求下，那金剛是放回籠

由於那人態度十分差，作為一個養雀養狗的人，我自己的寵物做錯事，都會先道歉，這是一個付責任的品德。如果你明知你的狗咬人，又不戴口罩，如果真是有人行過來摸狗而被咬，那狗是需入上水狗房坐監的，我估雀都是一樣
，一諗到呢度，我真係有為隻雀喊的。

我真是很想報警，對那不付責的人作一種警戒，但一想到金剛也有機會要入狗房，十分可憐.加上如我真是報警，假如上了新聞，那會否對明年主辦單位不容許沒有籠的雀入場？？
所以我只忍那個PK一次
而主席當天都有作為中間人，希望那人有些雀品。

其實我沒有說過雀咬我有問題，我自己都會接受事件，可能是金剛愛我手，而我不跟佢玩所以嬲我咁早放佢上去而咬我，我真的沒有對雀有任何不滿。我只是對那沒品的養主不滿，感到是養雀人中的敗類。又唔了解自己的雀，又不付責任

到了今天，他還帶住咬人的金剛到場，還四圍說只是我痴線.....沒品男。令我也明白什麼叫相由心生。什麼都是爛的

作者: ap_nail 時間: 2014-2-9 23:20

其實我本真是連打這段野都懶的人，但今天我好多朋友入場，都在說有個爛面的人不同人面前談論我，為免大家被誤會，所以我才出聲，至於傷口，現是腫及開始發紫，我做警察的家人十分希望我能到醫院一行，不排除會報警及要求大會賠償處理。

作者: ap_nail 時間: 2014-2-9 23:20

本帖最後由 ap_nail 於 2014-2-9 23:22 編輯

DEL

作者: ap_nail 時間: 2014-2-9 23:21

DEL

作者: jennymok 時間: 2014-2-10 00:15

點解要拿隻雀做磨心呢? 為咗啖氣, 贏咗, 最後受苦都係隻雀!
點解唔可以從隻鸚鵡嘅角度去睇呢? ....因為响館內企得耐, 人又多環境又嘈好煩燥 .... 加上企返上架時又企唔穩, 所以咬住隻手借力.... 其實事情可能就係0甘簡單!
多一點寬心, 同一件事情就會有唔同嘅感受!!
其實動物好簡單, 同小朋友一樣, 只識直接表達佢地嘅喜惡! 你都有寵物同小朋友, 何不用同一態度去對待呢2種一樣純真嘅生命呢!!

作者: ap_nail 時間: 2014-2-10 00:52

本帖最後由 ap_nail 於 2014-2-10 00:54 編輯

由頭到尾，如果你說我沒有為過鸚鵡想過，我當曰就報警了事，仲有保險賠。當曰主席都在，我都是心痛鸚鵡，所以才沒有攪大，主席都有見我係心痛隻雀先無報警。你自己都有雀，整到人點都道歉先。我係有小朋友，所以更加明呢個道理。天空果個人，利用雀仔影相賺錢之餘不顧人雀安全已係問題，仲一D雀品都冇，點解你可以一D都唔理
你咁講法，係咪讚同果D人做法？

作者: dlwtong 時間: 2014-2-10 07:59

我就是昨天被咬的主角
而且他是利用雀鳥去賺錢，更雷保證人雀安全，而事實上我是被咬傷，即代表雀有危險性，真不能再作無警告及無保護下展出。
經投訴後，天空的付責人都出來談，警告字句是加上了，個咬人的雀還是在那位置，還不停的在收錢拍照。
ap_nail 發表於 2014-2-9 23:15

收錢拍照實在缺德，給鳥咬事少，遇上態度差鳥主事大。我星期五七點幾去的，沒人，也見相中人，也見相中鳥。敢問np_nail閣下是紳士還是淑女？

作者: x_xada 時間: 2014-2-10 09:44

鸚x天空果間野，去幫襯二次之後我以後都唔去，可能買得幾百蚊糧，借個洗手間小便都話依度無厠所！

作者: 風中飛鸚 時間: 2014-2-10 10:28

先申報利益~鸚鵡天空老闆是我們的會員~及後因愛鸚鵡而開設店舖~而我的身份也立即變得尷尬~我們先是朋友~而後因職業關係變得難以清晰分明~中立的界線~
所以我唔會評論鸚鵡天空的生意手法~因為生意各有各做~各有各客~喜歡幫襯邊間~全由我們消費者決定~由市場汰弱留強~
據我再了解事件後~以我所知道的~分享給大家~(我盡量用最客觀性去睇件事)

整件事反而只得那位男子~不是我們的會員~而我事前完全不認識他~
而ap_nail我也從未見過面~兩者我都可以講完全陌生~

那男子是鸚鵡天空的客人~也是入場參觀~他不是收錢影相~不過~
我們大家養鸚鵡人~作為一個寵物主人~在任何情況下~是任何情況下~自己的鸚鵡咬到任何人~點解咬到?就算點都好~理應先作出慰問~後了解~
至於道歉~都應該先先理解左~唔應該不聞不問~在此~我以鸚鵡天空的朋友身份~代這男子向ap_nail作深切慰問~

我當日到場~見到ap_nail~(當時我唔認識佢)有個女人在吵鬧被鸚鵡咬~我也好奇行近觀望~見事件都公說公有理~婆說婆有理~
我冇見到事件發生~如果換轉我是那位男士~我必定第一時間~問:你有冇事丫?SORRY丫~才再去了解事件~如果發現對方有惡意~才再作打算~我都係主張先慰問~後了解~(了解後打交係另一回事)

到後來收到ap_nail電話求助~(好高興咁俾面我~)我了解事件後~道明我也在會展~我可以到醫療室會面~
我到醫療室前一刻~我在鸚鵡天空攤檔表明~有會員求助~應該100%是先前事件那一位~事件交由我去調解好嗎?大家都覺得好~

我聽ap_nail解釋~就算任何情形~我申手被你隻鸚鵡咬到~被咬到時~最低最低限度~都應該望下~問下~我知道ap_nail氣難下只是一句道歉~
所以我即時先代那位男子向ap_nail道歉~再陪同ap_nail去到攤檔~鸚鵡天空再向ap_nail表示關心~

而ap_nail自己有養鸚鵡~都知道鸚鵡咀好大力~應該好好保護自己~如果再有鸚鵡爬上你手~應該退後~或即時通知主人~把鸚鵡取回~唔好自己放番佢~

我們所有會員~都會自行曬雀~好應該吸取今次經驗~在街上曬雀~要留意途人~最好在企架寫上警告字眼~

作者: ap_nail 時間: 2014-2-10 11:36

本帖最後由 ap_nail 於 2014-2-10 11:40 編輯

主席，你好，我的手對我個人來說，我是絕對明白及可接受。
但我本是狗友，及後因很多真正愛雀的人仕指導下，慢慢愛上鸚鵡。在我來說，因人類不當的行為而被狗咬/雀咬，這都應是先了解是否中間發生什麼問題。例如是否人類給予攻擊，雀只是自衛/雀自家的性格喜好/雀鳥的需要，好似好累咁。這是雀主需付上大部份責任。
那天我記得你也會叫人不要在後突然摸你的雀，因你的雀是不喜歡的。這是一個很好養主的責任。
一隻狗咬人，無謂咩情況，都是狗隻先坐監<------我一直都是覺得有問題的，咁養主既責任就咁少？？我係西薩米蘭的fans
一間公司，員工做錯事，老闆都需道歉<------這是我常做的事，需然很討厭佢地做錯要我付責，但真是有這個責任
一個小朋友做錯事，家長都會為小朋友道歉<------我還會教我的小朋友也需道歉
讀過幼稚園都應明這個道理吧！如果佢咁大個人未受過教育/無父母，咁我絕對能原諒一個野人的品行

其實我本身有為大形活動做統籌，保險/簡單法例處理手法，我都會熟。
就被咬當天，我致電我其中一位有養狗的家人，我還問他是否認識。但當他知道事件經過後，很鼓勵我報警。不過隻雀有機會死唔奇，但呢種人要教訓，害到其它人其它雀都唔好....其後主席做都知我一直都是為了隻雀，而退一步......
也不想難得有一個咁既展覽，唔希望發生什麼事情，影響明年大會投保時，需立禁什麼條例，例如所有雀要入箱，免人多手多咬傷人。熟保險例都知，所以保險都會怕麻煩野，佢地無買保，好難再在會展咁大地方做。

在事件當中，我在投訴其實，已兩次見到收錢，錢最很入邊個袋，我真係唔清楚。但如果佢地關系淺，我唔多信天空會為左呢個人而被指控，同樣，我是一個需公平公正的人，而我的要求不過份，雀可能已太累/唔鐘意大嘈而咬人，收起該雀，對雀也好。也不知下一位受傷會是誰，如是強國人，你估會否一掌打落雀度。大陸我這些見得多。佢對雀有幾愛，除了在行為上，在事實是都能看得到，我的小花都不愛剪翼，也沒有剪到這樣，佢有一邊剪到好像爛哂咁。

而事情也算好彩是我認識鸚鵡，如我真是不熟雀鳥行為，我一定有進一步行動。唔需要攪到自己咁嬲及得不到公平對待。正如一個唔熟狗既人被夠咬及俾話抵死等，相信果個人係諗都唔諗一定報警，佢唔識得去理咁多。

我已是退了一步，但昨天他已為自己好勁，贏左咁，帶同該雀在不停說。我分別有朋友及家人聽到，所以我家人其實係想捉我去的報警，為此事我們都有不歡過。此終受傷的是我，洋洋得意及勝利的事他。我既退一步沒有為事情做得更好。

作者: 風中飛鸚 時間: 2014-2-10 11:48

我用一個比喻~大家就明白~
我們駕駛汽車~有人跳過欄杆~被我們汽車撞到~此人跳過欄杆是否抵死?
如果抵死~我們是否不用下車理會此人?
道理是跳欄錯~就算自己100%對~但人生唔係咁~

作者: dlwtong 時間: 2014-2-10 12:38

記得有一次北角英皇道揸車，有一旺角青年紅燈過碼路，我架車完全停晒，我望吓當時比車行果個綠燈，再望吓該青年，佢竟然中指我，當時立刻想落車打佢。但考慮當時情況(未必夠打，架車係道，阻塞交通，我條命比佢貴)，我無咁做。事後詢問法律界人士，如果真係撞都佢都係司機嘅責任...

作者: ap_nail 時間: 2014-2-10 12:48

容我更改一下。
好多養雀都明要愛護及保護和有責任。這是問題的重點
自己愛雀上人手，你唔知個陌生人會點對雀，可能我大叫嚇佢傷害佢呢？我見佢毛靚拔返條呢？點可以唔理？除非你唔愛隻雀
一隻雀咩情況下咬人呢？會不會已受傷？定真係賺錢賺到好累要休息？點可以唔理？除非你唔愛隻雀
咬到人，其實只係一句，雀已不用入狗房受苦，如果真係愛雀，只要佢唔受苦，我唔單止道歉，賠錢都得。仲笑人抵死，咁想隻雀受苦。除非你唔愛隻雀

作者: ap_nail 時間: 2014-2-10 13:04

大家的相識，其實都是因為大家愛雀，才有這個網頁對吧？？
主席你說天空是這裡的會員，我也希望她明白，她原意是因為愛所以才入行
攪展覽另一目的是推廣。希望大家能有正面訊息，及就我當天在場所說，希望能有更多雀友，當需求增加，也可向不同地方去引入新貨源。其實是雙贏。
但如容許唔愛雀既人，攪亂自己個檔，而又沒有出手阻止。咁就失去了自己多年來的堅持同心血。除非你眼中已變質，只為金錢而不理死活。

打另一個比喻，養狗其實有很多自律的狗主，但也有很多無良的狗主。這就形成了現時很多地方不能養狗的原因之一。呢d叫做一個害全家！

作者: jennymok 時間: 2014-2-10 14:11

本帖最後由 jennymok 於 2014-2-10 14:30 編輯

點解要寫明"...我做警察的家人十分希望我能到醫院一行，不排除會報警及要求大會賠償處理。"呢?
你嘅家人可以係因關心你嘅傷口而希望你到醫院check一check, 而唔係因為佢嘅職業!
如果你真係决定報警, 請問你嘅期望係乜野呢? 拉咗個主人? 告佢上法庭? 可以要求大會賠償? 要漁護署介入令隻雀驗H5N1? 希望每位鳥主關注自已嘅寵物嘅行為?
我從來無講過鳥主嘅做法正確! 我更加唔認識佢! 但人每做一件事都有一個目的同期望! 如果要消費自已同別人嘅心神同時間去做一件事, 同時又達到你嘅目的, 而又覺得好值得嘅, 就做啦!
最後一句 : "多一點寬心, 每日都會活得開心, 人生就係咁簡單!!"

作者: 風中飛鸚 時間: 2014-2-10 14:44

好啦~大家心情得以舒發~事件已經過去~我們唔好再討論啦~誰對誰錯都好~大家都應該因此事件而對帶雀出街時~對途人態度得到改善~(因為好多時手攞隻雀~好多人會偷襲)

其實事件我都有啞忍地方~雙方各執一詞~我只是希望日後不會再發生類似事件~

作者: ap_nail 時間: 2014-2-10 14:55

本帖最後由 ap_nail 於 2014-2-10 15:01 編輯

因為係事實，佢地處理還很多近以事情，只要一見血，佢地都會要求受害人入院及CALL漁護署惱—捉雀
長輩他們到現在還不太明我為何寬心
就事件上，無論我是不是鸚友，我都有權利應得到合理的賠償。及教訓那人。讓他認識養雀的責任
但就是一點愛鳥的寬心，令家人話我笨
就事情發生當天，我沒有在這留言，是因為我以為那人應自知這只是好彩，希望不要有下一次，這個絕對是一個機會。但那人不但沒有，還在其它鸚友面對說出不付責的說話及行為
去唔去醫院其實真是還在跟家人薑持中，所以真是很需要精神上的支持，只要真係令人明白呢個道理，咬多幾下又有咩所謂。

事件中，希望能帶出一個信訊，如果你真是愛雀，應做一個有責任的雀主。及發生事情最嚴重的後果可以去到邊。
在網上出咁大段文，真是很癈心神的，當然每人目的都不一樣，有些是只是分享，也有發問，吹水,有些高手是教心得而癈盡心神而打。我希望我能道出責任問題。不是每人都能有寬心對待動物，養主都應要注意一下！

作者: ap_nail 時間: 2014-2-10 15:07

好啦~大家心情得以舒發~事件已經過去~我們唔好再討論啦~誰對誰錯都好~大家都應該因此事件而對帶雀出街時~對 ...
風中飛鸚發表於 2014-2-10 14:44

很感謝主席當天能當和事佬，但天空第二天還容許這人及同一隻雀站同一位置收錢影相，這一下我真是覺得你朋友天空那邊都有責任。大會已要求此雀不能再作演出，佢地在漠視大會，及漠視你。我都為此感到唔開心。

作者: 風中飛鸚 時間: 2014-2-10 15:32

呢樣我都覺得鸚鵡天空處理得唔係咁好~有改善必要~我會私人再提醒佢地~~
隻雀既然曾經咬手~點都要避忌下係真既~

作者: 風中飛鸚 時間: 2014-2-10 20:25

鸚x天空果間野，去幫襯二次之後我以後都唔去，可能買得幾百蚊糧，借個洗手間小便都話依度無厠所！
x_xada 發表於 2014-2-10 09:44

我都有再幫你跟進~鸚鵡天空回應:當時廁所咸水沖廁壞左~冇水沖廁~會比較尷尬~唔想解釋太複雜~所以直說廁所壞左~

雀友上到來~唔買野都可以借廁所~唔關買左幾百元事~

(我去跟進澄清唔係想幫任何人~樓主可以繼續唔幫襯佢地~只希望您唔好介意)

作者: wongleung 時間: 2014-2-10 21:16

容我多咀，最緊要真相，做人都係各自修行，楼主對鸟都爱惜和体諒，对那些不懂养鳥的人和他講多句都失礼自已。為咗鳥好‘寬容多些。

作者: veniaxinfu 時間: 2014-2-10 22:26

我養雀咁耐, 只會比自己的鸚鵡上手, 人家的鸚鵡我不會上自己手,因為我不認識它. 咬了, 自己亦有責任, 因為沒有人監你要上你手. 你明嗎? 每種動物都有機會會咬人, 唔通每隻動物頸上都要掛住" 小心咬人"等字句? 貓好, 狗好, 如果你真的唔識佢就唔好摸, 一定會有風險.

作者: 養鳥新丁 時間: 2014-2-10 23:28

鸚鵡根本不適宜出席呢種場合…………街坊市民多，對鸚鵡不認識……主人難以兼顧
養開鸚鵡既，咬親都鬼殺咁嘈…………，無養開既仲唔借題發揮?
樓主要報警要割要殺自便…………不需要公告天下，令人覺得你好偉大……
有如出街踩屎……，隨街屙屎者當然唔岩…………但行路唔帶眼亦有責任

作者: shing63124 時間: 2014-2-10 23:46

自己嘅雀有時心情唔靚都會出口傷人，莫講話係外人。對街外嘅雀最好只係遠觀。

作者: mancat 時間: 2014-2-11 02:39

樓主你做警察的家人有無同你講過, 你這樣擅自取他人的鳥, 鳥主也可以告你意圖偷鳥架......
何必為一句道歉而耿耿於懷呢? 要是你繼續跟你口中說的沒品鳥主糾纏下去, 你也會變得沒品了...
況且你亦有不對之處, 不應該擅自接觸別人的鳥, 就當是黑仔及一個教訓經驗吧!

作者: kakat20 時間: 2014-2-11 02:47

[認真] 個人覺得, 鸚x天空呢間野D service真係好差...
其實一早已經唔會再去....
而係幾個養鳥朋友口中得知..佢地都曾經受過鸚x天空ge老闆/老闆娘氣
老老實實,咁ge service.....自求多福啦

果日見到佢地個Booth, 仲同朋友笑言話實出事...結果

作者: 風中飛鸚 時間: 2014-2-11 10:29

1我都覺擺位有問題~先唔好理咬人~擺到咁出~到多人流時間~係有一定危險性~出事後都唔縮回~更加有問題~我會跟進~希望日後會做得更好~

2我又代樓主解釋一下~樓主唔係介意俾隻雀咬~大家唔好誤會樓主手痛~係心痛~只係介意主人沒有即時慰問~道歉~(可能樓主更覺雀主人冷眼)
當然樓主表達方面~也許有令人不滿的地方~但始終都是受害者~請大家見諒~!

3我又代那男子解釋一下~見樓主玩得咁過引~只是放手時一咬~以為冇野~好濕碎事~所以沒有加以理會~(咁就錯啦~無論有冇事~都應該去了解下~)

4鸚鵡天空代客之道~市場一定會作調整~服務好~品質好客人自然多~態度差~品質劣~自然客人少~

5我們消費者要緊記~市場越多競爭者~對消費者越有利~有時商店之間~出好多橫手死士互相中傷~希望減少市場競爭~我們是英明消費者~就由得市場越開越多~等佢地鬥餐死~我地坐享漁人之利~等買平野~

6隨街呵屎唔同~如果我隨街呵屎~有人踩到屎~我會好高慶~因為隨街呵屎都係想人踩到姐~~

7平衡事件~安撫兩面~又唔可以得罪任何人~難度奇高~大家當俾個面我~我就係做呢個角色~(相反搵一方對自己有利~狂插另一方~幾咁容易~)
我真係好想試下~
大家俾時間我過引下~(以下內容只係我過引之作~與事實無關~)
a)有冇攪錯丫~鸚鵡咬人唔洗理丫~為什麼隻鸚鵡沒有鎖好~~可以走到參觀者身上~如果係毒蛇點算~你用毒蛇做寵物~放在路邊唔鎖好~出事唔洗負責丫?係唔係~?好彩我地鸚鵡樹主持公道~鸚鵡樹主席靚仔~會費都係50元一年~

b)有冇攪錯丫~我放隻鸚鵡在架~你做乜攞左去丫~?如果係銀包咁點丫~?四維攞人d野~仲成世界~好彩我地鸚鵡樹主持公道~鸚鵡樹主席靚仔~會費都係50元一年~

作者: mancat 時間: 2014-2-11 15:15

回復 28# 風中飛鸚

好彩我地鸚鵡樹主持公道~鸚鵡樹主席靚仔~會費都係50元一年~

呢句最正，Like

作者: 發達鳥 時間: 2014-2-11 19:09

事件讓大家都上了寶貴的一課. 辛苦了我們鸚鵡樹靚仔主席[attach]47987[/attach]

作者: leilashirley 時間: 2014-2-11 19:14

係啦、不過主席咁靚仔又收咗$50年費、辛苦D都值得

作者: 風中飛鸚 時間: 2014-2-11 21:35

我愛鸚鵡樹會員~大家都係熱愛和平~每次有爭辯主題~大家好快平息~永遠唔會落井下石~我以你們為榮~
今生能夠做過你們的主席~係我榮幸~

作者: kentgundam 時間: 2014-2-21 09:35

thx for sharing

歡迎光臨 PARROT-TREE (http://forum.parrot-tree.com/)