PARROT-TREE - Powered by Discuz! Board

標題: 為家裏中葵尋找新主人， [打印本頁]

作者: 780708 時間: 2014-3-4 12:15 標題: 為家裏中葵尋找新主人，

中葵五歲大，有腳環出世衹，識講去街街，多謝，媽咪同哈哈笑。因家有BB出世怕被咬親，有興趣聯絡我，XXXXXXXX龍生。送埋飛鷹訂做膠籠。

作者: leilashirley 時間: 2014-3-4 12:22

你的葵花好慘

作者: wongleung 時間: 2014-3-4 12:27

祝早日找到愛心主人。

作者: ococococ 時間: 2014-3-4 12:32

中葵五歲大，有腳環出世衹，識講去街街，多謝，媽咪同哈哈笑。因家有BB出世怕被咬親，有興趣聯絡我，966205 ...
780708 發表於 2014-3-4 12:15

我家3歲小朋友好LIKE同鸚鵡玩...冇問題的

鸚鵡同小朋友可以一齊成長嫁
真係怕咬都等小朋友識行識走再睇定D先啦

作者: harrison 時間: 2014-3-4 13:07

中葵五歲大，有腳環出世衹，識講去街街，多謝，媽咪同哈哈笑。因家有BB出世怕被咬親，有興趣聯絡我，966205 ...
780708 發表於 2014-3-4 12:15

點解拋棄佢?雀係籠內點咬到bb？隻葵都係你嘅family喎！你就咁俾人...唉

作者: gooza1984 時間: 2014-3-4 19:17

其實佢都識叫你做媽咪…點解唔可以當佢自己仔女咁照顧? 有左BB就唔要佢…咁點解當初要帶佢回家? 其實有B真係一個唔可以接受既原因，因為要生b係有計劃的…再講，鸚鵡係籠內，只要放出來時小心睇住隻鸚鵡同bb咪得囉! 請再三考慮清楚!!

作者: greypi 時間: 2014-3-4 20:01

理解身為父母的你的擔憂
畢竟bb保護自己的能力會比較弱
而若中葵認真去咬的話後果可以好嚴重
所以你想防患於未然亦好正常

我諗要將鸚鵡交畀人養對你嚟講都係一個艱難的決定
但都希望你會再考慮吓

直接幫小朋友將 “危機”移除可能是較快捷的一個途徑 (當然亦可能是培育溫室孩子的一個不錯的方法)
不過這樣會讓他少了一個機會學習如何跟小動物相處、做好朋友的機會
亦會讓葵花難過

我細個時屋企都係養葵的 (雖然其時己讀小學會識多啲嘢),
縱然鳥兒其後病逝, 我哋相處時間唔長,
但佢係我童年一個好重要的朋友,
亦畀我一個美好的回憶, 我好慶幸佢係我生命中出現過
所以我都希望你的小朋友有機會認識這種可愛聰明的小動物

另外, 想分享一個我最近瀏覽的一個鸚鵡 blog –
鬼靈精怪灰鸚鵡 (利申: 非Blog 主本人或其親友

)
Blog 主亦是先養鸚鵡 (灰鸚及雞尾)
然後才結婚、有bb、bb出世並長大中
當中有部份篇幅有分享她如何扮演一個協調者的角色
在保護小朋友之除, 亦教導她怎樣跟鸚鵡相處 (如初時先設安全距離, 盡可能避免鸚鵡嫉妒, 鼓勵逐步接觸, 告知孩子鸚鵡的喜好, 提醒他“你這樣做會被咬啊”等, 而家長必須在場)
雖然她的小朋友亦有被咬過幾次
但佢都話看得出來鸚鵡是有口下留情的
如此看來, 若做到注意安全, 並以雙管齊下的方式去讓家中2位小朋友學習相處, 是有正面效果的
(而其實: 可能你會擔心鸚鵡嘴硬爪子利好危險, 但小朋友都有機會在無心之間傷到鸚鵡)

希望給彼此一個機會
慢慢教導、磨合
我相信你、你的家人、新生命同家中的鸚鵡都有能力學習如何在同一屋簷下共處
加油!

作者: jennymok 時間: 2014-3-4 20:39

我細佬都係因為生咗個細女, 先將隻大白比我地養住先, 所以不防先從親友間找領養, 因為可以時該探望, 又可以得知中葵嘅近況! 一件自己曾經好鐘意嘅衫同鞋都會唔捨得掉, 何況係幾年感情嘅寵物呢?
而家我姪仔姪女係叫隻大白做"哥哥", 亦知道將來大個後嘅責任係照顧"哥哥", "哥哥"係因為佢地2兄妹先要搬開住!

作者: justy2003 時間: 2014-3-4 23:03

葵花同小孩玩得好好的
https://www.facebook.com/photo.php?v=636947552990059

作者: 780708 時間: 2014-3-4 23:05

回復 1# 780708

唉，算啦！屋企人意見不一暫且擱置尋找主人一事，麻煩到大家敬請原諒，唔好意思禁多為位有心人！。

作者: Tanashi 時間: 2014-3-5 03:36

理解身為父母的你的擔憂
畢竟bb保護自己的能力會比較弱
而若中葵認真去咬的話後果可以好嚴重
所以你想防 ...
greypi 發表於 2014-3-4 20:01

那個 blog 值得一看，再看，真的記錄了人生與鸚生的點滴，仲有詳盡地記錄了上年灰鸚鵡大病的經過與治療，我也是她/牠們的fans D牙。

作者: 780708 時間: 2014-3-5 03:47

回復 11# Tanashi

多謝你

作者: 780708 時間: 2014-3-5 04:04

回復 7# greypi

多謝你關心，我俾葵花咬過無數次，我知後果會係好嚴重，屋企係的我同個大仔食得住距，BB正在學行中，果日家人親眼目睹BB申咗只手指仔入個籠度當時葵花企圖襲擊BB，幸好被家人發現，立即抱開BB，避過一劫，回想起我都驚，不過大仔同老婆都反對為葵花尋找主人，唯有暫且擱置先啦，不過我念送走距係遲早問題。

作者: harrison 時間: 2014-3-5 07:34

回復 greypi

多謝你關心，我俾葵花咬過無數次，我知後果會係好嚴重，屋企係的我同個大仔食得住距 ...
780708 發表於 2014-3-5 04:04

very very poor parrot

作者: tinon2000 時間: 2014-3-5 09:27

我屋企個B(1歲)都成日走去搞隻藍黃金剛同灰鸚, 而家唯有圍住個籠唔好俾BB掂到.
等BB大個D, 就會俾佢試下餵鸚鵡同鸚鵡慢慢相處..
唔好因為咁而放棄隻鸚鵡...佢會好慘的.

作者: 燉雪梨 時間: 2014-3-5 10:41

回復 1# 780708

我都養左隻大白超過七年了，由我懷孕至而家bb快兩歲, 都係我一手一腳照顧佢, 由換紙、換糧、清洗糧杯、抹籠等，因隻大白會咬我老公, 全世界佢只會唔咬我，只要接觸過鸚鵡後立即洗手便可。
由bb初初出生, 我的確放多時間照顧bb, 忽略了鸚鵡, 但我從來沒想過唔要佢。到bb大些識學行, 便決定轉用飛鸚牌膠籠，可防止bb伸手入籠內, 到現在bb識行識走，鸚鵡更成為bb的玩伴，bb會在籠外走來走去同鸚鵡玩，膠籠的小孔更可防止小孩手指伸入內被雀咬, 平時我亦教小朋友要愛惜小動物, 不要伸手入籠內等等。
希望我這例子可成為其他雀友的參考, 有bb唔需要放棄原本的寵物的。

作者: birdy 時間: 2014-3-5 12:06

Im available

作者: 780708 時間: 2014-3-5 12:57

本帖最後由 780708 於 2014-3-5 12:58 編輯

回復 780708

我都養左隻大白超過七年了，由我懷孕至而家bb快兩歲, 都係我一手一腳照顧佢, 由換紙、換糧 ...
燉雪梨發表於 2014-3-5 10:41

隻葵花油幾個月大養到宜家，都有五年啦，感情深厚。我兩公婆同大仔都唔願意放棄距，但係距咬人真係非同小可，又愛喝醋！有時我老婆整蠱距，（攬住我向住距講話爸爸係我既）距可以嬲到飛過去咬我老婆！距靜係唔咬我同個大仔，雖然係錦我老婆都唔想放棄距，其實主因真係怕距襲擊BB，同埋家中老人家日鵝夜餓叫我地放棄距，真係煩懶死！

作者: gameijk 時間: 2014-3-5 14:25

你有家人、老婆、仔囡，
但他只有你。

作者: louisa20047 時間: 2014-3-5 14:26

回復 18# 780708

個人睇法~重點:你想掉左佢~定唔掉左佢?

你經濟獨立~有能力有空間~客觀條件上~你養佢冇問題

家庭方面~你上有高堂~下有妻房~我假設你宜家二對二~兩票keep葵~兩票掉葵~咁你點解要掉葵?~唔係叫你唔好彩你父母~只係有必要只聽單方面意見嗎?
你宜家掉左隻葵~你個大仔一世都記住你掉左隻寵物~無論隻寵物係你定佢的~佢都會記住一世~我唔知你個仔幾大~但里樣野對一個小朋友的心理傷害不小~你家老人家只擔心小朋友身體上所受的傷~但有冇考慮過小朋友可能會受到心靈上的傷害呢?~而且你宜家仲要係兩個小朋友添

實際上~你都可以用得膠籠~咁仲有D咩防護措施唔用得呢?

最後~小朋友同動物一齊長大~會開心好多~健康好多
我作為一個曾被葵咬到隻手唔郁得的人~我到今日都仲Keep到我隻葵~咁你同你大仔宜家仲冇穿冇爛~又有咩好怕?

(家中老人家都係你父母~逼你掉左隻葵就等於傷害你地3個(兩小朋友兩個~你一個)的弱小心靈~尤其係逼你做儈子手
唔掉就最多傷害一兩隻手指(仲要係有人多手唔聽話的下場)~同老人家權衡輕重一下~再誇張下自己同小朋友如果唔見左隻葵花小朋友會有幾慘~最後叫個小朋友同老人家申下好鍾意隻葵花小朋友~嗲下叫老人家唔好掉隻葵~老人家多數都好仁慈的)

作者: dlwtong 時間: 2014-3-5 15:39

回復 20# louisa20047

可否分享一下被葵咬到隻手唔郁得嘅詳情呢？

作者: Jas602 時間: 2014-3-5 15:43

其他一家唔知一家事, 糸難3言2語講得有共識

HERO 咬過我仔都2-3次, 瘀哂的 !!! 我仔冇放棄過親近佢, 只會保持距離
即係老人家黎睇, 好似我99咁, 一結婚就叫我掉哂尐狗, 唔係尐狗會咬死BB
哦~好呃~等尐狗死哂先生BB咪安全囉~XD
同住跟唔同住有唔同的壓力, 同住唔俾面亞仔2面做人難
聽亞媽話, 保護亞B就唔KEEP雀
KEEP雀, 保護到亞B 又聽唔到亞媽話, 好難攪

作者: jennymok 時間: 2014-3-5 15:46

請老人家將心比己, 被遺棄而無家的人同寵物都係一樣咁慘架!

作者: leilashirley 時間: 2014-3-5 15:52

寵物係=家人

他朝有日我痴咗、亂咁咬人、都唔想屋企人掉咗我

作者: louisa20047 時間: 2014-3-5 17:08

本帖最後由 louisa20047 於 2014-3-5 17:12 編輯

其他一家唔知一家事, 糸難3言2語講得有共識

HERO 咬過我仔都2-3次, 瘀哂的 !!! 我仔冇放棄過親近佢, 只會 ...
Jas602 發表於 2014-3-5 15:43

你講得岩~好難3言2語講得有共識~所以我叫主人唔好一個人自己講
老人家係小朋友出世識行之後先叫掉葵~就多數好錫小朋友~只係怕出意外而叫掉葵~搵小朋友去出哀兵政策~俾老人家知道大果個小朋友冇左隻葵花小朋友一樣會傷心~只要大人同小朋友識做~就多數大家歡喜收場

作者: louisa20047 時間: 2014-3-5 17:16

回復 louisa20047

可否分享一下被葵咬到隻手唔郁得嘅詳情呢？
dlwtong 發表於 2014-3-5 15:39

咪就係咬到出血出幾日~要用膠帶止血~痛到隻手唔郁得~幾個月之後先好返囉
(根據雀友講法~好似俾人砍咁囉~XD)
完

作者: Jas602 時間: 2014-3-5 19:26

有尐問題真係好現實, 點解周圍咁多老人院? 仔女唔得閒, 冇時間, 冇人理囉~
如果真係自己handle唔到, 搵到個好的新主人有時唔係壞事
好似我hero, 咩2手雀, 到今日咪幾好, 我仲用$$$$買, 佢舊主人真係照顧唔到佢, 展轉到我手, 萬一有一日, 我唔可以再養佢, 都有機會同佢換主人, 只係話萬一, 好彩的話, hero長命有幾十年喎, 可能我去左見主呢~
咁好過放埋佢一邊, 只給一日3餐, 話知佢啦~

作者: louisa20047 時間: 2014-3-5 20:23

有尐問題真係好現實, 點解周圍咁多老人院? 仔女唔得閒, 冇時間, 冇人理囉~
如果真係自己handle唔到, 搵到個 ...
Jas602 發表於 2014-3-5 19:26

我都冇話唔可以放手~只係在此事上~未必不能雙贏姐

作者: Jas602 時間: 2014-3-5 21:25

點可以雙贏? 即係討論下
我又真係有好認真咁諗, 點安排呢? 雖然你仲好細, 但假設下
如果你99要同你住, 你又有亞B, 咁你的雀點安排?
如果我父母, 佢地唔會出聲, 如果係我99, 我會話Q知佢, 但老公難做左小小,
咁用你方法, 呃呃tumtum 拖得就拖, 可以拖幾內呢?咁不如寄養, 之後囉返
點做好呢?

作者: louisa20047 時間: 2014-3-5 22:39

點可以雙贏? 即係討論下
我又真係有好認真咁諗, 點安排呢? 雖然你仲好細, 但假設下
如果你99要同你住, 你 ...
Jas602 發表於 2014-3-5 21:25

你覺得我細姐~唔駛假設~我可以講~做新抱先至最難做~之後就係做仔的好難做~相反~做孫的好易做
所以我只係話做仔的先說理~同父母講小朋友會傷心
之後就係小朋友動之以情~同爺爺嫲嫲講~冇左隻鸚鵡會傷心
如果件事真如樓主所講~老人家只係擔心兩粒孫受傷~只要解決老人家的擔心就可以
小朋友唔係小動物~年齡大左就真係大左~最大問題只在里一兩年
唔係呃呃tumtum 拖得就拖~宜家唔係唔係呃呃tumtum話隻葵好乖唔咬人~唔係拖得就拖話過兩日先掉/搵緊主人~而係說服老人家~掉左隻葵就會傷害左個小朋友
防護措施~樓主如果想keep葵就真係要做~睇住個小朋友~樓主都一樣要
我的觀點係解決根本~不呃不哄~只係要小朋友令老人家考慮另一個問題~同埋令老人家相信做仔的有能力照顧子女~而唔駛砍腳趾避沙蟲

否則你認為我作為一個曾被葵咬到隻手唔郁得的人~點解到今日仲keep得住咬我果隻葵?

作者: yimaggie 時間: 2014-3-5 22:58

本帖最後由 yimaggie 於 2014-3-5 23:03 編輯

亞b咁細要共存只有將bb同鸚鵡完全隔離(分房?1個天1個地?) 2邊都要抽時間去陪去維持大家既生活質素咁就要睇主人有無咁既時間心力招呼3邊(bb,鸚鵡,家人) 尤其呢d出名痴身既鸚鵡易咬毛未必人人都做到亦未必所有主人都以同1心態去養寵物/去養家人永遠都討論唔完既問題實際情況只有主人自己知每次有呢d帖不論放手既人定係接手既人都會受1輪指責其實主人無需要理會其他人點睇因為只有自己先最清楚實際情況亦只有自己先知自己能力去到邊家人可以接受既程度去到邊亞b都學行主人先想放棄當中可能發生過d野大家唔知主人加油學行既b 睇少一眼都唔得妒忌心重既鸚鵡都係...

作者: Jas602 時間: 2014-3-5 23:35

我都明呀, 點解HERO只咬我仔? 好蝦囉~XD
不過都係傾下, 冇指責成份,假如我仔女要去外國讀書, 我可能會移民, 咁好多野( PETS) 可能帶唔到, 咁跟住點安排呢? 都要諗下

作者: ap_nail 時間: 2014-3-6 01:16

其實養左咁耐，點都有感情，樓主送雀，都應是諗過及有唔捨得
希望雀仔能找到好人家

作者: louisa20047 時間: 2014-3-6 01:45

所以我之前講重點:你想掉左佢~定唔掉左佢?
我從不指責其他人放手/接手~對於不想放手的人~我只係盡量提供一個方法~一個方向
如果岩用~就拎去用~如果唔岩用~就無視佢~僅此而已

如果放手~咁就乾乾脆脆~唔好放左之後又想要返
如果唔想放手~就盡最大努力保住佢
之前的討論~我都好冷靜~完全冇打算指責人
我只係見樓主話自己個仔同老婆想留住隻葵~我先講咁多~否則我一早轉身走了

作者: yimaggie 時間: 2014-3-6 02:50

我無話你地有指責人- -......

作者: mannawg 時間: 2014-3-6 09:09

動物和小朋友一樣要從小教的, 一開始不教佢什麼做得什麼不做得便好容易變了港鸚, 當多了小孩仔時大人便不理隻動物, 佢地感覺地位受到威脅便會檔小孩是敵人襲擊他, 所以如果大人處理的好便可以好d

作者: 風中飛鸚 時間: 2014-3-6 10:30

大家和平分享~一樣米養百樣人~人人唔同性格~所以只可以分享自己點樣做~唔係人人都要咁做先合理~

有一個人用左十多萬去醫一隻LB~(佢千叮萬囑我唔好講)大家話佢對定錯?
冇得講~只係會做定唔會做~冇對定錯~LB係家人丫嗎~點可以用錢衡量?

你會用十多萬去醫一隻鸚鵡嗎?當設身處地就好難講~我都覺得有人會~有人唔會~
咁邊個做對?邊個做錯?

點睇寵物對自己重要性~各人有不同位置~外國周時有狗咬死全家~連工人,花王,奶媽~一樣冇怪隻狗~仲請佢飲茶~

作者: 燉雪梨 時間: 2014-3-6 10:43

回復 18# 780708

樓主已用飛鸚牌膠籠，啲小孔能防止小朋友伸手入籠內, 不過仲要大人教小朋友唔好伸手入內, 小朋友係要教架！
如小朋友想打開底盤、甚至開籠門，可用櫃門扣(坊間家品店有售)扣住, 但係都係嗰句, 要教小朋友唔好搞底盤、籠門、糧兜門。
樓主加油，要決定留低鸚鵡就要盡力保留。你都好, 愛人同仔仔都撐你！

作者: rainbowparrot 時間: 2014-3-6 11:51

只想舉個例子, 我哥哥結婚之後養左隻狗, 而且是雜交的狗, 有所耳聞雜交狗性情無咁穩定
之後有左BB , 唔止係最親的父母, 甚至外家, 親戚知道都圍攻要放棄隻狗, 但佢兩公婆完全無理會, 到今日BB 都有兩個了, 狗狗同兩個小朋友相處完全無問題, 無人受到任何狗的攻擊, 雖然老人家間中都會話隻狗又嘈, 又怕唔乾淨, 但無人再話要放棄隻狗

但樓主隻葵花唔同, 因為親人親眼見證曾經攻擊過小朋友/大人, 擔心係好正常, 你識堅持, 佢地都識堅持, 咁就變左火星撞地球
加上知識唔夠, 甚麼H5N1, 鸚鵡熱(我識有位前輩以前都玩雀的) 的確話過有小朋友在家係要小心有鸚鵡熱
加上叫聲, 氣味, 衛生...N咁多負面因素, 老人家當然覺得孫大過天啦

作為爸爸要以家人最大利益著想, 即使要犧牲亦都難免, 當然希望樓主想多D方便去挽救, 不過請記住要同家人平心靜氣咁傾囉, 唔係只會越鬧越僵

歡迎光臨 PARROT-TREE (http://forum.parrot-tree.com/)