PARROT-TREE - Powered by Discuz! Board

標題: 購買自家繁殖鸚鵡不愉快事件 [打印本頁]

作者: hazelnuttty 時間: 2014-3-7 12:12 標題: 購買自家繁殖鸚鵡不愉快事件

事源早前在facebook見到有間聲稱由鸚鵡愛好者開設的自家繁殖鋪頭，見啲相都幾可愛又有cap圖好評，於是就whatsapp聯絡，回覆我的是B小姐，佢好快就send了一些雀相俾我，仲話歡迎約見，後來B小姐建議去美孚地鐵站睇雀，當時我都覺得奇怪，地鐵人來人往點睇呀，但係因為我之前未試過同自家繁殖買雀，以為佢地會另有方法，可能用行街箱，點知原來係…無! 當時兩隻無修剪飛行羽的雀就從紙盒中被拎出黎，當時我真係…嚇…破…膽！萬一隻雀喺地鐵受驚飛走受傷點算？ B小姐竟然氣定神閒的叫我地拎上手玩，仲話信得過雀唔會飛走…我唯有請她快點將雀放回盒內以免發生意外。

因為實在無法好好的觀察下兩隻雀，正當我們有點猶豫不決之際，B小姐就催促我們落訂二百元，之後再決定要邊一隻，當時再次覺得古怪，聯絡約見時無話要落訂喎，但因為我們都幾鍾意兩隻雀，於是照俾。點知落訂後，B小姐態度就變了，兩日後表示無論我們要邊隻雀，都要我地自己去天水圍站交收，她唔會再去美孚地鐵站，另外，又話自己D雀唔一定要賣，她自己養都可以 (!!)，到我們揀定要隻lb，約好交收時間地點（我已遷就她到天水圍）並請她於交收前略修飛行羽的時候，她竟然態度突然轉變並且堅決的話「我而家唔賣啦，我退番訂俾你地啦」，真係被 B小姐弄得一頭霧水！

到後來我地俾番戶口她過數的時候，竟然兩日都無過數，期間電話唔接，whatsapp又好耐先覆一句簡短的ok, 到最後我們因為唔想再浪費時間糾纏，唯有表示若三日後再收唔到退款即報警處理，這樣才成功收回訂金！

其實由頭到尾我自問作為顧客，態度一直良好，她在地鐵遲到半小時、凌晨兩三點先覆whatsapp我都不計較，但這樣表現反覆，呢間鋪頭既要做宣傳想賣雀，但係收完訂金之後又無端端唔賣俾人，我見佢尋日又喺facebook 度話有新葵花發售，呢間鋪頭到底想點？！

各位買雀要小心啊~~

作者: leilashirley 時間: 2014-3-7 12:23

謝謝你分享。希望所有人都要小心。
佢第一次係地鐵搞D咁嘢....都好嚇人...

作者: x_xada 時間: 2014-3-7 12:52

上網買又唔係平得多，我寧願出去睇，起碼揀到心水先買！

作者: 養鳥新丁 時間: 2014-3-7 14:36

聞所未聞…………單睇樓主描述，呢種純粹係無品既養鳥人吧……

作者: justy2003 時間: 2014-3-7 18:16

聞說D雀偷渡入境

作者: wongleung 時間: 2014-3-7 18:35

多谢分享，知道吓有大D不良养鸟人。

作者: Smiley 時間: 2014-3-7 20:28

我家Smiley (和尚）應該係樓主所講那位繁殖家處買回來
交收日期一改再改，交收當日遲遲未到，原先答應可二選一，到當日就只得Smiley一隻
因為渴望養鸚鵡已久，又買晒所有野，所以就算無得揀，我都帶左Smiley返屋企
佢係咪真正繁殖家我就不知而知，但佢話遲到係因為要包裝好先出來，但她所謂的包裝，只係用個白色垃圾袋求祈咁包住，我相信只需三兩下功夫就包好，仲同我講個籠係全新的，但我個不銹鋼籠一日唔抹都乾淨過佢
那位繁殖家的為人我就不作評論了，不過養左Smiley 七個月，tounch wood 無出過咩大問題，係回來初期成日其中一邊眼佢唔張開，咁我就早晚用鹽水同佢洗眼，約一星期就開番了

作者: laupong9343 時間: 2014-3-7 21:20

可唔可以開個名?

作者: photobag 時間: 2014-3-7 21:29

可唔可以開個名?
laupong9343 發表於 2014-3-7 21:20

講到咁你都唔知？

作者: 卡樂B 時間: 2014-3-7 21:30

拍照加effect是常識吧呢間出幾平我都唔會買
佢次前係petraxx出啲杷仲得人驚

作者: laupong9343 時間: 2014-3-7 21:35

講到咁你都唔知？
photobag 發表於 2014-3-7 21:29

育xxx?

作者: hazelnuttty 時間: 2014-3-7 21:35

上網買又唔係平得多，我寧願出去睇，起碼揀到心水先買！
x_xada 發表於 7/3/2014 12:52

其實這家d價錢開得一d都唔平，正因為佢強調係自家繁殖，自小手養不怕人，開價唔平過舖頭!

作者: hazelnuttty 時間: 2014-3-7 21:38

聞說D雀偷渡入境
justy2003 發表於 7/3/2014 18:16

咁我又冇聽過，佢本身話係自家繁殖，但講講下又漏左口風話價錢要問「老闆」，唔知邊句真邊句假

作者: hazelnuttty 時間: 2014-3-7 21:42

我家Smiley (和尚）應該係樓主所講那位繁殖家處買回來
交收日期一改再改，交收當日遲遲未到，原先答應可二 ...
Smiley 發表於 7/3/2014 20:28

咁都得?! 好彩Smiley而家都健健康康!

佢係咪又係約你地鐵站看雀?

作者: hazelnuttty 時間: 2014-3-7 21:45

可唔可以開個名?
laupong9343 發表於 7/3/2014 21:20

你在Facebook 打個「鸚」字應該都已經知道係邊間～～

作者: laupong9343 時間: 2014-3-7 21:54

你在Facebook 打個「鸚」字應該都已經知道係邊間～～
hazelnuttty 發表於 2014-3-7 21:45

喔本身諗住睇下黃邊小太陽你地講到咁真係要考慮下

作者: Smiley 時間: 2014-3-7 22:18

回復 14# hazelnuttty

咪天水圍西鐵站交收囉
如果唔係，我都唔會覺得你的情況有多少熟口熟面
其實Smiley返到屋企，我見佢有隻腳甲爛左
佢地無左隻腳甲就好似人少左隻手指咁，初初好唔方便，爬得好論盡，
不過現在大個左，已經係你身上爬來爬去都無問題，好彩咋

作者: 小草妹 時間: 2014-3-7 23:03

我有朋友約佢睇隻green cheek
約出到黎隻雀又瘦又中眼訓成個病樣
我自己都幫朋友問過隻玉桂佢一時話有但已經大個左唔親人
我朋友雖然第一次養但話唔緊要都想睇下先
佢之後就唔覆問乜都唔應支支吾吾拖下拖下話無隔幾個鐘又比相我睇話有兩隻bb
我自己講真真係唔信網上野得幅相但身邊都有d 好好既繁殖鸚鵡朋友
佢地行開行埋都會托我湊b 我相信以上人兄只係個別例子
但真係好憎d 會強調自己點好點好但根本出到黎唔係果回事既人
anyway 多謝分享網上購物從來都要小心小心駛得萬年船呢句一定要記住！

作者: hazelnuttty 時間: 2014-3-8 00:28

回復 16# laupong9343

總之自己睇路小心d，始終都係一條生命，我寫出嚟都係唔希望姑息無良商人，唔想再有人受害!

作者: hazelnuttty 時間: 2014-3-8 00:36

回復 hazelnuttty

咪天水圍西鐵站交收囉
如果唔係，我都唔會覺得你的情況有多少熟口熟面
其實Smiley ...
Smiley 發表於 7/3/2014 22:18

其實喺地鐵邊有可能望得清楚，但我都好明白你當時好想養雀的心情，好大機會會幫佢買，總之而家無事就好! 我都慶幸我當時冇買到，同而家講出黎，原來有類似情況的唔止我一人，大家以後引以為鑑了! 謝謝你的分享!

作者: hazelnuttty 時間: 2014-3-8 00:41

回復 18# 小草妹

多謝小草妹的回應，冇錯，佢係會習慣性拖下拖下十幾廿個鐘都唔回覆嘅! 未落訂前都已經係咁! 試過呢次，以後除非熟人介紹，否則我都係去返相熟舖頭了!

作者: 養鳥新丁 時間: 2014-3-8 00:41

回復 laupong9343

總之自己睇路小心d，始終都係一條生命，我寫出嚟都係唔希望姑息無良商人，唔想 ...
hazelnuttty 發表於 2014-3-8 00:28

值得一讚
……………………

作者: 油菜花 時間: 2014-3-8 11:40

thank for sharing

買親有生命既小動物, 去有信譽的舖頭會好 d, 起碼比你睇得清清楚楚, 點都好過齋睇相

作者: 風中飛鸚 時間: 2014-3-8 13:35

我在Facebook 打個「鸚」都唔知邊間~?

請明確提示下~

作者: Smiley 時間: 2014-3-8 13:58

回復 24# 風中飛鸚

育鸚XX

作者: dlwtong 時間: 2014-3-8 14:28

我而家屋企隻肉桂都係天水圍西鐵站交收買回來的，當時係市價嘅六折。回家後健康一直沒問題，但很怕人，初時三番四次咬到我同屋企人流血，我唔覺得係手養。雖然到今時今日情況己大大好轉，但都不建議大家去天水圍，完全沒售後服務可言

作者: Smiley 時間: 2014-3-8 15:07

我的和尚回家約一個月後先肯上手，未剪翼時，驚到由屋企一樓飛左落地下
好彩全屋有窗紗，如果唔係就唔知會飛左去邊
touch wood 佢都算健康同為食，係細膽啲，初初見到我隻兔通屋走，佢直頭驚到調頭走
現在養左七個月，黐身到暈，見少陣都嘈到拆天，係要我係佢視線範圍為止

作者: 風中飛鸚 時間: 2014-3-8 16:53

回復風中飛鸚

育鸚XX
Smiley 發表於 2014-3-8 13:58

都搵唔到~是否無牌自家繁殖者丫?

咁就唔可以叫繁殖場啦~

我facebook入面有個xx寵物交易區~成日都有人賣鸚鵡~唔係繁殖場黎架~

作者: 1a2b3c 時間: 2014-3-8 17:43

都搵唔到~是否無牌自家繁殖者丫?

咁就唔可以叫繁殖場啦~

我facebook入面有個xx寵物交易區~成日都 ...
風中飛鸚發表於 2014-3-8 16:53

XX密語！去FB打育鸚XX !

作者: 養鳥新丁 時間: 2014-3-8 18:29

XX密語！去FB打育鸚XX !
1a2b3c 發表於 2014-3-8 17:43

即刻八下先…………正打算看鳥

作者: hazelnuttty 時間: 2014-3-8 21:49

都搵唔到~是否無牌自家繁殖者丫?

咁就唔可以叫繁殖場啦~

我facebook入面有個xx寵物交易區~成日都 ...
風中飛鸚發表於 8/3/2014 16:53

打埋個「育」字啦，係呢間啦!

作者: hazelnuttty 時間: 2014-3-8 21:55

我而家屋企隻肉桂都係天水圍西鐵站交收買回來的，當時係市價嘅六折。回家後健康一直沒問題，但很怕人 ...
dlwtong 發表於 8/3/2014 14:28

莫講話售後服務，售前都好難揾到佢，其實買一隻動物真係好難去地鐵站交收，本身曽建議去她繁殖鸚鵡或其他室內地方睇雀，但都被拒絕!

作者: 風中飛鸚 時間: 2014-3-9 10:33

XX密語！去FB打育鸚XX !
1a2b3c 發表於 2014-3-8 17:43

係咪風的翅膀丫?以前有人傳係我黎添丫~(有個風字都入我數)

一定係無牌賣鸚鵡啦~如果有牌~望都望多D人幫襯~點會唔聽電話丫~

作者: sau1412 時間: 2014-3-9 15:45

網上買真係幾大風險, 不過我家兩隻小霸王都係從鳥友自家繁殖的, 第一次時特地在地鐵站外面傾了半個鐘教我點餵糊仔,又準備好護送袋, 現在有咩唔明問佢都講解得好詳細, 如果唔係愛雀人士的話真係單純當雀雀係貨…咁我寧願去實體店買好過

作者: x_xada 時間: 2014-3-9 17:00

回復 12# hazelnuttty

出去雀街睇好過，D人話雀街D鸚鵡有問題，其實間間賣既鸚鵡，都唔保証一定健康，我二隻都雀街買，都唔知幾健康，想距死都難！

作者: 風中飛鸚 時間: 2014-3-10 10:06

我個電話好多時有人打黎~問有冇鸚鵡賣~

作者: 養鳥新丁 時間: 2014-3-12 15:24

回復 hazelnuttty

出去雀街睇好過，D人話雀街D鸚鵡有問題，其實間間賣既鸚鵡，都唔保証一定健康 ...
x_xada 發表於 2014-3-9 17:00

見雀買雀比較實際.........每間雀店都有人讚有人彈.............

作者: yimaggie 時間: 2014-3-13 12:19

note : 夢x or x冰 = 本帖主角

作者: louisa20047 時間: 2014-3-13 15:59

個人睇法~想玩BB不如自己黎~起碼自己肯定到BB的健康情況~又不會助長無良行為
雖然有排等~但遺憾同傷心會少好多
就算出唔到BB~都仲有大仔玩

作者: hazelnuttty 時間: 2014-3-14 01:51

note : 夢x or x冰 = 本帖主角
yimaggie 發表於 13/3/2014 12:19

名都俾你起埋!

作者: hazelnuttty 時間: 2014-3-14 01:56

回復 35# x_xada

有道理! 不過我都相信只係個別事件，總有無良商人混水摸魚！見佢近日在Facebook又狂sell新雀，真係替potential買家抹一額汗...

作者: BABYPAPA 時間: 2014-3-14 09:13

落訂就真攪笑了。一見不對路就走啦。仲比錢。

歡迎光臨 PARROT-TREE (http://forum.parrot-tree.com/)