PARROT-TREE - Powered by Discuz! Board

標題: 想養雞尾 [打印本頁]

作者: nyc20232 時間: 2014-3-30 12:34 標題: 想養雞尾

大家好，我係個新手，有d問題請教下...
我應該去邊度買？
個籠最細幾大？（我屋企好細）
我要買d咩糧比佢，倉鼠糧得唔得?
雞尾嘈唔嘈？
加埋隻bird，支出要幾多？

作者: 小草妹 時間: 2014-3-30 16:24

你好，我屋企都有一隻雞尾鸚鵡係女仔叫棉花糖

首先請問你有沒有上網查info 嗎？雀仔緊係食雀糧啦
不過都好每個人都有學野既potential 最緊要係問
雞尾鸚鵡係野外以種子為生但係人工飼養既環境下我們一般會提供合成糧
我隻雞尾係食harrison life time pellets and golden feast 最細粒隻合成糧
你可能會有問題咁食種子得唔得？
其實種子類別既食物係比較高熱量係野外既鸚鵡運動量大
係屋企既鸚鵡好少甚至完全無飛行時間所以難消耗
另外種子糧所含vitamin a 同calcium好少長期食種子會導致新生兒骨骼有問題
成鳥幼鳥長期食更加會營養不良

作者: 小草妹 時間: 2014-3-30 16:27

飼養前考慮 - 金錢
飼養太陽鸚鵡 , 除了要願意付出時間 , 在金錢方面也要有一定的重要性 ,在飼養前 , 請考慮你自己是否願意及能否在下列的地方付出金錢
1 . 身價
2. 基本用品除了要身價，要牠們住得舒適，必須購買一個好的籠子 , 好的企棍讓指甲不至於過長而比較好的用品通常比較昂貴　
3. 糧要你的鸚鵡活得健康，一隻好的食糧是必須的 . 市面上有林林總總的各類糧食，零食各大牌子如 Harrison , roudy bush golden feast... 比較有質數保證
4. 玩具就算你每天花多了時間陪伴你的鸚鵡，牠們在你不在家的時間都會感到悶 . 所以不同總類的玩具如覓食玩具，破壞型玩具是可以維持牠們身心健康 . 飼養牠們後，你將需要花費金錢去給牠們添置玩具 .
5. 獸醫無論你再飼養牠們生活方面多小心，牠們總有機會發生意外 , 生病，作為一個負責任的主人當然是要帶牠們盡快就醫，避開拖延病情 . 獸醫收費並不便宜，隨時是一隻鸚鵡身價的幾倍，所以飼養牠們之前必須考慮你能否有足夠的金錢去應付

作者: 小草妹 時間: 2014-3-30 16:34

本帖最後由小草妹於 2014-3-30 16:35 編輯

選擇籠子可參考我之前既文章：籠子的選擇
http://theconurehandbook.blogspot.hk/2012/07/blog-post_1512.html?

至於身價多少我最近見人兩三百蚊又有隻白子成千幾二千蚊又有
唔同質素唔同價錢呢
至於係邊買我自己會係雀街買而且新手唔好買幼鳥好易死
網上面總有人會放賣就介奶或既介奶既雞尾幼鸚記住一歲前唔可以沖涼
而且未介奶可以同賣方傾下可否介奶才取
雞尾仔會嘈d 女就靜好多
另外籠子最少都要比鸚鵡伸開到對翼啦

作者: 小草妹 時間: 2014-3-30 16:43

有咩唔明其實可以睇下我個blog 有無相類似既文章：
http://theconurehandbook.blogspot.hk/
最近少點寫知識性文章五月後我會再寫
你可以係網頁右手邊既欄目度揀文章類別

作者: louisa20047 時間: 2014-3-30 18:30

大家好，我係個新手，有d問題請教下...
我應該去邊度買？
個籠最細幾大？（我屋企好細）
我要買d咩糧比佢 ...
nyc20232 發表於 2014-3-30 12:34

1.應該去邊度買?
冇話應該去邊度買的~見雀買雀啦
雞尾係雀街有~但要留意健康問題
2. 個籠最細幾大
跟據大鸚鵡講法~最小可以開到翼~但其實一隻雞尾咁細隻~買大少少都唔駛好多位姐~而且放佢出黎時間又唔會好多~所以都係買間大嫁啦~起碼佢有得行下爬下啦
3. 要買d咩糧比佢，倉鼠糧得唔得?
我冇養倉鼠~唔知入面有D咩~但哺乳動物的糧中多數有加鐵~而鸚鵡一食多左鐵就會中毒~所以我唔建議~其實你去鸚鵡舖~大把糧可以俾你揀~如果冇特別要求~其實無差(別)的~係留意營養成份囉~仲有唔好俾咁多油性種子
4. 雞尾嘈唔嘈？
係動物都會嘈~我的睇法係睇你接受度
5. 加埋隻bird，支出要幾多？
身價多少~小草妹講左低至兩三百蚊~高至二千蚊~睇咩色啦
大籠三四百一個~
磨爪棍就百零蚊左右~
合成糧百零蚊左右~

作者: 風中飛鸚 時間: 2014-3-31 10:13

雞尾都好鬼嘈架~叫聲唔太大~但好煩~

作者: dlwtong 時間: 2014-3-31 10:36

我以前隻雞尾由湊返屋企到去彩虹橋，一啖都無咬過我，極乖！

作者: moon427 時間: 2014-3-31 14:10

我應該去邊度買？
香港購買鸚鵡地方, 多數是
1. 雀街: 小心健康問題
2. 店舖: 衛生環境不錯, 但價錢相對較雀街貴
3.私人轉讓: 有不少自家繁殖, 但多數會找熟人收養/轉送

個籠最細幾大？（我屋企好細）
雞尾身體已算是細, 但尾毛長, 所以籠不可太細
基本一定可以伸展翼, 拍動
參考尺寸: 15"x15"x 20"

我要買d咩糧比佢，倉鼠糧得唔得?
雀當然食雀的飼料
你都不會把貓糧給倉鼠食吧
雀糧主要分合成糧和種子糧
前者較貴, 但營養均衡
種子糧, 油份較多, 易有脂肪肝
我自己每日給的份量9:1

雞尾嘈唔嘈？
嘈不嘈, 真是見人見智
仔一定會唱歌, 一唱可能是半小時, 但關了房門就基本聽不到
女多數叫, 少唱歌, 相對靜少少

加埋隻bird，支出要幾多？
你是新手, 家中無任何設備
預計全包約$1000 (雀, 糧, 籠, 玩具....)
視乎你的選擇, 可以給些參考你
雞尾: $250-$450
籠: $150-$1000
糧: $10-$400
玩具: $0-$500

作者: nyc20232 時間: 2014-4-1 21:50

唔該曬各位。但係我仲有幾個問題
春夏季會唔會有蟲咬隻雀？
我睇過幾本關於養雀嘅書，入面話要提供一D副食品，係唔係必須ga?
雞尾易唔易訓練？
朝早(5:00~7:00)隻雀會唔會大叫，嘈醒我屋企人？
去MK金魚街鸚鵡店或洗衣街鸚鵡天空買黃化ok嗎？信譽好唔好？
P.S..有咩其他注意事項唔該提醒我

作者: moon427 時間: 2014-4-1 22:34

春夏季會唔會有蟲咬隻雀？
健康的雀是不會有蟲的，亦很少聽聞雀被蟲咬
但有機會有羽虱
雀正常每星期用清水噴濕，在太陽下晒乾，約20-30分鐘，視乎天氣而定
記得是清水，不要加化學物品
冬天就盡量不要沖，很易凍死
除非牠走去屎堆玩，雀髒極有限
牠們一得閒都會梳毛，比貓更乾淨(個人覺得)

我睇過幾本關於養雀嘅書，入面話要提供一D副食品，係唔係必須ga?
不知你所指的副食品是咩
我會掛墨魚骨在籠，牠們喜歡時自己咬
一來磨咀，二來吸收鈣
有時會給少量麥片(無添加那種)

雞尾易唔易訓練？
不知你指的訓練是咩(跳火圈?拎報紙?)
雞尾不算特別聰明的鸚鵡，你想牠表演雜技是很難的
但簡單的，上手，過來，錫錫
很易訓練
但首要你們大家要互相信任
建立好關係才是最重要的

朝早(5:00~7:00)隻雀會唔會大叫，嘈醒我屋企人？
只要不讓牠知天光，就不會叫
我家用遮光布蓋籠(前，左，右，頂)後面向牆身，不蓋布，空氣流通
即使放假，瞓到11:00，不開布都不叫
當然，你不要放在窗邊
太陽，窗外聲音都會刺激牠叫

去MK金魚街鸚鵡店或洗衣街鸚鵡天空買黃化ok嗎？信譽好唔好？
據我所知，這兩間好似都無雞尾(最近少行，可能有我不知)
但我見很多雀友推薦灣仔妹姐，你可行多幾間，睇多幾隻才決定

P.S..有咩其他注意事項唔該提醒我
老套都要提你
養寵物是一世的，鸚鵡最少都8-20年命
你會有親人，朋友，但牠就只有你
所以養之前，要好好想清楚，生養病醫死葬

作者: nyc20232 時間: 2014-4-2 20:08

本帖最後由 nyc20232 於 2014-4-2 20:10 編輯

清楚曬，唔該

作者: 風中飛鸚 時間: 2014-4-3 12:12

我以前隻雞尾由湊返屋企到去彩虹橋，一啖都無咬過我，極乖！
dlwtong 發表於 2014-3-31 10:36

點解D雀友話死親D鸚鵡實係乖?因為佢一回家已經係大病君~唔咬你因為病得好重~如果醫好就咬番夠本架啦~

作者: 風中飛鸚 時間: 2014-4-3 12:14

唔該曬各位。但係我仲有幾個問題
春夏季會唔會有蟲咬隻雀？
我睇過幾本關於養雀嘅書，入面話要提供 ...
nyc20232 發表於 2014-4-1 21:50

一般早上家人未醒~家中沒有動靜時~都可能唔叫~但個別而論~有D任何情形都叫~我會放個手榴彈入籠~等佢知道乜野係叫做嘈住人~

作者: O_O329 時間: 2014-4-5 01:12

我家雞尾又孵蛋了

歡迎光臨 PARROT-TREE (http://forum.parrot-tree.com/)