Board logo

標題: 新手報到,請指教. [打印本頁]
作者: boscoho    時間: 2015-1-3 13:17     標題: 新手報到,請指教.

新手報到,請指教.

本人之前都有養過雀仔...大部分都係又BB開始養..感情好一點
現在想養一隻鸚鵡.問過家人同女朋友都無反對,所以就想買一隻.
本人都睇了好多地方同論壇.分析過....自己喜歡的品種

1賈丁氏鸚鵡
2藍頭阿馬遜
3折衷鸚鵡

請問大家依三種什麼價錢.我去過好幾次雀仔街,都沒有BB仔買,
有次比我撞到有折衷BB仔,男仔,3個月大,未戒奶還要自已餵,但自已也可搞得掂.
佢開價7千,請問下貴唔貴,但我問佢.佢話二隻BB仔係外國依二日返,無出世紙,但就有腳環,說到明係
偷渡回港,我見兩隻BB仔唔多活潑,我見依前我養D BB仔唔識飽,一見我就係咁開口囉野食要餵,佢兩隻就唔洗
好似好怪咁,我問老闆講佢話飽左唔食,我想問下係唔係咁架D鸚鵡BB
其實我第一志願係買賈丁氏鸚鵡,我想問下貴唔貴,邊到可以買到,說話能力是三種最差嗎?
邊到可以買到.是否夏天買是最好?
藍頭阿馬遜 是不是侵略性好強?但說話能力是三種最高嗎?價錢是否三種是貴?我問過佢話3萬XX
又好似太貴了....
作者: Louis    時間: 2015-1-3 18:33

在香港，渣甸甚少會有需要餵奶嘅幼鳥，大部份係半歲以上亞成鳥，成鳥，及野生成鳥。價錢一般四五千，視乎當時數量，來源及質素。說話能力一般。
折衷有九個亞種，不同亞種售價不同，七千蚊的應該係最普通常見的亞種，本地亦有成功人工繁殖。依賴性強，說話能力高，但自殘機會亦很高，如果你喜歡去旅行的話，就不要選這品種。
藍頭亞馬遜有兩種，價錢相差兩三倍，黃翼藍頭比普通藍頭，面部，胸腹及翼上，明顯地多很多鮮黃色的羽毛，很容易辨認。說話能力高，自殘機會低。
作者: Restinpeace    時間: 2015-1-4 10:26

7千係咪雀街白髮阿伯?勸你唔好買
另外雀街有灰B4千尾不妨去睇下
作者: boscoho    時間: 2015-1-4 11:56

在香港，渣甸甚少會有需要餵奶嘅幼鳥，大部份係半歲以上亞成鳥，成鳥，及野生成鳥。價錢一般四五千， ...
Louis 發表於 2015-1-3 18:33


多謝你寶貴意見，賈丁是否第二個名是渣甸？
作者: boscoho    時間: 2015-1-4 11:58

7千係咪雀街白髮阿伯?勸你唔好買
另外雀街有灰B4千尾不妨去睇下
Restinpeace 發表於 2015-1-4 10:26


是呀帥兄，請問點解呢，其實好想買，但我見唔多精靈所以先放棄。
作者: boscoho    時間: 2015-1-4 19:49

師兄，我想問下籃頭亞馬遜貴還是黃頭亞馬遜貴？大概什麼價？兩種攻擊性強嗎？
作者: Restinpeace    時間: 2015-1-4 20:29

是呀帥兄，請問點解呢，其實好想買，但我見唔多精靈所以先放棄。
boscoho 發表於 4/1/2015 11:58



根據FB GROUP師兄提點,阿伯會亂FING BB,亂喂BB,由佢俾風吹,到今日2隻都仲係冇人買,而且價格太貴,同埋你睇到佢D雞尾既話你還會有信心買佢既雀?
佢都有灰B不過今日問過6000仲貴過能記國際同16,能記5800,其他都係4700
16有成3籠B總有一隻岩既,係唔太乾淨姐我果又食得又玩得又訓得又精靈便便又正常又上手又摸得頭
作者: Restinpeace    時間: 2015-1-4 20:29

師兄，我想問下籃頭亞馬遜貴還是黃頭亞馬遜貴？大概什麼價？兩種攻擊性強嗎？
boscoho 發表於 4/1/2015 19:49



    應該係黃頭?
作者: 風中飛鸚    時間: 2015-1-5 10:13

1雀街BB因為唔想成日餵~會採取一餐餵到盡~飽到漲爆~所以見到你隻手都唔會索食~唔同一般雀仔BB~雀仔BB一餐飽到盡會死~

2無一個檔主會虐待自己鸚鵡BB~因為死左損失慘重~

3亞馬遜好講究花紋~有時靚花紋藍頭分分鐘貴過單黃頭亞馬遜~

4你所提供3個品種~應該見雀買雀~見現貨先選擇~我成日話要一隻聽話乖巧鸚鵡~唔需要論品種~
作者: Louis    時間: 2015-1-6 13:03

回復 4# boscoho

賈丁(普通話譯音) = 渣甸(廣東話譯音) = Jardin Parrot
作者: mannawg    時間: 2015-1-6 15:38

我個人覺得不一定要BB的, 鸚鵡好長命如果你正確養的話, 你同佢有好長時間相處最重要是合眼緣和身體健康,你願意花時間同佢相處的話佢會好跟你的, 當年我家二少也是一歲零八個月大才跟我回家, 經過五年相處現在好跟我.
作者: gadgeteer    時間: 2015-1-7 14:48

我個人覺得不一定要BB的, 鸚鵡好長命如果你正確養的話, 你同佢有好長時間相處最重要是合眼緣和身體健康,你願 ...
mannawg 發表於 6-1-2015 15:38



同意，其實買鸚鵡買一歲或大些會好D，一來佢自己識食野避免要餵所帶來的風險，二來又無咁怕凍。我隻發霉雀宜家成三歲幾，依然係不折不扣嘅小朋友，又搗亂又撒嬌無時停...
作者: boscoho    時間: 2015-1-8 11:09

回復  boscoho

賈丁(普通話譯音) = 渣甸(廣東話譯音) = Jardin Parrot
Louis 發表於 2015-1-6 13:03


謝謝師兄
作者: boscoho    時間: 2015-1-8 11:11

我個人覺得不一定要BB的, 鸚鵡好長命如果你正確養的話, 你同佢有好長時間相處最重要是合眼緣和身體健康,你願 ...
mannawg 發表於 2015-1-6 15:38


謝謝你...現在努力搵緊...但還未於到岩自己的當....>.<



歡迎光臨 PARROT-TREE (http://forum.parrot-tree.com/) Powered by Discuz! 7.2