Board logo

標題: 請教灰鸚咬飛行羽？.... [打印本頁]
作者: kolaball    時間: 2015-5-25 18:17     標題: 請教灰鸚咬飛行羽？....

灰鸚四至五月大，約三星期前學會飛後的幾天，開始咬飛行羽，開始咬既頭幾日已經咬斷了左右翼各約3,4條初級飛行羽，無流血，拉開對翼底睇就淨番d爛爛的白色羽根....
之後一直都不時咬飛行羽，但咬唔斷，就扯同咬，咬到係籠底打轉⋯
佢想出來玩時就咬得最狂，但出來玩時也會咬，只係輕力點⋯見到佢爛到七彩既翼好心痛....請教各位應這是什麼問題？咬毛嗎？該如何處理？....
作者: macbrush    時間: 2015-5-25 19:37

千析唔好比反應佢，望都唔好望，唔係佢一咬就有人理，又可以出來，佢明白左就好麻煩……
作者: kolaball    時間: 2015-5-25 20:05

我地已經唔理佢，但佢見到我就咬得更厲害，用布遮籠唔理佢果招都好似唔Work, 一開番又黎料，唔通我要用塊布遮住自己先得
作者: kolaball    時間: 2015-5-27 21:13

[attach]48804[/attach]
今日甩左條尾毛,除左D壓力紋,仲好似有D 窿窿,會是有蝨嗎??
作者: Louis    時間: 2015-5-28 11:13

1. 仔細檢查雙翼, 是否開始換羽出毛針, 引起痕癢不適.
2. 因為隻雀仲細, 羽毛上的壓力紋及洞孔, 可能在飼養及運送過程造成, 只要留意換羽後唔再出現, 就冇問題.
作者: kolaball    時間: 2015-5-29 08:21

沒有新毛針⋯只有一支支佢咬爛了的毛管，佢都是咬爛，沒有連根拔的⋯
好煩惱....這個月來反反覆覆，曾經有幾日少咬過，但近日又變本加厲⋯之前已經睇過醫生，話可能有蟲可能真菌感染可能情緒問題等等等⋯但佢咁細我唔想俾咁多藥佢食又唔想要佢戴頸圈...
佢只咬對翼d毛，我真係唔明.....爬過好多網上資料都無我呢個情況，好灰
作者: 風中飛鸚    時間: 2015-5-29 10:18

1留意翼內是否有蚤~(多數唔係)都睇下啦~

2睇獸醫~因為咁細隻就出現咁問題~比較罕見~(一般灰鸚都有呢D騎呢野~多數在一兩歲後出現)
作者: kolaball    時間: 2015-5-29 11:36

望過無蝨，之前噴個滅蝨藥分別不大⋯
已經睇過兩次獸醫，食過一星期抗生素，睇過便便無蟲，醫生有開抗抑鬱藥，但我無俾佢食⋯
佢食得訓得痾得仲有點過度活躍，應否帶佢去大圍做詳細檢查？
作者: JoeLee    時間: 2015-5-29 12:02

(1）脫下來的紅毛的壓力線位置顯示近來有許多壓力。應該係生活上感到唔舒適。

(2) 受到因擾就在行為上表現出來。

（3）醫生做得正確，開了抗抑鬱䓱令佢舒緩情緒。不過您冇俾佢食。但這些藥治標唔治本。長遠來說，一定耍從佢起居飲食方面改良才可根治問題

（4）大圍只會令您駛大筆錢。驗很多嘢. 但通常都係斷錯症
作者: JoeLee    時間: 2015-5-29 12:15

醫生開的抗抑鬱藥是不是 clomipramine ？
作者: kolaball    時間: 2015-5-29 21:40

醫生開的是clomicalm , 是差不多的藥嗎?
我已不時換玩具,每日俾不同的蔬果作小食,屋企差不多24小時有人陪佢,每日都有定時放風時間....唔知點解佢咁有壓力

[attach]48809[/attach]
好想佢成日都咁乖...


可惜 ....
[attach]48806[/attach]
[attach]48807[/attach]
[attach]48808[/attach]
作者: JoeLee    時間: 2015-5-29 23:16

clomicalm 和 clomipramine 是同一樣嘢。吃了此藥應該令佢慢慢減少咬飛行羽。
佢的行為叫 barbering. 並非罕見。Barbering 和 咬毛（feather plucking）不盡相同。但兩者都同屬 FDB (Feather Destructive Behaviour)。
作者: JoeLee    時間: 2015-5-29 23:43

可否描述您的灰鸚的性格？ 是否喜歡親近人 ？佢是否時常都出現'驚青'的模樣？
作者: kolaball    時間: 2015-5-29 23:47

謝謝解答!水兜的確不時有幾執灰毛....似被佢撕出來的....
食藥是否最有效的方法...?一停藥都會再咬嗎?
作者: kolaball    時間: 2015-5-29 23:58

佢算親近人的, 陌生人都上到手,可能仲細吧!....驚青又唔會...成日好想出籠...呢排好鐘意係籠頂走來走去,好似搵野咁...又成日好似好想飛咁...有幾次係籠頂跳左落黎(因為宜家對翼爛哂飛唔起...)
作者: JoeLee    時間: 2015-5-30 00:00

食薬並不解决問題。因為一旦停藥，問題可能又再出現。請問佢是否時常有 '驚青'的模樣？
作者: kolaball    時間: 2015-5-30 00:16

[attach]48810[/attach]請問這幾個有算是驚青樣的嗎...?佢一般都是這些樣子的...
作者: JoeLee    時間: 2015-5-30 00:39

本帖最後由 JoeLee 於 2015-5-30 00:45 編輯

我家的一隻灰鸚以前都有同樣的行為 '好鐘意係籠頂走來走去,好似搵野咁...又成日好似好想飛咁..'。佢的表情同您相片中的灰鸚的表情一樣！

我覺得目前您的灰鸚係好想學習飛行。但礙於羽翼問題而受到挫折。感受到焦慮和壓力。這就驅使 FDB (Feather Destructive Behaviour) 的形成。

不妨搵幾日俾佢整天在籠外。任佢走來走去和練習拍翼。情況可能有轉機。
作者: JoeLee    時間: 2015-5-30 02:14

您提及 '佢想出來玩時就咬得最狂，但出來玩時也會咬，只係輕力點....'

請注意,當佢在籠外玩時輕力地咬，其實那應該是梳毛 （preening) . 係好正常的行為。
作者: ngwaikeung    時間: 2015-5-30 02:45

本帖最後由 ngwaikeung 於 2015-5-30 02:46 編輯

咬毛好多原因，我隻灰咬完好番又咬，最近半年先留意佢對-些物件會驚，一驚第二日籠底就好多毛。
作者: kolaball    時間: 2015-5-30 10:41

謝謝你們的解答！

Joe我有試過俾佢出來試飛，但飛唔起撻左落地，佢跌左落地個樣好似好接受唔到咁...企番好又開始咬...

我怕讓佢不停試飛，只會不停受挫折....

唔知點先可以幫到佢，唔再咬毛可生番對靚翼...
作者: JoeLee    時間: 2015-5-30 10:43

咬毛的原因雖然很多。但大多數的個案都是出於幾個原因。其中最大的原因係天生的性格。我們人類天生就有不個性格。有此人生性隨和,而另一些人就天生思想偏激。灰鸚亦一樣,有些生性隨和,凡事處之泰然。但有些就事事驚青。一隻灰鸚一生中是否咬毛就取決於這天生的性格。灰鸚係羣居動物,當一隻灰鸚獨自在人類家庭生活便需要由自己克服不同的壓力。如果隻灰鸚的性格係事事處之泰然,佢就可以自己克服許多壓力和心結.相反地,如果隻灰鸚事事驚青,自己就好難消除壓力。當某些壓力变成解決不了的心魔,最終就開始咬毛。

在某些個案中,雖然隻灰鸚的咬毛被醫好,但因天生的性格改不到,所以遲些當有某些驚嚇或壓力而自己又克服唔到,咬毛又再開始了。
作者: JoeLee    時間: 2015-5-30 11:23

本帖最後由 JoeLee 於 2015-5-30 11:34 編輯

在我家的灰鸚幼小時,我用以下的方法幫助下佢哋學習飛行。目的係幫佢哋建立自信:

(1) 將灰鸚置於離地一至兩尺的地方棲息。當佢想飛時,就會滑翔到地上。初時佢似跳落地或跌落地,但因離地不高,就算佢係跌落地都唔會有問題。到遲些當佢學懂拍翼,就不再似跳落地,而是滑翔地降落地上。到這時,可將佢置於更高位置,佢就滑翔得更遠。

(2) 主人用雙手拿實灰鸚雙腳。將灰鸚高舉。跟着將拿實灰鸚的雙手慢慢下降。灰鸚的本能反應係不断地拍翼。用此方法不斷重覆,就令佢習慣拍翼。當主人將佢由高處下降的速度加快,佢會更起勁地拍翼. 但要留意灰鸚的反應。一向凡事都驚青的灰鸚可能受不了。要慢慢習慣。
作者: kolaball    時間: 2015-5-30 12:21

感謝joe的建議!我會試試!

我睇得出我隻小寶寶好有性格，又好百厭，貪玩同唔好脾氣....但我地怕縱壞佢所以一般都沒順佢意

佢未咬翼之前飛得好叻，飛得好高又識得轉彎，佢真係好鐘意飛，但屋企不夠大所以我沒有俾佢周圍飛費時撞親，可能因為咁搞到佢唔開心自殘....我真係好內疚
作者: JoeLee    時間: 2015-5-30 12:32

不用耽心。就如一般識飛的鸚鵡被剪了翼。初時會唔開心。但遲些就冇事
作者: kolaball    時間: 2015-5-30 12:49

我會繼續努力，希望會好起來.....謝謝！
作者: JoeLee    時間: 2015-5-30 12:54

*****加油！*****
作者: JoeLee    時間: 2015-5-31 17:27

Kolaball,

您講及:" 爬過好多網上資料都無我呢個情況"
以下係我找到的網上資料:

[attach]48818[/attach]

[attach]48819[/attach]

[attach]48820[/attach]
作者: kolaball    時間: 2015-5-31 18:20

謝謝你的資料Joelee !很有用!我的小寶寶真的只咬翼同尾,現在起碼知她這樣子是因心理病而不是生理病....

我都只是上台灣及大陸討論區找資料,沒有想到去看外國網站...!我會多找找看,謝謝!
作者: ngwaikeung    時間: 2015-5-31 18:35

我隻灰全身毛咬清得番頭同絨毛，咬左足足两年有多，好番又咬，近半年揾到原因依家好番哂。
作者: kolaball    時間: 2015-5-31 19:17

Waikeung 你果隻係咩原因咬？有多大？我估隻應該比我家的大吧....我的先5個月左右，有排佢咬⋯
作者: ngwaikeung    時間: 2015-5-31 20:47

本帖最後由 ngwaikeung 於 2015-5-31 20:53 編輯

我隻好细胆，其實半年前好番，因為搬屋見到好多红白藍膠袋驚到周圍飛，第二日咬左百幾條毛，之後咬到得番绒毛，所以要留意佢驚乜，我依家隋左夜晚困籠外平時都係俾佢自由活動，最主要唔好俾佢見到大纸盒、红白藍膠袋、红色購物車，依家D毛生番维持左半個月，其實原因多數因為環境轉變、受驚、苦悶，我隻養左快3年依家4歲，養左未夠1個月開始咬毛，之前養左8年幾個隻都有咬毛，但多同佢玩已好番，所以隻隻性格唔同要留意多D。
作者: JoeLee    時間: 2015-5-31 21:46

Kolaball，
唔駛客氣。很高興我們從討論中得出的結論可以從網上的文獻得到確定。

Wai Keung,
多謝分享。
作者: kolaball    時間: 2015-5-31 22:26

養灰鸚真係唔簡單,由BB餵奶到學飛,由了解生理到心理需要,都是學問來的....就算我在養她之前已經看過不少參考書,做多少功課都幫不上忙,畢竟每隻鸚鵡的情況同性格都唔同...仲要越叻的就越難搞我都想能夠跟你們一樣,讓雀雀在家周圍飛,她一定會開心很多...可惜屋企真是太細,怕她會撞到或是去咬電線....

由佢條頸光頹頹到有毛有翼,再到宜家爛毛鳥,其實都只是短短兩個半月,已經好像經歷很多....
我會繼續努力,希望她能好好成長!
作者: JoeLee    時間: 2015-5-31 23:11

本帖最後由 JoeLee 於 2015-5-31 23:15 編輯

灰鸚好叻的。當佢識飛後，會在您厔企環顧一輪。當佢在您屋企揾到一至兩個'落腳地'，而佢又發現您唔驅趕佢，咁佢以後就祇會在這些'落腳地'之間飛來飛去。您會發現佢的飛行路線係日久不變的。佢只會在受到驚嚇或被驅趕才會在屋企內亂冲亂撞。所以您可放心因佢不會任意亂飛的。至於咬嘢，就要觀察一吓了。衹要在佢'落腳點'的附近冇乜嘢吸引佢，佢通常在'落身地'企定定好耐，閉目養神。



歡迎光臨 PARROT-TREE (http://forum.parrot-tree.com/) Powered by Discuz! 7.2