PARROT-TREE - Powered by Discuz! Board

標題: 新手想買灰鸚鵡有啲問題想請教各位師兄師姐 [打印本頁]

作者: 丫力士 時間: 2015-7-12 04:25 標題: 新手想買灰鸚鵡有啲問題想請教各位師兄師姐

我想問點選擇一隻健康既雀。同埋見啲舖頭同雀街既價錢分別咁大，係雀街買既會唔會唔安全?

作者: macbrush 時間: 2015-7-12 20:21

最好可以去雀仔鋪，單獨養果啲，可能會貴啲，但可以見多幾次先買。雀街果啲灰鸚一籠幾廿隻，又有無腳環野雀，我真係唔敢買。

作者: gadgeteer 時間: 2015-7-13 10:28

本帖最後由 gadgeteer 於 2015-7-13 10:51 編輯

小弟愚見：要安全，唔好買太年幼嘅雀。我覺得好多人有個誤解：就係雀越細越好。其實細雀，即係三、四或五個月大嗰啲，又唔識自己食嘢，又易冷親，就算買嗰陣時健康，你新手，或無咁多時間，兩個禮拜內，一樣可以死。

你問我：我話買隻一歲大，精神，自己識食野，百厭就最好。好多時，我去舖頭運吉，幾十隻雀，總有一隻好無聊，係個籠伸個頭出來嘗試解鎖，行埋去，唔驚我的話，買得（不過我通常忍手唔買，屋企唔再可以養多隻）。

成日有人覺得，買細隻啲，兩三個月大，由細養起，會痴人啲，會玩多啲雜技因爲易教啲。咁講唔係錯，但大佬，養得大，養得掂先得架！

要明白，鸚鵡其實係一種好聰明好聰明嘅動物。況且，一歲其實都好細個。只要有愛心，有恆心，一樣可以痴人。有很多很多例子，三幾歲幾（甚至更大），之前主人養嚟養去都養唔掂，棄養，轉咗手，隻雀痴新主人完全唔覺有問題。

希望幫到你啦...

呀仲有，千其唔好急。行多幾間，睇多幾隻雀。今日睇唔岩，兩星期後再睇過。千其唔好因店舖游說，或自己夾硬買。雀係一世嘅，好命有成六十歲命。你當娶老婆就岩架啦，唔可以亂咁嚟，有時都好講緣份， timing.....

作者: gwensoo 時間: 2015-7-13 11:50

尋日行過雀街買糧, 無乜灰鸚, 但有幾隻金剛, 仲有好多和尚,月輪同吸蜜, 仲有好多黑凱, 不過D黑凱好驚人, 而且全部都一歲以上, 我懷疑係野外捉返來賣的.

作者: 風中飛鸚 時間: 2015-7-13 13:32

雀街來源比較雜~

歡迎光臨 PARROT-TREE (http://forum.parrot-tree.com/)