PARROT-TREE - Powered by Discuz! Board

標題: 請問大家知唔知邊度可以買到健康的黑頭凱克？ [打印本頁]

作者: yu520 時間: 2015-8-12 02:09 標題: 請問大家知唔知邊度可以買到健康的黑頭凱克？

因為想買到健康既，但又唔識睇，希望大家比啲意見我

其實都去過雀街睇，但都比較怕人，有啲仲見人就集體狂嗌，好恐怖下

跟住轉去左陸X林到睇，佢果邊就有3隻Bb,話其中一隻兩，三個月到，已識食糧，
老闆話間唔時會餵奶，但唔多，早晚各5ml,話咁佢地痴人啲，價位7k內。
而且拎到上手玩，都算乖，仲可以反身，最多咬下飾物。

大家覺得應唔應該入手？或者有無其他地方好介紹？
麻煩哂各位！

作者: gwensoo 時間: 2015-8-12 09:23

你好! 我自己養咗2隻凱克, 阿囝今年4月中養, 阿囡今年6月中向樹友領養. 同佢地相處咗幾個月, 加上最近一路睇外國雀鳥論壇, 去了解人地點養凱克, 以及會遇到既問題, 我想講下自己既意見俾你參考.

首先, 我想話, 中文網頁對凱克既形容來來去去都係話佢地好親人好活潑, 唔會淨係跟單一主人, 就算有伴侶, 佢地都一樣咁跟主人唔會冷落主人. 無錯, 我養果2隻真係咁樣, 好聰明好可愛好鍾意同人玩. 但係, 我諗中文網頁無提到凱克一到成熟期就會極具攻擊性. 大概4歲開始, 持續幾年都會好情緒化, 會主動攻擊佢地附近既生物, 包括主人.

佢地好容易過度興奮, 一過度興奮就會失控, 我個囝有日唔知乜事, 突然好興奮周圍跳周圍咬同大聲叫, 唔係平時果種玩法, 好明顯你知道佢控制唔到自己既行為. 過咗一陣佢自己冷靜落來, 又似平時咁.

仲有, 佢地對同屋既其他雀鳥唔多友善, 我屋企仲有養2隻雞尾, 佢地會作勢咬雞尾及趕走佢地. 我阻止過好多次, 但佢地就係好固執地不斷重複. 我唯有小心, 盡量唔俾佢地有機會接近雞尾.

另外, 你亦要考慮你可以提供幾大個籠俾佢地, 每日可以俾幾多時間佢地出籠自由活動. 我諗, 你有搜集資料既話, 都知道凱克精力特別旺盛(真係極之旺盛架), 如果你唔可以成日俾佢地出籠玩, 咁你一定要買個好大既籠俾佢地住. 我屋企果個係 20寸 X 20寸 X 36寸, 我認為個籠夠大, 但係外國雀友就認為太細, 不過無辦法, 香港地方細, 我只能提供呢個尺寸既籠. 仲有, 一定要買不锈鋼籠, 因為佢地破壞力好強, 普通電渡籠好易咬爛, 同容易令隻雀中毒.

我俾個網址你睇下, 希望你細心睇完, 考慮下自己既情況係唔係適合養凱克, 費事將來發現搞佢地唔掂唔知點收科.

http://forums.avianavenue.com/in ... out-caiques.106476/

另外, 雀街既凱克我三星期前睇過, 好多係野雀, 一定會怕人, 買唔過.

陸森林既凱克, 我FB上有位雀友2個月前買咗, 佢話 OK. 我自己上星期去灣仔 BII 睇過, 有3隻新返既凱克, 其中2隻唔怕人, 不過相信價錢唔平, 你可以去望下.

作者: 風中飛鸚 時間: 2015-8-12 10:11

世界上無一間雀店D雀從未死過~所以都要睇彩數~但以比例黎講~雀街出事率係明顯高D~

作者: yu520 時間: 2015-8-12 13:45

你好! 我自己養咗2隻凱克, 阿囝今年4月中養, 阿囡今年6月中向樹友領養. 同佢地相處咗幾個月, 加 ...
gwensoo 發表於 2015-8-12 09:23

多謝你既回覆呀，真係好有心，對於我依個新手來講，真係增加左好多對凱克的了解
咁其實養女仔會唔會好點？本身我都係想養女仔多既，聽人講好似會乖黠

咁陸X林都可以考慮，但雀街就唔會諗

其實係咪應該買已經斷哂奶既，會比較易養？不過都想由細湊起既，等佢同我可以親點

作者: yu520 時間: 2015-8-12 13:52

世界上無一間雀店D雀從未死過~所以都要睇彩數~但以比例黎講~雀街出事率係明顯高D~
風中飛鸚發表於 2015-8-12 10:11

我諗都未必考慮雀街，但係都睇過D POST，但就唔知邊間真係好D。見到好多人話鸚鵡X空幾好，陸X林就話佢地服務態度麻麻，但鸚鵡健康就無點講，所以希望主席比D意見，等我可以再參考參考。

作者: gwensoo 時間: 2015-8-12 14:38

回復 4# yu520

我諗性別影響唔係太大, 主要都係要睇隻雀本身性格.

阿囝好粗魯, 咬人好大力(但唔會咬出血), 無時停周身郁, 似有過度活躍症. 但阿囝好醒目, 話頭醒尾, 又好識扮野, 我唔俾佢做既野, 只要喝一下佢, 佢就好醒目自動閃開, 唔會同我硬碰硬, 亦唔會因為我搶佢玩緊既野而兇我同咬我.

阿囡定好多, 好斯文, 可以抱抱, 咬人亦好細力, 但阿囡性格其實幾惡死. 我唔俾佢咬或做既野, 只要我手指一伸過去, 佢就會發出警告聲, 成隻雀漲起, 瞳孔收縮準備咬人, 如果我唔理佢既警告, 佢真係會咬落來, 而且佢會追你隻手去咬.

2隻野既性格各有優缺點, 而你帶佢地返屋企前, 係好難完全了解佢地既脾性, 一定要相處一段時間之後, 至會知道佢地到底性格點樣. 我好難話我隻囝同囡邊個好D, 因為, 性格真係唔同, 一啖沙糖一啖屎, 你只可以全盤接受佢地就係咁樣.

我隻囝買既時候得半歲, 識自己食糧, 但我習慣每晚餵一餐 H 糧開既糊仔, 平時都會手餵果仁瓜子水果佢食, 佢個籠只會放合成糧, 所有好食既野都一定係我親手餵, 咁一樣可以培養到感情.

邊間雀店好D我真係唔知, 有時睇眼緣, 真係遇到隻鍾意既, 又健康既雀, 咁咪買囉.

作者: Louis 時間: 2015-8-12 15:47

買靚雀易, 買乖雀難.
要馴服一隻怕人,野性,會咬人既鸚鵡, 需要很多心機, 時間, 耐性, 輕則幾星期, 重則幾年, 先至能夠令隻雀放下戒心, 信任新主人.
當一隻雀怕人, 常處於精神緊張狀態, 會令免疫力下降, 容易染病; 病倒或受傷時更與你全力對抗, 難於治療餵藥.
所以我個人覺得, 新手貴少少買隻乖又健康既雀, 自己玩得開心, 總好過平價買隻惡雀, 好似賭博一樣, 教唔掂又賣返出去, 隻雀俾人賣來賣去, 不停轉換環境, 好無辜好可憐.

歡迎光臨 PARROT-TREE (http://forum.parrot-tree.com/)