PARROT-TREE - Powered by Discuz! Board

標題: 動物領養區..... [打印本頁]

作者: meangirl99 時間: 2015-11-1 13:00 標題: 動物領養區.....

小女剛剛想進入動物領養區但卻發現需要交錢做會員才能進入令我有條疑問為何這領養的善事要需要金錢才能發帖及進入呢?

作者: LIONYIU 時間: 2015-11-1 13:28

你係想養領?? 定有動物想比人領養?

作者: meangirl99 時間: 2015-11-1 15:05

兩樣都吾係只係見到入都入吾到要錢先入到所以甘問

作者: lovepun 時間: 2015-11-1 21:57

小女剛剛想進入動物領養區但卻發現需要交錢做會員才能進入令我有條疑問為何這領養的善事要需要金錢才能 ...
meangirl99 發表於 2015-11-1 13:00

我也有這樣的疑問！

作者: louisa20047 時間: 2015-11-2 03:18

個人睇法~因為你俾錢之前要交申請表~代表你係一個真人~唔係一個隱形人
(人就只得一個~而戶口就可以無數個)
領養的確係善事~但又有幾多人以領養為名~行謀利之實?

作者: gwensoo 時間: 2015-11-2 09:47

我認為同錢無關, 年費得果50蚊真係唔算係乜錢.

我記得睇過有師兄解釋過點解領養區只有會員可以入, 都係同 lousia20047 講既一樣, 因為會員都要交申請表, 申請表上有齊你真實姓名, 住址同電話, 有乜事要搵你都有渠道, 點都好過隻雀俾人領養之後人間蒸發, 主要係驚有人領養之後賣雀圖利, 或當繁殖鳥不停催局生蛋. 其實, 都係想確保被領養既雀雀真係得到一個愛佢地既主人同家庭.

作者: gwensoo 時間: 2015-11-2 09:51

我想話, 雖然我係會員可以入領養區, 但我好似只入過一次就無入過.....

我係免費既討論區(即係呢一板)領養過一隻凱克女, 亦見過好多無入會既樹友係度發送養POST, 所以想領養雀雀係呢一板都可以領到, 無太大分別.

作者: 風中飛鸚 時間: 2015-11-2 10:41

50元一年~只是希望將鸚鵡的重要資訊及醫藥智識保留儲存~我們收的會費~一分一毫~清清楚楚~全都落在網路寄存服務費用~所有救急及日常資訊~有關鸚鵡事項~全是免費任人查閱~50元一年支持自己喜愛的動物~如果覺得唔值得~可以唔交~一樣可以睇到你需要訊息~如果領養你覺得唔應該是註冊會員的一點優惠~可以通知我~你想領養什麼動物~品種?年齡?如果有適合我會通知你~
因為免費領養都未必人人要~係一個喜歡動物的人~就會思前想後~自己是否有能力/時間/知識去照顧隻寵物~
冇時間去思想50元一年會費是否超值~
因為50元一年~完全唔超值~要領養到一隻雞尾以上先化算~但我們99%會員~入會十年~乜叉都未領養過~
就等於我們用一元買旗~都唔會問有冇著數一樣道理~

作者: ReBorn 時間: 2015-11-2 20:41

證明領養唔係一件隨隨便便嘅事
講得好聽先叫善事, 其實只係各取所需

正如買旗唔係因為需要支旗, 純粹善事
假設你想領養鸚鵡, 但我比隻龜你, 希望你幫幫手做善事
你接受嗎？

作者: scylam 時間: 2015-11-3 09:13

證明領養唔係一件隨隨便便嘅事
講得好聽先叫善事, 其實只係各取所需

正如買旗唔係因為需要支旗, ...
ReBorn 發表於 2015-11-2 20:41

有道理。十分認同。呢位ching已經睇透世事

其實領養一隻心儀動物，極其量系半善事。如果主動去搵一些殘障動物來領養，並且不計較花費去醫治，咁就真系功德無量！真善事

作者: 風中飛鸚 時間: 2015-11-3 10:24

係~每年有好多寵物到我手~要搵主人收養~包括大量鸚鵡~
搵主人係一件好難既事~(係搵一個好主人)
往往好頭痛先可以求人收留一隻鸚鵡~如果遇到雞尾LB~搵主人仲難~
我真係想有一個慈善家~只要花一筆錢起一個巨型鳥籠~搵人餵食照顧~咁就可以將D遺棄鸚鵡放入去~唔洗風吹雨打~最多每月搵人認捐合成糧去~我都願意捐~

作者: victor 時間: 2015-11-3 13:54

係~每年有好多寵物到我手~要搵主人收養~包括大量鸚鵡~
搵主人係一件好難既事~(係搵一個好主人)
往往好頭痛 ...
風中飛鸚發表於 2015-11-3 10:24 AM

我入了鸚鵡，幾年了初初是一個養鸚鵡的新手，對鸚鵡知識甚麼？都不知，還未入會很唐突就打電話給
素未謀面的飛鸚會長，初時我變了(問題兒童)問會長很多鸚鵡品種、性格、飼養等問題，一日打三四次，每次最小三十分鐘或更長，之後我聯想到會長，一日可能接了很多，類似我的(問題兒童)每事問，真是對會長工作都很大阻擾，會長一個月只是，回答各界來的電話很定，很多，很多、很多電話費一定不小

幾年前我問很多問題，會長不厭其煩很詳細地為我講解
(但當時我不是會員)完全未見過面，我真是很欣賞會長，對鸚鵡付出(無私奉獻)令我敬佩敬佩

作者: louisa20047 時間: 2015-11-3 19:18

整個鳥籠有幾難?係現實上反而係最易
一個大籠放所有鸚鵡，仲有其他問題係解決唔到的，例如：領地問題，防疫問題……里尐關乎生死嫁，仲有手養鳥失去主人，里類問題用生理方法係解決唔到的

作者: wongleung 時間: 2015-11-4 15:26

係~每年有好多寵物到我手~要搵主人收養~包括大量鸚鵡~
搵主人係一件好難既事~(係搵一個好主人)
往往好頭痛 ...
風中飛鸚發表於 2015-11-3 10:24

認同主席，不是擦鞋，因有鸟友不要兩隻鸡尾腳殘的，我不要他們死硬的，其实有時间是不難打理，但真要有耐心。

作者: 風中飛鸚 時間: 2015-11-7 12:22

真係每日都有人問~我最好笑一次~在展覽會中~看到有鸚鵡主人爭執~其中個主人~二話不說拿起電話就打俾我~
我完全唔識呢個人~佢一直儲存我電話在手機~佢打電話俾我~我答就在你背後~

以佢黎講~我就好似神仙咁~事件唔提~重點係你點解儲存一個陌生人電話號碼?一有事又會即刻打呢個電話~

仲有一次接到一個電話~對方話係我仇家俾我電話佢~話我可能幫到忙~我R晒頭~咁老實既人~

作者: st.donjuan 時間: 2015-11-9 14:22

真係每日都有人問~我最好笑一次~在展覽會中~看到有鸚鵡主人爭執~其中個主人~二話不說拿起電話就打俾我~
我 ...
風中飛鸚發表於 2015-11-7 12:22

好人,我又得嫻打比你,傾

作者: Mandy 時間: 2016-1-9 22:41

真係每日都有人問~我最好笑一次~在展覽會中~看到有鸚鵡主人爭執~其中個主人~二話不說拿起電話就打俾我~
我 ...
風中飛鸚發表於 2015-11-7 12:22

有關雀鳥既事, 第一個腦海中出現既人就係你~

作者: 風中飛鸚 時間: 2016-1-12 10:10

我已經變成比獸醫更叻啦~因為每日咁多鸚鵡經我轉介去睇獸醫~再匯報番俾我知道乜野事~攪到我已經一聽就知道睇邊間~大約乜野事~X光都唔洗照~

歡迎光臨 PARROT-TREE (http://forum.parrot-tree.com/)